رواية حور
الفصل الثامن8
بقلم دانيا
قلت ليهم نحن هسي مع بعض بس لمن نطلع الضمان شنو تاني نجتمع كلنا؟ ، اثناء ما انا بتكلم معاهم سمعت الظهر اذن طلعت مشيت اتوضيت ومشيت الزاويه حقت المدرسه عندنا جامع صغير عريشه في المدرسه مشيت عاوزة اصلي ، جات حكمه ومعاها صحباتها اتنين محجبين الطرح وعاوزين يصلوا عاوزين نقيم الصلاه تاني جو بنات من فصلنا وفي جزء من الاولاد فرشوا السجادات تحت الشجر عشان يصلوا ، بعد شويه بقوا يجوا بنات كتير واولاد شويه شويه المدرسه كلها جات المساحه بقت م واسعانا اتوزعنا في الشجر وتحت ظل المبنى حق المدرسه والمديره فوق في البلكونه بتعاين .
صلينا وبعدين البنات بقوا يقولوا المديره قالت اطلعوا لكن في ناس طلعوا من اول يوم لحد الآن لا حس لا خبر عنهم نحن لو طلعنا الضمان شنو نصل سالمين ، جاتني فكره ومشيت مكتب المديره قلت ليها عندي طلب يااستاذه قالت لي اتفضلي قلت ليها اعملو طابور عندي كلمه اخيره عاوزة اقولها للطلاب عليك الله ، رفضت في البدايه بس اقنعتها، ضربوا الجرس وقالوا طابور، مشوا كلهم وقفوا بالاساتذه .
جيت مسكت المايك والقيت عليهم التحيه وبديت اتكلم ليهم قلت ليهم يا جماعه انتوا عارفين الحاصل في القريه دا شنو دا غضب والغضب دا م بزيلو عننا غير الرجوع لله وزي ما انتوا شايفين المنطقه في خطر كبير بس السفر والجروج منها م حل قولوا طلعنا هل ح نقدر ننفد من قدرنا؟ ، وهل نحن ضامنين نفسنا نصل آمنين في ناس كتار سافروا اها وصلوا او في خبر منهم زي ما نحن شايفين الكائنات دي وقت م لقت ليها طريقه فينا بقت تنبش في القبور .
اها معقولة نطلع من القريه ونخلي القريه الأتولدنا واتربينا فيها بالبساطه دي ، او القريه خليها المقابر دي فيها اسلافنا ، اجدادنا ، وابهاتنا وامهاتنا وحبوباتنا واخوانا وفيها اهلنا معقول نهرب عشان حماية نفسنا ونخليهم نخلي قبورهم للوحوش تنبشهم ، تعالوا نسأل نفسنا معقولة القبور دي م مسؤليتنا البحميها منو غيرنا ، بعد كلامي دا لسه عندكم نيه تسافرو الاستاذه الجنبي حاولت تشيل مني المايك ، في وسط هدوء تام جاء صوت من وسط الطلاب قال حور معاها حق وانا مع حور بعد شويه الاصوات بدت تزيد ، لمن كلهم بقوا يقولوا كلنا مع حور.
قلت ليهم بالتعاون والتكاتف مع بعض ومع الشرطه ح نحمي القريه ونطلع لبر الآمان ، وطبعاً باللجوء الى الله دائماً وابداً
الله سبحانه وتعالى قال انا عند حسن ظن عبدي بي ، ونحن ظننا باالله ح ننجوا من هذه المصيبه ، بكره تعالوا نجتمع في المدرسه هنا ونقرروا نعملوا شنو.
خلصت ونزلت من المسرح بقوا كل الكانوا عندهم مواقف معاي يجو يعتذرو لي ويقولوا نحن معاكي وح ننقذ القريه بالاتحاد معاً ، اتفقنا بكره كلنا نجي قلت ل حور يلا ورح بتكون العربيه جات ، طلعنا ماشين جاء الولد الاسمو يوسف ورانا قال لي حور اتلفتت لقيتو دا هو قال لي انا جيت اعتذر ليكي وبتمنى تقبلي اعتذاري انا اسف على كل شيء ، قلت ليهو م مشكله.
اول ما وصلنا البيت صليت العصر ومشيت بيت جدي سلمت عليهم قلت لحبوبه فاطمه جدي قاعد قالت لي في الصالون مع خالك البراء مشيت عليهم ، قلت لجدي عندي فكره وان شاء الله تظبط ياجدي بس عاوزة مساعدتك حكيت ليهو قال لي لكن اهل القريه بقبلوا؟ قلت ليهو اول شيء احسن حل قفلوا مداخل القريه لا داخل لا مارق واهل القريه خليهم علي انا.
الصباح اجتمعنا في المدرسه عشان نخت خطه قلت ليهم كل واحد مسؤل من اهل بيتهم ، كل واحد فيكم يقنع اهل بيتهم انو يجوا الميدان جنب الجامع الكبير الليله بعد العصر وقريب المغرب ، وجيبوا سجاداتكم واغطيتكم معاكم ولو عندكم بنادق صيد او سلاح جيبوهم معاكم.