رواية ضحية فرعون الفصل السابع والعشرون 27 بقلم منه محمد
امير راح ع السوبر ماركت اشتري اغراض وطلع ع بيت الخاله اسماء ووقف وقال .....ايمان متعصبه مني جدا لدرجه طلبت مني اطلقها ......انت فعلا غبي يا امير غبي ......اه انا الغلطان اكيد ........ولازم اصلح كل حاجه
امير خبط ع الباب لحد ما سمع صوت اسماء وفتحت الباب مبتسمه:استاذ امير , ياسين يامن شوفوا مين هنا
ياسين جري عليه هو ويامن وضمه ويبوسه فيه وهما بيقولوله: وحشتنا يا بابا
امير بيضم فيهم: انتم كمان وحشتوني , خاله سما الف شكر انك رعيتي ولادي
سما: عادي يابني قاعدين معايا مونسني, انا فرحانه بوجودهم هنا , هما مش بيعملوا شقاوه امال فين ايمان , ولا مع اميره
امير: لاء ايمان راحت تجيب حاجه
سما: يمكن نسيت حاجه في السوق وراحت تجيبها , والا ليه هترجع المشوار
اميربهدوء: تمام يا خاله هستأذن , وشكرا مره تانيه لرعايه والاهتمام بـ لاولاد
سما: العفو يابني
امير : يله سلموا ع جدتكم يله
يامن ضمها بحب: شكرا اوي ع المكرونه الحلوه الي عملتهالنا
سما مسحت ع شعره بحنيه: تسلم يا حبيي
ياسين :شكرا يا تيته هو ممكن ابقي اجي هنا تاني
سما بأبتسامه واسعه: طبعا تعال حتي لو عايز تيجي كل يوم , هعملكم المكرونه والبطاطس
امير :تمام هنستاذن
سما :مع السلامه
امير :يامن انا شايل اكياس كتير , عشان كدا هتطلع السلم لوحدك
يامن : لا عايزك تشيلني يا بابا
ياسين : شيله وانا هساعدك , واشيل معاك الاكياس
امير ضحك : انا بهزر معاكم، يله بينا يا بطل اطلع ع كتفي
يامن ركب فوق دهر امير وهو سعيد وياسين بيضحك
امير بمزح: انت تقلت , كل ده من اكل المكرونه يله بينا
.رجعوا ع البيت لقوا ايمان داخله لانها عرفت ان امير اخد الاولاد من بيت الخاله اسماء
يامن وياسين جريوا عليها : ماما
ايمان: عاملين ايه
يامن: بابا قال ان اميره في المستشفي ممكن اشوفها
ياسين: وانا كمان نقدر نشوفها
ايمان اه طبعا هنزورها بس الاول ادخلوا استحموا ع اما اعمل شوربه الخضار لاميره , وبعد ما اخلص نمشي
يامن وياسين عملوا هيصه ودوشه جامده لدرجه امير وايمان ضحكوا ع شكلهم
امير قرب ووقف جنبها وقالها: واضح متحمسين جدا
ايمان مشت وبعدت عنه من غير ما ترد عليه وهو اتنهد ورفع ايده ومسح على شعره بعبث ودخل وراها ع المطبخ
امير بصوت هادي: فيه اي حاجه اقدر اساعدك فيها
ايمان مصره ع السكوت وبتحضر الطعام بكل جمود
امير سحبها من ايدها تقعد وقعد جنبها: ايمان انا اسف مكنش المفروض اتصرف بالطريقه دي معاكي ومع الاولاد ,انا ظلمتك انتي وهما ,لما سيبتكم لوحدكم , ممكن تسامحيني يا حبي
ايمان نزلت الدموع من عيونها: لو انا وولادي عبئ تقيل عليك , انا مستعده انسحب , وهاخد ولادي معايا , جايز حياتك تكون اهدا بعد كده
امير حط ايده على كتفها وقال بكل حنان يخفف عنها : ياروح قلبي متقوليش كده ارجوكي , اوعدك مش همشي وري غضبي بعد كده اديني فرصه وهبذل كل مجهودي عشان هدوء حياتنا وبعتذرلك بصدق , شوفي انا غلطت و انتي أخدتي حقك, يعني متساويين , و فيه شيء ما تعرفهوش و هو اني مقدرش استغني عنك , خلينا نبدا من جديد و ننسى الي حصل الحياة الزوجية بيحصل فيها دوربات دايما
ايمان: انا معنديش مانع اتحمل الصعب معاك, انا راضيه اعيش معاك بأي وضع طالما هتبقي جنبي, دي اكتر حاجه مهمه بالنسبه لي , كل الي عايزه هو انت
امير مسك ايدها : وكل الي عايزه هو انتي , انا لقيت حل مش هنواجهه ضيقه تاني بعدها , اوعدك
ايمان :انا كمان بعتذرلك عشان اتعصبت عليك, انا مكنش في نيتي اعصيك , بس لما بنتي تعبت فقدت التفكير ملقتش قدامي حل تاني, اضطريت اتصل بماما صابرين
امير: عادي مفيش مشكله انا فاهم , وبتأسف كمان مره اني اتهمتك انك بتتحديني وتعاندي كلامي انتي انسب زوجه ليا ومبحبش غيرك
ايمان: وانت أهم واحد في حياتي انت كلي عايلتي
امير: عارف اعتبرتيني ابوكي , و اخوكي, وجوزك , و صديقك, تعرفي اتجوزتك وانا في نيتي اعمل فيكي معروف بس حبيتك ما هو انتي بصراحه تخلي الحجر الجامد ينطق ويتكلم
ايمان ضربته ع صدره : وقح
امير لما تلفونه رن سحبه من جيبه وبص في الاسم واتوتر وع طول كنسل الخط
ايمان بشك: هي مراه عمك ليه بتتصل بيك كل شويه , فيه حاجه انا معرفهاش
امير مبتسم: لاء يا حبي , معقول يكون فيه واخبي عليكي
ايمان هزت دماغها وردت ع تلفونها لما رن: ايوه يا ماما , اميره كويسه
صابرين: هي زي الفل , بس عندي سؤال انتي لسه في البيت
ايمان: اه بستعد مستنيه بس شوربه الخضار , وبعدها هجيب الاولاد معايا
صابرين :خليكي مفيش لزوم تيجي , سبيني افضل مع اميرة لحد بكره , وانا اتصلت برحمه جابت شوربه خضار واكل صحي , وفوطه وفرشاه اسنان , وكل حاجه اميره محتاجلها انا جبتها
ايمان: بجد طيب اميره مش هتسأل عني
صابرين: هي بتسال عن امير مع شويه شكاوي , بس بعد ما اكلت هديت ده الي اتصلت عشان اقوله , انتي ارتاحي انا هنا اطمني
ايمان: ربنا ما يحرمنا منك يا ماما
صابرين : يله مع السلامه يا بنتي
ايمان اغلقت مع صابرين وبتلف وراها ملقتش امير قالت: اكيد طلع يكلم مع مراه عمه
.............قصص منه محمد كاتب.........
جيجي دخلت للصالون شافتها مركزه في الفراغ: طنط شاهي سرحانه في ايه ياتري
شاهي بصتلها: لا بس افتكرت حاجات من الماضي , وانتي متشيكه كدا ورايحه ع فين
جيجي ابتسمت: هعمل شوبنج عايزه اشتري فستان لحفله عيد ميلادي , تعالي معايا يا طنط
شاهي : لاء روحي انتي, امير رد عليكي
جيجي كشرت بضيق: لاء مردتش , بعد ما هزقته مراته , متصلش واضح انه خاف منها
شاهيناز: لازم ائدب الحقيره دي , دي اتجرائت وصرخت في وش جوزها
جيجي: انا الصراحه اتفاجئت لما اتصرفت كده , لو استمر الحال ده احتمال ميحضرش حفله عيد ميلادي ,والـ 30 مليون راحوا علي الفاضي
شاهيناز :لسه عندنا وقت يا جيجي ,هقرر الي هعمله بعدين بخصوص امير , لانه مش هيقدر يواجهه الصعوبات صدقيني
.............قصص منه محمد كاتب...............
راجل 1 خبطه جامد في الحيطه وقاله بغضب: فين ممدوح ياض
فايز بخوف: ممدوح معرفش مكانه
راجل 2 فتح قطر وحطه ع وشه: مش انت اخوه الكبير, ازاي بقي متعرفش
فايز جسمه اترعش: لاء اسمع هو قال انه مسافر بره ولحد دلوقت متصلش بيا
راجل 1: بره
فايز: اه بره
راجل1: عنده فلوس كتير وهربان من دفع ديونه
فايز: انا والله ما اعرف مكانه
رجل2:ميهمنيش سواء كان هنا ولا لاء , هتكون انت المسؤل تسدد ديونه
فايز: ليه هو المديون ليكم انا مالي , ليه اتحمل مسؤليه ديونه
راجل2 دخل فيه يهدده: انت رغاي اوي ووجعت دماغي, لو مش عايزني اشوه وشك خليه يدفع , هديلك مهله يوم واحد بس , والا
فايز حط ايده الاتنين ع وشه يقاوم الضرب بخوف: لا, لاء بس انا معرفش مكانه , صدقني
راجل بنظرة حاده: 1 كدا تعال يا نونس عين امك انعشلك الذاكره
وقعوا فايز علي الارض وفضلوا يضربوه بكل قسوه
راجل 2 زقه: اسمع يله انا يهمني فلوسي توصلي بكره ع داير المليم , ولا مش هتفلت من تحت ايد رجالتي , مراقبينك 24 ساعه فاهم يا حيلتها
راجل 1 : اتصل اول ما يرجع اخوك الحرامي النصاب
................قصص منه محمد كاتب...............
امير واقف بره الشقه وقال: بعتذر يا مراه عمي , مقدرتش ارد عليكي
شاهيناز: حصل خير , انا بعتذر لو ازعجتك
امير: لا خالص مفيش ازعاج , انا دلوقت في البيت , لان ماما بتراعي اميره في المستشفي
شاهيناز : فاهمه انك في ورطه خصوصا مع وضعك المادي , واميره تعبانه ومحجوزه في مستشفي غاليه, اتمني ايمان متعملكش صداع
امير : لاء هي كويسه حتي لو حالتنا المادية سيئة, بس اميره الي مش واخده ع المعاناه وده سبب مرضها
شاهيناز : طيب مش حرام ترفض ايد المعونه , و تختار ومستعد تتحمل المعاناه رغم معاك 30 مليون ولسه متردد تصرفه وتبدا
امير: لسه بفكر القرار مش سهل, انا هقفل لاني رايح اشتري حاجات
شاهيناز: تمام متفكرش كتير الفرصه جيالك ع طبق من دهب , لو مغتنمتهاش مش هتحقق احلامك ، وبراحتك يا امير
امير: ان شاء الله
شاهيناز اغلقت الخط وسرحت في طيف ليلي المتوفيه
يونس: سرحانه في ايه في مشروع كبير، في دماغك
شاهيناز رفعت عيونها وبصتله: يعني دماغي مشغوله هنا وهناك
يونس: شاهي مش بتتعامل مع المشاريع الصغيره , او مشاريع قليله , بتحب تشتغل مشاريع ع اوسع نطاق , بس متكرريش خططك الشريره , لاني مش هسمحلك بكده ابدا
شاهيناز عضت على شفايفها واتغيرت ملامحها بشكل يخوف بالسواد الي جواها وضربت التربيزه بكل الي عليها
..............قصص منه محمد كاتب............
ايمان بهدوء: امير
امير: نعم
ايمان بفضول: ليه مراه عمك كانت بتتصل بيك , عايزه ايه
امير: ولا حاجه , بتسال عن اميره
ايمان: بصراحه مش برتاح للست دي , خايفه لتكون بتخطط لحاجه
امير توه الكلام بسؤال: خلصتي الاكل لـ اميره
ايمان: ايوه كفايه داده رحمه عملته ليها , النهارده تاكلها من ايدي
امير: ماما عايزكي ترتاحي , عشان كدا رفضت نروح امبارح , بس اكل المستشفي حلو بس بما اتك طبختي ممكن اكل طبق منها
ايمان: عايز بجد منها
امير: اه
ايمان: ليه هو انت كمان عيان
امير: لا انا تمام عايز بس اكل من عمايل ايدك الاكل الجاهز مش حلو زي اكل مراتي
ايمان: ايوه اكل المطاعم بيجيب امراضي, لما كنت طفشان في بيت حجاج اكلت من بره ولامراته هي الي كانت بتطبخ , اكيد اكلها حلو اوي لدرجه خلاك تنسي عنوان البيت
امير: اممم بتتريقي عليا صح , مراته مكنتش هناك , قاعده عند امها
ايمان بستغراب: ليه صاحبك يسيب مراته, في بيت حماته
امير: عشان امها تاخد بالها منها , مش والده اكيد تعبانه, ماهو مش كل زوج يقدر ياخد اجازه بسهوله فيه منهم شغال باليوميه , ولو مشتغلوش مش هيلاقوا, اوعدك هكون مسؤل اكتر من كده واهتم بيكي وبـ الاولاد بكل طاقتي
ايمان: يعني وقت ولادتي زمان امي الي كانت بتراعيني , وكنت انت طول الوقت مشغول
امير بمرح: يا ظالمه كأني ولا عملت اي حاجه , حالا نسيتي لما كنت كل ليله بجهز الرضعه للاولاد، اكيد نسيتي ،وده مش حلو عشانك
ايمان: ايوه بس اي ست بتبقي في الوقت ده محتاجه لجوزها ,يفضل جنبها طول الوقت
امير يهز كتافه وكأن كلامها مش همه
ايمان كشرت: سكت تاني فاهمه انك متردد , وانا مش هصر بعد ما اولد هسافر القريه, واخلي امي تهتم بيا
امير ضحك بصوت عالي : اقسم بالله هموت وانتي مكشره وضاربه البوز، بتفكريني باميره مش بقدر امسك نفسي لما بشوف مد البوز_ يقرب منها ويمسك خدها بخفة_
ايمان تبعد ايده بعبوس: اوعي
امير يبوس ايديها وراسها: طيب خلاص متزعليش اوعدك اهتم بيكي
ايمان : وعد
امير: وعد
...............قصص منه محمد كاتب...................
قاعده منهاره تبكي بشكل هستيري وهي تفر في صوره ليلي علي الموبيل وبتتخيلها في كل زواية حواليها
جيجي دخلت عليها زي المجنونة مسكتها من كتافها : طنط شاهي مالك, ليه مضايقه كده حد زعلك
شاهيناز بدموع سيول والمكياج ساح على بعضه: فيه غيره القهر والزعل
جيجي ضمتها من كتافها لصدرها : متزعليش انا عايزكي دايما مبسوطه , الزعل وحش
شاهيناز : حاجه واحده بس الي هتخليني مبسوطه ياجيجي
جيجي : ايه هي
شاهيناز بحقد: انهيار ايمان
جيجي: بمعني
شاهيناز: كل حاجه حياتها الزوجيه , اهلها , عيالها , عايزها تعاني اسوء من ليلي بمراحل كتير
جيجي مش مستوعبة الشئ الي بتسمعة: تمام لكن ذنب امير ايه , متقوليش انك عايزه تدمري حياته
شاهيناز: ليه انتي معجبه بيه
جيجي اتحركت بأرتباك وهزت راسها بالنفي: لاء طبعا , بقول مفيش داعي للحقد هياثر ع راحه بالك , انا مش عايزه اشوفك متوتره ومزعوجه
شاهيناز: قولي الصراحه عندك مشاعر ناحيه امير
جيجي نزلت دماغها لتحت وقالت: ايوه فيه
شاهيناز :كدا يبقي نساعد بعض
جيجي : تقصدي ايه بنساعد بعض مش فاهمه
شاهيناز: الاول هساعدك توصلي لـ امير , وانتي تساعديني اخد انتقامي من الحشره الوضيعه ايمان، اتفاقنا
جيجي بلعت ريقها بتوتر : لا يا طنط برغم ليا مشاعر اتجاه امير بس مش عايزه انتقم من ايمان , لانها مأذتنيش في اي حاجه , طنط انا بجد اسفه لايمكن اساعدك
شاهيناز صرخت لحد ما صوتها راح
جيجي خافت واتوترت: ممكن تهدي اعصابك مش كده
شاهيناز: لما كانت ليلي موجوده في الدنيا كانت بتعرف تهديني
جيجي: وانا حقيقي مش عايزه اشوفك متوتره ومتعصبه كده , انتي عندك الضغط , وده هياثر ع صحتك لمجرد عندك ضغينه ضد ايمان
شاهيناز : عشان لسه فاكره بنتي في اخر ايامها كانت بتحملني المسؤليه بكل الي حصل, حتي في اخر لحظاتها خلت الست الحقيره تلقنها الشهاده, اما انا ايه , رغم هي السبب في حادثه بنتي
جيجي ضمتها : كفايه يا طنط ارجوكي كفايه , لو فعلا هي السبب من حقك مش تسامحيها
شاهيناز: لو كنتي مكاني كنتي هتقعدي وتفرجي وبس , كنتي هتسيبها تعيش مبسوطه وهي الي اخدت منك اعز حاجه عندك, وبعد ما خلتها تعاني طول حياتها ماكتفتش دفنتها تحت التراب
جيجي : بصراحه لاء
شاهيناز : يبقي ليه رافضه تساعديني انتقم من الحقيره دي , جيجي انا مليش حد الجأله غيرك اعتبرتك بنتي( باست ايدها ) مش حاسه بالشفقه ناحيتي
جيجي :موافقه اساعدك
شاهيناز ضمتها وابتسمت بأنتصار انها هتحقق غايتها وقالت: الف شكر يا جيجي
.................قصص منه محمد كاتب.................
امير: هو ممكن اخد طبق تاني
ايمان: انت اكلت نص الحله
امير: مين قالك تعمليها حلوه كده
ايمان: اكيد فيه سبب تشكر في اكلي
امير: لا مفيش, بس بجد نفسك في الاكل حلو , وبعدين لو مش هشكر في اكل مراتي , هشكر في اكل واحده تانيه
ايمان : اممم واضح انك بتفكر فعلا في واحده تانيه , ليه زهقت مني
امير بأبتسامه واسعه: مع زوجه جميله زيك لايمكن ازهق ابدا
ايمان : هو ممكن اثق فيك , يمكن فيه واحده بره واقفه مستنياك
امير: عرفتي ازاي حد قالك
ايمان بغيره مجنونه: اه يعني بتعرف غيري , اوكيه في الحاله دي روح يله اتجوزها , اتمنالك من قلبي السعاده . ولو عايزني اروح اخطبهالك انا علي استعداد اجوزهالك كمان لو تحب
امير ضحك بسعاده وهو بيشدها لحضنه : بقيتي بيعاني للدرجه , تدعيلي انتي علنياتك اوي , حبي مفيش ست في الدنيا تقدر تحل مكانك انتي مميزه في قلبي انا بحبك كتير
ايمان : متاكد
امير: احلف لك بأن روحي مرهونة باسمك
ايمان : وروحي اسيرة لروحك
امير حرك ايده ع خدها وقال : يبقي اتفقنا ,, انا اسيرك , وأنتي اسيرتي , نمشي الطريق للنهاية