رواية كيان والشيطان الجزء الثاني الفصل التاسع 9 بقلم محمد منصور
دم برئ
بسم الله توكلت علي الله. وهو رب العرش العظيم
وهنا بعتت عفاف رساله بأسم مجهول وكتبت
★كيان اختارت انها تنقذ كريم وسحر. وانا شايفا ان في المقابل انها تختار اختيار من اربعه. اما تسلم لينا روح ابوها وامها. او تسلم لينا سحر وكريم او اما حسن يندفن حي. او اما كيان تطلع وهي علي جهاز كشف الكذب وتقول هي بتحب مين اكتر. اسلام جوزها ولا حسن حبيبها الاولاني. فاكراه طبعا وفاكره يوم ماقال لك يا كياني ★
اتصدمت كيان وبصت ل اسلام وقالت
التعليق دة بعته حد يعرفني كويس
اسلام
هيكون مين يعني
بدات كيات تهز دماغها وهي هتجنن. وتقول
ماعرفش.
وانصدم اسلام وبرق في شاشة الموبيل وقال
التعليق المجهول ناس كتير. بتطلبة وشكله هيبقي الحكم النهائي. انك تختاري
بصت كيان للموبيل وما بقتش مصدقة الجنون اللي بيحصل واسلام يقول لها
نهاية الحكاية دي في ايدك انتي. هتختاري اية
بصت له كيان وسكتت الاختيار صعب والنهاية بتاعته هتبقي اصعب. فضل السكوت مسيطر هنا اسلام قرر يقطع حاله السكوت دي فقال
ساكتة لية
كيان
وعايزني بس اتكلم اقول اية
اسلام
تختاري اني طريق هنمشي في
كيان
ولية نمشي في اي طريق من دول لية اخلي العراف يخليني اختار اللي يدمر حياتي
اسلام
انا بقي شايف ان في اختيار سهل جدا انك تختاري
استغربت كيان وقالت
اختيار اية دة
اسلام
تقعدي علي جهاز كشف الكذب. وتقولي انك بطلتي تحبي حسن. وبكدة تبقي كل المشاكل اتحلت
اتصدمت كيان وقالت
ومين بس قال ان الاختيار دة سهل
هنا بقي قلب اسلام وشه وقال
يعني اية هو انتي مراتي وقلبك بيحب واحد تاني
كيان بارتباك شديد
لا. طبعا انا بحبك انت وحسن بقي بالنسبة لي اب.
اسلام
اومال خايفة لية تقولي كلام زي دة وانتي علي جهاز كشف الكذب
كيان
ماعرفش بس تجربة زي دي اخاف اقوم بيها
اسلام
والخوف دة سببه ان قلبك لسة بيحب حسن
كيان بعصبية
ما بحبوش.
اسلام بعصبية اكتر منها
مش باين. وخوفك دة ملهوش الا معني واحد ان حسن لسة في قلبك
وقام اسلام وقف مسكت كيان ايدة وقالت
رايح فين
اسلام
همشي انا ما ينفعش اكمل معاكي وانا بمتلك جسمك بس. لكن القلب ملك حد تاني
كيان
والله انا من ساعه ماعرفتك وانا نسيت حبي ل حسن نهائي. بس فكرة اني اقعد علي جهاز كشف الكذب دي فكرة مجنونه وانا خايفة منها. والعراف دة يعرفني كويس اوي. طالما حط الاختيار دة من ضمن الاختيارات. وعلشان كدة الاهم من اني انفذ اي اختيار هو رشحه ليا. اعرف مين هو العراف
اسلام
ما بقاش يفرق معايا مين العراف قد ما يفرق معايا انا اية بالنسبة لمراتي
كيان
انت كل حاجة بالنسبة لي. صدقني
اسلام
اشوف بعيني الجهاز وهو بيأكد كلامك
كيان
يعني انت شايف ان دة مش جنون علشان ننفذه
اسلام
خلاص نسلم لهم ابوكي وامك مكان سحر وابن بنتها. او حسن يندفن حي او نسلم للعراف كريم وسحر واحنا اصلا ما نعرفش هما فين
كيان
احنا مش ملزمين ننفذ اي اختيار من دول. مش العراف اللي يختار لينا اني طريق نمشي في
اسلام
خلاص اكتبي تعليق وقولي في انك مش موافقة علي اختيار من دة. واتفرجي علي فيديو للعراف وهو بيخلص علي عيلتك
كيان
تفتكر يعملها
اسلام
لازم يعملها ويرد القلم اللي خدة علي وشة بسبب خسارته لفلوس المرهنات اللي طلبت موت كريم
كيان
خلاص نبلغ البوليس
بص اسلام اوي ل كيان وقال بشك
كل دة علشان ما تقعديش علي جهاز كشف الكذب
كيان بحدة
هو في اية يا اسلام انت عايزني اقعد علي الجهاز وخلاص اية العراف نجح يوقع ما بينا
اسلام
اة نجح. ومستني اشوف الفيديو بتاعك وانتي بتعرفيني انا اية بالنسبة لك. ودلوقتي انا مسافر القاهرة
وسابها اسلام ومشي وكيان قامت وجريت وراء منه ومسكت ايدية الاثنين وهي بتقول
اسلام اهون عليك تسيبني لوحدي وسط كل الشر الموجود هنا والناس اللي عايزا تقتلنا. دة انا كيان حبيبتك
سحب اسلام ايدة من ايدها وقال
تقدري تسافري معايا للقاهرة ودة اخر حاجة ممكن اعملها علشانك
كيان
والبرئ اللي محكوم عليه بالموت
اسلام
ماعنديش كلام تاني اقوله هتسافري معايا
كيان بصوت حزين
لا. يا اسلام سافر انت
سابها اسلام ومشي وفضلت كيان تبص عليه وتعيط وتنادي عليه في سرها وكانت نفسها يسمع صوتها ويرد عليها لكن اسلام كان بيبعد وكيان بتبص له وبتعيط، ،،،،،
ومن جوة المخبأ بتاع خالد العفريت كان خالد بيتكلم في الموبيل وبيقول
انما بقي اية حكاية ان كيان تقعد علي جهاز كشف الكذب دة ماكنش اتفاقنا
ضحكت عفاف وقالت
حبيت اضرب كيان في اسلام
خالد
وهو انت لسة فاكر ان كيان ممكن تكون لسة بتحب حسن
ضحكت عفاف اكتر واكتر وقالت
الست تنسي كل حاجة الا اول حب.
خالد
طيب واحنا هنستفيد اية من اختيار زي دة.
عفاف
لما تبقي في حرب ومش قادر علي اللي بتحاربهم احسن حاجة تعملها تفرق ما بينهم. وبكدة قوتهم تضعف وتكمل انت علي اللي فاضل منهم. وكلها كام دقيقة وكيان تختار انها تقعد علي جهاز كشف الكذب
خالد
ودة هنجيبة منين
ضحكت عفاف وقالت
موجود في مكتب المأمور سميح وانا بلغته انه يجهزه علشان كيان لما تطلبه في اي وقت
خالد
مدرسة
عفاف
ولسة لما اعمل المكالمة السحرية. اللي هتخليني اضرب كل العصافير بحجر واحد وكمان اصفي حساب قديم
خالد
ناوي علي اية تاني، ،،،،،،،،،
من جوة شقة حسن ووقت ما كان حسن نايم يرن التيلفون الارضي يفتح حسن عيونه بصعوبه ويروح يرد علي التيلفون فيسمع صوت عفاف وهو متغير كالعادة وبتقول
عارف انك بتبقي نايم في الميعاد دة.
استغرب حسن وقال
مين معايا
عفاف
انا العراف.
اتصدم حسن وقال
عراف اية. احنا كنا خلاص خلصنا من الحوار دة
عفاف
خلصنا بس كيان نبشت في قبر ميت والميت قرر يرد العذاب اضعاف اضعاف. مع انه كان نسي وعاش بعيد عنكم
حسن وهو هيتجنن قال
مين اللي بيتكلم
عفاف
اعرف من اسلام انا مين وعمل اية في كيان علشان عرف باللي بينك وبينها
حسن
كيان واسلام ان،،،،،،،
قفلت عفاف السكة وفضل حسن يقول بمنتهي العصبية
الو الو. الو
وحط حسن السماعه وهو بيقول لنفسه
في اية بين اسلام وكيان بسببي ،،،..،،،،
وفي نفس الوقت من مديرية امن سوهاج يقعد ظابط يدعي شعبان علي مكتبة وقدام منه يقف رجل صعيدي يدعي حسين وهو اخوه فرج وكان حسين بيقول
عرفنا يا بية انك مانع المشرحة تسلمنا جتة فرج علشان ندفنها
شعبان
لازم يتشرح دي جريمة قتل
حسين
قتل اية بس. اخويا مات موته ربنا
شعبان بعصبية
انت هتستعبط يا حسين دة اخوك متصور صوت وصورة والفيديو علي الفيس وهو بيتخانق مع سلامه وسلامه ضربه بالنار في قلبه
حسين
كذب يا بية. اخويا مات وهو بينظف سلاحة. واللي شوفتوا في الفيديو دة لواحد شبهة
شعبان
والله. ودة طبعا علشان انتم تاخدوا تاركم بايديكم من سلامه
حسين
تار اية بس. احنا ناس في حالنا
شعبان بعصبية
بأمارة النار اللي اضرب في فرح كريم ابن سلامه
حسين
واحنا مالنا ومال النار دة.
شعبان
مافيش فايدة. بقينا في 2022. ولسة فيكم اللي بيفكر بعقلية اهل زمان
حسين
يابية الله يرضي عنك. خليهم يسلموا جتة فرج.
شعبان
مافيش جتت هتتسلم الا بعد التشريح، ،،،،،،،،،،،
ومن احدي شوارع سوهاج يقف سيف مع سحر وكريم وكان سيف بيقول
ابوس ايدك اسمعي كلامي بقي وسافري انتي وكريم
سحر باصرار
قولت مش هاسيبك. وخصوصا بعد اللي عملته علشاني ووقفتك قدام سلامه وكدبك عليه بخصوص امك
سيف
ماكنتش عارف اقول اية. بس اول ما شافتو بيحط الطبنجة علي دماغك كان لازم اتصرف واخلي يبعد عنك
سحر
واهو حصل وربنا يسامحك في كل كلمة قولتها تمس شرف امك الله يرحمها
سيف
انا ماقولتش اي كلمة كذب فعلا امي كانت ديما تقول ابوك الله يرحمه راجل زين البلد دي ما جبتش زية. وكانت تقصد ابويا سلامه اللي كان زينة رجاله البلد قبل ما يعرف طريق الغجر والكلب اللي اسمه فهد. ومن ساعتها وامي شافته راجل ميت. علشان كدة كانت ديما بتترحم عليه وهو حي. لغاية ما ماتت الله يرحمها بسبب ابويا.
سحر
الله يرحمها. انما قولي انت عرفت بالغجر وفهد ازاي
سيف
امي كانت ديما تحكي لي عنهم
وهنا يرن موبيل سيف وكان اللي بيتصل بي جده ابو امه واسمه عفان فتح سيف الاسبيكر و رد
ايوة يا جدي
لكن سلامه هو اللي رد وقال
اترحم علي جدك. لو عديت ساعه و ما جتش قدامي انت والمراة اللي معاك وابن بنتها العبيط
سيف بخضة
عمل لك اية جدي علشان تروح له وتهددني بي.
سلامه بصوت الجنون
الخاطية اللي كانت مراتي تبقي من صلبه وهي ماتت وهاخد حقي منه هو.
سيف بترجي
لا. ابوس يدك ورجلك جدي مريض وما يستحملش اي خوف او انفعال
سلامه
تبقي تيجي انت. واستحمل العذاب مكانه يا ابن الحرام
وقفل سلامه الخط وبص سيف ل سحر وكريم فقالت سحر
وكنت عايزني اسيبك لوحدك في وش المجنون دة.
سيف
وانتي تقدري تعملي اية
سحر
هو ديما يقول عليه غجرية. هوري الغجر بيعلمو اية وقت اللزوم، ،،،،،،،،،،،،،
وفي نفس الوقت كانت كيان بتحاول الاتصال ب اسلام لكنه ما كنش بيرد. فبعتت له رساله صوتية علي الواتس وقالت له فيها
★انا بحبك والله العظيم بحبك ومحتاجلك اوي وعلشان اثبت لك اني بحبك انا هقعد علي جهاز كشف الكذب. وهتحدي العراف وهثبت لي ولنفسي انك انت ممكن ما تكنش حبي الاول. بس اللي متاكدة منه انك حبي الاخير★
وبعتت الرساله وبعدها دخلت علي موقع العراف واعلنت انها جاهزة للاختيار وهتقعد علي
جهاز كشف الكذب شافت عفاف الرساله ورديت بنفسيها وطلبت منها تروح مديرية أمن سوهاج وهناك تسأل عن المأمور سميح وهو هيعمل معها اللازم. والمامور سميح واحد من متابعي موقع العراف وعنده جهاز كشف الكذب يخص الدخلية وفعلا تمت كل الاتفاقات وبدأ تصوير اعتراف كيان الخطير وجة اخطار لكل متابعي الموقع بالميعاد وفتح اسلام النت. وبدا يستني اعتراف كيان كل دة بيتم وبمنتهي السرعه لان عفاف كانت عايزا نهاية سريعة ومؤلمة ووصل المأمور سميح كل التوصيلات الخاصة بالجهاز وبدأ التصوير وقال سميح
كيان سؤال وعاوزين له اجابه. مين حسن
كيان
حسن يبقي جوز خالتي وهو اللي مربيني
بص سميح للجهاز ولقي المؤشر بيميل ناحية الاجابة صادقة. سالها سميح تاني وقال
مين اسلام
كيان
اسلام يبقي جوزي
شاور الجهاز بان الاجابة صادقة وهنا قال سميح
لو رجع بيكي الزمن مين تختاري جوزك. وحبيبك. حسن ولا اسلام
هنا سكتت كيان وبدأ التوتر يزيد وضربات قلبها تزيد فقال سميح لما طالت فترة سكوت كيان
مين يبقي حبيبك وجوزك
بلعت كيان ريقها بصعوبه وقالت
اسلام
بص سميح للمؤشر ولقي المرة دي نازل ناحية الاجابة، ،،،،،،
الجزء الاول من كيان والشيطان من هنا