رواية قلبي تحت حراستك الفصل الخامس 5 والسادس 6 بقلم هاجر عبد الحليم
دخل يامن مكتب أسر والقلق بادٍ على ملامحه، وقلبه يخفق بسرعة. وقف أمامه وهو يحاول تهدئة نفسه قبل الكلام:
— أنا معرفتش أجيبها." قالها وهو يرفع عينيه إلى وجهه.
ارتفع حاجب أسر، وصوته صارم:
— "بس كد إحنا بنضيع وقت يا يامن… كل دقيقة بتفرق."
تنهد يامن، وكأنه يبحث عن حل:
— "طب… روحلها أنت."
هز أسر رأسه بنبرة حازمة:
— "مينفعش… في إجراءات لازم تتم هنا. محتاج أعرف اسمه بالكامل، أو على الأقل تيجي توصفه. أنا جبت رسام يقدر يشتغل على ملامحه من وصف صوفيا بالكمبيوتر. ولو طلع عنده سوابق… هنعرف نجيبه بسهولة."
نظر إليه بعينين حادّتين، وكأن كل كلمة يحملها وزنها على ضميره:
— "لو بتحب اختك… لازم تكون عندي في أسرع وقت ممكن."
تنهد يامن ببطء، وأومأ برأسه بحزم:
— "ربنا يسهل."
...
جلست صوفيا على سريرها، الدموع تنهمر على خديها دون توقف، وكأن الحزن قد استقر في قلبها. بقيت ساكنة، متعلقة بأفكارها، حتى فجأة رن هاتفها.
رفعت الهاتف بتردد، وقالت:
— "الو…"
سمعت صوت هاجر من الطرف الآخر، مليء بالقلق:
— "صوفيا؟"
ارتجفت صوفيا قليلاً، وأجابت بصوت خافت:
— "هاجر…"
استمرت هاجر بنبرة حنونة:
— "أيوة… أخبارك إيه؟"
تنهدت صوفيا وقالت بصعوبة:
— "تمام… الحمد لله."
قالت هاجر بسرعة، وكأنها تحاول تهدئتها:
— "أنا بتصل عشان أطمن عليكي… انهردة مجيتيش العرض والمدير فضل يزعق. لولا المصمم طلب مني أبقى مكانك… كان زمان خسر خسارة مالية كبيرة للشركة."
ارتسمت ابتسامة ضعيفة على وجه صوفيا، وقالت:
— "يعني اتحلت…"
أجابت هاجر بدهشة:
— "أه… مش زعلانة؟"
أغلقت صوفيا عينيها للحظة، وكأنها تحاول السيطرة على مشاعرها:
— "مبقاش في حاجة تزعل."
سمعت هاجر صوتها، وقلقها يظهر في نبرتها:
— "صوتك مش كويس خالص…"
تنهدت صوفيا ببطء، وصوتها يرتجف:
— "معلش يا هاجر… أنا تعبانة… مش قادرة اتكلم دلوقتي… سلام."
أنهت المكالمة، ووضع الهاتف جانبًا، بينما وقفت هاجر في مكانها، تحدق بالموبايل بصدمة:
— "مالها دي…؟"
..
كانت صوفيا واقفة في المطبخ، تصنع لنفسها كوب قهوة، لكنها كانت سرحانة تفكر في أحداث اليوم. لم تنتبه للحرارة العالية، فانساب جزء من القهوة على يدها.
— "آآآه!" صاحت صوفيا وهي تتراجع بسرعة نحو الحنفية لتغسل يدها، والدموع تتسلل من عينيها.
ركضت الخادمة نحوها بقلق:
— "انتي بخير يا مدام؟"
أجابت صوفيا متألمة:
— "أه… بخير."
ابتسمت الخادمة بمحاولة تهدئتها:
— "ارتاحي انتي يا مدام… أنا هعمل القهوة بدلِك."
— "شكراً…" قالت صوفيا وهي تخرج من المطبخ بخطوات ثقيلة.
فجأة، جاء صوت خبط على الباب. فتحت الخادمة، فوجدت فلاشة سوداء ملقاة على الأرض. بسرعة، أغلقت الباب بعد أن أمسكت بها.
— "لقيت دي يا مدام…" قالت الخادمة وهي ترفع الفلاشة.
نظرت صوفيا إليها بارتباك:
— "دي… فلاشة."
— "يعني إيه فلاشة؟" استفسرت الخادمة بفضول.
— "هاتيها وروحي اعملي القهوة…" قالت صوفيا بنبرة حازمة لكنها متوترة.
— "من عنيا…"
...
في مكتب الشرطة، اندفعت صوفيا بخطوات متعثرة، ودموعها تتساقط بغزارة على وجنتيها، وهي تحاول كبح أنفاسها المرتجفة. الكل حولها كان يراقبها بدهشة، وبعضهم عرفها من اللحظة الأولى.
اقتربت من العسكري المرتجف، وصوتها يخرج متقطعًا:
— "من فضلك… مكتب آسر باشا فين؟"
أجابها سريعًا:
— "اتفضلي معايا."
دفعت الباب ودخلت على الفور، وآسر الذي كان جالسًا خلف مكتبه نهض فجأة، وعيناه تلمعان بمزيج من الغضب والخوف والحب. أشار للعسكري بالخروج.
— "يامن كان هنا ولسه مروح… هو مجالكيش؟"
أجابته صوفيا ودموعها تتلألأ على وجنتيها:
— "لا… مجاليش…"
اقترب آسر خطوة، ويداه ترتجفان قليلًا وهو يحاول السيطرة على غضبه، لكنه لم يستطع إخفاء خفق قلبه السريع، نظراته كانت مليئة بالقلق والحماية والغيرة، كل حركة من صوفيا تزيد من قهره عليها.
— "مالك بتعيطي ليه؟"
أشارت له بصعوبة إلى الفلاشة، متلعثمة:
— "في فضيحة ليا هنا… فصيحة… بجد…"
قبض آسر على الفلاشة من يدها برفق، وربّت على كتفها بقوة مزيجها حب وحرص:
— "اهدي شوية… ما تقلقيش."
ارتجفت صوفيا وقالت:
— "مستقبلي هيضيع لو اللي في الفلاشة دي اتنشر…"
آسر، عينيه تحرقها الغيرة والحب، صوته منخفض لكنه حاد:
— "سامح اللي بعتهالك؟"
أومأت صوفيا بخوف:
— "ايوة… مفيش غيره."
تنهد آسر، قبض على الفلاشة بقوة بين يديه، وكأنه يحاول الإمساك بعالمه كله من الضياع، ثم سأل:
— "فيها اي بالظبط؟"
رفعت صوفيا عينيها إليه، ووجعها واضح، مسترجعة الصدمة الأولى عند فتح الفلاشر
جريمة قتل انا قتلت واحد
.......
اقترب آسر خطوة، جسده كله مشدود، قلبه يطرق صدغه بعنف، ويديه ترتجفان رغم محاولته السيطرة على نفسه. نظراته كانت حارقة، كل خفقة فيها حب وغيرة وقلق، كأن أي حركة صغيرة من صوفيا ستشعل فيه ناراً جديدة.
— "قتلتي ياصوفيا…" صوته اهتز، لكنه محمّل بالقهر والحب والدهشة في الوقت نفسه.
صوفيا حاولت تهدئة نفسها:
— "كنت بدافع عن نفسي…"
اقترب آسر أكثر، يده ترتجف وهو يلمس كتفها برفق، عيناه تلمعان بالغضب والحذر والحب:
— "كنتي ف اني مكان؟"
صوتها ارتجف:
— "كنت ف بيته…"
آسر قبض على الفلاشة بقوة، وصرخ بغضب وهو يكسر القلم اللي على مكتبه بعنف، صوته محمّل بالألم والغيرة:
— "اي اللي وداكي هناك؟!"
صوفيا أخذت نفسًا عميقًا:
— "بعد اللي حصلي كان جوايا نار… قبل ما أعرف إنه ليا اخ… فضلت أدور على مرات سامح… لحد ما جتلي رسالة من رقم مجهول وقاللي إنه فاعل خير…"
آسر قبض على كرسيه بعنف، عضلاته متوترة، عينيه لامعتان بالغضب والحب والخوف:
— "انتي غبية… ازاي كنتي بالسذاجة دي؟!"
صوفيا، بخوف وارتباك:
— "انا روحت… لقيت راجل شدني وكان عايز يتهجم عليا… محستش بنفسي غير وانا غارزة السكينة ف بطنه… دمه اتصفى حواليا… جريت حتى متأكدتش إنه مات ولا لا…"
آسر ثبت عينيه فيها، يده ترتعش وهو يمسك كتفها بقوة، كأن كل جزء فيه يقول: لو حصل ليكي حاجة، أنا مش هسكت:
— "السكينة كانت فين؟"
صوفيا، بصوت منخفض:
— "قريبة أوي…"
آسر ضغط على شفتيه، قبض على أي حاجة قريبة وكسرها بعنف، صوته اهتز بالغضب والحزن:
— "كانه كان عارف إنك هتقتليه؟!"
صوفيا، بخوف:
— "طب… ازاي؟ في حد عايز يموت؟"
آسر شال الفلاشة ورفعها، صوته ارتجف بالغضب والحب:
— "لا… بس الأكيد… سامح لعب بيكي… وحطك في خطر مش حقيقي وعملك كمين."
صوفيا، الرعب مالي قلبها:
— "ازاي بقولك… دمه اتصفى قدامي…"
آسر ماسك كتفها بقوة أكبر، عيناه تشعان بالغيرة والحب والقلق،
— "جايز أصلاً يكون دم أي كلام ولسة عايش ممتش وكل دا ملعوب عليكي…"
صوفيا تصرخ بعجز:
— "مش منطقي كلامك!"
آسر مسح دموعها برقة رغم كل قوته الظاهرة، صوته صار حازمًا، كل نبرة فيه تحمل حماية وشغف وغيرة:
— "اسمعيني كويس… واعملي كل اللي هقولك عليه… بالحرف… ماشي؟"
صوفيا، بارتجاف وخوف:
— "ماشي…"
...
بعد نحو ساعة، .
كانت صوفيا تجلس على الكرسي أمام الرسام، بينما جلس آسر إلى جوارها قريبًا بما يكفي ليشعرها بالأمان. عينه لم تفارقها لحظة، نظراته هادئة لكنها مليئة بالاهتمام، وكأنه يطمئنها دون أن ينطق بكلمة.
بدأت صوفيا تصف الملامح ببطء، تشير بيدها أحيانًا، وتتوقف أحيانًا أخرى لتجمع أنفاسها.
كانت كل كلمة تخرج منها وكأنها تُعيدها للحظة مرعبة. ارتعشت أصابعها قليلًا، ثم توتر كتفاها.
آسر لاحظ ذلك فورًا. مد يده بهدوء وربّت على يدها برفق، حركة صغيرة لكنها ثابتة، كأنها وعد صامت بأنه موجود.
رفعت صوفيا عينيها إليه.
نظرت له لحظة… ثم ابتسمت ابتسامة خفيفة مليئة بالامتنان الحقيقي.
قلب آسر خفق بقوة مفاجئة.
للحظة نسي كل ما حوله… وانشغل بتأمل ملامحها. عيناها المتعبتان، ارتعاشة شفتيها، والطريقة التي تحاول بها أن تبدو قوية رغم كل ما مرت به.
وظل الاثنان لحظة صامتين، غارقين في نظرة طويلة، حتى قطع الرسام السكون وهو يبعد الورقة قليلًا ليتأملها.
— "خلصت يا فندم."
انتبهت صوفيا فورًا، وانحنت قليلًا تنظر إلى الرسم.
تجمدت ملامحها لثانية… ثم أشارت إليه بسرعة.
— "أيوة… دا سامح يا آسر."
أخذ آسر الورقة من الرسام، نظر إليها بعينين ضيقتين وهو يدقق الملامح.
تنحنح الرسام قليلًا ثم قال بنبرة عملية:
— "سوابق يا فندم… واخد كذا سنة في قضايا سرقة ونصب. خلص مدته وخرج بقاله سنة تقريبًا."
ارتسمت على وجه آسر ملامح أكثر صرامة، بينما ظل ينظر إلى الصورة لحظة أخرى.
ثم قال بهدوء حازم:
— "تمام… اطبعلي الصورة دي."
الرسام أومأ باحترام:
— "تحت أمرك يا فندم."
...
انطلقت سيارة آسر في الشارع الهادئ، أضواء الأعمدة تنعكس على الزجاج الأمامي وتتحرك كخطوط طويلة متتابعة. كان يقود بهدوء، لكن تركيزه لم يكن على الطريق وحده؛ جزء من انتباهه ظل معلقًا بصوفيا الجالسة إلى جواره.
صوفيا نظرت إليه قليلًا، ثم قالت بصوت صادق:
— "بجد شكراً يا آسر."
رد دون أن يلتفت:
— "أنا بصالحك ع كدبي عليكي."
رفعت حاجبها باستغراب خفيف:
— "كل اللي بتعمله دا عشان تصالحني؟"
تنهد آسر بخفة وقال:
— "آه… وعشان دا شغلي إني أحمي الناس… وانتي مش أي حد."
صوفيا التفتت نحوه أكثر، عيناها تبحثان عن شيء في ملامحه:
— "أومال أنا إيه بالنسبالك؟"
نظر لها آسر لحظة قصيرة… نظرة عميقة… لكنه لم يعلّق.
عاد ببصره للطريق كأن السؤال أثقل مما يريد الاعتراف به.
صوفيا كسرت الصمت:
— "كتفك أخباره إيه؟"
قال وهو يحرك كتفه قليلًا:
— "اتحسن كتير… دي إصابة بسيطة."
نظرت له بعينين ضيقتين قليلًا:
— "بتهرب مني ليه؟"
رفع حاجبه باستغراب:
— "منا معاكي أهو."
هزت رأسها:
— "لا… في مشاعرك. مش صريح معايا."
صمت آسر لحظة، ثم قال بنبرة أكثر هدوءًا:
— "عشان حياتي ملغبطة… وعلى المحك كل شوية. أنا ظابط… ومش عايز أرملك بدري."
تغيرت ملامح صوفيا فورًا، وضربت كفها بخفة في المقعد:
— "الأعمار بيد الله! ثم إيه الألفاظ دي يا جدع؟ القدر موكّل بالنطق… خلي تفكيرك إيجابي."
ابتسم آسر ابتسامة خفيفة رغم توتره:
— "ياريت برضو تنصحي النصيحة دي لنفسك كمان."
صمتت صوفيا لحظة، ثم قالت فجأة:
— "هتقبض عليه؟"
رد آسر وهو يركز في الطريق:
— "لو ساعدتيني."
التفتت إليه مباشرة دون تردد:
— "هساعدك يا آسر."
نظر لها سريعًا هذه المرة… نظرة امتنان وثقة، قبل أن يعود بعينيه للطريق بينما السيارة تواصل طريقها في الليل.
...
توقفت السيارة أمام القصر
فتحت صوفيا الباب، ثم التفتت إليه بخفة.
— "تصبح على خير."
نزلت من السيارة، وأوشكت أن تمشي، لكن فجأة امتدت يد آسر وأمسك بيدها.
التفتت إليه باستغراب.
— "هتمشي؟"
رفعت حاجبها قليلًا وقالت:
— "آه… عايز حاجة؟"
تردد لحظة، ثم قال ببساطة:
— "سلامتك… وبس."
ضحكت صوفيا بخفة، محاولة كسر ارتباكه، ثم همّت أن تمشي مرة أخرى… لكن آسر أمسك يدها ثانية.
نظرت إليه هذه المرة بنفاد صبر ممزوج بفضول:
— "وبعدين؟"
هز كتفيه قليلًا، وكأنه لا يجد جوابًا واضحًا:
— "مش عارف."
قالت وهي تشير إلى يدها:
— "طب سيب إيدي."
ابتسم آسر ابتسامة صغيرة، فيها شيء من العجز الصادق:
— "ياريت كنت أقدر."
تأملته لحظة، ثم قالت نصف ضاحكة نصف حائرة:
— "حيّرتني معاك."
ضحك آسر أخيرًا، ثم ترك يدها ببطء.
استدارت صوفيا ومشت نحو القصر
ظل آسر واقفًا بجوار سيارته يراقبها وهي تبتعد، عيناه تتبعان خطواتها حتى اختفت تقريبًا. تنهد بعمق، تنهدًا مليئًا بشيء من الحزن والارتباك… ثم استدار أخيرًا ومشى نحو سيارته.
لكن في تلك اللحظة… التفتت صوفيا خلفها.
رأته يبتعد.
ابتسمت ابتسامة صغيرة لنفسها، وهمست بخفة:
— "شكلي… حبيتك."
...
عاد آسر إلى القصر متعبًا، خطواته ثقيلة بعد يوم طويل. كان الهدوء يملأ المكان، لا يُسمع سوى صدى خطواته فوق الرخام اللامع. فك أزرار سترته وهو يتجه نحو الطابق العلوي.
توقف لحظة أمام باب غرفة زوجته… ثم طرق طرقات خفيفة.
— "ادخل."
فتح الباب بهدوء.
كانت زوجته جالسة قرب الشرفة على كرسيها المتحرك. ضوء المصباح الصغير يحيط بها بهالة دافئة. بين يديها كتاب، لكنها لم تكن تقرأ… كانت تنظر للفراغ.
رفعت عينيها إليه فور دخوله، وابتسمت ابتسامة هادئة.
— "رجعت."
اقترب آسر ببطء.
— "اتأخرت عليكي."
هزت رأسها برقة.
— "أنا متعودة."
توقف أمامها، ثم انحنى قليلًا يسأل بنبرة أهدأ:
— "خدتي دواكي؟"
ابتسمت ابتسامة خفيفة.
— "أخدته."
نظر إلى البطانية الموضوعة على ساقيها، وعدّلها قليلًا بعفوية.
— "الدكتور قال متتعبيش نفسك."
قالت بنبرة لطيفة فيها شيء من الخجل:
— "مبعملش حاجة أصلاً عشان أتعب."
جلس آسر على الكرسي المقابل لها. ظل ينظر إليها لحظة بصمت.
كانت فتاة هادئة… ملامحها بسيطة وطيبة، وفي عينيها استسلام هادئ للحياة.
قالت فجأة وهي تراقب ملامحه:
— "شكلك مرهق."
تنهد آسر.
— "يوم طويل."
ابتسمت له برفق.
— "ربنا يقويك."
ظل صامتًا لحظة، ثم قال:
— "لو احتجتي أي حاجة نادي عليّ."
قالت بهدوء:
— "آسر."
نظر إليها.
— "متقلقش عليا أوي كده… أنا كويسة."
ابتسم ابتسامة صغيرة.
— "لازم أقلق."
سكتت لحظة، ثم قالت بصوت هادئ جدًا:
— "إنت إنسان طيب… ربنا يعوضك."
تجمدت ملامح آسر قليلًا، كأن الكلمات أصابته في مكان خفي.
لكنه لم يرد.
فقط وقف بهدوء.
— "تصبحي على خير."
ابتسمت له.
— "وإنت من أهله."
خرج آسر من الغرفة وأغلق الباب برفق خلفه.
وقف لحظة في الممر الطويل، وأسند رأسه للحائط.
في داخله شعور ثقيل…
مسؤولية… شفقة… وشيء آخر يحاول أن يتجاهله.
تنهد ببطء… ثم ابتعد في صمت.
....
في صباح اليوم التالي، كانت الشمس قد بدأت تتسلل بهدوء إلى غرفة صوفيا عبر الستائر نصف المفتوحة. ظلت نائمة بعمق، ملامحها هادئة بعد ليلة طويلة من التفكير.
فجأة… اهتز هاتفها على الطاولة بجوار السرير، وصوته الحاد قطع السكون.
تململت صوفيا قليلًا، ثم مدّت يدها بتكاسل وأمسكت الهاتف دون أن تنظر جيدًا إلى الشاشة. وضعت الهاتف على أذنها بصوت ناعس:
— "ألو…"
جاءها الصوت من الطرف الآخر ببطء، بنبرة ساخرة مألوفة جعلت الدم يتجمد في عروقها:
— "وحشتيني يا صفصف."
اتسعت عينا صوفيا فورًا، واعتدلت جالسة في السرير كأن تيارًا كهربائيًا مرّ في جسدها.
— "سامح…؟!"
ضحك سامح ضحكة قصيرة باردة.
— "قلب سموحة"
قبضت صوفيا على الهاتف بقوة، قلبها بدأ يدق بعنف.
— "إنت… إنت عايز إيه؟!"
رد بنبرة هادئة مخيفة:
— "بسأل عليكي… مش من حقي؟"
صوفيا
.انت فين؟"
سكت لحظة، ثم قال بنبرة تهديد خفيفة:
— "قريب منك أكتر ما تتخيلي."
ثم همس ببطء:
— "وقريب قوي هشوفك."
وقبل أن تتمكن من الرد… انقطع الاتصال.
ظلت صوفيا تحدق في الهاتف، أنفاسها متسارعة… ويدها ترتجف.
همست لنفسها بصدمة:
— "لازم أقول لآسر…"
...
جلس آسر في ركنٍ هادئ من المقهى، يراقب الباب بين لحظة وأخرى. كانت ملامحه متجهمة قليلًا، وكأن عقله يعمل بلا توقف. أمامه فنجان قهوة لم يلمسه بعد.
بعد دقائق، دخلت صوفيا بخطوات سريعة. بدت متوترة، عيناها تبحثان عنه وسط المكان حتى وقع بصرها عليه. اتجهت نحوه فورًا.
ما إن جلست أمامه حتى قال آسر بقلق واضح:
— جيباني ع ملا وشي ليه ع الصبح وصوتك كان مرعوب في اي؟"
أخذت صوفيا نفسًا عميقًا، وكأنها تحاول تهدئة دقات قلبها.
— "سامح كلمني الصبح."
تجمدت ملامح آسر لحظة، واشتدت نظراته.
— "قالك إيه؟"
شبكت صوفيا أصابعها ببعضها فوق الطاولة، وبدأت تحكي ببطء:
— "كنت نايمة… صحيت على رنة الموبايل كان رقم غريب سمعت صوته بيقولي وحتشيني وانه قريب مني واكيد هشوفه قريب"
قبض آسر على فنجان القهوة بقوة حتى كاد ينكسر بين يديه.
— "ممكن يكون مراقبك"
تابعت صوفيا بصوت خافت:
— "دا مريض كانه بيستمتع لما يشوفني خايفة منه."
رفع آسر عينيه إليها.
— "قالك حاجة تانية؟""
ترددت لحظة، ثم أكملت:
— لا بس اكيد مش هسمحله يخوفني"
نظر إليها آسر طويلًا، ثم مد يده فوق الطاولة وربت على يدها برفق.
— "بصيلي."
رفعت عينيها نحوه.
قال بنبرة حازمة لكنها مطمئنة:
— "طول ما أنا موجود… محدش هيأذيكي. ولو فكر يهوب ناحيتك ييجي عندي الأول"
آسر ظل صامتًا بعدها، ونظرته أصبحت أكثر حدة.
لأنه في داخله كان يفكر في شيء واحد فقط:
سامح.
....
قبل بدء العرض، جلست صوفيا على مكتبها، رأسها متوتر وذهنها مشتت. حاولت التركيز لكن كل محاولة باءت بالفشل. نفخت بضيق، قامت بسرعة، وقررت أن تأخذ موقفها بنفسها.
خرجت من المكتب بخطوات سريعة، اتجهت مباشرة إلى المدير، وقفت أمامه بعينين مليئتين بالثقة والعزم:
— "أنا مش عايزة أكمل… اعتبرني مستقيلة، والشرط الجزائي هيكون عندك بكرة الصبح."
نظر إليها المدير مذهولًا، فمه مفتوح وكأن الكلمات لم تصل إلى عقله بعد.
لم تنتظر أي رد، التفتت وأخذت خطواتها بعيدًا عن المكتب، تركت صدى كلماتها يملأ المكان، وتركته في صدمته، عاجزًا عن اللحاق بها أو منعها
...
جلست صوفيا على الأريكة، الهاتف في يدها، تنفسها أصبح أهدأ بعد الضغط اللي عاشته الأيام اللي فاتت. قالت لآسر بصوت صادق وخجول:
— "صدقني… دا الأفضل. المكان دا مش مكاني، وبعدين فظل ظروفي دي مش هقدر أركز. المجال خطر ولازم أكون حذرة… ودا اللي مستحيل أعمله دلوقت لأني مضغوطة أوي."
رد آسر بنبرة هادئة، مليانة اهتمام:
— "دا الأحسن."
رفعت صوفيا حاجبها:
— "اشمعنا؟"
ابتسم آسر بخفة:
— "تستاهلي تعملي كارير ف حاجة أفضل وأمن ليكي."
تنهدت صوفيا قليلاً، ثم قالت بابتسامة خجولة:
— "أنا فكرت… أشتغل من البيت جرافيك. آه، فلوسها أقل شوية مقارنة باللي كنت باخده، بس أنا مكتفية جدًا باللي معايا حاليًا… وهستثمر وأكبرهم."
ضحك آسر بخفة، قلبه يدق بسرعة وهو يشعر بالفخر:
— "عين العقل… أنا فخور بيكي أوي يا صوفيا."
ابتسمت صوفيا بخجل، ونبرة صوتها جعلت قلب آسر يخفق:
— "آسر…"
وقف آسر للحظة، ينظر في الهاتف، قلبه ينبض بسرع ثم سمع صوفيا تكمل بنبرة صادقة ومؤثرة:
— "إنت قوتي اللي ف الدنيا… قلبي جامد بيك… أوعي تخذلني أبدًا."
توقف آسر، قلبه يخفق بقوة، وتذكّر زوجته… فصمت للحظة طويلة.
— "سكت ليه؟" همست صوفيا بقلق.
— "مفيش… بس صدعت شوية." أجاب آسر، محاولًا أن يخفف من توتره.
ضحكت صوفيا بخفة وقالت:
— "الف سلامة عليك… تحب أقفل؟"
— "معلش… آه، لأني فصلت ومحتاج أنام."
ابتسمت بخفة، وفهمت أن اليوم كان طويل عليه، وأغلقت الهاتف وهي تشعر ببعض الراحة
...
صوفيا كانت جالسة في المكتب، تشرب قهوتها وماسكة اللاب توب، تعمل على عدة تصاميم. فجأة، رن هاتفها، دقات قلبها خافتة لكنها متوترة، توقعت أن يكون سامح. جمدت للحظة، ثم ردت بصوت مرتجف:
— "ألو…"
سمعته من الطرف الآخر، صوته بارد ومهدد:
— "مش قولتلك هنتقابل قريب."
ارتجفت صوفيا، ترد بسرعة:
— "نجوم السما اقربلك من ضفري يانجس!"
ضحك سامح بسخرية:
— "دا أنا سموحة… أول دقة وأول لمسة يا بت."
— " مش خايف على نفسك مني؟" قالت وهي تحاول السيطرة على خوفها.
— "عشرة مليون جنيه."
ارتسم الدهشة على وجهها:
— "ايه؟!"
— "عشرة مليون جنيه… يا أما ليلة دخلتنا هتنزل على كل المنصات، غير فيديو الجريمة."
رفعت صوفيا صوتها بحزم:
— "لا… لا! متنزلش حاجة، هديك الفلوس. قولي رقم التحويل."
ضحك سامح بسخرية:
— "مش معايا… انا بحب كله يبقي ع عينك ياتاجر سلم واستلم بصريح العبارة كدة، لازم أشوفك فين وامتى في المكالمة الجاية. سلام يا صفصف."
أنهت صوفيا المكالمة، قلبها يدق بسرعة، والضغط عليها يتصاعد.
على الجانب الآخر، كان آسر جالسًا أمام شاشة كبيرة، عينيه مركّزة على كل حركة، ويديه على لوحة التحكم. بجانبه هاكر يراقب كل إشارة:
— "رصدت مكانه." قال آسر بصرامة.
رد الهاكر بحذر:
— "حصل يا باشا… بس المكان مجهول… مش قادر أحدده بدقة."
— "ابعتلي العنوان." ، صوته حازم.
— "حصل يا باشا."
ف أسر استطاع تهكير رقم الهاتف الخاص بصوفيا حماية لها
....
ف القسم
اللواء نظر إلى آسر بعينين حادّتين:
— "البنت… مقتلتش حد."
آسر هز رأسه بثقة:
— "كنت متأكد، يا باشا."
اللواء تنهد، وصوته أخذ نبرة تحليلية:
— "إصرارك هو اللي خلاني أشك… والتحريات أثبتت إن اللي في الفيديو دا لسه حي، ومفيش شهادة وفاة باسمه. الواد طلع اسمه… بسيوني."
آسر همس بكلمة واحدة، كأنها خرجت من أعماق قلبه:
— "بسيوني…"
...
...آسر جلس في مكتب الشرطة، الضوء الخافت من شاشة الكمبيوتر ينعكس على وجهه الصارم. أصابعه تتحرك بسرعة على لوحة المفاتيح، عيناه مركّزتان على كل رقم وكل رمز يظهر على الشاشة. بجانبه الهاكر، وجهه مشدود من التركيز:
— "يا باشا… البيانات جاهزة…
رفع آسر حاجبه، صوته منخفض لكن مشحون بالقوة:
— "وريّني كل التفاصيل، بالترتيب."
بدأ الهاكر يعرض الخريطة الرقمية، خطوط حمراء تمثل تحركات بسيوني خلال الأيام الماضية. آسر حدّق في كل خط، كل نقطة، كل مكالمة اتصل بيها، وكل موقع اتردد عليه.
— "ده المكان اللي استأجر فيه الدور اللي حصل فيه الابتزاز بعد الجريمة بحوالي ساعتين خرج من المكان."
آسر لمس الشاشة، تحريك سريع للبيانات، ثم نظر إلى الهاكر:
— "الواد دا فين دلوقت؟"
الهاكر أومأ بحذر:
— "حسب آخر تحديث GPS وWi-Fi hotspot… آخر مكان اتحدد فيه بدقة كان في زاوية شارع… قريب من محل صاغة."
ابتسم آسر ابتسامة خفيفة،
أغلق الشاشة، أخذ سلاحه بعناية، وارتدى سترته الجلدية عازما ع اخذ حقها
.....
في ساعة متأخرة من الليل. الأزقة ضيقة، والهدوء يملأ المكان، إلا من أصوات بعيدة لأبواب تُغلق وأطفال يلعبون. المصابيح الخافتة تكاد لا تكشف سوى بعض الظلال المتحركة على الجدران القديمة.
تقدم بحذر بين الأسطح المتقاربة، كل خطوة محسوبة، كل حركة فيها تركيز كامل. أخيرًا، وصل إلى البيت الذي يعرف من معلوماته أن بسيوني موجود فيه. نافذة صغيرة مضاءة أظهرت شيئًا من الحركة داخل الغرفة. قبض على مسدسه، أخذ نفسًا عميقًا، وطرق الباب الخشبي.
فجأة، فتح بسيوني الباب واندفع نحوه بعنف، وجهه مشوه بالخوف والغضب. آسر كان مستعدًا، تلقى الضربة ورد بوكس مباشر على وجهه، فأخذ يسقط للخلف ويئن من الألم.
بسيوني حاول ينهض، جسده يرتجف، وجهه شاحب، وعيونه مليانة رعب
بسيوني (مرعوب): انت مين؟
آسر (صارم، أعصابه مشدودة):
مقدم ف المباحث
بسيوني (يرتعش، يحاول يبين البراءة): والله يا بيه… بريء!
آسر (يضغط على صوته، يراقب كل تحرك): تعرف أي عن سامح؟
بسيوني (قلق وذعر): قطع سيرته يا باشا… دا عيل شمال! بقالي سنين قاطع معاه.
آسر (يزداد توتره، عينه على المسدس): وآخر لعبة مراهنات بينك وبينه كانت إيه يلا؟
بسيوني (يحاول التهرب، صوته يرتجف): أديك قولت يا باشا… لعب يعني فراغ وتضييع وقت… لكن أي حاجة فيها كلابوش متلاقنيش.
رفع آسر المسدس، يده ترتعش قليلًا من الضغط النفسي، صوته صارم ومليان تهديد:
— سؤال جاوبته غلط… هفرغ كل المسدس دا ف دماغك.
واحد: تعرف أي عن صفاء؟
بسيوني (يخاف، قلبه يدق بسرعة): مين صفاء دي؟
اتنين: (آسر يضغط على الزناد، التوتر يعم المكان)
بسيوني (يصرخ، كأن خوفه يخنقه): ااااااه
آسر (بغضب، قلبه مشدود): مين اللي اتفق مع سامح وضحك عليها بعقد جواز مزور؟
بسيوني (يرتعش، يحاول ينكر): معرفش…
تلاتة: (وداس مرة كمان على المسدس،)
مين اللي حاول يتهجم عليها وصورها وهي بتحاول تقتله بسكينة فشنج
عشان يبتزها ميييين اللي كان حامي نفسه كويس ورسم الخطة صح حتى تفاصيل الدم اللي كلها تمثيلية فارغة تليق بيكم ميييين؟
بسيوني (صمت، قلبه يركض في صدره): …
أربعة: (آسر يضغط الزناد للمرة الرابعة، يده مرتعشة لكنه مصمم)
بسيوني صرخ، دموعه على خده): هعترف يا باشا… والله هعترف… أنا عملت كل دا… عملت كل دا!
.......
صباح اليوم التالي، صوفيا خرجت من البيت، وفجأة وقعت عينيها على عربية ميكروباص كبيرة خاصة بالموتى متوقفة على الرصيف، وحولها مجموعة ستات صاخبات تصرخ بأصوات عالية. قلبها خفق بسرعة، لكن دماغها لم تستطع التركيز، فبدأت تمشي كأنها غير مبالية.
الستات اقتربن بسرعة، أمسكوا بها من الذراعين وأجبرنها على الصعود إلى العربية. صرخت، لكنها لم تستطع المقاومة، واغلقوا باب الميكروباص خلفها.
في الوقت ذاته، آسر كان يراقب كل حركة عن بعد من خلال GPS كان مخبأه في جزمة صوفيا. عيونه كانت مركّزة، ويده على جهاز التحكم
متذكرا كلامه لصوفيا امس ع الهاتف
فلاش باك
— "اسمعيني كويس… أنا مضمّنش ناوي على أي ؟ عشان كده عايزك بكرة تلبسي الشوز الجملي اللي انا حاطه في الدريسنج عندك، أول رف. سامعاني؟"
صوفيا، وهي تحاول التحكم في خوفها:
— "حاضر."
باك
اسر
محتاج قوة ضروري تجيلي فورا
...
صوفيا كانت في مكان مهجور، عيونها مغمضة ويدها مقيدة. فجأة شعرت بشخص يرفع الغطاء عن عينيها… فتحت عينيها لتجد سامح واقفًا أمامها، ابتسامته غامضة، وعينيه تلمعان بمزيج من المرح والخطر.
سامح ابتسم وقال بدهشة شبه مزحة:
— "إيه الحلاوة دي كلها؟"
صوفيا ابتسمت بمرارة:
— "تعرف يا سامح…"
اقترب سامح منها بخفة، صوته منخفض ومليء بالدفء:
— "إيه يا قلب سامح؟"
تنفست صوفيا ببطء، قلبها ينبض بعنف، وقالت وهي تحاول السيطرة على نفسها:
— "ف خلال كل السنين دي… كنت دايمًا بفكر… لما أشوفك هحس بإيه؟ أي جزاتك اللي المفروض تاخده مني؟ تعرف الإجابة كانت إيه؟"
سامح نظر إليها بتمعن:
— "إيه؟"
اقتربت منه ببطء، وتفت عليه بنظرات حادة، سامح مسح وجهه بهدوء وقال:
— "مقبولة منك."
صوفيا تنفست بكره، وقالت:
— "الفلوس اللي طلبتها مش معايا."
ابتسم سامح ابتسامة غريبة، وارتسمت على وجهه رغبة خطرة:
— "أنا عايزك إنتي… مش الفلوس."
وفجأة جاء ليتهجم عليها، لكن صوفيا كانت مستعدة. كانت تحمل سكينة صغيرة في جيب سري، وبسرعة تمكنت من تفك يدها وضربته تحت الحزام. تأوه سامح من الألم وابتعد عنها قليلًا.
اقتربت صوفيا منه، مسكت السكينة وكانت على وشك أن تقتله، لكن سامح أمسك يدها فجأة ولفها، فأصبحت تحت سيطرته. شعرت بالذعر وكادت الحياة تخرج من بين يديها.
في اللحظة الحرجة، اقتحمت قوات المكان بصحبة آسر، وتمكنوا من إبعاده عنها والقبض عليه.
آسر تنفس الصعداء وقال وهو يبتسم لها:
— "الحمد لله… لحقتك."
ابتسمت صوفيا بارتياح، ودموع الفرح تلمع في عينيها:
— "كنت واثقة إنك هتيجي."
أمسك آسر يدها وقال بحزم:
— "تعالي معايا… هنروح من هنا يلا."
بعد الأزمة، في بيت صوفيا، كانت نائمة بهدوء، وجهها هادئ وملامحها مريحة للنظر.
يامن جلس بجانبها، مسك يدها برفق وباسها على جبينها. آسر واقف قريب، صوته هادئ لكنه مليء بالاطمئنان:
— "تعرف… ملامحها هديت."
ابتسم يامن بخفة، وهو يحدق في صوفيا:
— "الموضوع اتظبط خلاص… اللي كان طفيها اتقبض عليه."
آسر تنفس الصعداء، يده ترتعش قليلاً من الراحة:
— "دلوقتي هتنام مرتاحة… حقها اتاخد."
يامن أومأ برأسه بحزم:
— "ولازم أسفرها عشان تعمل العملية."
آسر اقترب منه وقال بثقة ودعم:
— "لو عايز أي مساعدة… أنا ف ضهرك."
ابتسم يامن، ويده تضغط على كتف آسر:
— "لولاك… كان زمان أختي ضايعة مني."
خفض آسر رأسه قليلًا، صوته منخفض لكنه صادق:
— "أنا كنت عايز أطلب منك طلب."
ابتسم يامن، دافئًا:
— "رقبتي… انت عملت فيا جميل لما ردّيتها ليا من تاني… فأقل حاجة أقدر أعملها إني أقبل طلبك."
تنفس آسر بعمق، قلبه يخفق بسرعة، وقال بثقة:
— "أنا بطلب إيد صوفيا."
اتسعت ابتسامة يامن بدهشة وارتياح:
— "عايز تتجوزها… رغم كل ظروفها؟"
رد آسر دون تردد، عينيه لا تخفي شعوره:
— "أنا عايزها… هي وبس."
يامن وضع يده على كتف آسر، وقال بروح واقعية وحنان:
— "لما تفوق… هبلغها."
ابتسم آسر بابتسامة صادقة، صوته مليء بالتوقع والترقب:
— "مستني ردك… يا يامن."
في القصر، آسر دخل غرفة زوجته أيلين، التي رفعت رأسها من الورق الذي كانت تقرأه:
— "تعالي يا آسر."
جلس آسر وركع أمامها، مسك يدها برفق وحط رأسه على الأرض.
رفعت أيلين وشه، عينيها مليانة دهشة وحنان:
— "آسر… عمره ما ينزل وشه ف الأرض أبدا."
تلعثم آسر بصوت خافت:
— "أنا… أنا…"
ضحكت أيلين بخفة، وأخذته في حضنها:
— "هووش…"
ظل آسر ماسك إيدها، صوته يرتجف ودموعه على وشه:
— "عايزك تسامحيني…"
ابتسمت أيلين بحنان:
— "أسامحك! انت اللي المفروض تسامحني ع تقصيري معاك بس والله مش ب إيدي… بس لو عايز تتجوز… أنا موافقة."
رفع آسر رأسه، صوته حاد لكنه متردد:
— "مينفعش… ادبحك بالطريقة دي."
اقتربت أيلين منه بعينين مليانة حب:
— "وحبها اللي بشوفه كل يوم ف عنيك دا… إيه؟"
حاول آسر يبتسم:
— "بتتكلمي عن مين؟"
ضحكت أيلين برقة، ماسكة إيده:
— "اللي جت ف بالك دلوقت… أنا مش غيرانة عليك، ولا عايزاك ليا لوحدي… كل طلبي… تخليني جمبك الأيام اللي فاضلة ليا."
مسك آسر إيدها، وعيونه مليانة دموع:
ايلين
— "قولتلها انك متجوز…"
لا رد
هزت أيلين رأسها بحزن:
— "مقدرتش…"
بصوت حزين أكملت:
— "لانك متجوز بالأسم بس… عشان كدا متقولهاش… ولو جت عاشت هنا… قولها إني اختك."
رفع آسر عينيه ليها، قلبه مليان امتنان:
— "انتي بجد… غير أي واحدة أعرفها."
ابتسمت أيلين بثقة وحب:
— "ومش هتلاقي زيي أبدا."
في حديقة القصر، صوفيا واقفة قدام آسر، عيونها مليانة فضول وحيرة، وقلبها بيخفق بسرعة.
وقف آسر قدامها، صوته هادي لكنه مليان حزم:
— "اسألي… متكتميش جوا قلبك."
رمشت صوفيا بعينها، وهي حاسة بخفقان قلبها:
— "عرفت منين إني عايزة أسألك؟"
ابتسم بخفة:
— "عنيكي كلها حيرة."
ضحكت صوفيا بخفة، صوتها ارتجف شوية:
— "إيه… اللي غير رأيك؟ مش قبل كده كنت دايمًا بترفضني!"
اقترب آسر خطوة، صوته صار أعمق، وعيونه مليانة حزم ودفء:
— "الوضع كله اتغير."
صوفيا شعرت بحرارة بتملأ قلبها:
— "أنا شايفاه لسه زي ما هو…"
اقترب آسر أكتر، صوته هادي وواثق:
— "عايزك."
توترت صوفيا شوية، وسألته:
— "عايزني إزاي؟"
ابتسم ابتسامة قصيرة وصريحة:
— "زي أي راجل بيعوز ست."
احمرت وجنتا صوفيا، وقالت:
— "يعني… رغبة؟"
ضحك آسر بخفة:
— "بحب… مش لوحدها."
ابتسمت صوفيا بخجل:
— "بس أنا معرفش حاجة عنك خالص… يعني مثلاً أهلك فين؟"
رفع كتفه بلا مبالاة، وعيونه فيها حزن خفي:
— "مسافرين بره… أنا عايش لوحدي أنا وأختي."
رمشت صوفيا بدهشة:
— "إنت عندك أخت؟"
نظر بعيد شوية، صوته حزين:
— "أيوة… بس تعبانة… مش بتعرف تخرج من البيت."
ابتسمت صوفيا بحنية:
— "الف سلامة… أنا أكيد هحبها من أول ما نتكلم… أنا معنديش صحاب."
ابتسم آسر وعيونه مليانة امتنان:
— "متأكد إنها هتحبيها… إنسانة عفوية وطبيعتها ما اتغيرتش أبداً."
دخل يامن وهو شايل الورق:
— "الورق جهز."
بصت له صوفيا بدهشة:
— "أنت ناوي تسافر معايا؟"
حسم آسر الأمر:
— "طبعا… بس لازم أكتب عليكي."
اتصدمت صوفيا، وعيونها بتلمع:
— "إيه… دلوقتي؟"
هز آسر رأسه بحزم:
— "يلا يايامن… ابعت المأذون."
...
في صالة القصر، الليل يلف المكان بسكونه، والأضواء خافتة، والزهور تعبق بعطرها في الهواء. كل شيء كان يشهد على لحظة مقدسة، والقلوب تخفق بشدة، بين الخوف من المجهول، والاطمئنان الذي يغمر الأرواح.
صوفيا وقفت أمام المأذون، عيناها تتلألأ بالسكينة، يداها ممتدتان بهدوء، قلبها يرقص بين الرهبة والفرح، بينما آسر أمامها، يديه متشابكتين بلطف، وعيناه مليئتان بالحب والاحترام، كل نفس منهما يردد صمتًا: "أنتِ لي، وأنا لكِ."
رفع المأذون رأسه، صوته يملأ المكان برفق ووقار:
— "بسم الله الرحمن الرحيم…"
تلاوة آية الزواج ملأت الجو بهدوء مقدس:
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً…
صوفيا شعرت بالدفء يتسلل إلى قلبها، ودموع لم تُذرف بعد بل بدأت تتجمع في عينيها، بينما آسر تشبث بنظرتها، كأنه يريد أن يطمئن نفسه أنها موجودة، وأن اللحظة حقيقية.
المأذون بدأ الصيغة الشرعية للزواج، صوته رزين:
— "أشهد أن لا إله إلا الله وحده لا شريك له، وأشهد أن محمدًا عبده ورسوله. هل تقبلي يا صوفيا آسر زوجًا لك شرعًا ونكاحًا بموجب كتاب الله وسنة نبيه؟"
صوفيا أومأت برأسها، قلبها يفيض بالطمأنينة.
— "أقبل."
ثم نظر المأذون لآسر، صوته كالنسيم:
— "هل تقبل أن تكون صوفيا زوجة لك شرعًا ونكاحًا بموجب كتاب الله وسنة نبيه؟"
ابتسم آسر، ويداه ترتجف قليلًا، وعيونه تلمع:
— "أقبل."
المأذون تابع، والآيات تتردد في المكان كما لو أن السماء نفسها تشهد:
وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ…
الهواء امتلأ بالسكينة، كل شيء صامت حولهم، كأن المكان كله يشاركهم الفرح. صوفيا شعرت بالطمأنينة تغمر قلبها، ويدها ترتجف وهي تضغط على يد آسر، والدموع تلمع في عينيه، لكنه لم يحركها، فقط نظر إليها بصمت طويل، مليء بالحب.
رفع المأذون العقد، ووقع الطرفان عليه، وكل نظرة بينهما كانت تقول أكثر من أي كلمة. صمت الكون كله أمام هذا الحب، وبدأت حياة جديدة تتشكل، قائمة على الإيمان، الحب، والمودة، كأن كل لحظة منذ الآن فصاعدًا ستكون محمية بنعمة الله ورعايته.
..
آسر اقترب منها بخطوات ثابتة، صدره مشدودقبضته على يدها كانت قوية لكن لطيفة،صوفيا شعرت بدقات قلبها تتسارع، كتفاها ارتجفا قليلاً، وابتسامتها كانت مختلطة بخجل وحماس.
— "مكسوفة مني؟" قال آسر بصوت واثق، عيناه تتفحصان كل حركة منها.
صوفيا رمشت بعينها، رأسها يميل قليلاً إلى الوراء، محاولة إخفاء توترها:
— "شوية."
آسر اقترب خطوة، كأنه يختبر حدودها، قبضته على يدها ضغطت برفق لتثبتها:
— "مش عايزاني أقرب؟"
صوفيا نظرت مباشرة في عينيه، وجهها يشتعل بحرارة، شفتاها ترتجفان قليلاً:
— "لا… عايزاك، دا حقك."
آسر ابتسم ابتسامة قصيرة، رفع يدها إلى فمه ووضع قبلة خفيفة على ظهر يدها، عينيه مليانة حزم وثقة:
— "حقي… آه… لكن بالرضا."
صوفيا اقتربت منه، كتفها يلمس ذراعه، عيونها تقول أكثر مما تستطيع كلماتها:
— "انت حلو أوي."
آسر ابتسم، رأسه يميل قليلًا، عيونه تتلألأ، وصوته صار أعمق:
— "بتعاكسيني وبتجريني للرزيلة، وأنا نفسي أروحها معاكي."
صوفيا انسحبت خطوة صغيرة، كأنها :
— "خايفة… أروح معاك… اتعلق بيك وف الآخر تسيب إيدي."
آسر اقترب، قبضته على خصرها تثبتها بهدوء، :
— "بس أنا مش سامح…"
صوفيا أمسكت ذراعه برفق، رأسها يميل للأعلى تقترب منه، عيونها مليانة ثقة:
— "المهم عندي تكون صريح معايا."
آسر تنفس ببطء، كأنه يملأ نفسه بالشجاعة،
— "هكون مخبي عليكي أي يعني؟"
صوفيا ابتسمت، عيناها تتلألأ، يدها تمسك يده برقة وثقة:
— "دا وعد أوعده ليا… أول ما السرير دا يجمعنا، متخبيش عليا حاجة… مش هحاسبك ع الماضي، هحاسبك من أول اللحظة دي وبس."
آسر ضحك بخفة، قبضته على يدها تشدها برفق، رأسه يميل تجاهها، وكتفه يلامس كتفها في حميمية:
— "تمام… احنا هنقضيها كلام ولا أي؟"
اقترب منها وحملها بخفة ع الفراش نظر اليها برغبة احتاجت جسده وكاد ان يتمم زواجه منها
في اللحظة دي، رن الهاتف فجأة. آسر رفع نفسه، عينيه لا تفارق صوفيا، صوته صار حازم:
— "في إيه؟"
الخادمة على الطرف التاني، صوتها متوتر:
— "الحقني يا بيه… إيلين حرارتها نار ونبضها ضعيف أوي."
....
الفصل السادس
آسر ارتعش وهو يتلقى الخبر على الهاتف، ورمى الجهاز من يده وكأنه فقد توازنه للحظة. صوفيا لاحظت ذلك على الفور، فنهضت من السرير بسرعة، ووضعت يدها برفق على كتفه، حاملةً له شعورًا بالأمان:
— "اختي يا صوفيا…" صوته مختنق، وعيونه مليئة بالقلق.
صوفيا ضغطت على كتفه، وميّلت رأسها نحوه بعينين تفيض بالاهتمام:
— "مالها يا حبيبي؟… أكيد التليفون جالك فيه خبر وحش عنها، صح؟"
آسر أخذ نفسًا عميقًا، وعيناه تبحثان عن الطمأنينة في حضورها:
— "آه… هي اللي بتشرف على حالتها قالت إنها تعبانة… وإلين ملهاش حد غيري."
رمشت صوفيا بعينها بحزن، ويدها تداعب كتفه برقة:
— "فاهمة، يا حبيبي… بس هي دايمًا تتعب كده؟ مش يمكن تودّيها لدكتور؟ يعرف حالتها ويطمنك عليها بدل ما كل شوية تقلق عليها."
آسر قبض على صدره، كتفه يرتجف من الخوف:
— "أنا بخاف عليها… بغباء."
ابتسمت صوفيا بخفة، نظرتها دافئة:
— "شكلك بتحبها أوي."
نظر بعيدًا، صوته مليء بالصدق:
— "دي نقطة ضعفي… لو الهوا خدشها، كفيل يفتت قلبي."
اقتربت صوفيا منه خطوة، عيونها مليئة بالحنية:
— "طب… مش تروحلها؟"
تنهد آسر، وشفته تتحرك بتردد، عينيه لم تفارقها:
— "أنا آسف… إني هروح لها وأسيبك في أهم لحظاتنا مع بعض."
ضغطت صوفيا على كتفه بحنان، وعيونها تلمع:
— "قعدتنا هنتعوض… بس اختك محتاجك أكتر مني."
باس رأسها بهدوء:
— "هعوضك."
رمشت صوفيا بعينها، صوتها منخفض لكنه حنون:
— "أنا حابة أجي معاك."
ارتجف آسر قليلاً، صوته متردد:
— "تيجي معايا؟"
اقتربت صوفيا منه أكثر، يدها تمسك يده برقة:
— "مالك اتخضيت كدا ليه وسهمت مرة واحدة؟ انت مش عايزيني أشوفها ؟
تنفس ببطء، وابتسم بصعوبة:
— "لا… أكيد تنوري طبعا دا ببتك… بس متوقعتش طلبك بصراحة مش عامل حسابه يعني."
ضحكت بخجل، ماسكة يده:
— "واديني باخد رايك اهو… تحب أجي معاك؟"
نظر بعيدًا، عينيه مليئة بالخوف والحرص:
— "مش دلوقتي… خليني أمهد لإلين الأول… هي بتخاف أوي من الناس."
همست صوفيا ب
— "تمام يا حبيبي… براحتك وع تليفون هستني منك مكالمة تبلغني فيها انه اختك بقت أحسن."
........
اندفع آسر داخل غرفة إلين، خطواته سريعة، أنفاسه متقطعة، وعيناه تجوبان المكان بقلق حاد. كانت إلين ممددة على السرير، وجهها شاحب، أنفاسها غير منتظمة، ويديها ساكنتان فوق الغطاء.
تجمّد مكانه لثوانٍ… كأن المشهد صدمه. ثم تحرك فجأة، كأنه يخشى أن تختفي من أمامه:
— "إلين!" صوته مبحوح وأضعف مما أراد.
لم ترد. مدّ يده المرتجفة، ولمس جبينها… سحبها بسرعة، كأنه يحترق:
— "حرارتها مولعة كده ليه؟!"
التفت بعصبية نحو الخادمة:
— "من إمتى وهي ف الحالة دي؟ انطقي!"
ارتبكت الخادمة، كلماتها تتعثر:
— "من شوية يا بيه… فجأة سخنت كده… وانا كنت معاها وما سببتهاش لحظة واحدة… أول ما جرالها اللي جرا، رحت جريت واتصلت بيك…"
قاطعها آسر، صوته حاد:
— "روحّي هاتيلها حاجة تشربها بسرعة، اتحركي!"
خرجت مسرعة. عاد نظره إلى إلين، اقترب أكثر، جلس على حافة السرير، وانحنى نحوها ببطء. يداه توقفت للحظة في الهواء… قبل أن يمسك يدها برفق شديد، كأنه يخشى أن يؤذيها:
— "ينفع اللي عملتيه دا تقلقيتي عليكي وانا برة…"
سكت لحظة، أنفاسه غير مستقرة:
— "صحتك بالدنيا عندي… أنا لقيت الشارع كله في خطوة واحدة عشان أوصلك…"
اقترب أكثر، صوته انخفض:
— "إلين… فتحي عيونك… خليكي معايا… سامعاني؟"
تحرّك جفنها بخفة… ثم فتحت عينيها ببطء. نظرة مرهقة، لكن ما إن وقع بصرها عليه حتى هدأت ملامحها.
ابتسمت ابتسامة ضعيفة:
— "آسر… حبيبي…"
زفر أنفاسه، وكأن روحه عادت إليه:
— "الحمد لله."
شدّ على يدها دون أن ينتبه لقوته، صوته أصبح أخفض:
— "قوليلي حاسة بإيه؟ في وجع في أي حتة في جسمك… طمنيني…"
نظرت إليه طويلاً… ليست مجرد نظرة، بل قراءة صامتة:
— "إنت كنت فين؟"
سؤال بسيط…
تصلّب جسده للحظة، عيناه هربتا منها… ثم عاد ونظر إليها محاولًا التماسك:
— "كنت في الشغل… أول ما الدادة كلمتني، سيبت كل اللي في إيدي وجيتلك."
ظلّت تنظر إليه… نظرة طويلة، فيها شك خافت مغلف بالحب:
— "دايمًا لما بتكدب، عينك بتفضحك…" همستها، لكنها أصابته مباشرة.
شدّ على يدها أكثر، كأنه يتمسك بها:
— "مش وقت الكلام ده."
ابتسمت ابتسامة باهتة، يكسوها التعب:
— "عليا انا ليه مش عايز تفضفض وتطلع اللي في قلبك ليا؟"
بلع ريقه، التوتر ظهر في فكه المشدود:
— "مفيش حاجة أحكيها."
قالها بسرعة… كأنه يهرب.
ساد الصمت للحظة… ثم قالت بهدوء غريب:
— "كنت معاها؟"
الصمت هذه المرة كان أثقل… خانق.
آسر لم يرد. أغمضت إلين عينيها ببطء، وانسابت دمعة صغيرة على جانب وجهها:
— "شكلك عملتها واتجوزت…"
انقبض قلبه. اقترب منها أكثر، صوته أصبح شبه همس:
— "مش هتقدر تاخدني منك… صدقيني… انتي ف حتة لوحدك… مكانك محفوظ جوايا يا إلين."
فتحت عينيها بصعوبة… نظرت إليه بصدق موجع ولكنه محمل بالغيرة الصامتة التي لا تستطيع البوح بها
— "أنا مش زعلانة… دي حياتك… أنا ميرضيش تفني حياتك والعمر يروح من غير ما تفرح وتعيش."
ابتلع ريقه، لأول مرة بدا ضعيفًا:
— "أنا اللي جوايا كله… التفكير اللي مخليني مش عارفة أنام… بقول أعمل إيه… دا اختياري… أنا اللي قررت اني اديك حريتك واشيل من عليك اي مسؤلية ف العلاقة دي…"
توقفت لحظة، أنفاسها متقطعة:
— "ومش هتعذب… لأنه م موعدنيش أني ملكاه… ولا أنا ست كفاية… كتر خيره لما اتجوزنا وتعبت مرامنيش انت كان المفروض تتجوز من بدري اوي ياأسر…"
اقترب آسر أكثر، كأنه يرفض كل كلمة:
— "بلاش هبل… كلامك ملوش معنى… انتي روحي وقلبي… حياتي من غيرك عمري ما أسميها حياة…"
خفض صوته أكثر:
— "مش عايزك تسلمي نفسك لهلاوس… والله عمرها ما جات في بالي ثانية واحدة… أنا عمري ما هسيبك."
نظرت إليه طويلاً… ثم ابتسمت ابتسامة هادئة جدًا، فيها استسلام غريب:
— "بس قلبك خانك… ورحل ورا اللي خليته يدق…"
سكت… ولم يجد ردًا، فقط ظل ممسكًا بيدها بكلتا يديه، كأنها آخر ما يربطه بنفسه.
.....
جلست صوفيا على طرف السرير، تحتضن ركبتيها بصمت. الغرفة هادئة، لكن عقلها لم يكن كذلك. أصابعها تتحرك على الهاتف بلا هدف… ثم تتوقف، كأنها تنتظر شيئًا لا تعرفه.
تنهدت ببطء:
— "ليه التأخير دا…"
سكتت، عينيها سرحت… ثم همست:
— "معقول أخته جرالها حاجة…"
هزت رأسها بسرعة، كأنها تبعد الفكرة:
— "لا… بلاش تقري عليها… وتفاءلي خير…"
زفرت بضيق، وحركت قدمها بتوتر:
— "طب ما أنا مش على بعضي… لازم أسمع صوته… ماليش فيه بقى."
ضغطت على اسمه، رنّت مرة… مرّتين، كل رنة كانت تشد أعصابها أكثر.
في الجانب الآخر… كانت الغرفة غارقة في سكون دافئ، إضاءة خافتة، أنفاس هادئة منتظمة. آسر مستلقي على السرير، رأسه مائل قليلًا للخلف… وعيناه مغلقتان من الإرهاق، وإلين نائمة على صدره، يدها فوق قلبه مباشرة.
فجأة… اهتز الهاتف على الطاولة. صوت الرنين شق الهدوء. جفناهما تحركا ببطء، وفتح عينيه نص فتحة، مشوش… ثم استوعب. الاسم على الشاشة: "صوفيا".
تجمّدت ملامحه. دقات قلبه ارتفعت… بص بسرعة لإلين… ثم عاد للموبايل. الرنين مستمر. إيده اتحركت ببطء… توقف في النص… تردد… نفس ثقيل… ثم مد إيده ومسك الموبايل.
.....
على الجانب الآخر… صوفيا، واقفة في الأوضة، بتتمشى بعصبية، الموبايل على ودنها:
— "رد بقاااا…" همست.
الرنين طال… ومفيش رد… إيدها نزلت ببطء من على ودنها، نظرت للشاشة: المكالمة انتهت. قلبها اتقبض.
رفعت الموبايل تاني، ضغطت اتصال مرة تانية…
سكتت.
لحظة واحدة… بس كانت كفاية.
نظرتها ثبتت قدامها… قلبها اتقبض.
— "معقول شافني بتصل عليه وطنشني؟"
صوتها أهدى… بس أخطر.
رفعت الموبايل تاني… بصت لاسمه. تردد باين في عينيها. ثواني… وبعدين ضغطت اتصال مرة تانية.
نهض آسر من على سرير إيلين بخطوات مترددة، الهاتف في يده يهتز بالرنين المستمر. قلبه ينبض بسرعة، بين توتره وحرصه على ألا يوقظ إيلين، وبين رغبته في الرد على صوفيا بسرعة. ضغط على زر الرد، وصوت صوفيا جاء عبر السماعة، يملؤه القلق والخوف المختلط بالدفء:
— "الو…"
— "إي يا آسر."
شعر آسر بضيق في صدره، يحاول تهدئة نفسه بينما يسمع القلق في صوتها:
— "زعلانة ليه؟"
— "مفيش…"
— "لا فيه."
— "قولتلك مفيش!"
— "وأنا بقولك فيه!"
صمتت صوفيا للحظة، ثم خرج همسها الممزوج بالاستفهام والريبة:
— "أه في… مش بترد عليا ليه؟"
أغلق آسر عينيه للحظة، يتنفس ببطء، كأنه يحاول تنظيم أفكاره ومشاعره:
— "غصب عني والله."
— "أيوه… أيه السبب؟ يعني أختك بردو؟"
آسر جفف شفتيه، صوته متوتر:
— "أيوه… انتي رنيتي وهي كانت نايمة… محبتش أصحيها… ما صدقتش أصلا إنها نامت."
صوفيا شدّت نفسها، صوتهما يتشابك بالغيرة والقلق:
— "مكالمة ثواني مش هتاخد ف إيدك ثانية… اللي عايز يعمل حاجة بيعملها."
آسر تنهد مرة أخرى، ضغوط اليوم والإرهاق واضحان في صوته:
— "أنا كنت ف أي ولا ف اي بس؟ دماغي مكنتش فايا ومكنتش ملاحق… تعب إلين شلني."
صوت صوفيا صار حازمًا ولكنه دافئ، يلمس قلبه رغم حدة الكلام:
— "حبك الزيادة ليها هيتعبك بعدين."
آسر صمت للحظة،
— "إنتي بتغيري عليا من أختي؟"
— "أكيد لا… بس مش فاهمة… أيه سر تعلقك بيها كده؟"
أغمض آسر عينيه، قلبه يعتصر بين خوفه من فقدانها اذ علمت بالحقيقة
— "المفروض أكون قاسي القلب على بنت أبويا وأمي… صح؟ عشان أعجب حضرتك."
صوفيا ضحكت بخفة، لكن في صوتها مزيج من الدهشة والحنان:
— "متقولنيش كلام مخرجش مني… أنا بس مستغربة مش أكتر… العلاقة دي… وكل هدفي أنصحك إنك تخف على نفسك… عشان هيطلع عليك في الآخر… وانا أكيد مش هيفوتني الواجب… هاجي أطمن عليها بنفسي."
آسر قبض على الهاتف بقوة، صوته صار أكثر حزمًا وملكية:
— "لا… متجيش."
— "إي؟"
صوت صرخة إيلين من الغرفة فجأة جعل قلبه يقفز… دون تفكير، قفل السكة في وجه صوفيا، وركض نحوها.
صوفيا وقفت مذهولة، الهاتف في يدها يرتعش، عينيها تتسعان، وقد اختلطت الدهشة بالغضب:
— "هو اللي عمله دا بجد؟! قفل السكة في وشي وأنا بكلمه؟!"
...
في قصر صوفيا
صوفيا، ويدها تضغط على الطاولة بعنف، وعينها متقدة بالغضب:
صوفيا بغضب... "لا كدة كتير الوقت بيجري وهو ولا حس ولا خبرة اي مات يعني؟
هو ناسي انه متجوز
وانا ورايا عملية وفضل يعملي فيها
الشهم اللي مستحيل يسيب الست بتاعته تسافر من غيره ويشاركها اللحظات المهمة ف حياتها كل دا اتبخر ف ثانية ياه ع الأنسان"
يامن، واقف أمامها، يضع يده على كتفها برفق ويحاول تهدئتها، وابتسامة خفيفة ترتسم على وجهه:
يامن بمرح... "اتقلي يابنتي شوية
الحب ولع ف الدرة ولا اي؟
يابت بلاش تكوني ملهوفة عليه هيتقل وينفخ نفسه احنا رجالة توكسيك بنحب اللي نجري وراها مش العكس"
صوفيا أغمضت عينيها لحظة، تنهدت، ثم فتحتها بعزم، وتابعت بقلق، وهي تتحرك في الغرفة ذهابًا وإيابًا:
صوفيا... "بقولك حاسة انه وراه مصيبة
صوته وانا بكلمه مش اسر اللي اعرفه ابدا
في سر وخطير كمان"
يامن رفع حاجبه، ويده تمسح على ذقنه بحيرة:
يامن... "وهو يعني لو مخبي حاجة هيخاف يقولك مثلا ؟ ماسكة عليه زلة ؟"
صوفيا توقفت فجأة، ووجهها صار صارم:
صوفيا... "انت بتدافع عنه ليه ؟"
يامن، متكئًا على الطاولة، ينظر لها بعينين ثابتتين:
يامن... "عشان مش لاقي مبرر لهجومك عليه"
صوفيا تقاطعت ذراعاها على صدرها، وتحدّق فيه:
صوفيا... "النقط لما تتحط ع الحروف بتسهل الطريق وبعدين من حقي اشوف بيته واتعرف ع اخته
انا خايفة ميكونش قالها ع علاقتنا معقولة بتحبه لدرجة تغير عليه بالشكل دا ؟م دا مش صحي ابداا اللي هما فيه دي اخته مش مراته"
يامن، وهو يهز رأسه بخفة، يمسح جبهته بيده:
يامن... "منا مش هوديكي ليه
و بصراحة مش مطمن لمرواحك وبعدين خيالك طاح بعيد ليه ؟"
صوفيا شدّت حقيبتها بإحكام، ووقفت بثبات، عينيها متوهجة بالعزم:
صوفيا... "هو انا رايحة بيت راجل غريب دا جوزي ومن حقي اعرف هو بيعمل اي دلوقت انجز وهات العنوان ولو قولت لا براحتك اوي مش هغلب وهتصرف"
يامن تنهد بعمق، ويده ترفرف في الهواء:
يامن... "امري لله هديهولك"
في قصر آسر
صوفيا خبطت الباب بقوة، والخادمة فتحت بسرعة، وعينيها اتسعت:
الخدامة... "مين حضرتك ؟"
صوفيا، وهي تدخل خطوة للأمام: "انا مرات اسر"
الخادمة ابتسمت بخفة: "اهلا بحضرتك اتفضلي ياهانم البيت نور بيكي"
صوفيا، وهي تتحرك بخطوات حذرة داخل الصالون: "هو اسر هنا؟"
الخادمة، وهي تلوح برأسها للأعلى: "ايوة مع الست ايلين فوق تحبي اناديه واديله خبر إنك هنا"
صوفيا، متشبثة بحقيبتها: "لا ملوش لزوم انا طالعاله"
في غرفة إيلين
آسر كان يثبت إلين وهي تحاول ارتداء ملابسها الجديدة، ويداه تتحركان بحذر، والفتاة تبتعد عنه بخجل. فجأة، خبط الباب بعنف، ويدها على المقبض ترتجف:
آسر بترقب، عينيه تتسع: "مين؟"
صوفيا، تبتسم ابتسامة واثقة، وتقف متكئة على الباب بخفة: "انا صوفيا"
آسر بصدمة، ويده تجمدت في الهواء: "يانهار اسود"
...
أول ما رأت صوفيا آسر، ركضت تحضنه، جسدها فيه خليط من الشوق والارتباك، عينها لامعة لكنها مش قادرة تخفي القلق:
صوفيا… "وحشتني!"
آسر حضنها بحذر، يده مشدودة على ظهرها، وعيونه مليانة خوف من رد فعلها أو أي موقف غير متوقع:
آسر… "وانتي أكتر…"
صوفيا مدّت له حقيبتها،
صوفيا… "شوفت؟ جيبتلك معايا حاجات… كل دا لإلين، عشان هي من ريحتك."
نظرت إلى إلين، فضولها واضح،
صوفيا… "امورة قوي!"
إلين ابتسمت بخجل، جسدها بيتراجع شويّة، غيرتها البسيطة واضحة:
إلين… "تسلمي يا صوفيا."
صوفيا رفعت يدها على قلبها، عيونها مليانة دفء، لكنها مرتعشة
صوفيا… "أنا صوفيا، مرات آسر."
إلين، بحذر، مدّت يدها لتلمس يد صوفيا
إلين… "أيوة… هو قالي مبروك! وسامحيني لو بوظت عليكم ليلتكم، انتو عرسان جداد وكنتم محتاجين تتهنوا ببعض."
صوفيا ضحكت بخفة، وعيونها تتطلع لآسر، جسدها بيتقارب منه شويّة:
صوفيا… "لا يا حبيتي، انتي بوظي براحتك خالص… أنتي اختنا، ده أنا حتى حبيتِك من كتر حبه ليكي… وتعرفي، كان عندي سفر، بس أجلته لحد ما أزمتك تعدي."
آسر سمع الكلام، خوفه واضح، ، لف دراعها بحذر، عيونه تبحث عن أي علامة:
آسر… "أجلتي سفرك؟"
صوفيا ابتسمت، جسدها بيتنفس بارتياح خفيف،
صوفيا… "أه…"
آسر، وهو يرفع حاجبه،
"ليه؟"
صوفيا… "عشان ظرفك ده… وبصراحة مش هسافر غير وجوزي معايا."
إلين لمحت توتر صوفيا
إلين… "انتي تعبانة؟"
صوفيا رفعت كتفها برقة تحاول تخفي توترها خلف ابتسامة:
صوفيا… "أه، هعمل عملية في الرحم عشان أقدر أخلف."
إلين… "الف سلامة عليكي."
صوفيا أمالت رأسها بخفة، عيونها تتفحص آسر وهو لسة متوتر:
صوفيا… "نتكلم بعدين…"
آسر، جسده مشدود، يده تتلمس قلبه من الخوف، رفع حاجبه:
آسر… "لا دلوقت"
صوفيا ضحكت، عيونها تلتمع بالحماس:
صوفيا… "أكيد… فين أوضتك عشان أنقل شنطتي فيها؟"
إلين… "ف وش أوضتي ع طول."
صوفيا ابتسمت، جسدها بيتحرك بحماس، عيونها مليانة حيوية:
صوفيا… "حلو… يعني مش هنكون بعيد عن بعض، ولو احتجتي أي حاجة، آسر يجيلك على طول. يلا يا حبي، وريني الأوضة… وبعد كده روحلها براحتك."
ثم التفتت إلى إلين
صوفيا… "اتشرفت بيكي يا قمر… احنا هنبقى صحاب قوي."
إلين… "ليّا الشرف!"
...
في أوضة آسر
آسر بعصبية "بتحطيني قدام الأمر الواقع ياصوفيا!"
صوفيا اقتربت منه، قلبها يخفق بسرعة، وحطت إيدها على رقبته بدلع وتحدي، عيونها متوهجة:
صوفيا: "أنا زعلانة منك ومخصماك."
آسر اتفاجئ، حاجباه ارتفعتا، صوته فيه استغراب وصدمة:
"مين المفروض يزعل من التاني؟"
صوفيا ابتسمت بمرارة طفيفة، عينيها تشع نار:
"أنا طبعا."
آسر حرك راسه بعصبية، جسده متوتر، يده ترتجف قليلًا:
آسر: "طب فكري شوية…"
صوفيا قربت وشها من وجهه، صوتها خافت لكنه حاد، مليان تحدي:
صوفيا: "احسبها ياحبيبي."
آسر شد كتفيه، صوته ارتفع قليلاً، عيونه فيها لهفة وغضب مختلط:
آسر: "ولا أحسبها ولا غيره… أنا هحاسبك على خروجك من غير ما تعرفيني… وعدم سماعك كلامي ده قلة احترام ليا ياصوفيا!"
صوفيا رفعت رأسها، عينها تلمع، وحاجباها معبرة عن الألم والحرج:
صوفيا: "متصورتش إن وجودي هيكون تقيل عليك… دي اختك فرحت يمكن أكتر منك."
آسر خفف من صوته، قرب منها شويه، وبص في عينيها بحنان مختلط بالانفعال:
آسر: "يا حبيبتي… مكاني هنا ملكك… أنا اتفجأت من وجودك… كنت عامل ترتيبات لأول مرة، رجلك تخطت عتبة القصر، حبيت أخلي كل حاجة مميزة… وانتي من غير ما تحسي ضيعتي كل اللي خططتله."
صوفيا رفعت راسها بتحدي، ابتسامتها صغيرة لكنها نارية:
صوفيا: "مش مهم… إحنا هنا دلوقتي… يلا نحتفل!"
آسر حرك يده ببطء، نظرته فيها حيرة وخوف، صوته متردد لكنه حازم:
آسر: "في الظروف دي؟ وبعدين… تعالي… دا أنا هطلع عينك… يعني ايه تأجلي سفرك؟… أنا للدرجة دي، هوا طيش؟… مفيش رأي ليا في حياتك؟… واخوكي لما عرف كان وضعه اي… قبل م يضيع فرصة زي دي بعد ما خلاص كان فاضل على سفرك مفيش ساعات… مفيش أهم من صحتك… وكنت هكلم دكتور يتابع حالة إلين… بس مكنتش لاقي حد أقدر أثق فيه… يعني مش هسيبك."
صوفيا اتفاجأت، صوتها فيه حيرة وارتباك:
صوفيا: "يعني كنت هتسافر معايا؟"
آسر: "دا الشك اللي بتتكلم عنه… حكمتي عليا من غير ما تسمعي… شوفتي بس الظروف اللي بمر بيها… واتصرفتي بدون إذن مني… خدي بالك… غلطاتك كترت معايا… وأنا بحاسب على طول… مش باخدها على قلبي وأكتم زي الحريم."
صوفيا نظرت له بعينين مليانة حنين، جسدها يرتجف شوية بين الغضب والدفء:
صوفيا: "دلوقتي مش مستعدة… قلبي محتاج وقت."
آسر ابتسم بخفة، حضنها بشدة، يده على ظهرها تضغط شويّة، صوته مليان حنان:
آسر: "رغم إني مش مقتنع وحاسس إنك بتسوحيني… بس تمام… نأجل… لو ده هيخليكي مبسوطة."
صوفيا استسلمت للحظة، جسدها يلين بين حضنه، عيونها مليانة دفء وحب، همست:
صوفيا: "عايزا اخرج واتفرج ع القصر
آسر مسك وجهها بإيديه،
آسر: "اللي يريحك ياحييتي مكانك اعملي فيه ما بدالك محدش يقدر يمنعك."
....
في أوضة إلين
إلين واقفة قدام النافذة، عيونها مولعة بالغضب، جسدها متوتر، ويديها مشدودتين:
إلين (بنبرة حادة): "هي جت هنا ليه دلوقتي؟ أنا مش عايزاها هنا!"
قلبها يدق بسرعة، وهي بتحرك إيدها على الطاولة بعصبية، صوتها يرتجف بالغضب والغيرة:
إلين: "لازم تمشي حالًا… ودا قراري… مش هستحمل أشوفها… مش هستحمل أبص لها!"
أعينها تتلمع، حنان وحقد متشابكين، كأنها مش عارفة تنطق إلا بالحقائق المرّة:
إلين: "هي حلوة… أحلى مني… وهتديله اللي أنا عجزت أديه…"
شدّت شعورها، جسدها كله فيه إحباط وقهر:
إلين: "أنا مش ست… ولا أقدر أملي عينه… إنتي خلاص ياإلين… بإيدك خليتيه يعملها!"
صوتها ارتفع، عيونها فيها ألم وغضب مختلطين:
إلين: "كنتي فاكرة إيه؟ هيقولك لا؟ تبقي عبيطة؟"
تنهدت، كأنها بترمي كل ألمها على الهواء:
إلين: "استسهلتي… وافتكرتي إحساسه بالذنب هيمنعه يوجعك… بس كل ده كان ف الهوي…"
وصوتها كاد ينكسر، وهي بتتنقل بخطوات قصيرة بين الغرفة:
إلين: "وقعته ف المصيدة… واهي عايشة معاه ف نفس الأوضة اللي حلمتي تشاركيه فيها…"
جسدها انقبض، وعيونها تحرق من الغيرة، لكنها حاولت تتحكم في نفسها،ولكن لم تستطيع
....
في غرفة إيلين
انفتح الباب بهدوء…
ودخلت صوفيا دون استئذان.
كانت إيلين واقفة أمام المرآة…
تُعدل خصلات شعرها ببطء، لكن عينيها توقفت في انعكاس الزجاج…
لحظة ما شافت صوفيا… ابتسمت.
ابتسامة خفيفة… لكنها غير مريحة.
— "واضح انك ختي راحتك زيادة عن اللزوم… مش معني اني واحدة مريضة تستغلي دا وتخشي وتقتحمي مكاني وانا مديتكيش إذن"
أغلقت صوفيا الباب خلفها بهدوء…
أسندت ظهرها عليه لثواني، وكأنها بتثبت نفسها… ثم رفعت رأسها بابتسامة ثابتة:
— "وانا ليه احتاج إذن ف مكان كله يخصني؟"
استدارت إيلين ببطء…
نظراتها نزلت عليها من فوق لتحت، بتفحصها بحدة:
— "تخصك اي يا حبيتي؟ دي اوضتي… يعني مملكتي الخاصة… بكل سهولة اقدر انادي ع اسر دلوقت ويطردك من هنا بعد ما ياخدلي حقي منك؟"
تحركت صوفيا داخل الأوضة بخطوات هادية، كأنها بالفعل في مكانها:
— "اسر مش ممكن اهون عليه… هو لسة متجوزني من مفيش، حتي محصلش بينا اي شيء… يعني ملهوف عليا اوي… ييجي بكل سهولة يزعقلي عشان دخلت ع اخته من غير ما اخبط؟ افورتي صح؟"
ضحكت إيلين… ضحكة قصيرة ناشفة:
— "بلاش تقارني نفسك بيا معاه… لأنك لو اتحطيتي ف خانة انا فيها، صدقيني قيمتك هتبقي تحت الصفر"
رفعت صوفيا حاجبها، وابتسمت بسخرية خفيفة:
— "غيرتك عليه كأنك ضرة ليا… اصحي يا ماما دا اخوكي مش جوزك… يعني انا مراته وهو باقي عليا اكتر منك… بلاش تخليني اثبتلك دا"
ردت إيلين فورًا، بنبرة حادة:
— "اللي بينا دم… مش مجرد ورقة"
سكت المكان لحظة…
ثم لمعت عيون صوفيا بنظرة حادة:
— "انتي بتشتري عدواتي خدي بالك؟"
مالت رأسها قليلًا، بابتسامة مستفزة:
— "وانا مش عايزة اخد بالي… عايزة اسيب الحبل ع الغارب واشوفك وانتي بتلعبي معايا… انا تعبانة اه، لكن بعرف ارد كويس اوي"
ثقل الهواء بينهم…
توتر محسوس.
ابتسمت صوفيا… ابتسامة تحدي:
— "واضح إنك مش مرتاحة لوجودي… انا كل دا بهزر معاكي بنغاشك يعني، بس قلبتيها جد ف ثانية"
ردت إيلين فورًا:
— "احنا مش هتكون صحاب ابدا يا صوفيا"
صمتت صوفيا لحظة… ثم قالت بهدوء أخطر:
— "إنتي شايفة إيه بالظبط؟"
رفعت إيلين عيونها بثبات:
— "شايفة واحدة دخلت حياتنا بالغصب"
رفعت صوفيا حاجبها:
— "حياتكم؟"
ابتسمت ببطء:
— "واضح إنك واخدة الموضوع شخصي قوي زيادة عن اللزوم"
ضحكت إيلين بسخرية خفيفة:
— "قوليلي… هو بيبصلك بنفس الطريقة اللي بيبصلي بيها؟ نظرة كلها ضعف واحتياج؟"
نزل الصمت تقيل…
قلب صوفيا خبط… لكن ملامحها فضلت ثابتة:
— "إنتي اخته يا بنتي… محتاجة تفوقي، افصلي… عشان والله بتأذيه قبل ما بتأذي نفسك"
ردت إيلين فورًا:
— "انا بعرفك مين فينا فاهمه أكتر… واللي وش هيختاره، تفتكري اختياره الاولي مين؟"
السؤال خرج بهدوء…
لكنه كان طعنة.
سكتت صوفيا لحظة… ثم قالت بثبات:
— "كفاية إنه معايا"
اقتربت إيلين جدًا… همست:
— "ولا مضطر يبقي معاكي؟"
تكهرب الجو.
شدت صوفيا نفسها… صوتها ارتفع لأول مرة:
— "احترمي نفسك"
ابتسمت إيلين ببرود:
— "انا جيت ع الجرح؟"
اقتربت صوفيا خطوة، عيونها مولعة:
— "إنتي ليه حطاني ف دماغك؟"
سكتت إيلين لحظة… ثم قالت بهدوء مرعب:
— "انتي اللي جيتي عندي"
نظرتها غاصت فيها:
— "بس خليني اقولك… انك دخيلة… هتاخدي شخص عمره ما هيكون ملكك"
مسكت صوفيا مقبض الباب…
ثم التفتت لها آخر مرة:
— "خلي غيرتك متوصلكيش لحاجات تندمي عليها"
ردت إيلين ببرود:
— "إن اللي بيدخل حياتنا غصب عننا… بيطلع منها غصب عنه"
ضحكت صوفيا بخفة… باستخفاف:
— "جربي"
الصمت بقى خانق.
إيلين مالت رأسها، بصوت هادي زيادة عن اللزوم:
— "اسر عقدته الوحيدة اني اخرج من حياته… بيترعب من فكرة خسارتي"
وقعت الجملة تقيلة…
سكتت صوفيا لحظة… ثم قالت بسرعة:
— "طبيعي"
ابتسمت إيلين:
— "لا"
اقتربت صوفيا فجأة:
— "هو اي اللي لا؟"
ردت إيلين ببطء:
— "لما تحسي إن مكانك مهدد… هتفهمي إن علاقتنا عمرها ما كانت طبيعية"
لمعة خطر ظهرت في عين صوفيا:
— "انا كل حياته… وبكرة لما اجيبله طفل هكون بيته وامانه"
تأثرت إيلين للحظة… لكن ردت بسرعة:
— "بس انا واخدة كل قلبه… ملكيش مكان فيه"
صوفيا، بهدوء قاتل:
— "الفرق اللي بيني وبينك… مع كل مشكلة بينا هيرجعلي… اه اللي بينكم دم… بس اللي بيني وبينه تعلق روح بروح… محدش بيفرح من غير التاني"
الجملة كسرت حاجة جوا إيلين.
اتنفضت من مكانها:
— "امشي من هنا!"
صوتها علي…
— "امشي حالًا!"
صوفيا ما اتحركتش…
— "أنا لسه مخلصتش كلامي"
قربت إيلين بعصبية:
— "قولت امشي!"
رفعت صوفيا حاجبها:
— "وإلا؟"
— وفي اللحظة دي —
اتفتح الباب فجأة.
وقف آسر عند الباب… عينه تتحرك بينهم… الجو كله متوتر.
— "في إيه؟"
الصمت نزل مرة واحدة.
بصتله صوفيا… وابتسمت بهدوء:
— "ولا حاجة يا حبيبي"
لكن آسر ما اقتنعش:
— "تعالي"
عدت من جنب إيلين…
وهمست لها بصوت واطي جدًا:
— "اقطع دراعي ان م البت دي يا اما مريضة ب اخوها يا اما هي مش اخته اصلا"
وخرجت.
إيلين فضلت واقفة…
إيدها بتترعش…
وعينيها… فيها خوف لأول مرة.
في الممر
آسر خرج ورا صوفيا بسرعة…
شد دراعها بقوة خفيفة:
— "إنتي كنتي بتعملي إيه جوه عندها؟"
حاولت تسحب إيدها:
— "بتعرف على أختك… ولا دا ممنوع برضه؟"
قرب منها، عينه ضيّقت:
— "بلاش الأسلوب ده… أنا سامع صوتكم… قولتلك ميت مرة إيلين تعبانة"
ابتسمت بتحدي:
— "وسمعت إيه؟ سمعت إنها بتكرهني؟ ولا إنها بتتكلم عليك بملكية؟ اختك مريضة بيك"
شد دراعها:
— "خلي بالك إنتي بتقولي إيه"
— "بدل ما تطمني بتزعقلي؟!"
سابها فجأة:
— "فورتي دمي… الله يسامحك"
فجأة…
صوت حاجة وقعت.
— "إيلين!"
وجري.
صوفيا وقفت…
وعينها ضيّقت:
— "ياويلك مني لو اللي ف دماغي طلع صح"
داخل الأوضة
آسر اندفع جوا:
— "إيلين!"
كانت واقعة على الأرض…
نزل بسرعة، حضنها:
— "انتي كويسة؟!"
— "دوخت فجأة…"
— "الف سلامة عليكي يا حبيبتي"
بره…
صوفيا واقفة… سامعة…
— "اللهفة دي بينهم… مش طبيعية"
دخلت فجأة:
— "واضح إني جيت في وقت مش مناسب"
إيلين مسكت دراعه:
— "اطلعي برة… انا حبيبي بس اللي يحق لينا نكون سوا ف الأوضة دي"
الصمت انفجر.
— "انتو في بينكم اي؟!"
آسر وقف بينهم:
— "كفاية بقى"
بصتله صوفيا… نظرة موجوعة:
— "فعلا كفاية… جوازنا كانت غلطة… طلقني"
سكت…
ثانية… قاتلة.
— "بقولك طلقني يا تفهمني اللي شوفته دا اي؟"
ابتسمت إيلين بشماتة:
— "انا ابقي مرات اسر"