رواية شلة بنات الفصل السابع والعشرون 27 والثامن والعشرون 28 بقلم شذى عبدالمكرم
من جانب نوسة
مناستي جات وكل تفاصيلها حتظل محفورة في ذاكرتي عمرها ما حأنساها من لحظة الحنة بتاعتي الكلها كانت بنات بس و بجهاز اخدنا راحتنا على الاخر ومرورا بحنة رامي الحضرتها لايف بمساعدة هديل الكانت حامل وقاعدة في كرسي وبتصور لي والى لحظة العقد وانا في الكوفير لحظة اتصل لي رامي عشان يبارك لي والبنات كانو منتظرين اتصال رامي اكتر مني
قمر: ياااخ ليه ما اتصل للان . رغم التوتر الفيني ضحكت
نوسة: يمكن جاتو حالة طارئة واضطر يمشي . روز ضربتني في كتفي
روز: والله باردة ذي راجلك بس . ضحكنا وسكتنا منتظرين وانا ايادي بردت فجأة التلفون رن قلبي رن معاهو
__ نوسة
_ نعم
__ بقيتي مدام رامي بقيتي زوجتي امام الله . هنا سكتا وانفتحت في البكي والبنات بكو معاي
__ ما عارف الناس بتقول شنو في اللحظات دي لاني متوتر وما مصدق انك انكتبي على اسمي . حسيت نبرة صوتو اتغيرت كأنو ببكي كدا وانا ببكي بس
__ فرحتي بيكي لو اتوزعت على العالم بتكفي وزيادة ربنا يقدري واكون ليكي الزوج الصالح والسند المتين الممكن ترتكزي عليهو بقية حياتك يا زوجتي المصون عارف ما قادرة تقولي حاجة بس ما عاوزك تبكي حتى لو فرح حأمشي للرجال بس خليكي جاهزة بعدين عشان حأجي اخطفك يا نور عيوني
_ وانا منتظراكي . وقفلت وحضنت التلفون علي شديد وتميت البكي والبنان اي وحدة تحضن فيني وبتبارك لي وانا في عالم تاني
قمر: يا بختك بيهو والله
نوسة: بختي شديد
ريان: ااااخ انا من كلماتو كأنو قالها لي . ضحكنا
روز: اول مرة اشوف اخوي بتكلم كدا
نوسة: عرفتي السبب البخليني بحبو ومتمسكة بيهو؟
روز: عرفت والله ربنا يسعدكم في حياتكم
نوسة: امين يارب . وبعدها بدو لي الميكاج لحظة العقد دا مستحيل انساهو وبالاخص وانا شايفة صحباتي بشكرو فيهو كأني اخدت جائزة عليهو وجات لحظة انو يستلمني مستحيل انسى النظرات الكان بنظر لي بيها كأنو انا انجاز وحصل عليهو ولمن قرب مني وحضني وهمس في اذني
وهل يوجد أجمل من حضنك وأنفاسك♥️
خجلت بس اخدت نفس عميق وهمست في في اذنو
في حضّورك يَختلف جو المَكان ♥
شد من حضنو كأنو ناوي يدخلني جواهو رامي خلى لي ذكرى حلوة في كل تفاصيلنا وما بنسى لمن اتصورنا وكان بعاين في عيوني بحب وانا بكسر عيني من الخجل كانت لحظات مميزة وخالدة جواي ولحظة الحفلة الكلها عبارة عن المستشفى البشتغل فيها رامي كل الطاقم كان موجود عشان يشهدو على حبنا وبين كل لحظة والتانية مسكة ايدو لي كأني حأهرب منو ولحظة الجرتق لمن طلبو منو يرشني باللبن
رامي: لالا حتتوسخ وكدا حتتضايق . انا خجلت شديد كويس اني متغطية بالقرمصيص والناس كلها ضحكت
امو: بس دي عادة
رامي: ما ممكن اشربها ليها . خجلي زاد زيادة والناس بتضحك
عمتو: خلوهو خلاص ما عاوز يوسخ مرتو . ورفعو القرمصيص وشربني اللبن رامي لاحظ لي بدعك في ايادي عرفني متوترة ميل علي وختا ايدو بالراحة فوق ايدي
رامي: قربنا خلاص ما تتوتري . رامي كان حنين شديد لمن خلصنا وانتهت المراسم ومشينا على بيتنا وحياتنا الجديدة
اخيرا انقفل علينا باب واحد لقيت من رامي كل الحنان والاحتواء بعد يومين من زواجنا بالليل جاب اللابتوب وجاني في السرير
رامي: نوسة عندي شغل داير اشوفو لو ممكن . قومت ضحكت
نوسة: هسي انا قولت رامي جاب اللابتوب عشان يشوفني فيلم بس يا خسارة
رامي: خلاص بشغل فيلم
نوسة: بهظر معاك بس اشتغل
رامي: لا خلاص نشاهد فيلم
نوسة: لا والله يا رامي اشتغل وانا بعاين معاك
رامي: متأكدة؟ . هزيت رأسي بمعنى ايي فتح اللابتوب ودخل الملف فيهو حاجات كدا ما مفهومة وصور اشعة كدا قربت منو وحضنت ايدو من فوق وميلت رأسي في كتفو سلم علي في رأسي ابتسمت وهو بدأ يشتغل
نوسة: رامي
رامي: همممم
نوسة: هسي دا بتفهمو كيف . ضحك خفيف كدا
رامي: لاني دكتور وبعرف بس انتي مهندسة وانا لو عاينت لتصاميمكم ما حأفهم حاجة
نوسة: صح كلامك وهسي المريض دا عندو شنو
رامي: عندو انسداد في الشريان الرئيسي للقلب فعمل ليهو ضمور..... . وبقى يشرح لي الحاصل تاني ما سألتو عشان ما اشغلو بقيت راقدة في كتفو بس لمن نومت
ايامي مع رامي كلها كانت سعادة بمعنى الكلمة بعد اسبوعين من زواج اضطر ينزل المستشفى ابدا ما زعلت لانو دي حياة ناس وهو مؤدي قسم عليهو وبقيت داعماهو في التخصص تبعو وبحاول اوفر ليهو كل سبل الراحة العاوزاها وبديهو مساحتو الخاصة عشان يذاكر عارفة انو لمن يخلص حيفضى لي .........
__________
من جانب روز
بعد فترة من عرس رامي ونوسة جانا احمد ود عمي زيارة سلم علينا ولمن طالع مشيت اقدمو انا لمن وصلنا قريب للباب
احمد: روز داير في موضوع
روز: اتفضل
احمد: انا داير استقر في حياتي بعد المرحومة منال " زوجتو"
روز: ربنا يرحمها يارب
احمد: آمين يارب داير اتزوج تاني . سكتا ساي خوفت يقول قافل علي انا واصل كلامو
احمد: فيكي ترشحي لي زولة
روز: والله يا احمد الموضوع دا كبير انت ما مفكر في اي وحدة؟
احمد: ما اكذب عليكي في وحدة من صحباتك في عرس رامي داير اعرف رأيك فيها
روز: اي وحدة
احمد: كانت لابسة اسود . قومت ضحكت
روز: كلنا كنا لابسين اسود هي من الشباين ولا من المعازيم
احمد: الشباين
روز: اوصفها لي
روز: ما عارف كيف بس قصيرة شوية . احترت ياتا فيهم القصار في الشلة قمر ونبأ تقريبا طولهم ذي بعض
روز: كدا انتظر دقيقه . مشيت اجيب تلفوني وبقيت اقول في سري يا رب تطلع قمر يا رب لمن رجعت ليهو فتحت ليهو صورة بتجمعنا كلنا في عرس رامي ذاتو
روز: وينا فيهم
احمد: الجنبك دي . واشرت على قمر غمضت عيوني بأرتياح
روز: لو واقفت بيك تكون محظوظ لانو قمر ما بتتعوض والله
احمد: ان شاءلله يارب خلاص انتي فاتحيها بالموضوع وحتى كلميها بموضوع زوجتي المرحومة لو ادت الموافقة بمشي بطلبها وبعدها بتعرف عليها عن قرب لانو ذي ما عارفة حركات المراهقين ديك ما عندي لاني زول جادي .ابجيقة رسمي وقانوني
روز: تمام . وطلع مشى
بالليل اتصلت لقمر
_ بت
__ نعم
_ قاعده تعملي شنو
__ بتكلم معاكي . ضحكت
_ ظابط طبعا ما وريتك
__ شنو شنو وريني سريع
_ بتموتي يوم بحادث شمار
__ احتمال هسي وريني الحصل شنو
_ عارفة السأل منك منو؟
__ ان شاءلله يكون ود عمك احمد . اتخلعت طبعا
_ عرفتي كيف الكلمك منو البعرفو انكم ما متواصلين . فجأة صرخت في التلفون لمن اتخلعت
__ روز دقيقه دقيقه سأل مني بالجد؟
_ ايي
__ احلفي
_ والله يعني انتي خمنتي؟
__ ايي والله لانو كنت بفكر فيهو قبيل سأل مني كيف
_ قبيل كان عندنا و...... . سكتا
__ واصلي يا جن . قومت ضحكت
_ تدفعي كم
__ بحول ليكي تنشيط الشهر
_ اتفقنا . قومنا حكيت ليها الحصل كلو
__ اقسم بالله كذابة؟
_ والله دا الحصل بس خليكي عارفه احمد دا ابجيقة رسمي
__ عارفة لانو حصل لي موقف معاهو والله لو عندو دكتوراه في الابجيقة انا دايرة . قومت ضحكت
_ الموقف شنو
__ اتقابلت معاهو في زمن الفطور وسألني هل انا صحبتك قولت ليهو ايي وساعدتو وكدا خلاص
_ ايوااا حلو خلاص فكري براحتك مع انو عارفة ما حتفكري اصلا بس المهم استخيري وانا بديهو الخبر بعد كم يوم
__ عليك الله يا روز ما قاعده تكذبي صح؟ لانو قلبي ما متحمل ولا حتى مستوعب للان
_ دا ما موضوع يكذبو فيهو حبيبي هسي اقعدي مع نفسك وفكري بالراحة لانو دي حياة مصيرية
صحباتي وحدة وحدة قاعدين يتساقطو فضلنا انا ونبأ بس لانو ريان انخطبت لريان وخطوبتهم كانت ترند ريان وريان كنا بنضحك دايما فيهم حيتعاملو كيف وهم اسمهم نفس بعض او اولادهم بعدين لمن يعرفو انو ابوهم وامهم نفس الاسم حيستقبلو الصدمة كيف
____________
من جانب سام
بعد كون نفسو وبقى معيد في الجامعة قرر انو يتقدم لروز لانو صبرت معاهو كتير وشاف لو طول اكتر حتحس انو ماسك بيها زمن بس هو بحبها شديد قرر يكلم اهلو بالموضوع واول حاجة مشى لامو
__ امي
_ نعم
__ انا قررت اتزوج . امو فكت الزغروتة
_ دا يوم المنى اخيراااا اخوك سيلمان لمن بقى عندو جنا
__ اي خلاص قررت
_ والبت من بنات اهلك؟
__ لالا ما عندها علاقة بأهلي
_ ودي منو دي
__روز برلومتي في الجامعة كانت وهسي اتخرجت
_ ودي منو كمان وقبيلتها شنو
__ حيفرق قبيلتها في شنو
_ اتكلم يا ود
__ هي من قبيلة ال........
_ انت مجنون يا ولد داير تزوج........
__المشكله وين
_ كيف المشكله وين عارف انو علاقتنا كعبة مع القبيلة دي ومستحيل اخليك تدخل فيهم لانو ديل ما نسب تناسبهم
__ امي انتو لسع مع مشاكل القبائل دي الناس خلت التفكير دا زمان دي عنصرية بس
_ احترم نفسك يا ولد
__ امي انا ما قولت حاجة وانا حأتزوج البت دي مهما كانت قبيلتها الله قال "وجعلناكم شعوب وقبائل لتعارفو ان اكرمكم عند الله اتقاكم " يعني الواحد بفرزو بالتقوى
_ يعني هسي داير توريني بالدين اخر الزمن
__ ما بعلمك يا امي بس داير ازكرك
_ اسمعني هنا البت دي ما حتتزوجها كدا عيب لي بنات اهلك
__ ما دايرهم غصب هو
_ خليك عارف البت دي لو اخر وحدة في الدنيا ما حتتزوجها الا لو حتتزوجها بكون رضاي الوقت داك انا لا امك ولا بعرفك . انصدم فيها وقام مشى خلاها.. ...........
الثامن والعشرون
بعد اتناقش مع امو في الموضوع داك وزهج مشى لغرفتو لقى مكالمة فائتة من روز ما قدر يرجع ليها ولا يقول ليها شنو امي رفضتك بسبب قبيلتك رأسو كان حيطرشق من التفكير قفل تلفونو ونام بعد تعب صحا اذان الصبح صلى ورجع نام لانو كان يوم سبت وهو ما شغال قام الضهر صلى ونام ما اتكلم مع امو وهم اتنين بس في البيت بصلي وبنوم بس لمن بالليل تعب من الهروب فتح تلفونو لقى محاولات كتيرة من روز وكان زهجان شديد اتنفرو فيها ......
_________
من جانب روز
سام من صباح الرحمن مختفي اتصل القى تلفونو مغلق ما حصل قبل كدا كل فترة والتانية بتصل بس لسع مغلق لحدي بعد المغرب اتصلت لقيتو فاتح رد لي
__ الو
_ سام وينك انت الصباح
__ كنت نايم . ضحكت باستهتار
_ داير تقنعني انك من امس نايم لهسي
__ المشكله وين
_ سام كنت وين . طوالي رفع صوتو علي ودي اول مرة تحصل
__ م قولت ليكي كنت نايم ولا دايرة تنكدي خلاص . زعلت منو
_ اول حاجة ريح بالك ما دايرة انكد عليك وتاني حاجة انا ما قولت حاجة عشان تعيط علي كدا على كلا اسفة على الازعاج ارجع كفي نومك . وقفلت الخط زعلت منو شديد انا كنت قلقانة عليهو في النهاية يجوط فيني كدا
هو بهناك بعد انا قفلت الخط قعد ومسح وشو قال هي ذنبها شنو اتنرفز فيها رجع لي تاني كنت ما عاوزة ارد بس رديت
__ روز
_ نعم
__ سام زهجان شوية ما بستحمليهو؟
_ بستحملك بس انا قلقلت عليك من الصباح تلفونك قافل
__ والله ما كذبت عليكي كنت نايم صحيت صليت الصبح ورجعت نومت وتاني صحيت الضهر صليت ورجعت نومت شغال كدا بس بصلي وبنوم
_ وليه ما من عوايدك زهجان من شنو خلينا نتشارك الزهح
__ اصلا ماف زول بقدر اشاركو زهجي غيرك
_ خلاص يلا احكي لي الحاصل معاك شنو
__ امس اتناقشت مع امي في حاجة عشان كدا وهي زعلت عشان في حاجة عاوز اعملها وهي ما عاوزاني اعملها
_ ما صح يا سام تزعل امك منك امشي راضيها وحب على رأسها واكيد حترضى عنك و لو اتكلمت معاها بسياسة تانيه حتقتنع برأيك دا اذا فعلا العاوز تعملو فيهو خير
__ ياااخ انا بحبك والله ليه ما فكرت فيها
_ لانك كنت زهجان وزعلان ما حتفكر صح في الحالات دي انا حأفكر بالنيابة عنك
__ ربنا ما يحرمني منك
_ ولا منك يا رب هسي امشي راضي امك
__ تمام برجع ليكي
_ منتظراك . وقفلت منو يعني كان مهموم عشان كدا ........
___________
من جانب سام
مشى لامو لقاها في الصالة قعد جنبها كانت زعلانة منو
سام: امي . ما ردت ليهو مسك يدها باسها وحب على رأسها
سام: حقك علي يا ست الكل انا بعتذر على الكلام القولتو ليكي امبارح
امي: انا ابدا ما بدور ليك الشين . تاني سلم عليها في رأسها
سام: عارف والله حبيبتي عشان كدا جيت اعتذر ليكي وحاجة انتي ما رضيانة عنها ما بعملا
امي: يعني حتسمع كلامي . مسك يدها
سام: امي انتي ما شوفتي روز ولا حتى اتعاملتي معاها حتحبيها كيف ما تحكمي عليها عشان قبيلتها لانو حأتزوجها هي ما حأتزوج قبيلتها
امي: في الزواج كأنك بتتزوج الاتنين لانو في نسب وكدا
سام: عارف بس خلينا نتعرف عليهم يمكن ما يطلعو ذي البالك وبديكي وعد خلينا نتقدم ليها واعمل خطوبة وانتي في الفترة اتعرفي عليها حبيتيها اهلا وسهلا ما حبيتها انا بتزوج من اختيارك . عاينت ليهو مسافة بتحاول تقتنع بكلامو
امي: متأكد من كلامك دا لو ما حبيتها ما حتتزوجها؟
سام: ابدا
امي: تمام . تاني حبى على رأس امو
سام: ربنا يحفظك تاج في رأسنا دايما . امو كانت مبسوطة شديد من تعاملو
امي: انا هينة يا ولدي بس ابوك ما حيوافق
سام: انتي بس اقيفي جنبي واكيد حيوافق والله يا امي لو ما اتزوجت البت دي انا ما بتزوج
امي: البت دي عملت ليك عمل ولا شنو . قام ضحك وباس يدها
سام: لمن تتعرفي عليها حتفهمي براكي
امي: كدا النشوف . قام دخل غرفتو واتصل لروز .........
__________
من جانب روز
كنت منتظرة سام يرجع لي بالفعل رجع لي
_ بشر
__ حليت الموضوع
_ شايف كيف كلها سياسة بس
__ ياااخ ما اعرف اقول ليكي شنو
_ قول لي رزة الليلة ما سمعتها منك . قام ضحك
__ رزتي مشتاقين
_ تشتاق ليك العافية . رجع ضحك
__ امين يارب ما حتقولي لي وانا كمان
_ نهائي
__ ليه
_ ما تنسى اني زعلانة منك
__ عشان قبيل جوطت فيكي
_ كويس انك ما ناسي
__ والله اسف انو جوطت فيكي قبيل ما قاصد
_ سام كنت بهظر معاك بس عازراك اصلا
__ حبيبي انا طبعا عندي ليكي مفاجأة
_ شنو
__ حتبقى مفاجأة كيف لو قولتها ليكي بس حتعرفي قريب
_ في انتظارها
اليوم التاني لبست بعد الفطور ومشيت لنوسة في بيتها
روز: قولتي لي براكي بس
نوسة: براي بس لكن اتعودت
روز: رامي لسع بتأخر في الرجعة؟
نوسة: لالا بقى بيجي بدري العصر بكون في البيت ولو ظهرت ليهو حاجة بتصل بكلمني
روز: ايوااا حلو انو بقى يرجع بدري
نوسة: اها الجديد في حياتك شنو
روز: ماف جديد قاعدة بس طبعا احمد ود عمي داير يتقدم لقمر
نوسة: ما جادة موش دا الكانت مكرشة عليهو . هزيت رأسي بمعنى ايي
روز: اول وحدة ترتبط انا واخر وحدة تتزوج
نوسة: اكيد التأخير دا لخير
روز: ان شاء الله يا رب . قريب للعصر قررت ارجع بس نوسة رفضت قالت الا اتغدى بعد تحنيس قعدت معاها ورامي رجع
رامي: الليلة ونستي لي مرتي . قومت ضحكت ونوسة لسع بتخجل شوية من رامي
روز: على فكرة هي صحبتي قبل ما تكون مرتك شكلك نسيت
رامي: مستحيل انسى لولاكي ما كان لميت فيها . وعاين ليها بحب هي خجلانة
روز: انت ليه محظوظ كدا
رامي: حاسداني فيها ولا شنو . ضحكت
روز: ايي لانو اخدتها مني هسي تواصلنا ما ذي زمان واهتمامها كلو بقى عبارة عن رامي . هي عاينت لي بصدمة ورامي ضحك
نوسة: روز!!!
رامي: لانو ما عندها غيري لازم تهتم بي ولا ما صح يا نوسة . هي سكتت
نوسة: خلوني ارص الغدا . ضحكنا فيها وهي مشت المطبخ
رامي: انتي عارفة يا روز والله لو شكرتك الف مرة ما بكفيكي حقك ياااخ نوسة دي نموذج للزوجة المثالية بالجد
روز: نوسة ماف منها اتنين ابدا
رامي: بالجد والله . اتكلمت معاهو شوية ومشيت ساعدت نوسة واتغديتنا وقدموني للبيت وقعدو شربو معانا لبن المغرب حتى رجعو ........
___________
من جانب سام
كان منتظر ابوهو وخايف من ردت فعلو لمن يعرف بعد يومين ابوي رجع وجا عشان يحكي معاهو وكان شوية متوتر
سام: ابوي داير اتكلم معاك بس بتمنى تكون هادئ . ابوهو استقرب
ابوهو: اتكلم سامعك
سام: انا داير اتزوج
ابوهو: تمام وين المشكله
سام: هي من قبيلة ........
ابوها: اهااا واصل
سام: بس خلاص
ابوها: انت عارف انو القبيلة دي وقبيلتنا بينهم مشاكل صح؟
سام: عارف بس يا ابوي الناس خلت مشاكل القبائل دي زمان وهسي يعني دا سبب يعني عشان قبيلتها...... دا يمنع اني اتزوجها؟
ابوهو: ما بمنع . عاين لابوي بصدمة ما اتوقع الرد دا
سام: ابوي ما عندك مشكله
ابوهو: والله مشاكل القبلية دي عمرها ما حتنتهي وبسببها ناس كتيرة انظلمت ومدام انت داير البت دي ومصمم عليها انا ما عندي مشكله لانو انت البتتحمل العواقب لانك انت البتعيش معاها
سام: والله انا مستعد اتحمل اي مسؤولية
ابوهو: تمام لمن تكون جاهز كلمني بمشي معاك نتقدم ليها
سام: اعمامي ممكن يقبلو؟
ابوهو: والله دا اختيارك انت وانت التراضيهم انا برا الموضوع . سام ضحك
سام: حبيبي انت والله . ومشى سلم على ابوهو في رأسو وكان فرحان شديد وعارف انو قرارو دا حيجيب ليهو مشاكل كتيرة مع اهلو بس عشان روز حتحمل البحصل
____________
من جانب روز
يوم الجمعه جاتني نوسة من بعد الفطور قالت امي اتصلت ليها وجات لانو عندنا ضيوف وحتساعدنا سألت امي الضيوف منو قالت اصحاب ابوي بالفعل نضفنا البيت ورامي جا من الصلاة لمن العصر كان اي حاجة شبه جاهز حتى العصاير والمعجنات والشيالة و اي حاجة قريب للمغرب سامعة جوطة برا ورامي بستقبل في ناس انا ونوسة والتوأم كنا جوا الغرفة امي جات الغرفة
امي: نوسة وريل ورايس تعالو ساعدوني نفضل الرجال
روز: وانا؟
امي: انتي خليكي ما تطلعي
روز: ليه
امي: لانو ديل رجال جايين تعارف
روز: تعارف لمنو
امي: تعارف لمنو كيف عندنا كم بنت جاهزة للعرس
روز: امي ما تهظري
امي: اهظر كيف يعني اطلعو اطلعو . وطلعو خلوني رأسي لف من الخبر مسكت تلفوني اتصلت لسام ما رد لي حاولت كم مرة ماف رد رسلت ليهو " سام لو لقيت مكالمتي ارجع لي ضروري" انتظرت كدا وانا خلاص الفيني انتهى جات نوسة وهي بتتبسم
نوسة: قومي دايرينك برا
روز: ما طالعة
نوسة: انتي هبلة الرجال حارسينك برا البسي طرحتك . جدعتو فيني ما بقدر احرج ناس ابوي ورامي لبست الطرحة ما باقي لي الا ابكي وطلعنا مع نوسة
نوسة: عريسك سمح سماح يسوي كدي . قرصتها انا في شنو وهي في شنو ضربت باب الصالون بالراحة ودخلت وقولت السلام عليكم كلهم ردو لي كنت متوترة عيني ما رفعتها على زول سمعت ابوي
ابوي: تعالي يا روز . من صوتو مشيت اتجاهو وقعدت جنبو وقال لي كلام كتير حاجة ما فهمت منو وهو بقول في شنو من التوتر الفهمتو انو جو تعارف وطلبوني في النهاية
ابوي: اقعدو هناك . يعني نظام رؤية شرعية قومت فوق وشايفة واحد لابس جلابية قام رفعت رأسي شوفتو سام اتخلعت اتجمدت مكاني
سام: اتفضلي . حتى يداب اتحركت وانا رأسي طشا مشينا نهاية الصالون وقعدنا قصاد بعض وانا لسع مخلوعة
سام: هسي المفروض الناس بتقول شنو في الرؤية الشرعية واصلا نحنا حافظين بعض
روز: سام الجابك بيتنا شنو
سام: اخيرا الصدمة فكت
روز: يفك رأسك
سام: شكلي دقست لمن قررت اتزوجك
روز: ياااخ انت ما عارف الحصل فيني شنو بسببك . حسيت دموع في طرف عيني بس مسكت نفسي عشان ناس ابوي
سام: ما تبكي والله حبيت اعملها ليك مفاجأة . دمعتي نزلت مسحت سريع
روز: ما حمشيها ليك بالساهل اصبر لي
سام: صابر حبيبي انا لسع قدامنا عمر طويل تحاسبيني فيهو على راحتك
روز: ان شاءلله
سام: هسي دا رؤية شرعية . ضحكنا بالراحة
روز: اسكت خلينا نبدأ اسمك منو وشغال شنو ومواصفاتك شنو
سام: اسمي سام عبداللطيف سام مهندس معمار ومواصفاتي طويل وملتحي وكاسر قلب روز . كتمت الضحكة يلا ويمين
روز: حلو اها حتقدم لي شنو في المستقبل
سام: حاقدم ليكي كل الحب والاحترام والسعادة البتتمنيها وتاني حاجة لمن اجي راجع البيت حيكون معاي قطعة شوكولا لانك بتحبيها وتالت حاجة لمن تكوني نايمة واصحيكي ما اتكلم معاكي لانك بتكوني ما مجمعة ورابع حاجة حأسمع ليكي بكل اذن صاغية حتى لو الموضوع تافه وخامس حاجة ما عارف بس مع الزمن حأعرف . كنت بعاين ليهو بحب
روز: وانا ما عاوزة اكتر من كدا
سام: عندك اسئلة تاني ولا خلاص عشان الناس ديل منتظرينا
روز: ماف اسئلة لمن اتذكر حأكلمك خلينا نرجع . وقومنا رجعنا لناس ابوي وانا رجعت الغرفة
نوسة: اها كيف وكيف . وقعت فيها قريص
روز: كنتي عارفة صح . قامت تضحك
نوسة: انا الاديتو رقم رامي . كنت مبسوطة شديد اخيرا سام عملها بعد دا موافقة ابوي