رواية بيت جنب المقابر
الجزء الثالث3 الفصل الثامن8
بقلم دانيا
بقى يعاين للمقابر من الشباك وقال لي شايف المقابر دي ؟ قلت ليهو بصوت متردد شايفها ااي مالها؟ قال لي زي ما ساكننها إنس ساكننها جن برضو للحظه قلبي رجف قلت ليهو كيف يعني جن ؟ سكت مسافه وبعدها قال لي اغلبية القبور هنا فاضيه او بالمفهوم الصحيح هي " مداخل لعالم تاني ، عالم الجن " حسيت رجليني نملو من سمعت كلامو بقن م شايلاتني قلت ليهو ك.... كيف عرفت دا كله انت ؟ جاء قعد في الكرسي واشر لي نظام اقعد ، قعدت في السرير .
بعدها قال لي لأني انا في يوم من الأيام كنت زيك جيت المنطقه دي جديد وم فاهم شيء قعدت بأولادي هنا لكن الفرق بيني وينك إنو انا الكنت الضحيه بس حالياً انت مرتك ... يعني الماره بيهو مرتك حالياً دا انا مريت بيهو ،، عاينت ليهو وبنبرة غضب قلت ليهو اختصري لي الكلام انا م فضل فيني حيل للمقدمات دي كلها قصدك شنو ؟ قال لي يعني انا اتخطفت وكانت خاطفاني واحده وكمان كان نيتها تحولني عشان جسدي يتغير وابقى منهم بس لمن انا قابلتها بالرفض وحست إني بتألم من البحصل معاي وطريقة التحول دي بتعذبني حنت علي وحررتني بس .... قلت ليهو بس ؟ طوالي مد رجلينو لقدام وقال لي بس رجليني م رجعن زي زمان عاينت لرجلينو " للحظه جسمي برد وقشعريرة سرت في جسمي لمن شفتهم ، ارجل حمار " حسيت بخوف كبير جواي قمت على حيلي وقلت ليهو بصوت مليان خوف " ليه م رجعت ليك رجلينك زي اول ؟ نزل راسو بأسف وقال لي احيانا حتى لو طلعت من الحرب منتصر جروح السيف بتترك اثر ندبات م بتروح مهما مر الزمن .
انا صاح نجوت من حربي مع الجن بس القدمين المقلبات ديل ياهن الندبات المابتروح ابتسم وقال لي نعتبرهم زكرى ... قلت ليهو طيب ليه م رجعت بيتك لاولادك ومرتك ؟ خت يدينو على وشو وقال لي وقت رجعت لقيتهم رحلو وم عرفت عنهم شيء وم قدرت ابحث عنهم او بالأحرى خشيت يخافو مني ويكرهوني ،، قلت ليهو بصوت مفزوع و ساجده ساجده ساجده بتكون اتحولت ؟ شبكت يديني في راسي وقربت ابكي قال لي لالا اطمن التحول م بالسهوله دي ،، داير ليهو اقل شيء شهر عشان تصبح منهم وفيهم .
قلت ليهو في حاجه انا م فهمتها إذا انت إنس فعلاً ليه تصرفاتك تصرفات جن ؟ سكت مسافه وبعدها قال لي يمكن بسبب الأرجل الحصلت عليهم بتديني طاقه مختلفه عن البشر احياناً ..... قبل افتح خشمي رفع لي يدو وسكت كأنو بحاول يتصنط حاجه بعيده وبعد ثواني قال لي يلا الوقت مناسب ،، عاينت ليهو وقلت ليهو بالجد مناسب يعني امش ؟ قال لي ح نمش والمره دي ابشر م بتطلع فاضي .
عاينت ليهو بإستغراب وقلت ليهو نمش ؟ ح تمش معاي ؟ حرك راسو بمعنى نعم للحظه حسيت بالإطمئنان لكلامو وابتسمت وقلت ليهو طيب .... طلعنا من البيت قال لي دقيقه قبل اي شيء خليني اوضح ليك كم حاجه " يمكن م نرجع سوى ، وبعدين لو شفت مني اي تصرف م تستغرب وم تركز معاي ، خلي هدفك واحد اوعك تتشتت بيني وبين ساجده خليك مركز على ساجده لو مهما حصل ، وحتى لو شفتني على وشك الموت م تقرب مني او تفكر تساعدني لأنو يمكن تتقلب الموازين واتقلب عليك " للحظه دمي جمد وحسيت بغرابه شديد في كلامو وعلامات الإستفهام بدأت تعبي راسي قاطع تفكيري هو وقال لي يلا مافي زمن كلها عشرين دقيقه يا طلعت مع مرتك او اتدمرنا كلنا هناك في عالم الجن .
مشى قدامي وانا لحقتو مشى على إتجاه القبور قلت ليهو ماشي وين انت الطريق ؟ قال لي ممكن م تكتر اسئله ؟ سكت منو ..... وقف جنب واحد من القبور وبقى يعاين ليهو وقال " عن إذنك " واول ما قال كدا حسيت الأرض مكان القبر اتحركت وفجأة طلعت بت لابسه اسود في اسود للحظه الدم جمد في عروقي وجسمي كله رجف رجعت خطوتين للورا اتعترت بحجر قربت اقع ،، للحظه المكان كله بقى غبار كثيف ... الراجل العجوز مسكني من يدي وقال لي يلا مشى بي على القبر لمن وقفنا في نص القبر فجأة حسيت كأنو سقطنا في بئر قمضت عيوني وفتحت لقيت نفسي جوا البيت الجنب المقابر لمن جسمي كشى .
فجأة لمحت ساجده قاعده على ركن الحيطه لمن شفتها قمت جاري عليها ظهرو قدامي اتنين شكلهم غريب عاملين زي وحيد القرن ورجليهم رجلين بشر من شفتهم لمن قلبي خفق .... بقيت واقف بعاين ليهم جاء الراجل العجوز وقف قدامي وقال لي امشي يا محمد بسرعه قمت ماشي حسيت بحاجه مسكتني من رقبتي وسحبتني للخلف