رواية ضحية فرعون الفصل الثامن والعشرون 28 بقلم منه محمد
في المشفي دخل امير بشنطه غيارات لـ اميره
اميره بفرحه: بابا
امير ضمها: روح قلب بابا وحشتيني_ باس دماغها_ انتي كويسه
اميره : بابا وحشتني ليه بتشتغل لفتره طويله انا مش بحب اركب اتوبيس المدرسه
امير مسح ع شعرها: انا متاسف جدا يا قلبي, اوعدك بعد كدا انا الي هوصلك وارجعك اتفاقنا مش هتحتاجي تركبي الاتوبيس بعد كده , ولما اشتغل ماما الي هتوصلك وترجعك
اميره: بس لما هتشتغل ازاي هتوصلني ,مش احنا معندناش غير عربيه واحده
صابرين: لو ابوكي كان شغال هوصلك انا للمدرسه ,اهم حاجه عندي متزعليش
اميره: متأكده توعديني
صابرين ابتسمت: ايوه اوعدك مش كدا يا امير
امير هز دماغه وقال بضيق: اه جدتك هتبقي توصلك
ايمان دخلت ووراها التؤام عاملين دوشه وصابرين بفرحه اشتاق: حبايبي تعالوا وحشتوني اوي اوي
ايمان : ياولاد مش قلت متصرخوش احنا في مستشفي
يامن : جدتي وحشتيني
ياسين :ووحشتيني انا كمان
صابرين بتضم فيهم :انا الي بحبكم ووحشتوني
ايمان بضحكه: مصدق فرصه واخد فلوس وراح اشتري زياره لـ اميره , بس اول ما وصلنا لهنا الزياره اختفت في بطنه يله وريني يا يامن هتدي ايه لاختك
صابرين بدغدغ بطن يامن بمرح : صح ليه اختفت في بطنك
يامن بضحكه :عشان اميرة مش بتحب الشكولاته
اميره: لاء انا بحبها
يامن : بس انتي عيانه الشكولاته تتعبك, والدكتور هيهزقك مش كدا يا ياسين
ياسين : صح انتي تعبانه اكل الشكولاته يضرك
امير: اكيد يامن وعدك بحاجه عشان تسايره
صابرين: كفايه انا هشتري شكولاته انتي عايزه
اميره : ايوه عايزه
صابرين : اوكيه
يامن وياسين هجموا ع اميره يضموها بحب
ايمان : براحه اختكم تعبانه
امير اتسحب بمكر وسحب الشكولاته من جيب يامن :وضحك: اهيه الشكولاته لقيتها
صابرين ضحكت: عيل ذكي خباها
ايمان :اميره عايزه تاكلي عملت لك شوربه لسان عصفور
اميره : لا انا شبعانه , تيته اكلتني فاكهه كتير
ايمان: ماشي لو حسيتي انك جعانه بعدين هاكلك , ماما صابرين اكلتي
صابرين:اه يا بنتي جبولي وجبه من المستشفي , واميره رفضت تاكل مستنيه اكل امها يله طالما انتم هنا هروح البيت اغير هدومي وارجع ع المساء
يامن: جدتي فين جدو
صابرين وهي بتمسح ع شعره: مسافر يا حبيبي عنده شغل , واول ما يرجع هخليه يجي يزوركم
يامن: طيب انا عايزه اروح معاكي البيت ،وياسين كمان
ياسين: اه عايز
امير بحده خفيفه: بلاش تصرفات صغيره خليكم هنا , مش جاين تقعدوا مع اختكم
صابرين رفعت عيونها وبصتله بحزن وقالت بقهر: مفيش مشكله خليكم مع اميره هتونسوها وانا هرجع تاني اخر النهار ،ايمان الدكتور قال اميره هتخرج المساء
امير: طالما هتخرج المسا مفيش لزوم تيجي ,استريحي في البيت اكيد مجهده سهرتي طول الليل تراعي اميره
صابرين بنظره كلها ملامه : بما ان اميره هتخرج لازم ارجع عايزه اشبع من احفادي , ربما بعد كده مقدرش اشوفهم
ايمان بمتنان: مع الف سلامه يا ماما , وبجد الف شكر
صابرين: بتكشريني ع ايه يا ايمان , عارفه انك مشغوله مع الاولاد بس المهم تدي الاولويه لصحتك ملاحظه وشك تعبان اوي
ايمان: لاء انا كويسه ممكن عشان فتره الوحم
صابرين بسعاده: انتي حامل
ايمان: ايوه
صابرين: الحمد لله هيبقي عندي حفيد جديد قريب ويامن مش هيكون اخر العنقود بعد كده
يامن: ليه مش هبقي اخر العنقود ,بابا مش انا الصغير
امير هز دماغه وواضح ع ملامحه الضيق
يامن: شوفتي هز دماغه انا الصغير يا جدتي
صابرين: هو عمل كدا عشان مش عايزك تزعل , هنا في بطن ماما بيبي ,واول ما يتولد هتكون راحت عليك وهو هيبقي اخر العنقود
يامن بهيصه: الله هيبقي عندي اخ اصغر مني ,واميره مش هتضربني
اميره وسعت عيونها بصدمه: انا بضربك يا كداب
ياسين: انا فرحان هيبقي عندي اخ صغير اللعب معاه
اميره: بس مش عايزه ماما تجيب اخت لان بابا وماما وجدو وجدتي حبهم ليا هيقل
صابرين : معقول ده مستحيل انتم كلكم غالين عندنا , يله كفايه كلام عايزه ارجع بيتي سلام
ايمان: سلام خالي بالك من نفسك يا ماما
صابرين هزت لها دماغها ورجعت بصت لـ امير الي قاعد مضايق ومكشر
ايمان لـ اميره: اميره شويه تقومي تاخدي شور و تغيري هدومك
اميره: ماما هو بعدين مقدرش اروح بيت جدتي
امير: ليه عايزه ترجعي بيتها , مش عايزه ترجعي معانا البيت
اميره: اصل مش هقدر اشوفها تاني
امير: هتشوفيها النهارده
اميره: ايوه بس مش بكره
ايمان : اميره كفايه كلام انتي عيانه يله نامي شويه
اميره: ماما مش هقدر اروح بيت جدتي ممكن تقوللها تيجي هي بيتنا
امير :هي متقدرش تطلع سلالم عاليه وكفايه متفكريش في الموضوع يله ارتاحي وغمضي ونامي وانا رايح ادفع حساب المستشفي
ايمان بهدوء بس ماما قالت انها هتدفعها
امير :اكيد بعد مااشتكت لها مش كده ،وقلتي عليا مفلس
ايمان: انت ليه دايما بتتهمني ماما هي الي قررت تدفع وانا منعتها بس المشكله مكنش معايا فلوس وهي دخلت اميره مستشفي خاصه عشان كده ان
امير قطعها بضيق وقال : خلاص مش مهم , انا هتصرف مع الامر بنفسي
..............قصص منه محمد كاتب............
عند الاستعلامات واقفه تدفع تكاليف المستشفي
امير: ماما
صابرين لف وبصتله: نعم
امير اخدها بعيد شويه وقال: ليه بتعملي كده عايزه تحسابي ع فاتوره المستشفي لـ اميره
صابرين: دفعت خلاص
امير: مفيش داعي هو انا طلبت منك تدفعيها، انا قادر ادفعها
صابرين: كفايه بقي يا امير، كلمه شكر تكفيني اميرة حفيدتي ومش غلط لو دفعت
امير: تمام الف شكر
صابرين :يا بني الي عمل معاك المشكله هو ابوك ليه دخلتني انا ومراتك والاولاد في كل ده
امير :مش عايز اتكلم في الامر ده وهردلك المبلغ خارج شويه
صابرين وقفت قدامه : بمجرد ما اميره يتكبولها ع خروج ماتخدهاش ع طول استناني ع ما ارجع انت سامع
امير هزلها دماغه واخد بعضه وخارج للجنينه ياخد نفس لقاه صوت انثوي بينادي بأسمه
امير لف وبصلها: مراه عمي عرفتي ازاي اني هنا
شاهيناز: بعت رساله لـ امك الصبح واسفه لو مقدرتش ازور اميره امبارح بس لقيت وقت ازورها دلوقت
امير: هي خارجه اخر النهار وهي حاليا نايمه لازم ترتاح
شاهيناز: هي امك هنا
امير: رجعت البيت اول ما سددت حساب المستشفي
شاهيناز: اه عايزه توصلي انك صابرين هي الي بتتولي امور بنتك ناقصك فلوس
امير اتغير وباين أنه اعصابه اتشددت شوي
شاهيناز: اسفه مش اقصد اهانتك او اقلل من وضعك ابدا, بس يعني عشان المشاكل ويرجع والدك يسخر منك لو عرف ان صابرين دفعت حساب المستشفي امير جاوب بصراحه انت عايز فعلا تأسس حياتك ومستقبلك بعيد عنهم امال ايه ده
امير : اعتقد اميره بخير مفيش داعي للزياره بعد كده
جيجي تدخلت : خلاص نيجي بيتك
امير: ليه
جيجي :عشان نطمن ع اميره اشترتلها هديه
امير :متكلفيش نفسك هي عندها لعب كتير في البيت ليه نزود كراكيب ملهاش لزمه , عن اذنكم عندي مشوار مهم
جيجي جريت وراه وحطت ايدها في دراعه وايمان كانت خارجه شافت المنظر كتمت غضبها ودخلت عند اميره لحد ما دخل بعدها وقعد جنب اميره
ايمان: هو فيه ايه يا امير جيجي ومراه عمك ليه هنا
امير: كنتي بتتجسسي عليا
ايمان: لا طلعت اشتري عصير لـ يامن شوفتك وانت بتتكلم معاها
امير ابتسم : يامن ده ع طول بيعمل مشاكل
ايمان: الموضوع ملوش علاقه بيامن , متعلق بالي بينك وبين مراه عمك وجيجي
امير: مفيش حاجه بيني وبينهم , هما جم يزوره اميره وانا قلت لهم هي خارجه ,وطلبت منهم يرجعوا
ايمان: بس شوفت جيجي متعلقه في دراعك كأنها قريبه منك
امير: ده امر طبيعي هي متحرره شويه , معندهاش خط احمر بس صدقيني مش بديها اي اهتمام ليه مش واثقه فيا معتقده بعمل معاها حاجه لاسمح الله
ايمان : لاء بس هو انت بتحببي انا والاولاد مش كده
امير : ده سؤال طبعا بحبكم ,ايمان مش عارف اركز محتاج اروح اشرب فنجان قهوه ممكن
ايمان : تمام
...................قصص منه محمد كاتب...............
امير رقد جنبها ع جنبه ومشي ايده ع شعرها وعقد حواجبه وهو يلوم
نفسه الف مرة وحط ايده على راسها بدفا وأنحنى طبع بوسه على رقبتها ناحيه الشمال وواحدة ناحيه اليمين وقال:سامحيني
ايمان فتحت عيونها وبصتله: ليه صاحي لحد دلوقت!
امير حرك ايده ع جسمها وفضل يبصلها بنظرات ولهانة واعجاب: اتعمدت استناكي
ايمان :هو انت لازم تحرك ايدك هنا وهناك
اميرباس ايدها واخدها وحطها على خده: يعني بزمتك مع وجود مراتي الي بكل الجمال ده ,اقعد اتفرج واتامل بس
ايمان : ورجع رميو تاني للاسلوبه الرومانسي
امير بلهجة لطيفة: قلبي عارف اني كنت قاسي معاكي , وعارف قصرت في حقك انا بجد اسف اوعدك مش هاذيكي مره تانيه , ودلوقت عايز اكفر عن اخطائي, ايه يرضيكي وانا اعمله
ايمان : لو فعلا عايز تكفر عن اخطائك العقاب تشيل شغل البيت كله من بكره
امير: بتهزري
ايمان: مش بهزر، انا محتاجه للراحه وعايزه اعوض الاسبوع الي غبت فيه . اتفاقنا
امير : بس انا معرفش اعمل شغل البيت , بس ممكن اساعدك في رعايه الاولاد، اقدر ع ده
ايمان: الاولاد مش محتاجين رعايه خلاص كبروا
امير بخبث : كدا نغير الاستراتيجه اهتم بيكي انتي واقضي كل وقتي معاكي
ايمان : ده مش تكفير عن الذنب ده يتسمى استغلال
امير ضم حواجبه: استغلال هستغل فيكي ايه
ايمان ابتسمت بمتعة لان الامور بينهم كل شوي بتزيد حلاوة
امير زفر بضيق : ايمان متبتسميش
ايمان سألته : ليه !!
امير جاوب ببسمة : ابتسمتك بتحرك فيا حاجات كتير وخايف ترديني لو طلبتك !
ايمان : ومش يمكن مردكش
امير شدها لحضنه وقال :كدا تعالي
اميره بتجري: ماما
ايمان قامت بفزع: في ايه
امير: في ايه يا اميره كنت خلاص هحضن امك بوظتي الجو
ايمان: مالك يا اميرة
اميره: انا خايفه انام لوحدي في الاوضه , عايزه انام جنبك
ايمان ابتسمت: بس كدا تعالي _ جثت جبينها_ الحمد لله السخونيه نزلت
يامن دخل: ماما ممكن انام جنبكم
ياسين: وانا كمان خدوني جنبكم
مير: لحظه لحظه ليه الكل مش عايزين يناموا في امكانهم
ايمان: يمكن عشان وحشتهم وكنت غايب عنهم اسبوع كانوا بيناموا معايا حبي يظهر اتعودوا علي كدا دلوقت عشان كدا مش عايزين يناموا في اماكنهم
امير بغيظ: انتي الي علمتيهم صح
ايمان: ليه انا مين قالك تختفي اسبوع ها عيز تهج تاني بعد الي حصل
اميره بدفاع: : لاء يا ماما , بابا مختفاش , هو راح يشتغل
امير: اه كنت بشتغل , واوعدك مش هختفي ولا هعمل كده تاني , يله مستنين ايه ناموا
.................قصص منه محمد كاتب.............
جيجي بترد بغضب ع موبيلها: خلاص بقي يا جو ......اوكيه هستناك
شاهيناز بصتلها بسؤال: هو ده حبيبك
جيجي برتباك: لاء طبعا ده البيست فريند المقرب ليا لما كنت عايشه في امريكا , كنتي عايزه تقوليلي حاجه عن امير
شاهيناز :اه اسمعي انا متاكده انه هياخد 30 مليون هو طماع وجشع, عمره ما قابل صعوبات كده مستحيل يرفض وكمان متاكده انه ميقدرش يسدد في ظرف سنه ولا سنتين
جيجي: لنفرض انه مقدرش يسدد في حدود سنه ولا اتنين , ايه الي بعد كده
شاهيناز : يبقي جات اللحظه الي مستنينها ووقتها نقدر نحكم ايدينا عليه
جيجي بستفهام: بس هتعملي ده ازاي
شاهيناز بتهكم: انتي غبيه اوي , دي صفقه لو حبينا نمسك شخص في ايدينا نخليه مديون لينا , او يدين نفسه بحياته ,وقتها يبقي تحت ايدينا للابد ونبعده خالص عن مراته وش الفقر
جيجي : انتي فعلا ذكيه اوي يا طنط شاهي
شاهيناز بغرور : طبعا
يونس فتح عليهم الباب من غير استأذان وشكله متعصب!
شاهيناز بعصبيه: انت ليه تفتح الباب من غير ما تخبط , كنا بنتكلم في الشغل
يونس: شغل ولا بتهزروا وتضحكوا وبترغوا في كلام فارغ
شاهيناز: ايه الي بتقوله ده
يونس: بس اسكتي فين التقرير الي طلبته منك من امبارح يا جيجي
جيجي وهي قاعده في مكانها: : اه عندي
يونس بزعيق :قومي هاتيه
جيجي برتباك :حاضر
شاهيناز بشخط: انت ليه بتتعامل بالاسلوب ده
يونس :انتي عايزه تنجزي في الشغل، ولا تقضيها ضحك وهزار , وتاخدي مرتب
شاهيناز :هو انت شايف نفسك صح وكل الناس غلط
يونس :متقاوحيش انتي واحده مزعجه, شوفتي البريد الالكتروني من قسم الموارد البشريه
شاهيناز :تمام هشوفه
يونس :اتفضلي شوفيه مش فالحه غير ترغي مع جيجي وبس
شاهيناز بصت في صوره ليلي وقالت بلهجه مليانه حقد ......حبيتي متقلقيش فاضل القليل , واخد حقك
.............قصص منه محمد كاتب..............
ماشي لوحده في الحاره رايح يركب عربيته والشارع مليان حفر فيها مستنقعات لونها أسود..
احط ايده على انفه وهو مش قادر يتحمل الريحة الموجودة فضل يمشي لحد ما وصل للعربيه وشاف الخاله اسماء بتفرز الزباله لحد ما داس ع حاجه ريحتها صعبه بسببها اتغاظ جدا وكان نفسه يروح يقولها كام كلمه ,,لان الشوز اتبهدل منها طلع منديل وفضل يمسح جزمته وهو قاعد ع عربيته لحد ما موبيله رن
امير بزهق: ها ياحجاج قدرت توصل لمكان الزفت ممدوح
حجاج: لسه يا امير بس بدور علي اخوه اكيد عارف مكانه
امير ضرب جبينه: صح انا ليه فاتني اخوه كان اسمه فايز , وهو الي اشترك مع اخوه يلبسوني انا وايمان قضيه
حجاج: اه منك يا امير ازاي بس فاتك امر مهم زي ده
امير والقرف باين علي ملامحه الحادة من المكان والريحه : انا في ورطه وقاعد عاطل مفكر هفتكر كل ده أفففف ايه القرف ده ياربي
حجاج : مالك
امير بحدة: ميخصكش .انا بكره اعيش في الحاره دي انسي تعال نتقابل في المكان بتاعنا
حجاج : اوكيه نتقابل
امير قفل واتك ع اسنانه وقال........ اه لو وقعت في ايدي يا ممدوح هنزل فيك ضرب
امير بعد ما قابل حجاج وخارج يركب عربيته لقاه الي رايحه بلهفه عليه
امير : جيجي
جيجي : انت فاجأتني كنت لسه داخله المطعم اتعشا ,واتفاجئت بوجودك اكلت
امير : لسه بس شربت قهوه مع صحابي
جيجي بأبتسامه واسعه:كدا تعال ناكل سوي , نسيت مش وعدتني بانك هتشاركني بنصايحك تساعدني في شغلي بس لما قابلتك من فتره كشرت وحتي معزمتنيش ع كاس عصير
امير: متزعليش انا كنت في الفتره الاخيره مشتت وتعبان
جيجي حطت ايدها في دراعه وقالت: تمام استريح وسيبني اسوق, وهاخدك لمكان لطيف ناكل هناك وبعدها هترتاح , وبعد كده هرجعك لعربيتك
امير: خليها بعدين
جيجي: عارفه انك تعبان بس صدقني مش عايزه اشوفك متوتر وتفكر في كل حاجه استريح سيبني انا افكر بدالك يله بقي ولا هتزعلني منك
امير مبتسم: لاء ياستي متزعليش
جيجي فرحت انها وصلت لغايتها ودخلت معاه وقعدوا ع تربيزه لكن اتفاجي بيها بتقوله انها هتطلب خمره
امير بصدمه: ليه خمره
جيجي: عشان نحتفل
امير: نحتفل بأيه
جيجي: بمعادنا الاول
امير بؤبؤ عينه وقف وظهر على وشه حركه تدل على الصدمه
جيجي بضحكه ملعله: شكلك يضحك , كنت بهزر ليه اخدت كلامي جد كده
امير ضحك: والله صدقت ليه كدا يا جيجي انتي شكلك مشاغبه , بس تصوري بقالي فتره طويله مضحكتش بتعامل بس مع مشاكل كتير
جيجي: عشان كدا اغتنم الفرصه , ليه رفضت عرض طنط شاهي
امير بصلها وسكت بضيق
جيجي تابعت: امير انا الي طلبت من طنط شاهي تساعدك وتقف جنبك, ماهو صعب اشوف راجل بيزنس مان بيقع عشان شويه اخطاء , كل راجل الاعمال بيغلطوها عادي
امير على ملامحه الجد: بعدين, سبيني افكر في الموضوع الاول
جيجي: فكر قبل ما طنط شاهي تغير رايها انتهز الفرصه ده الافضل هي كل همها تساعدك لانها رافضه افعال عمو عادل حبت توريه انك تقدر تنجح بعيد عنه وعن فلوسه لحد امتي ناوي تعيش في مكان شعبي مشتقتش لفيلا وتاكل في مكان زي ده , ده مكانك الطبيعي الي المفروض تعيش فيه , زائد شايف الحاره مكان مناسب لاولادك يعيشوا ويتربوا هناك , اشفق عليهم لو شويه
...............قصص منه محمد كاتب............
ايمان رايحه جايه بقلق: راح فين الوقت اتأخر ياتري حصلت معاه مشاكل ياتري هو كويس
امير كان هنا دخل وفتح الباب عليها وبصلها
ايمان : انت كنت فين
امير: انتي لسه صاحيه
ايمان: انام ازاي عارف الساعه كام
امير: معلش الوقت اخدني وقعدت مع حجاج نتكلم
ايمان: طيب كنت ع الاقل اتصل بيا , مش تسيبني كدا اضرب اخماس في اسداس
امير: قلت لك كذا مره هرجع متأخر بلاش تستنيني
ايمان: غصب عني قلقت عليك , مش جوزي
امير وهو يقرب دماغه منها وبهمس: والحبيب الغالي كمان
ايمان ابتسمت: بالظبط ها جعان اسخن لك
امير: لا انا اكلت مع حجاج , محتاج اخد شور وانام, يله نامي انتي
ايمان: امير
امير: نعم
ايمان: فيه كيكه في التلاجه حلوه اوي اجبلك حته منها
امير: يعني عملتي كيكه
ايمان: لا بصراحه خاله اسماء
اميراتحرك بهدوء متوجه للصالة ووقف عند باب الحمام وقال: بتحب تقرب اوي من الست القذره دي..... مش بتشغل عقلها, لحد امتي هتحمل الغبيه دي
...........قصص منه محمد كاتب.................
ممدوح: في ايه يا فايز عايز مني ايه
فايز بعصبيه: وبعدين في قله ادبك , مش تسلم الاول اختفيت فين وسايبني في المصيبه دي لوحدي
ممدوح: متصل بيا ليه وانت متعصب , ولا متصل تعلق ع قله ادبي, وفرها لنفسك انا عايز انام
فايز: يعني تنام وانا اتبهدل بسبب الناس الي اخدت فلوسهم ضربوني وهددوني
ممدوح: وانت ايه الي وداك ناحيتهم مش قلت لك تمشي من المكان الي انت فيه واضح انهم بيرقبوك
فايز: انا مش قاعد بمزاجي غير كدا هما ورايا في كل مكان
ممدوح: يعني شايف انت الوحيد الي محطوط في مشكله انا متوتر مش ممكن اهدأ شويه
فايز: يعني عايز ترتاح بعد ما اختفيت وتطلب مني اسيبك ترتاح, يابني ادم عطوني مهله للاسبوع واحد ولو مش هدفع هيقـ تلوني , ليه مدفعتش ايه مشكلتك
ممدوح: ازاي ادفع وانا مفلس معيش اي حاجه , بس انت بتشتغل ارملهم اي ملمين دلوقت وسكتهم
فايز: انت عبيط ولا بتستهبل, انا اترفدت من شغلي بسببك , ويادوب بجيب اكل يومي ده غير شايل امي ومصاريفها ,انا بقيت ببيع كراتين وعلب عشان اكسب دخل اضافي وبعدين راحت فين الملايين والدولارات الي اخدتها بالاحتيال
ممدوح: مش قادر اسحب الفلوس دي من حسابي لان جمدوها قبل ما اهرب واسافر كل ده بسبب الي فتن عليا وسحبني معاه
فايز: انت في الاساس العقل المدبر, لازم تكون مرمي في السجن معاه لكن انت حر وبتستمتع في بلاد بره
ممدوح :انا مسافرتش حتي ملقتش معايا فلوس , ومبلغين عني هربت هنا ومستخبي والبوليس بيدور عليا في كل مكان
فايز: ممدوح بطل تخلق اعذار ان حسابك اتجمد , قول صرفت الفلوس ع مزاجك هنا وهناك انت عملت لي مشاكل كبيره , وانت ولا في دماغك
ممدوح: كفايه بقي كفايه انا مش فايق وعايز انام متتصلش بيا تاني
فايز بص للموبيل وقال: ماشي يا ممدوح ماشي نام
..........قصص منه محمد كاتب.................
اسماء فتحت الباب: فايز انت في البيت
فايز مداري وشه بكاب: ايوه يمه لسه راجع من دقايق
اسماء ولعت النور: ومالك قاعد كده في الضلمه انا نظري ضعيف
فايز نزل الكاب اكتر ع وشه: انا اصلا ماشي بس جيت استحما , وبعدها هخرج امسكي المبلغ ده
اسماء: الحمد لله جه في وقتهم ربنا يخليك ع طول فاكرني وبتهتم بيا
فايز: ده واجب عليا اهتم بيكي انا بس مش عايزك تتعبي نفسك في الشغل لو رقدتي هيكون الامر صعب عليا
اسماء بصتله: انت كويس
فايز : اه بس تعبان شويه هدخل استحما وامشي
اسماء: وريني اشوف وشك مخبي عني ايه
فايز: هخبي ايه بس عنك يمه
اسماء شالت الطقيه من ع دماغه: كدا وريني اشوف لعبت بديلك تاني
فايز: لا يمه متتعصبيش لضغطك يعلي عليكي
اسماء: هتقعد تنصحني وشك متشلفط مين ضربك قولي مين
فايز: يمه كنت راجع امبارح من الشغل وطلعوا عليا ناس سرقوني فقاومت ضربوني
اسماء: الله يلعنهم بلغت عنهم
فايز: اه بلغت متقلقيش روحي اوضتك ارتاحي انا هستحما وبعدها هطلع ع الشغل
اسماء: بجد بلغت
فايز: ايوه
اسماء: طب حط مرهم ع الجروح
فايز: هحط يمه خدي بس برشامه الضغط
اسماء: حط مرهم الاول
فايز: حاضر متقلقيش روحي ارتاحي
اسماء: دايما انت واخوك معاكم مشاكل
.......قصص منه محمد كاتب................
في العربيه قاعد مستنيها لحد ما خرجت وركبت جنبه ومعاها علب كتير محطوطه في اكياس
امير: ليه غبتي كدا , وبعدين ايه كل العلب دي مين هياكلها
ايمان: عايزه اتصدق
امير: عايزه تتصدقي بكل ده , وكأننا اغنياء جدا
ايمان: احنا اه بنمر بظروف صعبه عشان كدا نكتر من الصدقات, وقريب ان شاء الله هتفرج وربنا هيرزقنا من وسع
امير: مفيش فايده من ده كله , انا لحد دلوقت مش لاقي شغل , وبالنسبه لممدوح الحرامي الي سرق فلوسي ملوش اي اثر لحد دلوقت , يعني فين الرزق ده الي هيكتر
ايمان: حرام تتكلم كده , احنا نعمل الي علينا والباقي ع الله
امير: خلاص يا ايمان مش لازم تردي عليا بمواعظ , انا مرهق اربطي حزامك
شويه ووصلوا الحاره وايمان وزعت ع معظم الناس لحد ما جه دور الخاله اسماء وراحت هي وامير يخبطوا عليها
اسماء بترحاب شديد: ايمان والاستاذ امير اتفضلوا ادخلوا , ليه لسه واقفين اتفضلوا
امير: ازيك يا خاله عديت اديكي من الي جبناه
ايمان: اتفضلي
اسماء: ليه كلفتي نفسك
فايز هنا كان راجع ووقف ع اولي سلمه بخوف لانه عارف امير
اسماء: بما انكم اتقابلتوا خليني اعرفكم , ده ابني الكبير فايز والتاني
امير كمل: ممدوح
اسماء بتعجب: انت تعرف ممدوح
امير: اعرفه وانتي وهما جيتوا هنا تتأمروا وتخدعوني ,ودلوقت قولي فين اخوك مش انتم اغنياء ليه لسه عايشن في الشقه المتهالكه دي
فايز: لاء يا امير انت فاهم غلط, انا مليش اي علاقه بيه , انا بدور عليه ,بس مش عارف القيه ولا عارف هو فين
امير بغضب : بس كفايه مستحيل اصدقك انت واخوك ولاد ابلسه
اسماء: ايه الكلام ده يافايز الي قاله الاستاذ امير صح
فايز حرك دماغه بالنفي: لا يمه
امير: ست انتي بطلي تمثلي مش مكفيكي ابنك خدعني , ودلوقت امه عايزه تخدعني
ايمان: امير خاله اسماء
امير: كفايه يا ايمان انتي متعرفيش اخلاق الناس دي كويس , دول اسوء ناس قابلتهم في حياتي
فايز: متتهمناش بالبطال
امير: انا بتهمك شايفني بتهمك واخوك نصب عليا , وهو الي جاب امك تسكن هنا عشان يكمل انتقامه مني
اسماء: فايز ايه كل ده
امير بنظرة أحتقار: قلت وقفي تمثيل يا ست انتي , مثلتي عليا وعلي مراتي انك بتدوري في صفايح الزباله ع حاجه وانك عايشه حياه صعبه وفقيره وتاخدي تعاطف الناس, وانتي في الحقيقه العقل المدبر وري كل الخداع ده انتي ست من غير عقل
فايز مسكه من تي الشيرت: اياك تهين امي
اسماء: فايز كفايه
امير: يله عايز تمد ايدك عليا اتفضل اضربني
اسماء شدت ابنها بعيد وقالت : فايز بس كفايه جنان
ايمان : امير اهدا لو اتصرفت كدا المشكله مش هتتحل , وانا متاكده ان خاله اسماء مش متورطه في كل الي حصل
امير اتبدلت ملامحه بشكل يخوف: اسكتي يا ايمان متعصبنيش اكتر بكلامك, امشي روحي يله
اسماء : فايز قول الكلام الي قاله حصل
فايز: انا هحل كل حاجه
اسماء بدموع: اقسم لك انا مش متورطه
امير ابتسامة أستهزاء مرسومة على شفايفه: وانا اهبل وهصدقك , انتي مربتيش عيالك وطلعتيهم نصابين محترفين
فايز: وامك ربيتك لما كنت بتتعامل مع مراتك بقسوه, ايه نسيت معاملتك ليها زمان ،،الكل عارف
امير هجم عليه زي المجنون ضربه باللكمه لكن فايز دفعه وداخل فيه يضربه
اسماء تفكهم عن بعض: بس استهدوا بالله , ابعد يا فايز, امير قال الصح انا معرفتش اربي واهتم بولادي, انا اسفه يابني انا مستعده تضربني يله اضرب استاهل غلط ولادي
امير صرخ بغضب: خد امك من قدامي
فايز: ادخلي يمه واقفلي الباب
اسماء بتهبد ع الباب بقوه : فايز افتح يا ولا افتح
امير هو بيشاور علي فايز بنفعال: قول لـ اخوك النصاب الي ملوش قيمه ,قوله مدمرش حياتي ابدا , انا لسه امير نفسه ولسه عايش مرتاح , انا مش عايش في عسر ,,انا اسعد دلوقت ,,ولو مش مصدقني قوله يزورني في مكتبي ومستعد اقدم له القهوه ,,وقوله مش هسيبه يفلت ,,وهلاقيه لو في اخر الدنيا وهرميه في السجن واتأكد انه هيموت خالص
اسماء بتحذير من وري الباب: فايز اياك تتخانق معاه
فايز: خلاص انتهي الموضوع يمه