رواية ضحية فرعون الفصل الثاني والثلاثون 32 بقلم منه محمد
في كافيه
صابرين: لحسن الحظ انك رجعتي لهنا ,,فيه صدر حنين ايمان تفضفض عليه لما بتكون معايا بترفض تشاركني مهما كان الوضع صعب عليها ,الا لما بتكون يائسه لو عيل من الاولاد تعب, اميره تعبت وامير مكنش موجود اتصلت بيا
حنين: ايمان مش بتحب تقلق حد ,,وبصراحه زهقت منها ,وعرفت مؤخرآ ان جيجي بتقابل امير,, وامير بهدلها وكانت جنبه
صابرين : الحمد لله انها قدرت تقنعه تنزل معاه الشغل
حنين: ما هو لولا ضغط عليها وعرفتها الطريقه وقلت لها ع تركات كانت هتسيب جيجي تسرق منها جوزها الغبي ,,اسفه ماهو ابنك
صابرين ابتسمت: عادي ماهو فعلا غبي ,الي بيلاطف جيجي وبيدور ع المتاعب واتمناه بمجرد ما تبقي ايمان معاه في المكتب تبعد عنه خطافه الرجاله ,وتبطل تروح هناك طول الوقت
حنين: اتمناه كده ياطنط عمو عادل عامل ايه
صابرين بتنهيده: ع حاله هذا الشبل من ذاك الاسد الاتنين معاندين ورافضين التنازل انا غلبت اقنعه وافهمه بس امير رافض يجي لحد ابوه ويعتذر ويعترف بغلطه
حنين بحزن: زعلت مش هتقدري تشوفي احفادك
صابرين عيونها رغرغت بالدموع: البيت ساكت اوي ياحنين
حنين: محاولتيش تقنعي ايمان تزورك في البيت
صابرين: طالما جوزها متخاصم مع ابوه هي متقدرش تعمل حاجه
.................قصص منه محمد كاتب.................
قاعده تكتب ع الجهاز لقت الباب بيتفتح عليها بكل عنف
شاهيناز بنرفزه: انتي يا بت , انا خلاص جبت اخري منك
ايمان بشخط: فيه ايه بتتكلمي معايا كده ليه , عملت لك ايه
شاهيناز: ازاي جات لك الجرْؤه تحطي رجلك في شركتي
ايمان: شركتك دي شركه جوزي ليه مقدرش ادخلها
شاهيناز قعدت وحطت رجل فوق رجل وقالت بكل برود وتجريح: بت انتي متتظاهريش بالغباء تعرفي من غير فلوسي جوزك عمره ما كان هيبدا شغل وطالما لسه مسددش دينه, الشركه دي ملكي , وانا مش عايزه اشوف وشك فيها فاهمه
ايمان بطولة بال: لو سمع امير كلامك هيتقهر اوي , عشان مش صادقه في نيتك تساعديه, نيتك تنتقمي مني
شاهيناز: افهمي زي ما تفهمي دي فلوسي
ايمان: لو مش عجبك شغلي هنا ع الاقل تتكلمي معايا باحترام , وانا ماجتش ادخل في امور امير هنا ,جيت عشان اساعد جوزي , اتمني تفهمي
شاهيناز بنرفزه: بتتجرئي تردي عليا , مفكراني غبيه زيك انتي مجتيش هنا تساعديه , خفتي لما قلت لك هيرميكي وتجوز جيجي عشان كدا جيتي جري تشتغلي هنا , انتي خايفه ليقع امير في حب جيجي وقلتي تكتمي ع انفاسه هنا , ويشوفك قدامه بوشك العكر
ايمان : وانا مش غلطانه ادافع عن جوازي , اظن حقي كمراته
شاهيناز بحقد: حقك ايه يابت الغرور ده كله, ده هو غلط اصلا يوم ما اخدك لانك مش من مستواه ابدآآ, واسمعيني بعد ما هتاكد ان امير هيرميكي هحط حقك ده في الزباله , وهتشوفي
............قصص منه محمد كاتب..................
جيجي لشاهيناز: ليه اتأخرتي كل ده؟
شاهيناز ملامحها متغيره: دخلت الحمام
امير بصلها: فيه ايه يامراه عمي مالك
شاهيناز مسكنه مفتعله: يادوب دخلت الحمام وبعدها لاحظت ايمان يادوب باب اوضتها مكنش مقفول للاخر وقلت اتكلم معاها واسلم عليها هي حامل وده طبيعي تتنرفز وتتعصب بس ماشي
جيجي بمكر : مالك ليه صوتك اتغير , اقعدي الاول
شاهيناز عيونها لمعت بالدموع المزيفه وقالت بخنقه مصطنعه: هي واضح مش حابه اجي هنا, لما اتكلمت معاها حسيت كأنها مش طيقاني , سألتها ليه تقولي عشان بتحرجي جوزي قدام الموظفين , وبتتصرفي كأن الشركه دي ملكك
امير هز دماغه بعدم تصديق: لاء لا يمكن ايمان تقول كده
شاهيناز: حصل وقالت لو فضلت اجي هنا هتفقد قدام الموظفين احترامهم ليها وهيعتبروها موظفه عاديه رغم انها مراه المدير وقالت كمان ان الشركه دي كلها ملكها امير لو مش عايزني اجي هنا عادي مش هاجي تاني
امير حرك عيونه بكل دهشه ليها وكأنه مش مصدق: انتي بتتكلمي بجد ايمان قالت لك كل ده
جيجي طبطبت ع كتف شاهي: متزعليش يا طنط ولا تحسي بـ الاهانه عشان حامل تلاقيها متعصبه وخلقها ضيق شويه هي اكيد متقصدتش الي قالته
شاهيناز: فاهمه ياجيجي انا عذراها ومتفهمه, بس احنا بنشتغل في مشاريع وبنتعامل مع رجال اعمال كبار, اهم حاجه نحافظ ع مظهرنا لكن هي صعب اقول والله
امير: لا اتكلمي عشان مش فاهم
شاهيناز: شكلها باهت اوي , مش حاطه نقطه ميكب اب , وشفايفها بيض بجد شكلها بشع , متظهرش ابدا مراه المدير كأنها فراشه المكان
امير فضل ساكت مصدوم من الكلام للي بيسمعه لحد ما ايمان فتحت الباب ودخلت ماسكه في حضنها الملف
امير بغضب: هو انتي متعرفيش تخبطي الاول ع الباب , حد يدخل كده
ايمان قربت بهدوء: جبتلك الملف الي طلبته
امير بنظرة حاده : ليه مطلبتيش من فاتن تجبهولي , مش مناسب توصلي الملفات
ايمان بتعجب: ليه مش مناسب!
امير بصلها بحده: مش انتي الي قلتي كده , نسيتي
ايمان: امتي قلت كده فكرني
امير: انتي اتكلمتي بلهجه قاسيه مع مراه عمي ,,دي مراه عمي وبنت خاله ماما لايمكن تكوني معاها وقحه وبلاش تتعجرفي وانتي قاعده ع كرسي مريح بفضلها افتكري
ايمان: انا مقلتش كده بسـ
شاهيناز مثلت المسكنه: خلاص كفايه يا امير مجرد مسأله بسيطه مش عايزكم تتخانقوا بسببي ,انا خلاص مش زعلانه لو هي غلطت مش هتعترف يله قوم عشان نحضر الاجتماع
جيجي وقفت عند الباب وحطت ايدها ع انفها بقرف وقالت: شامه يا طنط فيه ريحه ابو فاس قالبه المكان ايمان انتي حاطه منه , لو تعبانه خليكي قاعده في البيت مش مضطره تيجي الشغل , يله نخرج الريحه صعبه لدرجه طغت ع ريحه برفاني الغالي
شاهيناز: ده امر طبيعي لواحده مثاليه عايزه تساعد جوزها ,رغم مش بخير بس مصره تيجي الشغل ,,كأن امير مش هيقدر يدير المكان من غيرها,, امير هستناك تحت بسرعه خايفه لريحه ابو فاس تلزق في هدومي هيكون الامر صعب
امير اتنهد بضيق واخد الجاكت علي دراعه وخارج بخطوات واسعه ع بره
ايمان اتحركت وراه: امير خليني اشرحلك ,الست دي بتكدب , صدقني
امير: كفايه مش عايز اسمع , بس مراه عمي خط احمر, ليه دايما مقتنعه انك صح صعب تعترفي انك غلطانه, افتكري ان احترمها يهمني, بلاش تبقي وقحه معاها, وعايزك تقدريها وتعتذري ,سمعتي الي طلبته
ايمان بقهر: اه سمعتك, بعدين هبقي اعتذرلها , واوعدك مش هيحصل مره تانيه
امير بصلها شويه ولف عشان يخرج يارب يخبط في الباب ) مزحه معاكم
ايمان: امير متنساش الملف
امير سحبه من ايدها وهي رفعت نفسها عشان تبوسه من خده ـ
امير بعد نفسه عنها وقال بقرف: ايه ده مفيش داعي تبوسيني وتلزقي فيا بريحتك دي , هقابل الكلاينت بعد شويه, حاجه كمان من فضلك حطي شويه ميكب ع وشك شكلك شاحب اوي ,كأن جوزك مات رغم جوزك لسه عايش
ايمان بدئت تلمع الدموع بعيونها لانه بيجرح ويهين ولا يبالي
......قصص منه محمد كاتب..............
حنين فتحت الباب: السلامو عليكم
ايمان قامت بسعاده: حنين وعليكم السلام واكرم كمان هنا, فات وقت كبير مشفتكش , عامل ايه
اكرم بهدوئه المعتاد: الحمد لله ,وصاحبتك مراعياني تمام
حنين ضحكت: شوفتي مفاجأه رغم مش شاطره في المطبخ الا اني اقدر اهتم بجوزي , وحياتنا منظمه ومرتبه جدا يله بينا نشرب شاي
اكرم: هروح اشوف امير لحظه عايز اقوله جـ
ايمان قطعته: امير مش هنا خرج اجتماع
حنين بصت في ساعتها: ايه اجتماع الساعه سبعه المغرب اي اجتماع
ايمان: ده طبيعي كل يوم كدا
حنين: لا ده مش طبيعي يا بنتي , الساعه سته المساء ومش عاجبني انه يستغلك بما انك شغاله هنا وبتساعديه ,وهو يزوغ من الشغل لكن للاء
اكرم قطعها: كفايه مش لازم تتعصبي عشان غيرك , الامر بسيط ليه بتحاولي تصعبيه , انا هتصل بيه اقوله هاخدك معايا نشرب شاي وهوصلك لحد البيت بعدها
ايمان تحاول تبتسم : شكرا يا اكرم
حنين: قوليلي البيه هيتعصب لو اكرم اتصل ويسأل ليه خارج مع مراتي
ايمان: مش انتي جايه معانا , غير كدا امير بيثق في اكرم, يعني هيوافق اتصل يا اكرم
اكرم: تمام هتصل
حنين: ايمي هو لسه امير بيشك فيكي
ايمان قالت بقهر: انا الي بقيت بشك فيه ياحنين هحكيلك لوحدنا
.............قصص منه محمد كاتب..........
علي السفره اتأخر عليهم جدا وايمان افتكرت اهانته ليها في المكتب
يامن: ماما يا ماماـ زعق ـ يا ماما
ايمان بصتله بعتاب: في ايه يا يامن بتزعق ليه
يامن: ناديتك كذا مره بس مسمعتنيش ,,عايز تاني
ايمان: طيب
اميره: ماما انتي عيانه
يامن بحنان: ماما لو عيانه ليه بتشتغلي
اميرة: ماما عايزه يبقي معاها فلوس كتير
ايمان ابتسمت: لا انا مش بشتغل عشان اكسب فلوس ,,انا عايزه اساعد باباكم هو لسه فاتح شركته الخاصه واحنا كعيله لازم نساعد بعض , واسفه يا يامن عشان اتعصبت عليك
يامن: تمام مش زعلان منك , بس استني شركه بابا دي بتبيع ايه
ايمان ابتسمت ع سؤاله البريئ ومسحت ع شعره بعطف
يامن: ماما انا عايز تاني
ايمان: اه حالا
ياسين: يامن سيب لي شويه
ايمان: هيكفي يا ياسين
امير نزلهم وقال: انا ماشي
ايمان: مش الاول تستني تصلي المغرب وتقعد تاكل ,,قلت للاولاد ياكلوا قبلك رغم كانوا مستنينك
امير: انا قلت لك مستعجل رايح اقابل عميل هاكل معاه , وبعدين هصلي المغرب في اي حته
ايمان: اشفق ع الاولاد ،مأكلتش معاهم بقالك كتير
يامن: اه يا بابا يله اقعد ناكل سوي
اميره: يامن بابا عايز يروح الشغل,, لانه لو اشتغل كتير هيجيب فلوس اكتر
ايمان بحده هاديه: اميره
يامن: بس انا عايز اكل مع بابا شوفت ـ ساب الشوكه ـ مش عايز اكل خلاص
امير ابتسم وهو بيقرب من السفره وقال: بجد ملكش نفس, ع اساس مش سامعك لما طلبت اكل تاني, انت لئيم , ايمان مش انا قلت لك قابلي العميل معايا بس انتي رفضتي, وعايزه تفضلي في البيت وقلتي عايزه تصلي ومتسبيش الاولاد , ليه قلقانه عليهم ما ساره موجوده معاهم ,ليه مش جاهزه
ايمان: عشان عارفه هتكون مركز اكتر لو انا مش موجوده
امير: بتكلمي عن ايه , قصدك ايه
ايمان: الي اقصده مش عايزك تتحرج مني لو فجأه حسيت بالغثيان ولا بدوخه اثناء العشاء , الافضل تروح لوحدك ,انا تمام مع الاولاد
امير رفع كتافه ومد شفايفه لقدام وقال: براحتك ,,همشي انا سلام يا ولاد بحبكم
الثلاثه في صوت واحد صاخب: واحنا كمان بنحبك يا بابا
.........................قصص منه محمد كاتب...................
طلع وقف بره يرد ع تلفونه: اه استني انا طالع هركب العربيه
جيجي: يا بطيئ مش بحب اقعد لوحدي
امير ابتسم: لا هسوق بسرعه , ولو وصل العميل قبلي اتكلمي معاه
جيجي: ده انا حبيت اجي بدري عشان مبقاش قاعده لوحدي , بس متتأخرش اشتقت لك يا حبيبي
امير يحط أيديه ورى رقبته : وانا كمان اشتقت لك يا حبيبتي
الصوت من وراه: اشتقت لك يا حبيبتي مين دي
امير لف وهو بيقفل الموبيل وملامح وشه اتاخدت واتغيرت للخوف!!