قادرين تتخيلو انو تكوني عايشه مع البتحبيهو انتي وهو مبسوطين لكن الحوليكم ما مبسوطين اتجاهكم ما تعرفوها غيره حسد ولا دا اسمو لا انتو ليه مبسوطين وحلوين مع بعض كنت بلاقي تعاليق سلبيه انتو هسي بتتونسو بتقولو فشنو دا لمن اكون هو ف الشغل وانا في البيت نحنا هسي مع رجالنا كلمتين ما بنتنيهن انتو كيف والاولاد كيف وعاوزين قروش دا كان تعليق واحده لي في عز حبي ليهو وتعلقي بيهو لحظتها جاني احساس كعب قلت معقوله اجي يوم واكون تعاملو معاي كده لا انا م بقدر اعيش بالحال دا هو المعودني اكون عبيط فيني هو العلمني الحب والكلام في الحب وقصصو ساعتها انا كان عمري ١٦ سنه كل زواجي مبسوطه بيهو هو ما بتزكر اي تفاصيل تانيه بتزكر للان جينا من شهر العسل وانا شبه هو متملكني امي جابت الطقوم والخبايز والحاجات الناس كلهم جو اشوفو امي جابت لي نسابتي شنو الا انا من مكاني م قومتا لانو زاتو مافاهمه شي ولا مفتكره في تفاصيل زي دي كل الفاهماهو هو والبس التوب ونطلع البحر نمشي اي مكان دا كان مفهومي للزواج
طول فتره اجازتو اهلو ما بقيفو دقيقه من فلان جاك قومو سلمو عليهو من اول شهر وانا في عمر ١٦حسيت بعدم استقرار وفي نفس الوقت وصلت معاهو مرحله الادمان هو كانت فيهو كل الصفات البتتمناها اي بت حنين وطيب وبحبني بس كيف اخلي اهلو يحبوني ورغم اني حدي الان انا ساكته ما غلطت عليهم بكلمه بس اكتشفت انو انا غلطت عليهم غلط كبير كونو انو احب ولدهم وادمنو واكون عبيطه فيهو دا غلط وحرام عديل من اول اسبوع حسيت انهم خافو مني وبقولو في قلبهم مسكتو مننا ووووو وكانو بلمحو ليهو بكده عديت شهري الاول معاهو حب عظيم حب انا متاكده اقسم بالله عبله م حبتو لي غيث بقيت شايفه الدنيا هو اهلي قالو لي العروس بتجيب راجلها اتعرف علي اهلا قلت ليهم ما جايه عدددددديل رغم انو كانت عندي غرفه وغرفه مفتحه بكل الاتجاهات الناس ادخلو وامرقو بعندها بس حبيتا لاني اخترت معاهو العفش انا وهو كان ي داب متخرج ومشتغل قدر العندو عمل بيهو العرس واشترا بيهو الغرفه ما كان عندي طموح غيرو هو يوم كان ماشي الشغل انا بتزكر الحزن الدخل فيني لو ميت لي زول م كان حزنتو بكيت قدرتي وهو كان حنين لمن جا يودعني حسيت بضربات قلبو حسيت الدنيا دي كعبه ودا اصعب فراق عيشتو في حياتي من لحظه فات الغرفه غلبني ادخلها خاته لي سرير في ظلها واليوم كلو راقده فيهو الشمس تجيني بهنا امش بهنا حسيت انو لو دخلت غرفتي ح اموت لانو كل ركن فيها بزكرني ليهو بتزكر عمتو جات لقتني ابكي قعدت تضحك عمتو دي الوحيده البحسها ما غيرانه مننا قالت لي بكره تلدي واولادك انسوك ليهو هي بتتكلم معاي وانا اخدت لي سرحه معقوله انا اجي البنسيني ليهو مستحيل
مرت الايام والشهور وجا هو راجع كنت مبسوطه حد الانبساط وهو كمان بس بلاحظ في ملامح اهلو انهم نهاي ما عاجبهم تعلقي بيهو كانو حرام ولا عيب من هنا بدت محاربتي ودي كانت اصعب محاربه خوضتها في حياتي انو انا م اكون هو محور حياتي وما يكون هو يومي عرستا وخلاص اقوم اشوف جبنه النسوان علي وين والقطيعه علي وين والبكا علي وين وارغب حياه الناس اهم شي العرسوها والطلقوها والقبضوها والقصص العباره عن ذنوب يوميه دي دا بي اختصار مجتمعهم كنت رافضه اطلع ليهو عشان ما اخوض في اعراض الناس وما اكونو الناس كل ونستي انا جيت كسرت القاعده ونستي كلها راجلي محمد قال محمد فعل محمد قال لي بحب كده بكره كده كانو بنظرو لي نظره كلها حقد وكراهيه وفشلو انهم يغيروني عشان ابقا زيهم اقنعو مني لا لا طبعا ازنو علي راجلي مرتك ما دايرانا ومرتك صاره وشها ومرتك ومرتك ومرتك جمله مرتك كترت ومرتو هي في الحقيقه مكتفيه بي الامرها بيهو ربنا وعايشه في نعيم الله اعلم اكونو هم عاشوهو عشان كده ما عايزيني اتهنا بيهو اول مره اتناقش معاي وكان صوتو حاد ومشيت اهلي وما مشيت اتحاما فيهم بالعكس مشيت عشان جد م كان نفسي يكورك فيني وغصبا عنو كورك فيني وحسا نفسو غلط علي هو الوحيد العارف كميه الحب الحبيتا ليهو وكميه الاكتفاء الوصلت ليهو معاهو المجتمع التاني جاني في بيتي حبابو الف بس امور النسوان دي م ركبت لي في راسي وهم غصبا عني لازم اركبوها لي في راسي عشان م اقولو مرت محمد تقيانه وما عاوزه الناس الدنيا ادتني اول درس في الحياه الزوجيه اني اركز مع الناس بكونو مبسوطين اركز مع زوجي وحياتي ومملكتي بزعلو بزعلو شديد وبعتبروني عدوهم ودا ما لقيت ليهو تشبيه غير غيره وحسد جا جابني من بيتنا واتناقشنا في بيتنا علي الوضع قلت ليهو انا بس عايزاك انت وبيتي لا عيب لا حرام اني اعوذ الناس بي ونستهم الكلها ذنوب قال لي حاولي اتأقلمي معاهم المهم سمعت كلامو وبقيت احاول اطلع اشهد الله الونسه غير قطيعه ما فيها فايده وطبعا انا بسكت هم بحسوني مفتريه بقيت اعافر في مجتمع انا اساسا م ملزمه بيهو ولا مكتوب معاي في عقد الزواج مرت الايام وانا نقاشاتي قايمه وكره الناس لي كل يوم بتجدد لي وهو م كان عندو قروش عشان يرحلني وغير كده هو م بقدر يرحلني لانو اهلو لازم اقعد معاهم وانا رضيت نهاي م زعلت ولا قلت لا بس الحرب الكل يوم بتزيد علي اكتشفت انها بتخصم من علاقتي بيهو لانو نقاشو كتر معاي ومر يا زمن ودور واهلو كل يوم جايننا بي فهم انا حسيت اني اذنبت مجرد ما ارتبط بي ولدهم بقا لا قادر يقيف في صفي لا في صفهم والرحله طويله ملانه بالمعاناه……..يتبع
لقراءة باقي الفصول اضغط هنا