رواية ضحية فرعون الفصل السادس والعشرون 26 بقلم منه محمد
ايمان طلعت للشارع وقربت من صفيحه الزباله متردده: سامحني يا ايمن ....عارفه ظروفك ع قدك ورغم كده اشتريت حاجات لينا .........مسكين ربنا لوحده هيجبر ك بالخير
سيده ما: استني لحظه يا بنتي, الاول السلامو عليكم
ايمان: وعليكم السلام
السيده: حقك عليا لو ازعجتك , عايزه بس اسالك سؤال علي السريع , انتي هترمي الحاجات دي
ايمان بهدوء: ايوه هرميهم كلهم
السيده: لو معندكيش مانع ممكن ابص بصه , يمكن فيه حاجات تنفع اخدها وابيعها, اصل انا بجرد الزباله ازايز فاضيه , علب بلاستك باخدها ابيعها, بصراحه انا جعانه مأكلتش من امبارح
ايمان حطت ايدها في جيب الجيبه وطلعت مبلغ تحطه في ايدها: اتفضلي يا خاله
السيده سحبت ايدها بسرعه: لاء متمسكيش ايدي , مش نضيفه يا بنتي
ايمان سحبت ايدها تاني بتواضع وقالت: عادي اتفضلي خدي الفلوس اشتري اكل بيهم
السيده: انا مش عايزه صدقه انا بس عايزة الحاجات الي هترميهم ممكن تنفعني
ايمان: عارفه انك مش طالبه صدقه, لكن بالصدفه معايا مبلغ زياده مش ضروري خديه اشتري لنفسك اكل , الناس لبعضها مش قصدي ادهولك صدقه
السيده: ربنا هيكرمك احلي كرم الف شكر
يامن وياسين من العربيه بهيصه: ماما احنا جينا
ايمان شاورت لهم ورجعت بصتلها:بصراحه يا خاله كل الاكل ده نضيف , وحاسه بالذنب لو رميته في الزباله , لو حابه تاخديه لسه حالته كويسه
السيده: لما كويس ليه هترميه
ايمان سكتت ومتعرفش ان الست سمعت خناقتها مع امير انها ترمي الاكل
السيده: ماشي هاتي موافقه , نسيت اسمي اسماء ناديني بخاله سما
ايمان: اتفضلي
اسماء: الف شكر يا بنتي , انا عايشه هنا جديد, لسه جايه البيت الي قصادك في الدور الارضي
ايمان: يعني طلعنا جيران
اسماء: ايوه ابقي تعالي زوريني, بس بيتي مفهوش الا سرير وكرسين
ايمان ببساطه: عادي بيتي برضو فاضي ولادي لسه صغيرين , وصعب اشتري حاجات كتير بجد مبسوطه نكون جيران , بتفكريني بأمي في القريه
الاولاد جريوا ع ايمان بسعاده: ماما
ايمان بتنبهه: يامن متجريش , يله سلموا علي خالتكم اسماء
اسماء: لاء ايدي وسخه
ايمان: ولا يهمك يله يا ولاد سلموا
امير كان واقف وحاطط ايده الاتنين في وسطه وشكله واقف ع تكه لان ولاده سلموا
ايمان بتوتر: خاله هستأذن , جوزي مستنيني
اسماء: روحي انا رايحه عند البقال, والف شكر يا بنتي ع الاكل
ايمان: مفيش لزوم للشكر , سلامو عليكم
اسماء: وعليكم السلام
ايمان: يله بينا ياولاد نمشي
اميره بقرفه: ليه ياماما طلبتي من اخواتي يمكسوا ايد الست القذره دي انا قرفت
ايمان :اميره انا علمتك تتصرفي كده متبقيش متكبره انا مش بحب السلوك ده
امير بحده: الي قالته بنتك صح , يعني هو لازم التواضع احط ايدي في ايد شحاته بتدور في الزباله, انا شوفتها امبارح كانت بتدور فيها معرفش ع ايه ,بعد كدا متخطلتيش بيها فاهمه, امر مشمئز , وانتم اطلعوا ع طول اغسلوا ايدكم يله اطلعوا
ايمان لنفسها ......استغفر الله العظيم يارب .......طبع اميره بيزيد اسوء نفس طبع ابوها بالظبط الست انسانه زينا ........واحنا منعرفش بكره مخبلنا ايه
.............قصص منه محمد كاتب...................
ايمان طالعه وراهم ع السلم وامير رافع ابنه يامن ع كتفه ووقف ع البسطه
امير: انتي ليه محسساني ان حياتك صعبه جدا , لدرجه واقفه مع واحده بتلم حاجات من صناديق الزباله
ايمان: وفين العيب لو بتلم حاجات من الزباله تبيعها, ع الاقل هتجيب رزقها, وبعدين هي مش بتتسول هي بتشتغل، مفيش لزوم تحقر من الناس
امير: امتي احتقرتها , وبعدين ليه بتفتحي موضوع الشغل دلوقت عينك وجعاكي ولا قلبك وانتي شيفاني قاعد في البيت , ولا خايفه لو مشتغلتش هينتهي بينا الحال نقعد في الشارع
ايمان: هو ممكن تمسك اعصابك شويه , اللاولاد هنا
امير: يبقي صعب افتح بؤي بكلمه , لو اتكلمت غلطان , ولو فضلت ساكت برضو غلطان الاحسن اسكت اعملي الي تعمليه انتي ذكيه جدا , اطلع يا ابني اطلع
ايمان حست انها حرفيا مش قادره من كتر الضغط النفسي ومره واحده داخت قعدت في الارض ويامن وقف يبصلها
امير بشخط: ما تدخل مستني ايه
يامن جري عليها: ماما مالك
امير قرب منها بعتاب: بتعملي ايه يا ايمان مش مكسوفه الناس تشوفك
ايمان بتفرك دماغها : غضب عني حسيت بدوخه , وكأن هيغما عليا
امير: يعني في اوقات زي كده ,حاسه بالدوخه يامن ادخل
يامن: لاء هفضل مع ماما هي تعبانه
امير: ادخل واسمع الكلام متبقاش عنيد زي امك , يله ادخل_ضربه ع دماغه_ ايمان قومي يله ليه بتعضي بؤك عايزه ترجعي من شويه كنتي زي الحصان مع الست العجوزه ومش حاسه ولا بدوخه ولا ترجيع, ليه حصل ده ولا عشان جوزك بيمر بظروف صعبه كل حاجه ريحتها وحشه , قومي متدلعيش مستنيه ايه ارفعك ع كتفي
ايمان: انا مطلبتش منك تشيلني, روح ادخل الاول , واول ما احس اني كويسه هدخل انا دلوقت دايخه جامد
امير: اه عايزه الكل يشوفك هنا ويعرفوا ان جوزك فقير , سايب مراته ع السلم , هتبسطي لما يلوموني الناس يله قومي
ايمان من كلامه المستفز ضغطت ع نفسها وقامت مره واحده وكانت هتقع وهو لحقها وسندها
امير حط واحده من ايده تحت ركبتها وايد وري دهرها ورفعها بسرعة وقال بغيظ: بجد بتخرجيني عن شعوري
امير حط ايمان ع السرير وغطاها
يامن طلع قعد جنبها: ماما مالها يا بابا هي عيانة
اميربهدوء: لا عندها دوخه ممكن تطلعوا بره , متعملوش حواليها دوشه اخرجوا
اميره: مالها ماما يا بابا
امير: اميره مامتك دايخه شويه ,ممكن تاخدي اخواتك واهتمي بيهم , ومتخلهمش يعملوا دوشه
اميره: حاضر
امير قفل الباب وراح وقف عند الشباك وقال بصوت عالي: يارب ايه الي حصل لقدري
ايمان: انا اسفه يا امير تقلت عليك , اطلع كول انا طبخت واكل معاك الاولاد
امير: لسه دايخه كنتي حامل قبل كده ومكنتيش تعبانه بالشكل ده , كنتي تمام وقتها
ايمان: معرفش هو مش بيطول هنشوف بعد شهر ولا اتنين يخلص بس الوحم , هبقي كويسه
امير لف وشه للشباك ووقف كأنه مش عايز يشوفها !!
ايمان : حبيبي ليه حاسه انك مضايق مني دلوقت
امير : هضايق منك عشان ايه يا ايمان , بجد بتتكلمي كلام فاضي
ايمان: امال ليه كل حاجه بعملها في نظرك غلط, ايه الغلط الي عملته وانا اصلحه انا مش بحب اشوفك مضايق كده عايزه دايما اشوفك مبسوط زي ما كنت الاول
امير بتهكم شديد: مبسوط! وانتي مبسوطه بحياتنا دلوقت, مبسوطه وانتي عايشه في حاره وبيئه زي ده , مبسوطه وانتي سايقه العربيه الصغيره دي, مبسوطه بأن فلوسنا بتقل وقربت تخلص حتي الشغل مش عارف اشتغل ولا حتي المجنون ممكن يبقي مبسوط
ايمان: مش مسأله انك مش لاقي شغل انت الي بترفض
امير: يعني عايزني اشتغل عند واحد يدفعلي 10 الف في الشهر شايفه ده يكفي الايجار ولا ميه ونور وغاز, زائد الاكل والشرب ومصاريف المدرسه والدروس وغيره , محتاج اوفر فلوس اسدد دين عادل الغبي مفكره ده مرتب كفايه
ايمان : طبعا مش هيبقي كفايه بس لو كنت مصر تسدد ديون والدك ليه متأجلش دينه دلوقت اول ما تستقر حياتنا ابقي سدد
امير: انتي بتقولي ده ما تستعملي شويه عقلك ,متجننيش احنا عايشين في ضنك , وبعنا كل الي حيلتنا عشان بس نسدد دينه , وانتي جايه تقوليلي نأجل, انتي ع طول انانيه اسلوبك نفس اسلوب اخوكي , اسمعي ده تحذيري الاخير, متدخليش في الي يخصني انا واهلي , ولا تحاولي تقللي من شأني , انا فكرت كويس حياتنا دلوقت فوضي ومش مستقره , احنا حتي مش عارفين ازاي هنوفر الاستقرار لولادنا الثلاثه وانتي رايحه تضيفي واحد تاني , من رأي تجهضي الطفل
ايمان بلهجه حاده : انت اتجننت في عقلك
امير اعصابه تلفت ونطق بنفعال: يمين بالله هفقد عقلي اكتر , لو قررتي تولدي العيل ده
ايمان: لا مهما حصل مش هنزله ابدا
امير بصراخ : انتي ليه دماغك ناشفه
ايمان: لانه حرام اقتل روح , انت ولا بتفرق بين الحلال والحرام , خلاص هنموت من الجوع لو الطفل ده اتولد انت ناسي ده حته مننا عملك ايه عشان تفكر تقتله
امير: هو انتي مش قولتي قبل كده مستعده تضحي وتوفري الفلوس , دي بقي طريقتك
ايمان: متخليش الفلوس تدمر حياتنا احمد ربنا الي عندنا , متخليش الطفل ضحيه , هو من حقه يشوف الدنيا زي اخواته , وانا متأكده هيجيب الخير معاه
امير :منين الخير ده هيجيب الكارثه
ايمان : حرام عليك
امير : انتي الي متعانديش وهوديني , وبأمرك تنزليه لاني مش هتحمل وجوده في حياتي , ونزليه بقولك
ايمان: لاء لاء لو عايز تموته موتني انا الاول
امير لحظة فقد فيها عقله وهجم ع فكها واتك في منتهي القسوه : انا ممكن اخد روحك في اي وقت يا ايمان
ايمان: ابعد عني
امير زقها ع السرير وطلع فوقها: بتستمتعي بالتحدي صح , وفعلا مش عايزه تنزلي الزفت ده
ايمان: بقولك سيبني
امير: لو فعلا عايزه خليه لما اشوفك ناويه تروحي لفين
الاطفال التلاته هبدوا جامد ع الباب لما سمعوا ايمان بتستغيث
ايمان بتضربه ع ايده : ابعد هتموتني
امير زقها وقام فتح الباب وطلع يجري ع بره بعصبيه وايمان اتعدلت بسرعه وجففت دموعها عشان نفسيه الاولاد
اميره مسكت ايدها بلهفه: ماما ماله خدك, وليه عينك حمره
يامن: انتي عيطي
ايمان بأبتسامه: لا خالص اسفه اتأخرت ائكلكم
ياسين: ليه بابا كان بيزعقلك
ايمان: بابا لايمكن يزعقلي , هو بس كان بيتكلم مع حد في الشغل وهو متوتر
اميره: انتي بتكدبي يا ماما سمعته بيزعقلك , وحتي يامن وياسين سمعوا زي
يامن: ايوه يا ماما
ياسين: صح يا ماما , ولو مش زعلانه من بابا ليه مشي وساب البيت
ايمان: راح يدور ع شغل , يله انا عملتلكم ولارق عنب روحوا بسرعه غيروا وانا هسخن وناكل سوي اكيد جعانين صح يا يامن
يامن هز دماغه: ايوه
ايمان: طيب يله مستنين ايه بسرعه غيروا عشان ناكل
ايمان رصت الاكل وقعدوا كلهم ياكلوا الا هي بتمثل انها بتاكل لان مشاعرها ممزقة ما بين حزن و الم و قهر
اميره بصتلها: ماما ليه بابا بيتعصب بسرعه اليومين دول, انا مش بحبه لما يكون كده ممكن اكلمه يرجع هادي ولطيف زي زمان ونفسي ازور جدتي وحشتني اوي مش وعدتيني تاخديني اشوفها
ايمان: ابوكي مشغول اليومين دول في الشغل , اول ما يرجع هتكلم معاه انكم تشوفه جدو وتيته
اميره: ولو معرفتش اشوفها اتصل بيها ,نفسي اتكلم معاها يله يا ماما
ايمان افتكرت تحذيره فقالت :افتكرت مش معايا رصيد, بس مفيش مشكله اول ما ابوكي يرجع هطلب منه يشحن رصيد ونتصل بيها خلاص
اميره كشرت بستياء وسابت الاكل وقامت من المكان زعلانه
............قصص منه محمد كاتب.................
حجاج دخل:هاو ار يو
امير: اهلا
حجاج قعد قدامه: فات تلات ايام وانت سايب بيتك , حتي لو متخانق مع مراتك متوصلش للدرجه انك متتصلش بيها , مش قلقان ع اولادك
امير :عايز اعلمها درس اتحدت الي قلته ولازم اعقابها
حجاج : من ساعه ما اتنصب عليك وانا شايفك بتزيد ضياع, لسه مبلقتش شغلانه
امير: ايه فايدتها لو المرتب قليل , ليه اتعب نفسي واشتغل
حجاج: يعني في وضعك ده هتتأمر , عارف انت ضايع ليه عشان مش معاك فلوس , ياعم امير اقبل اي شغلانه في الوقت ده , طالما فيه مرتب
امير حاضر هشتغل بعدين , انا حقيقي متوتر ومتلخبط
حجاج : لو الامور صعبه عليك اوي , روح اعتذر لولادك , وارجع شركتك يا امير
امير: ممكن تبطل رغي ,انا سيبت البيت لاني مش قادر اتحمل نق مراتي , ودلوقت جيت انت وهتحمل رغيك , ولا انت بتلمح انك مش مرحب بيا في بيتك
حجاج : مش ده طبعا الي اقصده انت مزعج _ قام من مكانه وبرطم وقال_ بعد ما قعد تلات ايام لسه عايز يقعد تاني
امير: انا سامعك
حجاج: خليك هنا زي ما تحب , بس تمشي لما مراتي ترجع من السفر اوكيه
....................قصص منه محمد كاتب...........
علي الموبيل
حنين: هالو عامله ايه يا ايمي ،وولادك بخير
ايمان مبتسمه: وعليكم السلام , انا تمام الحمد لله , وعنك انتي واكرم
حنين: احنا بخير وعال العال يا ايمان
ايمان عقدت حواجبها: مال صوتك متغير خالص عندك مشاكل
حنين: حماتك حكت لي كل حاجه
ايمان: امم يعني عرفتي , بس امير مش بيحب حد يدخل في حياته
حنين بغضب: انا مش عايزه ادخل في حياه امير وابوه , وميهمنيش لو يتخانق ولا يبكي لحد ما يموت, ايه دخلني انا , بس أمير بقي وقح , بشكل مش معقول متفاجأتش لما طنط حكت لي ع تصرفاته
ايمان: حنين ارجوكي متغلطيش في جوزي بالاسلوب ده
حنين: طز فيكي, انتي لسه بتتصرفي بنفس الطريقه يابنتي اقبلي سلوك جوزك مش معقول, ده لو طلب منك تنطي في البحر هتنطي حتي لو عايزه تسمعي كلام جوزك اعمليه بس بعقلانيه
ايمان : حنين خلصت فلوسه لان ممدوح احتال عليه وواجبي اقف جنبه انا فاهمه مش سهل عليه يقبل تغير حياته بعد ما عاش حياته في رفاهيه يواجهه صعوبات فجاه بجد صعبان عليا زي ما يكون ضايع
حنين :ما يضيع ولا يتحرق, بقولك ايه قوليله ميلبسش توب الرجوله لو مش مستعد يواجهه المشاكل , لما اتجرا يتحملها محدش طلب منه يسدد الديون دي كلها , هو بس عايز يظهر كبريائه ع حسابكم
ايمان: هو مش اناني يا حنين , هو بس لسه متأقلمش
حنين: حتي لو حب يستعرض قوته مش يورط معاه بنات الناس ,هو نسي معاملته معاكي ومع ولاده تعرفي حماتك بتتكلم وهي مموته نفسها من العياط , وقد ايه وحشتوها كلكم , خصا اميره ومتقوليش ان العيال مش مشتاقين لجدهم وجدتهم وخاصه اميره
ايمان برتباك: انا امير
حنين قطعتها :عزلتي فين, هو كمان مش سمحلك تبلغيني , ومن منطق الحب انتي مستعده تهربي معاه , فين جوزك
ايمان بكذب مكشوف: بيشتغل
حنين :من امتي بدأتي تكدبي يا شيخه ايمان عشان خاطره انتي فعلا بتحبيه بجنون صح
ايمان :لا انا بقولك الحقيقه هو بيشتغل يا حنين هو عارف مسؤلياته
حنين :تقصدي طفشان منك في بيت حجاج ايمان انا تكلمت من شويه مع حماتك واكرم لما عرف اتصل بامير بس مقدرش يوصله قافل موبيله عشان كدا اتصل بحجاج بصراحه متجوزه راجل هايل مفكرش ابدا لا في ولاده ولا مراته وغاب عن البيت حوالي اسبوع
ايمان نزلت دموعها :كان متعصب ومتوتر
حنين صرخت بنفعال: يغور هو وتوتره الشئ الوحيد الي في دماغه يتصرف كانه عايز يتنصل من المسؤليه, امال ليه هرب لبيت صاحبه , الكلام سهل بس لما يواجهه مشكله اول واحد يهرب راجل ضعيف ,مهزوز , وجبان
ايمان ببكاء: كفايه وقفي ياحنين اهانه فيه
حنين بعطف: ايمان انا بقولك ده لاني مهتمه بيكي وبالاولاد, عايزه اشوفك سعيده فكري في ولادك متمشيش وري امير بشكل اعمي , حتي لما يكون غلطان , دي مش طاعه , ده اسمه هبل لما يسيئ معاملتك انتي واولاده فاهمه يا ايمان
.............قصص منه محمد كاتب...................
.
في فيلا عائله امير
صابرين ردت بهدوء: ايوه صح امير عايز يستقل بحياته , واحنا عطناه الفرصه
شاهيناز: ومين هيشاركه مشروعه التجاري الجديد ,وهيفتح الشركه دي فين
صابرين: معرفش ليه ازعج نفسي بالسؤال واجيب لنفسي صداع , وبعدين ليه انتي وجيجي متحمسين تعرفوا
جيجي بضحكه صاخبه: متفهمنيش غلط يا طنط ,مش يمكن ادخل معاه شريكه في المشروع امير لسه شاب واكيد عنده افكار روعه
صابرين: يبقي تسأليه هو مباشر لو محتاج مساعده
شاهيناز: انا عارفه طبع عادل ميقدرش يتحمل حد يعارضه , وطالما اخد قرار يعتقد انه صح ومظبوط , واكيد امير مر بالموقف ده معاه قبل كده
صابرين: بصرف النظر اي قرار اخده احنا كستات ملناش ندخل , جوزي عارف الاصلح وهياخد احسن قرار لينا كلنا
شاهيناز بسخريه: عادل مش مثالي اطلاقا , من لما كان شاب كان يونس دايما يتنازله عشان كدا فكر ان كل قرار بياخده هو الصح
صابرين بضيق: هو انا ليه حاسه انك عايزه تطلعي صوره جوزي سلبيه , ده اخو جوزك الكبير وشقيقه مش بالتبني
جيجي قعدت جنبها ومسكت كف ايدها وقالت : ليه اخدتي الموضوع جد كده يا طنط , طنط شاهي بتقول رايها انها يعني فاهمه عمو عادل بشكل افضل , ملهاش اجنده خفيه عنه , بجد هي قلقانه ع وضع امير, ده كل الامر ايه رايك نروح نعمل شوبنج اكيد زهقتي من قاعده البيت , خصا مفيش احفاد تهتمي بيهم
صابرين: اه بس الاحسن افضل في البيت اقرأ قرأن بدل ما اروح الف هنا وهناك, هقوم اصلي المغرب
جيجي: طنط هدي شويه , المهم اكتر فهمنا ان عمو عادل وامير في مشاكل فعلا, وهنضرب ع الوتر ده
........قصص منه محمد كاتب...................
في الكفايه اتصلت بيه يروح يقابلها في موضوع ضروري لبس ورحلها
شاهيناز طلعت ظرف وحطته قدامه: امسك
امير بصلها: ايه ده يا مراه عمي
شاهيناز : افتحه
امير فتح الظرف ولقاه شيك: 30 مليون ليا
شاهيناز بأبتسامه: ايوة
امير: ليه انتي مش مديونه ليا بحاجه
شاهيناز: يا حبيبي ده راس مال ليك تبدأ مشروعك الجديد, 30 مليون مش كفايه بس راي ابدأ بيه كراس مال يساعدك تأسس شركه جديده كبدايه
امير: انا مش فاهم, ليه فجأه بقيتي كريمه اوي ,وعايزه تساعديني الا اذا كنتي عارفه ان انا وبابا في مشاكل
شاهيناز: سيبك بقي من الماضي عايزك تبدأ حياه جديده , انت متوتر ومش مبسوط صح
امير: عادي كل الناس عندهم مشاكل
شاهيناز: بس مش انت يا امير بيه , الي اعرفه لايمكن يركب عربيه صغيره وقديمه , ولا يعيش متبهدل كده وهو عايش في شقه متهالكه في حاره شعبيه , امير ليه يحصل فيك كده وضعك مزري جدا
امير: هو عمي يونس عارف بخصوص الفلوس دي
شاهيناز: مش لازم يعرف دي فلوسي
امير: مراه عمي انا فعلا عايز ابدأ من جديد , وعايز اثبت لبابا اني اقدر اعتمد ع نفسي وانجح من غير مساعده حد, لكن لو قبلت الفلوس منك كدا كئني لسه بعتمد ع عايلتي , وده الي فعلا مش عايزه , انا زهقت من الاهانه والنظره ليا بحتقار , عشان كدا اسف مش هاخد الفلوس دي
شاهيناز: هنا انت غلطان سايب عواطفك تسيطر عليك , يابني حاول تفكر ده راس مال ليك ابدء مشروعك ومش مهم مين صاحب المال, المهم هو انك تكمل في طريقك وتحقق احلامك مش تعيش من غير هدف ومتوصلش لـ اي مكان , امير تعرف لو روحت تاخد قرض من البنك محتاج لضمان عندك لا مش كده , ولو استلفت بالربا ده اخطر بكتير , لكن معايا مش هتدفع الفايده لما تنجح رجعلي المبلغ الاصلي
امير :بس ده كتير يامراه عمي
شاهيناز : طيب محتاج كام راس مال عشان تبدا مشروعك , خمسه مليون يعمله اه , ولا هتبيع ترمس ع الناصيه
امير سكت شويه وقال : طيب سبيني افكر وبعدها هقولك
شاهيناز: اوكيه
امير تلفونه رن برقم ايمان راح كنسل عليها الخط
شاهيناز: ليه مش عايز ترد عليها
امير :مش دلوقت مش مهم
شاهيناز :حاسه بتردد غريب منك امير انت متخانق مع مراتك
امير : الامور معقده بينا , صعب عليها تحس بيا وتفهم مشاعري ,انا الي لازم انفذ رغباتها
شاهيناز :ده امر طبيعي ما هي فلاحه رغم دخلت جامعه ولاد الاكابر, بس لسه تفكيرها محدود لو قارنت افاكرك بافكارها فرق زي الليل والنهار, انت تفكيرك بيتقدم , لكن هي لسه متخلفه بعد ما كمان قعدت في البيت طول الوقت , هتفضل انسانه سطحيه اما جيجي رغم شابه صغيره الا ان تفكيرها واسع الافق سهل تتفاهم معاها , مش دي انسب زوجه مش هتعمل مشاكل
امير سكت وهي تابعت: طالما سكت يبقي كلامي منطقي
شاهيناز :مش هترد عليها
امير : لاء مش هرد
شاهيناز :واضح انها مزعلاك جامد وعنيده , عارفه انك رافض ترد عليها ورغم كده عماله تتصل اكيد مشغول فعلا غبيه مش بتفهم , اظن بتعصبك بتصرفاتها , وانت يا مسكين تفصل صابر ع اسلوبها المتجبر
امير : تمام يامراه عمي, لو مفيش حاجه تانيه هستأذن انا , رايح اقابل صحابي
شاهيناز: تمام وانا عندي اجتماع كمان ساعه, يله خد الشيك
امير: لا معلش خليه حاليا
شاهيناز: خليه معاك, لحد ما تاخد قرار خد بقي
امير اخده منها: شكرا
شاهيناز: ولا يهمك يله بينا
................قصص منه محمد كاتب..................
صابرين ع الموبيل: معقول ليه عمل كده .......شكرا يا حنين انك بلغتيني ......مع السلامه
عادل قعد بهدوء: بتتكلموا عن ايه
صابرين : امير عمل مشكله تانيه , حنين بتقولي ساب مراته وولاده لوحدهم اسبوع , مش هيتغير عن طبعه ابدا , بيفكر في نفسه, ليه مهتمش بمراته ولا ولاده لما ايمان سابته كان هيتجنن عشانها, واول ما رجعت له اسلوبه اتعدل لفتره قصيره وبعدها رجع لعادته القديمه
عادل :صعب يقتنع الانسان انه غلطان , شايف نفسه صح طول الوقت
صابرين :تفتكر اخدهم وراح بيهم ع فين , حتي مدراسهم غيرها , مشتاقه اوي لاحفادي ياعادل هتجنن واشوفهم , ونفسي اطمن ع اميره اكيد مقهوره وهي بعيده عني , اكيد وحشتها
عادل بقهره: سبيه يختار مصيره بنفسه , كان قراره هو مش شايفنا مهمين بالنسبه له ,ده حتي ولا بيحترمنا , سبيه اشوف كبريائه هيوصله لحد فين
صابرين : وبعد الي سمعته لسه عايز تسيب ايمان والاولاد يكونوا ضحاياه, تايهه عن اسلوب ابنك لما يكون متوتر يرجع لعادته القديمه وتظهر همجيته, وجايز يضرب ايمان والاولاد
عادل : ايوه عايزني اعمل ايه في الحاله دي , اروح اركع تحت رجليه واطلب منه السماح, لاء مستحيل اهين نفسي للدرجه , بعدها مش هقدر ابقي ابوه
صابرين :سامحني ياعادل مشيت وري قلبي , واتجاهلت مشاعرك , يمكن غلطنا ومربناش ابننا بشكل كويس
عادل : احنا عملنا كل جهدنا وربناه احسن تربيه , هو الي اتمرد وكبر علينا , سبيه مش كبير ويعرف يميز بين الصح والغلط , تصرفاته الحاليه ملناش علاقه بيها , ده الطريق الي هو اختاره , ندعي بنا يوفقه ويسعده, ها فعلا مش هتسافري معايا
صابرين: لاء
عادل : هترجعي تزهقي من قاعده البيت , سافري معايا غيري جو وريحي اعصابك
صابرين : سيبني افضل في البيت , رغم اني مش هشوفهم بس ع الاقل احس اني قريبه منهم
عادل: تمام زي ما تحبي هقوم اصلي العصر وبعدها نقعد نتغداه
...............قصص منه محمد كاتب.....................
كانت ترتجف كما لو كان الجو بارد .. و شهقاتها الساخنة تهز اركان المكان .. ايمان قعدت جنبها وهي بتحضنها بين ايديها و حاطه الموبيل ع ودنها وعماله تتصل:......يعني مش قلقان ع ولادك
اميره بتعب: ماما
ايمان : نعم يا قلبي
اميره: تعبانه
ايمان جثت جبينها :ياخبر انتي مولعه يمكن يمكن العلاج مش جايب نتيجه فعاله
اميره: اتصلتي بابا
ايمان مسكت الموبيل وكتبت له رساله: يعني مش قلقان ع ولادك ارجوك ارجع البيت بسرعه اميره عندها حمي عايزه اخدها المستشفي والصيدلي قالي لو منزلتش اطلع بيها ع المستشفي خايفه تكون عدوي
ايمان فضلت باصه للموبيل مفيش اي استجابه منه ولا رد والبنت حالتها بتسوء
ايمان: لا لا اخدها بس هوصل ازاي الي معايا خمسين جنيه مين هيساعدني في الوقت المتأخر ده , ايمن هو ايمن مفيش غيره
ايمن رد وهو رايح في النوم: الو ايوه يا ايمان
ايمان برتباك: ايمن انا صحيتك
ايمن: لا كنت لسه هنام , بس ليه صوتك قلقان فيه حاجه
ايمان: ممكن تيجي تساعدني ارجوك تعال بسرعه اميره درجه الحراره عندها عاليه جدا ولازم اطلع بيها ع المستشفي
ايمن: مسكينه, بس انا مش جنبك دلوقت, انا في شغل بره , فين امير
ايمان: سافر في شغل , خلاص هلاقي حل تاني , مش مهم سلام
اميره: ماما
ايمان: نعم
اميره: مش قادره يا ماما تعبانه
ايمان: اصبري شويه ماشي هاخدك حالا ع المستشفي , اعمل ايه يارب اتصل بمين يساعدني
اميره: جدتي
ايمان مترددتش لحظه واتصلت ببكاء: ماما ارجوكي ساعديني .......بنتي اميره تعبانه اوي
ايمان لبست اميره جاكت صوف وطلعت بيها ع ناصيه الشارع وهي حضنها
اميره بتترعش: ماما بردانه
ايمان: خليكي جامده ,جدتك هتكون هنا بعد شويه ,وهاخك ع المستشفي ,اصبري حياتي
اميره: ماما تعبانه
ايمان باست دماغها: عارفه نفسك تشوفي جدتك صح
اميره: وعايزه بابا يكون جنبي
ايمان ضمتها: اسفه ياقلبي معرفش انك مشتاقه لـ ابوكي لدرجه تمرضي ,اسفه اجمدي واصبري شويه , انا بحبك
اميره: ماما سقعانه اوي
ايمان ضمتها بقوه لصدرها: ادخلي في حضني جامد هتدفي
شافوا نور عربيه جايه الشارع من بعيد لحد ما دخلت الشارع
ايمان: يله جدتك وصلت
صابرين نزلت تضمهم بلهفه: ايمان
ايمان ضمتها بدموع: ماما
صابرين ضمتهم الاتنين: حبايبي
ايمان: ماما بسرعه اميره مولعه
صابرين لسواق: اطلع يا شفيق بسرعه , تعالي يا بنتي ادخلي
اميره: جدتي انا تعبانه
صابرين اخدتها في حضنها: خلاص احنا حالا رايحين ع المستشفي , وحشتيني يا ايمان يا مسكينه مع ابني , احتسبي يا بنتي
ايمان: الحمد لله محتسبه
صابرن للسواق: شفيق اجري اسرع
...........قصص منه محمد كاتب...............
امير بضجر: ليه صعب عليكي تفهمي .... اتصلتي بيا مش هرد مش بتعاندي وتتحديني ....اشربي ولفي ع جوزك .....تستهلي ده
حجاج: هو انت نسيت لما خسرت ابمان مره
امير : كفايه متبدأش
حجاج: عشان لازم افوقك لو كملت ع اسلوبك صدقني هتخسرها مره تانيه , عارف كده لما بتكون في حاله غضب مش بتتحمل تشوفها ولما ترجع لعقلك حتي دموعك مش هتشفعلك
امير خاف من فكره انه ممكن فعلا يخسرها وبسرعه مسك موبيله
جحاج :مفيش داعي تتصل بيها الساعه دي , ارجع البيت حالا اسهل وابسط
امير بكبرياء :مش عايز اتصل بيها , عايز افتح تلفوني
حجاج : انت وكبريائك
امير فتح الموبيل وجاله اشعارات كتير قاله :شفت للسبب ده متردد افتحه , عماله تتصل وتبعت في رسايل من غير ما تفصل
حجاج: اقراها فالح بس تشتكي
امير بدء يقرائها " امير, بنتنا اميره عندها حمي عاليه جدا , عايزه اخدها ع المستشفي ارجوك ارجع البيت بسرعه اميره تعبانه"
حجاج : في ايه
امير بيجري بهدوم البيت والشبشب ناحيه الباب: بنتي يا حجاج في المستشفي
حجاج: تعال غير الاول
امير خطف مفتاح العربيه بعجاله: مش وقته
................قصص منه محمد كاتب............
دقايق ودخلوا للمشفي واخدوا اميره منهم والرعايه الطبيه كانت فائقه ع اعلي مستوي وصابرين وايمان قعدوا في الممر
ايمان بأحراج: شكرا انك جيتي تساعدتيني انا وبنتي , رغم متصلتيش بيكي من فتره طويله
صابرين: مفيش مشكله انتي سمعتي كلام جوزك , وانا متفهمه هو رد ع اتصالك
ايمان بقهر: لاء
صابرين بغيظ: واضح الواد اتجنن خلاص
ايمان: كتبت له رساله
صابرين: هحاول اتصل بيه وبأذن الله اميره تقوملنا بالسلامه
ايمان: ياري ما توجعني ع بنتي, انا مرعوبه ليجرلها حاجه يا ماما
صابرين: بأذنه واثقه هتكون بخير, انا كنت قلقانه بخصوص اميره , ونسيت خالص اسألك فين التؤام
ايمان: طلبت من جارتي تاخد بالها منهم , نسيت اسألك بابا عادل فين
صتبرين: سافر دبي طلب مني اسافر معاه زي ما يكون قلبي حاسس , رفضت اسيب البيت مسكينه اميره
ايمان تلفونها رن برقم امير رفضت ترد عليه تماما
صابرين: امير الي بيتصل
ايمان هزت لها دماغها وسابته يتصل
صابرين بتفهم : عارفه انك مضايقه منه, لو كنت مكانك كنت عملت نفس الشئ , لو المشكله دي معاه ميهمنيش, لكن مع الاولاد مش هتساهل معاه
ايمان: بعت له رساله وقولت له احنا في المستفي عشان كدا عمال يتصل كأنه مش عارف مكان قسم الطوارئ هنا
صابرين: اصبري يا ايمان وكتري من الاستفغار والدعاء
ايمان قالت برضا: بقول يارب رميت حمولي كلها عليه
صابرين قمت مهروله: دكتور حفيدتي وضعها ايه
د: حاله اميره مستقرة
ايمان: الحمد لله
د: لحسن الحظ انكم جبتوها بسرعه , والا الفيرس كان اثر ع نظرها وحصل لقدر الله حول في العين , هي مناعتها ضعيفه ودرجه حرارتها مرتفعه جدا , عشان كدا محتاجين ننقلها غرفه تفضل تحت الملاحظه , متقلقوش ان شاء الله كل حاجه هتكون تمام
صابرين: الف شكر يا دكتور
د: عن اذنكم عندي حالات
صابرين: اطمنتي خلاص يا ايمان
ايمان: الحمد لله يا ماما كنت مرعوبه
امير دخل بيمد بخطواته: ايمان فين اميره , وعامله ايه
ايمان مردتش لكن الاجابه كانت مرسومة بطريقتها لما سابته ومشت من المكان
صابرين ردت بتكشيره: مستقره دلوقت
امير راح قعد جنبها: ازاي ماما هنا ايه الصغب تسمعي كلامي لو مش قادره توصليلي اتصلي بالاسعاف مش تزعجي الناس
ايمان حرفيا لا طايقه تشوفه ولا تسمع صوته
صابرين خبطته في كتفه : انت فعلا اتبريت مني
ايمان: ماما هقوم اطمن ع بنتي
صابرين ضربته بكتفها بقوه وهي بتقعد جنبه وقالت بغضب: مش خايف من غضبي عليك
امير: ماما انا اسف مش قصدي اعصيكي, بس وضعي صعب ارجوكي افهميني
صابرين: عايزني ازاي افهمك , وانت اتحديتنا كلنا
امير: ياربنا
صابرين: انت كبير بما فيه الكفايه , وعارف الصح من الغلط بس بتتصرف بناء ع عواطفك ربنا عطاك عقل استعمله وبعد كدا اياك تدخل بيني وبين احفادي شوفت الي حصل لـ اميره لو كان حصلها حاجه مستحيل كنت اسامحك
امير: ماما ارجوكي احترمي موقفي ,ممكن تعملي ده , وميهمنيش لو انحازتي لصف بابا بس ارجوكي حاليا سبيني في حياتي ومشاكلي
صابرين: عمرك لا هتربح ولا تكسب بدون رضانا عليك , لو فضلت مكمل تعاند ابوك يله بس متدخلش مراتك وولادك وواجهوا بعض راس براس اتصرب راجل متبقاش جبان كدا
امير حك دقنه وقام دخل الغرفه وجاي يتكلم مع ايمان سابته وبعدت بعيد عنه
ايمان : ماما انا هرجع البيت عايزه اطمن ع الاولاد هرجع تاني
صابرين بحنيه: روحي يابنتي انا هنا ههتم باميره , خايفه تصحا متلقيش حد جنبها تعيط
ايمان ابتسمت لها واخدت شنطتها وفاتت من جنبه وزقته في كتفه وهو ارتبك لـ اقصي درجه
صابرين : اول ما تروحي ارتاحي شويه , شايفاكي مرهقه اوي , صعب تتحملي كل المسؤليه لوحدك
ايمان : حاضر همشي دلوقت
امير : انا راجع البيت اطمن ع الاولاد , بعدين هرجع انا وايمان
.................قصص منه محمد كاتب.................
ايمان نزلت من المشفي تمشي لوحدها وامير مشي يتبعها بخطواته
امير جري وراها : ايمان ايه ده انتي غاويه تعملي مشاكل
ايمان ردت بعبوس: مين الي بيعمل مشاكل , عايزه ارجع البيت اهتم بولادي
امير بستفهام: هما فين دلوقت
ايمان بهدوء: سيبتهم مع خاله اسماء
امير بنفعال: ليه بس سبتيهم عند الست القذره دي , هي شكلنا ليه بتتصرفي من غير تفكير طب افرضي حصلهم حاجه
ايمان بشخط: الست القذره دي ساعدتني وشالت معايا يامن كل يوم , الست القذره دي ساعدتني واخدت معايا اميره للصيدليه, الست دي اكلت ولادك وانا الي معايا خمسين جنيه من امبارح مش للاقيه اجيب اكل, كنت انت فين
امير: ايمان انا راكن العربيه الناحيه التانيه
ايمان : هركب الاتوبيس هدفع خمسه ج للاجره
امير مشي وراها لحد محطه الاتوبيس وقعد جنبها: يعني غاويه تتحديني
ايمان رفعت كتافها بهدوء: هكسب ايه لما اتحداك , هكسب غضب ربنا , مش انت جوزي ولازم اسمع كلامك كل الرجاله ع حق مش بيغلطوا ابدا
امير: واضح بتتريقي عليا شيفاني غبي للدرجه , مش هفهم, لو مش مبسوطه قولي مفيش لزوم للتريقه قوليها في وشي ان انا راجل من غير قيمه , واحد ملوش فايده اتخلي عن مسؤليته ع عكسك صح , انتي زوجه مذهله وتمام ومثاليه , ومفيش منك اتنين ع كوكب الارض
ايمان: بص انا مش عايزه اتكلم معاك بعد كده
امير ابتسم بتهكم شديد: زهقتي من الكلام دلوقت , طبعا لاني بقيت فقير معنديش حاجه عشان كدا زهقتي تتكلمي معايا , طبعا ايه فايده الكلام مفيش منفعه مجرد تضيع وقت واهدار للنفس
ايمان بزهق من نفس الاسطوانه: لآن ببساطه هينتهي النقاش معاك نفس كل مره تركبني الغلط وتسكتني , لان كل الي بقوله غلط , اسمع انا تعبانه وعايزه ارجع البيت واحضر لقمه للعيال , مفيش داعي تعمل مشكله هنا
امير : مفكره انا مش تعبان , كل يوم عايش في توتر وقلق بسبب قله الفلوس , عقلي مجهد وانتي ع علم بكده , ممكن تبطلي تخلقي مشاكل
ايمان بتحدي : يعني انا الي بخلق المشاكل , تمام يله رجعني البيت دلوقت
امير اخدها وراحوا لموقف السيارات وايمان لسه هتركب سمعت صوت موبيله ركبت العربيه
امير وقف مكانه وقال: مين بيتصل بيا دلوقت ( رد) اهلا يا مراه عمي
شاهيناز: اهلا يا ميرو اسفه لو ازعجتك انت مشغول
امير : مشغول شويه انا في المستشفي اميره تعبانه عندها حمي شديده , عشان كدا كنت عامل تلفوني صامت , ومعتقدش هقدر اقابلك في معادنا اليوم
شاهيناز :معقول اميره تعبانه مسكينه , خلاص ممكن نتقابل بكره ولا بعده , مفيش مشكله بس قبل ما اقفل معاك جيجي كانت عايزه تكلمك اتصلت بيك من شويه وقالت انك مردتش
امير بص ع ايمان وقال: ايه جيجي اتصلت بيا , عايزه ايه
شاهيناز :كانت عايزه تعزمك ع حفله عيد ميلادها بعد تلات ايام , هتعملها في الديسكو المكان الي اتعودت تروحه تسهر فيه مع اصحابك , يله خد كلمها بنفسك
شاهيناز عطت جيجي نظره بمعني نفذي الي أتفقنا علية
امير شاور لايمان: استني لحظه
جيجي بصوت ناعم : هالو امير اسفه ع الازعاج
امير : متاسف يا جيجي , معرفش انك اتصلتي بيا من شويه , بعد تلات ايام هشوف, مش متاكد لسه
جيجي : لا الضيوف في الحفله عيد ميلادي هيكونوا بس اصحابي , اما انت ابن عمي لازم تبقي موجود , غير كدا هيبقوا حاضرين رجال اعمال كانوا شركاه لبابي , وممكن اخليهم يدوك مشاريع كبيره , مش انت قدوتي , ومثلي الاعلي
ايمان نطقت بضجر .....كانت مجرد دقيقه ليه بيتكلم كل ده ايه الموضوع
ايمان نزلت من العربيه بنرفزه: ممكن تخلص محتاجه ارجع البيت بسرعه , ابقي اتصل بيها بعدين
جيجي: ايه الحكايه هي مراتك مضايقه لاني بتكلم معاك, شرسه اوي انا خوفت واضح انك بتخاف منها انت كمان
اميرعطاها نظرة غضب: هي لايمكن تزعقلي هديها قلم ع وشها يفوقها بعد شويه , تمام يا جيجي هتصل بيكي بعدين سلام
جيجي : سلام
امير زعق: مستنيه ايه ادخلي مش عماله تشتكي عايزه تروحي البيت بسرعه , كنت بتكلم في التلفون وانتي مصممه متحترميش جوزك
ايمان سلطت نظرها علية بغضب : وانت ليه فقدت السيطره , غلطت لما طلبت منك تستعجل
امير : مغلطيش بس خليكي صبوره بتكلم يا بني ادمه , ممكن تصبري شويه
ايمان: انت شايفني مزعجه صح وبزعجك , يله اتصل بجيجي مره تانيه , اتكلم وارغي معاها بالساعات , اقدر ارجع البيت بنفسي مش محتاجلك
امير مشي وراها: فعلا تموتي وتعملي مشاكل , يعني هنتخانق عشان تلفون
ايمان لفت وبصتله: مين دي الي بتعمل المشاكل انا ولا انت, بقولك عايزه ارجع البيت عشان ولادي وبعدها هرجع المستشفي عشان اميرة , وانت مقضي الوقت ع التلفون , هي اهم من ولادك مش هتقدر تتصل بيها بعدين, خليك ارغي هرجع لوحدي
امير وهو بيجري وراها: ايمان اه من الست دي , يا ايمان في ايه مالك انا صبرت كتير ع اسلوبك اتصلت بيكي كذا مره مردتيش , وبعت لك رساله طنشتي , انتي وقحه اوي
ايمان جاوبت بكل ثقة: انت الي وقح
امير جرها بشده من دراعها بدهشة واستغراب : ايه , انتي قولتي ايه من شويه
ايمان زقته في صدره : بجد كفايه مليش خلق اتكلم معاك
امير زاد ضغط قبضته بعنف: قولي الاول الي قولتيه مره تانيه
ايمان صرخت في وشه بعنف : نزل ايدك
امير: قلتي ايه من شويه انطقي
ايمان اجابت بحسم ووضوح: انت الي اجبرتني ارد عليك من بجاحتك, فضلت اتصل بيك اسبوع وفي الاخر قفلت تلفونك انت ولا حتي اهتميت بينا سواء عشنا ولا متنا , احنا ولا نهمك اصلا , كل الي يهمك كرامتك المجروحه وعزه نفسك ,وغضبك وسخطك , والي مخليك ثاير وغضبان اني طلبت المساعده من ماما
امير: انتي لسانك طول زياده عن الازم وبدئتي تعصي كلام جوزك مش خايفه يا متدينه لربنا يغضب عليكي بتتكلمي زي ما تحبي متستفزنيش اكتر انا صبري له حدود
ايمان انفجرت في وشه بغضب : لو انقاذ حياه بنتي هتتهمني اني زوجه عاصيه انا قابله اي عقاب يدهولي ربنا , واسمع يا امير , اه انا بتحداك , وطلقني حالا