رواية الحب قدر لا خيار الفصل التاسع عشر 19 والعشرون 20 بقلم غاده عبد الرحمن
الفصل_التاسع_عشر💔
لم تكن يوما مسئولية الرجل تجاه زوجته فقط او ان تسقط عنه باقي واجباته الاسرية بمجرد زواجه ... فالرجل زوج و اخ وابن واب لا يمكنه ان يقصر في طؤف مقابل لطرف اخر وهنا يقع بين شقي الرحي لا يستطيع ان يظهر الالم الذي يعتصر قلبه علي زوجته خوفا علي فرحة اخته بليلة زفافها فهو سندها و وكيلها من لها غيره لذلك قرر ان يضع مصابه علي جنب وان يحقق لشقيقته يومها المثالي وان يسعد زوجته اليوم حتي تتحمل القادم غدا
هرولت في اتجاهه عند دخوله
- كنت فين يا حمزه كل ده ؟ نادين هتجنن وشوية وكانت هتعيط
احتضنها بين ذراعيه وقبل راسها مما اثار شعور بالاستغراب لديها
= انا جيت اهو ومتأخرتش
- مالك يا حمزه وعينك حمرة كده ليه
= هااا لا ولا حاجة الحلاق الحمار رش المثبت علي شعري و دخل في عيني شوية وتهدي
ثم امسك يديها بإحكام
- تعالي نشوف العروسة بدل ما تقتلنا
رسم علي وجه ابتسامة عريضة لم تصل الي عينيه وهو يلج الي حجرة شقيقته
= يا عرووووووووووووووسة
لتلتفت نادين اليه والغضب مرسوم علي وجهها
- ده برده يوم تختفي فيه انت معندكش دم
= الله الله في ايه ده انا اخاف علي معاذ من عصبيتك الله يكون في عونه
- بس بس هو انا اللي اختك ولا هو
ليتقدم منها قائلا
= انتي اختي ونور عنيا واللي يقرب منك اكله بأسناني
- ربنا يخليك ليا يا حمزه
ليستمعوا الي شهقات تاتي من خلفهم ليلتفتوا ويجدوا رنيم تبكي متاثرة بحديثهم الاخوي
ليضحكوا معا و حمزه يردف
= خزان احزان يا نادو ما تجوزيني واحدة فرفوشة كده
- نعم نعم انا فرفوشة اوي حتي شوف
لتطلق رنيم زغروطة مدوية لتثبت حديثها
ليقاطعهم صوت طرقات علي الباب لتدلف بعدها والدة معاذ برفقة والدة نادين
= مش يلا يا عروسة معاذ مستني تحت
- احلي عروسة كمان يا فريال بس استني تكمل شياكتها
لتنظر نادين ورنيم كلا منهم للاخري في تعجب من تغير والدة معاذ
لتتقدم والدة معاذ من نادين وفي يدها علبة من القطيفة الحمراء
= جمالك دايما يكمل بمجوهرات ماجيستك هههههه مش ده شعاركو يا حمزه
- هههههههههههه فعلا يا طنط
ليظهر عقد من الالماس قمة في الرقي والبساطة
= دي هدية بسيطة مني اتمني تعجبك ولو ممكن البسهالك بإيدي لتلتفت الي فريال مردفة
ده بعد اذنك يا فريال
- طبعا يا حبيبتي نادين دلوقتي بنتك زي معاذ بالضبط
- طبعا يا حبيبتي نادين دلوقتي بنتك زي معاذ بالضبط
تأبطت ذراع شقيقها واخذت نفسا عميقا قبل ان ينطلقوا في اتجاه معاذ لتراه يقف اسفل السلم في انتظارها وقد رفع عينيه اليها وتعلقت اعينهم معا وكأن جميع من حولهم قد اختفي ولم يبقي سواهما
تمت مراسم الزواج علي اكمل وجه وسط فرحة من الجميع وقد سبقهم عادل و فريال بيوم في الدخول الي القفص الذهبي حتي تكون نادين مطمئنة علي والدتها
جاء موعد الرقصة الاخيرة قبل نهاية الحفل ودعو كل الثنائيات للانضمام للعروسين في رقصة هادئة
ليتقدم كلا من حمزه وتميم لزوجاتهم بطلب رقصة منهن علي نهج عامر وسوسن وعادل و فريال
تنظر الي العروسين بحب والابتسام تتسع علي وجهها مردفة
- انا فرحانه اوي ل نادين يا تميم
= متأكد من كده يا قلب تميم
- شكلها في الفستان الابيض حلو اوي والفستان كمان رقيق اوي ربنا يفرحهم
= زعلانة مني يا توليب
وجهت نظراتها له بتعجب
- انا ليه بتقول كده
اجابها والندم يطل من عينيه
= انا عارف اني حرمتك من احلي لحظة في عمر اي بنت بسسس
وضعت اصابعها بنعومة علي شفتيه لتمنعه من اكمال حديثه
- انا وجودي معاك عندي بالدنيا كفايه اني حرم تميم المغازي
احساس بالزهو ملئ قلبه بعد حديثها ليعد بداخله انه سيعوضها عن كل ما بدر منه وكان سبب في حزنها
انتهي الحفل وعاد كلا منهم الي منزله لينالو قسطا من الراحة بعد يوم شاق ممتع
= اتبسطتي انهارده يا رينو ؟
- جداااا يا حمزه والفرح كله كان حلو
= يارب دايما اشوفك فرحانه
- مش متخيل انا كنت فخورة بك قد ايه
= اشمعني
- شفتك اخ يعتمد عليه وانت بتسلم نادين ل معاذ و بتوصيه عليها مع سنة تهديد كده
= هههههههههه والله انا كان نفسي اوصيها هي عليه
ضحكت رنيم من قلبها بشدة ولكن القدر لم يمهلها فقد سيطر عليها شعور بالغثيان اضطرت علي اثره ان تهرول تاركة خلفها حمزه قلقلا وخرجت بعد بضع دقائق وقد سيطر اللون الاصفر علي وجهها وشعور بالاعياؤ يحتلها
- رنيم انتي كويسة
لتجيبه بصوت اقرب للهمس
= كويسة كويسة
- طب مالك حاسة بإيه
= مش عارفة يا حمزه انا حاسة اني فيا حاجة غلط مش مضبطة
- قصدك علي الدوخة وكده
= اه وفي حاجات تانية كمان
- حاجات زي ايه قوليلي
ليغذو الاحمرار وجنتيها فهي لا تعلم كيف تخبره بما يحدث معها فخجلها وحياؤها يمنعها ولكنها رضخت بعد اصراره
= يعني بص هي حاجات بنات يعني هو
- يا بنتي انا جوزك وربنا لسه هتتكسفي مني
= بقالي فترة العادة الشهرية مش بتيجي انا قلت ممكن بسبب الدوا بس حتي لما بطلته برده مش جت
- وليه مقولتيش ليا او ل ماما نادين او حتي توليب
= كل مشغول في حياته وشاهي مشغولة مع عمو يزيد وانت عارف اني مليش ام واتكسفت احكي لحد
اقترب منها وضمها اليه بقوة وهو يخبرها
- انا جوزك وامك وابوكي اوعي تتكسفي مني او متقوليش ليا علي اي حاجة فاهمة
اومأت برأسها موافقة علي حديثه حتي غفت بين يديه وهو لا يعلم كيف يخبرها او ما الذي ينتظرهم
واه من دنيا انت لست فيها ياأمي فلا مدح ينصفك ولا شخص يحل محلك يا تعاسة حظي ان اتواجد في عالم غبتي عنه وتركتني فيه وحيدة بلا حضنك يأويني
لم تذق عيونه النوم بعد ان نامت تركها وجلس امام حاسوبه المحمول فمنذ حديثه معها و ما اخبرته به من اضطرابات تعانيها منذ فترة قرر ان يتصفح الانترنت ليعلم طبيعة المرض التي تعانيه فهو يخاف ان يفقدها فهذا الم لن يستطيع ان يتحمله وعندما شق نور الصباح السماء اسرع بالذهاب لمقابلة الطبيب المختص بحالتها
- صباح الخير يا توتي
= صباح الخير يا بابي
- يلا نفطر تحت كلنا
= حاضر يلا
- صباح الخير يا جدو
= يا قلب جدو صباح الورد
- مش هتصبحي علي توليب يا توتي
= ياااه يا تميم ده احنا صبحنا و لعبنا وضحكنا وهنفطر معاكو وهنجري
- اممم يا سلام يا سلام وعلي فين يا حلوين
= هنروح النادي والمول و و
- يا خراب بيتك يا تميم هتفلسوني
لتضحك توليب وهي تلوح بكارت البنك الذي اعده تميم خصيصا لها
= ههههههههههه ربنا يخليك لينا انت و الكريدت
- طب والشغل واجتماع ادم
= لا مع نفسك اليوم ده بتاعي انا وتوتي وبس
- تمام يلا انا همشي اوصلكو
= لا انا هاخد عربيتي
اقنعتني هذه العبارة جدا " ان الله اذا احب عبدا كشف له حقيقة من حوله "
وصل الي الشركة و حضوره طاغي علي الجميع فهو بعلم ان جميع الاعمال عليه الان في غياب معاذ ذراعه اليمين الذي اطمئن عليه لدي وصوله الي احدي الجزر لقضاء شهر العسل متمنيا له السعادة
- هبه حضري كل حاجة لاجتماع ا. ادم مش عايز اي نقص
= اوامرك يا فندم اول ما يوصل هوجهه الي غرفة الاجتماعات الصغيرة وابلغ حضرتك
- تمام شكرا ليكي اتفضلي
صب تركيزه علي الملفات المتراكمة امامه حتي اخبرته السكرتيرة بوصول الضيف وانه في نتظاره ليتجه اليه
= اهلا يا ادم الشركة نورت
- اهلا يا تميم منورة بصحابها نبتدي العرض
= لا ثواني بس الباقي يوصل
عند نهاية جملته اطلت لميس من عليهم وهي تعتذر عن تأخيرها
- ولا يهمك ادم دي ا. لميس مسولة هنا عن التسويق
ليلتفت لها ادم مازحا
= انتي بقي لميس دوختيني عليكي حاولنا شهور نتواصل معاكي بس علي طول مش موجودة او مشغولة هههههههههههه
ثم التفت الي تميم مكملا
- خلتينا نسجن الراجل و كنا هنخسر بعض ههههههههههه
كان يتحدث بمزاح بحت ولا يعلم ان حديثه اثبت لتميم اشياء كثيرة واظهر لميس بحقيقتها امامه مما جعلها مرتبكة متوترة لا تستطيع النظر اليهم فقط تنظر اسفل قدميها دون حراك
= يلا حصل خير يا ادم ابدء العرض
انتهي الاجتماع وقد تمت الشراكة تبقي فقط توقيع العقود الذي سيحدث عندما تتم كتابتها من قبل محامي الشركتين وعندما همت لميس بالخروج اوقفها تميم
- لميس استني
= ايوه يا تميم
- انا عايز اعرف بس ليه
= هو ايه اللي ليه
- انا اذيتك في ايه
= انت عمرك ما أذتني ليه بتقول كده
= عشان اللي سمعته دلوقتي انتي كنتي السبب في حبسي ولولا تدخل توليب كان زماني مسجون لحد دلوقتي
- وانت هتصدق كلامه ده ... ده اكيد بيكذب ومتفق مع توليب عشان تكرهني
= وايه اللي هيخليه يكذب ما خلاص الحدوتة خلصت
- عشان عشان
= من غير كلام كتير لميس انا بحب توليب وعمري ما فكرت فيكي ارجوكي بلاش تخليني ايعدك عن حياتنا وبالذات بعد اللي عملتيه مع بنتي اللي انا مش هسمحلك تقربي منها تاني فااااهمة
اتسعت حدقتي لميس لم تتوقع ان يصدر هذا الكلام من تميم
- ده اخر تحذير ليكي مراتي وبنتي خط احمر
ليتركها ويذهب تتوعد بداخلها ان تجعله يندم اشد الندم علي ما تلفظ
الارق والسهر و مشاق العمل كل تذهب ادراج الرياح عندما تأتي في اخر اليوم وقد امنت نفسك واصبحت مستقلا بذاتك
- ازيك يا شاهي
= فريال !!
نزلتي انهارده ليه انا قلت هترتاحي يا عروسة
- عروسة ايه بس ده اخوكي نزل الشغل من بدري
= هههههههه لحق يهرب منك
- بس يا شاهي عادل ده نعمة من ربنا
= ربنا يخليكو لبعض يا حبيبتي
- يارب . اخبار الشغل ايه
= الحمد لله وان شاء الله هيبقي احسن
- بإذن الله ان المحل يتفتح تاني ويشتغل بعد الحريق ده معجزة اصلا بس ربنا مضيعش تعبنا وبكره نكبر ويبقي لنا فروع في كل مكان والله لولا وقفة عامر ومحسن وانهم رمموا المحلو وجددوه كتعويض عن عمايل اخوهم كنا صرفنا فلوس التأمين علي المحل ومعرفناش نجيب شغل نعرضه
- الحمد لله ربنا وقف لنا ولاد الحلال ... يارب يا فريال يارب
انتظر طويلا حتي جاء الطبيب فقد كان اول الحاضرين ولكن الطبيب كان لديه عدة عمليات متتالية مما اضطره لانتظاره
= اهلا يا ا. حمزه اتفضل
- اهلا يا دكتور
قص عليه حمزه الاعراض التي اخبرته بها رنيم و كان الطبيب ينصت له بدقة و يسأله عدة اسئلة ويجيبه عليها حمزه علي قدر معرفته حتي ابلغه بما قرأه علي الانترنت
= فعلا يا ا. حمزه مدام نادين عندها ورم بنسبة 90% حميد باذن الله في المخ اسمه الورم البرولاكتيني وكل اللي قلته ده من اعراضه وفي اعراض تانية بتظهر لما بيتقدم عن كده هيبقي في الام في العظام بالاخص الرجلين والايد وعدم سيطرة كاملة عليهم
- طب والحل يا دكتور
= اول حاجة لازم هي تعرف اللي فهمته منك انك لسه مقولتلهاش وده غلط لازم تعرف عشان نبدأ بروتوكول العلاج قبل العملية
ومهم جدا الحالة النفسية ولازم تراعي انها ممكن تبقي متقلبة المزاج و حادة الطباع
- طيب وبالنسبة للحمل
= مقدرش اقرر غير بعد العليه بفترة بس اغلب الحالات مع العلاج بيخلفو بس اهم حاجة السرعة من فضلك
- ان شاء الله يا دكتور في اقرب وقت هنكون عند حضرتك عن اذنك
في منزل عامر يجلس والقلق يتأكله بعد مكالمة حمزه و طلبه ان ينتظره
- توليب في ايه يا بنتي
= والله يا عمو مش عارفة هو طلب نتجمع هنا ونستناه
ليأتي تميم تتبعه شاهي متسائلا
- في ايه حمزه ماله
= معرفش يا بني معرفش هو طلبكو انتو كمان
- ظلو جميعا جالسين منتظرين مجئ حمزه حتي ينهي انتظارهم وقلقهم
= مساء الخير
- مساء الخير يا حمزه في ايه قلقتنا
= انا اسف اني كلمتكم وجمعتكم كده بس في موضوع عايز اتكلم معاكم فيه
ليحثه تميم علي الحديث مردفا
- قول يا حمزه خير
= مش خير خالص يا تميم مش خير
- في ايه انطق علي طول
= انا لسه راجع من عند الدكتور
لتذهب اليه شاهي متفحصة
- ليه مالك فيك ايه ايه تعبك
= اهدي يا ماما انا كويس بس
ليرفع راسه وهو ينظر اليهم
- رنيم عندها ورم ولازم تعمل عمليه
نظرات من الذهول ارتسمت علي وجوههم تبعها دموع متساقطة من شاهي وتوليب
= انت متأكد يا حمزه
- طبعا يا تميم ومعايا التحاليل والاشعة
وجه نظره الي عمه الذي وضع يده علي مكان قلبه يعتصره بقبضه يده
- يعني بنتي هتموت هتروح مني
= لا يا عمي ان شاء الله خير هي بس هتحتاج عمليه بس
- بس ايه تاني اكتر من كده
= ممكن منخلفش لان الورم ده ممكن يسبب عقم بس انا راضي والله راضي بس هي تبقي كويسة انا مش عايز غيرها من الدنيا
- طب وهي تعرف
= لا لسه يا ماما انا جمعتكو عشان نشوف هنقولها ازاي
ولكن شهقة توليب وعينيها مركزة علي مدخل المنزل جعلتهم جميعا يلتفتوا ليروا رنيم واقفة تستند علي باب الفيلا والدموع تنهمر من عينيها هرول اليها حمزه ولكنها صدته
- متلمسنيش انا مش محتاجة شفقة وعطف من حد
لتكمل من بين شهقاتها
= وانا اقول برده ازاي اتغيرت معايا وبقيت رومانسي كل ده عشان احساسك بالشفقة
- رنيم انا بحبك
= انت من امتي بتحب ابعد عني مش عايزة اشوفك
- طب اتعالجي وبعد كده نتكلم
= انا مش هتعالج و مش عايزاك في حياتي طلقني طلقني
لتتركه وتتجه الي غرفتها بالاعلي لتعلن عصيانها ورفضها لواقعها المرير
لم يتخيل في اسوء توقعاته ان يكون هذا هو رد فعلها ولكنه لن يقبل ان تبتعد عنه بعد ان ازهر حبها بداخل قلبه
وقف في منتصف المنزل وصرخ بأعلي صوته
= مش هسيبك يا رنيم ومش هبعد عنك ولا هسمحلك تبعدي عني ابداااااااا
ثم اسرع خارجا من منزل محسن متجها الي منزله ووصل الي مسامعه نداء والده نوي ان يتجاهله لان حالته الحالية لا تسمح بالنقاش ولكن نداء والده المستمر لم يترك له مجال للتراجع
- ايوه يا بابا تحت امرك
= صوتك عاليه ليه وصلالي لحد هنا
- مفيش كنا بنتناقش
= متقول يا واد في ايه انا ابوك وعايز اطمن عليك
- نادين تعبانة ومحتاجة عملية بسرعة وهي رافضة وعايزانا نتطلق لان في احتمال ضعيف اننا منخلفش
= وانت بقي زي الاهبل متمسك بيها
- قصد حضرتك ايه
= الظاهر ان قعدتك معاهم طخنت دماغك واحدة وطلعت معطوبة و صاحبة مرض تلزق نفسك بيها ليه
ثم بدا بتحريك يديه اما انظار ابنه في علامة الذهاب (شوح)
- روح روح شوفلك واحدة تبسطك بصحتها و تجبلك بد العيل عشرة
لم تعد لديه قدرة علي الاحتمال حاول مرار ان يتغاضي عن افعاله و كلماته في مواقف عدة لكن لهنا وكفي
= ايه اللي حضرتك بتقوله ده انا عمري ما هسيب رنيم دي مراتي وانا اللي مسئول عنها وكفيل بيها
- ايه يا واد الشهامة دي وانت ايه اللي جيلك من الغم والحزن ده .. ده انا يا اللي كان معايا ست الستات و بتخلف روحت ودورت علي مزاجي و راحتي شكلك خيبة طالع لامك
= امي دي هي اللي شايلة حضرتك دلوقتي بعد كل اللي عملته فيها ... امي اللي مش عجباك سيباك قاعد في بيتها تحت سقفه تأمر و تتأمر و تتطاول علينا كلنا عشان هي بنت اصول ومتربية لو انا فعلا طالع لامي فده من حظي بس اللي مش قادر اتقبله انت ازاي بالبشاعة دي وانا ازاي مشفتكش علي حقيقتك من هنا ورايح ليك معاملة الضيف وعليا انا الاحتمال
- طب يا سبع البرومبة سبتها ليه في بيت ابوها وجيت عارف ليه عشان نفسك تهرب ومش عارف
= انت عندك حق عشان كده انا راجع لها تاني و مش هبعد عنها ابدا
ترك والده وقد زاد اصراره بالبقاء جنبا الي جنب مع زوجته في شدتها
ليستقبله عمه متسائلا و قد كان جالسا مع عامر وسوسن ولميس الذين ما ان علموا حتي جاؤا للمساعدة
- رجعت تاني ليه يا حمزه .....سيبها تريح اعصابها شوية و بعدين اتكلموا
= مش هسيبها يا عمي دي مراتي
لتطل عليهم رنيم من اعلي الدرج وهي في حالة انهيار
- هتسبني وغصبا عنك مش عايزااااك
= يا بني مش كده كفاية اللي هي فيه
- بس يا عمي
لتقاطعه لميس وعيونها تقدح شرا و لسانها يقطر سما
= بس ايه يا بجاحتك يا اخي مشفتش كده
- لميس احترمي نفسك بتكلمي ابن عمك كده ازاي
= ثواني بس يا بابا هو فعلا ابن عمي يزيد اللي انتو كلكو عارفينه بس اللي متعرفهوش ان كل اللي في رنيم ده بسبب الاستاذ
تسأل محسن بذهول
= بسببه ؟؟ بسببه ازاي
- الاستاذ كان بيخليها تاخد مانع للحمل من اول يوم جواز مقوفتوش ولا شهر لان الباشا كان خايف تحمل ويبقي كده اتربط بيها لاخر العمر و الحبوب دي عامل اساسي في تكوين وتطور المرض ده
تحول محسن الي حمزه الذي كان ينظر الي الارض مطأطأ الراس
= الكلام ده صح ؟؟ رنيم كانت بتاخد مانع للحمل
- ايوه يا عمي بببس
ليهوي محسن بصفعة قوية تلو الاخري علي وجه حمزه وهو مستسلم له تماما
= انا مش عمك انا مش عم واحد زيك عملت لك ايه ضريتك في ايه ربنا يعلم اني كنت بعتبرك ابني زي تميم ليه كده ليه
تتسارع الكلمات للخروج من حنجرته وفي نفس الوقت لم تتوقف يده من تسديد الضربات الي جسد حمزه
ليحاول تميم وعامر الفصل بينهم و حماية حمزه من بطش محسن الذي فقد السيطرة علي نفسه
تنسل من بينهم كالحية لا يشعر بها احد و لكنها كالعقرب تلدغك لينتشر السم بجسدك وهي تشاهدك وتضحك
لم يشعر احد بها عند ذهابها او عودتها فقد انشغلو جميعا في شجار محسن وحمزه ولم ينتبه لها احد
فض الشجار وذهب كلا الي بيته حتي ينالو قسطا من الراحة
- تميم انا خايفة اوي علي رنيم
ضمها اليه ليبث فيها بعض من الطمأنينة التي هو يفتقدها
= بكره هبعت التحاليل لاكتر من دكتور ونسمع الاراء
- يارب خير يارب
= ان شاء الله يلا ننام بقي
استغرقوا في النوم غير شعرين بالخطر الذي يحدق بهم من كل اتجاه والغاز السام الذي يتخلل هواءهم ويختلط بأنفاسهم مهدد بهلاكهم و نهاية مميتة لا مفر لهم منها الان
فتح الباب علي مصرعيه بقوة كبيرة لتقف والهلع مرسوم علي ملامحها مما رأته لتصرخ بملء رئتيها
- تمييييييييييييييييييييييييييم
الفصل_ العشرون😍
انا لا أهاب الموت لانه لن يفقدني شيئاً، الموت شئ حقيقي الأحياء تعوذوا منه؛ لأنهم يحبون يحبون الحياة التي يرونها بعين ناقصه ولكن الحياه ما هي إلا مجرد زيف
العمر لحظات وبعض اللحظات عمر كامل من وتيرتها ..... مر يوم كامل وهو جالس بجوارها لا يفعل شئ سوي ان يمسك بيدها ويتطلع الي وجهها والي الجهاز الذي يعلن عن دقات قلبها
كيف حدث هذا وانقلبت حياتهم في لحظة كانوا سعداء فرحين والان يتمني فقط ان تفتح عينيها حتي تعود روحه الي جسده وعاد بذاكرته لما حدث من ساعات مضت
- تميييييييم
شعر بأن صوتا يناديه من بعيد ولكنه لا يقوي علي الحراك يحتله ثقل في جسده ولكن مع استمرار الصوت وارادته استطاع فتح عينيه ونهض من مكانه ولكنه شبه مترنح منعدم التركيز نظره مشوش ولكنه رأي اخته تهرع إليه و تسنده حتي اخرجته ليدلف بعدها محسن الذي اتي مسرعا عندما سمع صريخ ابنته ليحمل توليب بين يديه وهي فاقدة الوعي منيراها يظن انها جسد بلا روح من شدة شحوب وجهها
هرع بها محسن الي الخارج عندما تلاقي ب حمزه الذي كان لايزال يقف خارجا يفكر في زوجته ولكن ما أن رأه حتي اسرع اليه يساعده
- ايه اللي حصل في ايه
= مش عارف يا حمزه مش عارف الحق تميم البت بتروح مننا
لينحني فوق توليب محاولا افاقتها
توليب يا توليب ردي عليا يا بنتي ردي عليا يا حبيبة عمك ليجهش في البكاء ثم يكمل
توليب قومي يا بنتي هقول ايه لابوكي ولامك ده انتي امانتهم عندي قومي يا حبيبتي
ليسرع حمزه الي الداخل ويعود ومعه تميم ويلتفت الي الخدم الذي تجمهر حولهم
- افصلو الغاز في ريحة غاز بشعة في الفيلا وافتحوا الشبابيك اتصلو بالمطافي كمان تيجي تتصرف
= يلا يا عمي خد توليب و رنيم علي المستشفي وانا هاخد تميم معايا ونيجي وراكو
ليلتفت محسن اليه موافقا ثم وجه حديثه الي احد الخدم
- بلغ عامر ومراته يحصلونا بسرعة
= اوامرك يا بيه
ليهرول الخادم الي منزل عامر وهو يردد
يارب سلم يارب سلم
في منزل عامر
- يا عامر بيه يا عامر بيه
= اصحي يا عامر شوف في ايه
- حاضر يا سوسن حاضر
لينهض من فراشه ليجيب من يدق باستمرار علي بابا غرفته
- في ايه يا ابراهيم
= محسن بيه بيبلغ حضرتك تحصله علي المستشفي
- مستشفي ليه حصل ايه
= اصصل اصصل
- انطق يا بجم في ايه
= الست توليب وتميم بيه تعبوا وفي المستشفي
- ايه بنتي استر يارب استر
ليأخذ زوجته الي المشفي سريعا
= في ايه مالهم الاولاد يا محسن
- مش عارف يا عامر مش عارف
= دول كانوا زي الفل
- ان شاء الله خير اهدوا بس
خرج اليهم عادل من حجرة المعاينة ووجه لا يفصح عن اي شئ
= عادل بنتي مالها وتميم في ايه
- انا مش عارف اقول ايه
ليعتصر عامر صدره بيده لعله يخفف ما يشعر به من ألم
= يعني ايه .. ماتـ...
- لا لا عايشين بس طبعا هم استنشقوا كمية غاز غير طبيعية وبالتالي له اثار
ليبتلع ريقه ثم يكمل
- تميم كان جاي فاقد التركيز و رؤية مشوشة ولكن لان جسمه رياضي وقوي قدر انه يقاوم وهيحتاج يتحط عل جهاز الاكسجين كام ساعة ونشوف بعدها
لتقاطعه سوسن بتوتر
= طب وتوليب بنتي مالها
- انا مش هكدب عليكو توليب لما جت كانت فاقدة الوعي والادراك عندها اقل من الطبيعي للاسف الغاز اثر عليها و هي ضعيفة
= يعني ايه هتحتاج اكسجين زي تميم
- هي اكيد هتاخد اكسجين ومكثف بس للاسف هي دخلت غيبوبة و مقدرش احدد هتفوق امتي
صدرت شهقة عاالية من سوسن تبعها بكاء منها ومن رنيم التي احتضنها حمزه مواسيا
تجمع الجميع في غرفة تميم ف توليب في العناية المشددة ولا يسمح بالدخول اليها ... جلس الجميع بين قلقلا ومتوتر وخائف في انتظار افاقة تميم التي ستكون في اي لحظة
صامتين شاردين حتي سمعوا همهات تصدر منه لم يفهموا ولكن علموا انها اشارة علي بداية استعادته لوعيه
نهض حمزه خارجا ليستدعي الطبيب وعاد ومعه عادل
- تميم تميم سامعني
= في ايه
- الحمد لله علي السلامة يا بطل
= حصل ايه
- تقريبا تسريب غاز بسيط من سخان الحمام بس الحمد لله قدر ولطف
= الحمد لله
ثم تجول بنظراته بين الحضور و تسأل عن غياب محبوبته
- فين توليب
تناقلت النظرات بينهم لا يدرون بما يجيبوه ليعفيهم عادل عن الاجابة
ليجيبه قائلا
= زي حالتك الغاز قفل صدرها وبتاخد اكسجين واتفضل بقي رجع الماسك علي وشك عشان النفس
لم ينصاع تميم الي اوامر عادل
- ليه مش معايا هنا في نفس الاوضة
= ها ما هو اصل ....
- ليه كلكو هنا ومحدش معاها
كان يتحدث بصوت شبه هامس ونفس متقطع فهو مازال بحاجة الي الاكسجين
= ارتاح يا تميم وبعدين نتكلم
استجمع كل ما اوتي من قوة ليسألهم بصوت شبه عالي
- توليب فين مراتي فين
لم يجد عادل مفرا سوي الحقيقة ليسرد عليه حالتها ووضعها الحالي
- انا رايح لها
= مينفعش ارجع سريرك
- مش هسيبها لوحدها انا رايح لها
لم يجد عادل امامه سوي ان ينصاع ل تميم حتي لا يرهقه و يزيد من مرضه
= طب خلاص خلاص هدخلك بس خلي الماسك علي وشك
لينهار تميم ويمزق الماسك من علي وجه ويلقيه ارضا
- مش عاريز زفت انا عايز مراتي وبس
وكأن روحه تهفو اليها ولكن ما ان رأها في حالتها تلك حتي انهارت كافة حصونه تمني لو استطاع ان يخفيها داخل قلبه ليحميها من كل سوء
تقدم منها وامسك بيدها ليقبلها وهو علي وشك البكاء
- متسبنيش يا توليب من غيرك مش هعرف اعيش توليب قومي عشان انا بحبك ولسه مقولتهاش ليكي بس انتي النفس اللي بتنفسه انا موجود في الدنيا دي عشان انتي موجودة
عاد الي الواقع عندما شعر بيد تمسك بكتفه
ليتطلع ويجده معاذ لتحتله الدهشة
- معاذ !!
= ايوه معاذ ايه مالك
- انت مش سافرت
= عادي سفرت ورجعت ايه الغريب ... تعال نتكلم برا بس
ليقفوا خارج غرفة توليب ليتحدثوا
- رجعت ليه حصلكو حاجة وفين نادين
= كنت عايزني اعرف اللي حصل ومجيش طب ازاي
- ده شهر عسل يا بني والبنت ذنبها ايه
= ذنبها انها اخدت واحد مش هيسيب صاحبه في الحاله دي لوحده ولا يسيب اخته الصغيرة من غير ما يطمن عليها... طمني عليك
- انا كويس
= تميم متكابرش
- توليب هتبقي كويسة انا واثق من كده
= ان شاء الله بس انت لازم ترتاح
- انا راحتي معاها وجنبها
الاب لن يتكرر في الحياة ابدا ولا يسد غيابه احد... فالاب اب ولو بعد حين
في مكان اخر في فيلا يزيد
✨✨✨✨✨✨✨✨
استمع الي حالات من الهرج والمرج ثم تبعها صراخ من شاهي وهي تقول
- يا حبيبي يا بني احفظهم يارب احفظهم
ليترأي له في عقله ان مصاب كبير قد اصاب ابنه فهو من فتره بدأ يدب بداخله شعور بالوحدة و ان العمر مضي ولم يبني علاقه مع ولده يتذكره به ولكن المكابرة والعند طبع لم يستطع التخلص منه رغم كل محاولاته
ولكن عند سماعه بكلمات شاهي انتفض قلبه خوفا علي ولده وخوف اكبر من فقده له فسارع بالنداء عليها او احد من الخدم ولكن عدم اجابتهم جعلت القلق والخوف يتزايد داخل قلبه
حاول النهوض دون جدوي فقد نسي انه عاجز لا يتحرك فما كان منه الا انه رمي بنفسه ارضا ليزحف بكل ما اوتي من قوة معتمدا علي يديه حتي يخرج من حجرته ليعلم ما يحدث
ولكن قبل ان يصل الي باب الحجرة وجد لميس تقف عنده متكئة عليه بكل اريحيه
- لميس في ايه طمنيني ها
= تؤ تؤ بقي يزيد المغازي اخرته كده بيزحف علي الارض ولا حد سأل عنه
نظر الي وضعه و قد شعر بالحرج من حديثها ولكنه تدارك الموقف حتي يطمئن اولا علي ولده
- حمزه جراله حاجة في حركة غريبة في البيت
= اممم لا اطمن حمزه بخير
- امال في ايه
= هو الاكيد اننا هنسمع خبر حزين كمان شوية او ممكن خبرين مش عارفة
- انطقي في ايه انتي عملتي ايه
= انا !! ولا حاجة ده توليب وتميم نسيو غاز السخان شغال ويا حرام اتخنقوا بيه
- ماتوا؟!
= لسه مش عارفة بس انت لازم ترجع يزيد بتاع زمان انت دلوقتي طري و ملكش صوت
- عندك حق بس انا اتعظت وهبدأ من جديد مع ابني وربنا يسامحني
= وده من امتي التقوي والايمان ده
- من ساعة ما ابني قالي اني مش مشرفه كأب انا نسيت اني شيلت رنيم علي ايدي وكبرتها وربتها نسيت بسبب طمعي وجشعي حتي لما عرفت بمرضها مهتمتش وكان همي الفلوس و الاحفاد انا سيبت نفسي للحقد والكره والطمع وربنا اداني جزائي بس خلاص انا هصحح كل حاجة
انحنت اليه لميس مهددة
= عارف لو فكرت بس تقول علي اي حاجة تخصني او فكرت تقف في طريقي انا هقتلك سامع
كانت تتحدث وهي بالفعل تضغط علي رقبته وكأنها ستخنقه بيدها حتي توصل رسالتها
ولكنها فوجئت بمن تبعدها عنه وتزج بها بعيدا عنه بقوة وشراسة
- بابا انت كويس بابا سامعني
رفع عينيه ليتطلع الي نادين فهذه هي المرة الاولي التي تناديه بأبي ولكنه نظر الي الاسفل في خزي و حزن فهو لا يستحق هذا اللقب
لتلتفت نادين الي لميس صائحة
= انا لو شوفتك هنا تاني او لو قربتي منه تاني انا اللي هقتلك يا لميس واوعي تفكريني بهدد انا بنفذ علي طول اتفضلي اطلعي برا بدل ما اتهور عليكي
لتتركهم لميس وتهرول خارجة وتلتفت نادين الي والدها المسجي علي الارض لتساعده علي الوصول الي فراشه وعندما نظرت اليه وجدت دموع الحسرة و الندم تتساقط من عينيه لتتجرأ وتمسحها بيدها
- مش هقول اني سامحتك بس هحاول انا مش عايز اولادي ميعرفوش جدهم ولا يلعب معاهم مش عايزة احرمهم من العيلة
لتكون اجابة يزيد ضمة قويه حاول ان يبث فيها حنان و تقدير علي قدر استطاعته لتقابله في المقابل قبله علي جبينه من ابنته وهي تحاول اعادة ترتيب الوسادة خلف ظهره ليكون اكثر راحة
في مكان اخر في فيلا يزيد
✨✨✨✨✨✨✨✨
من يريد بنا السوء نزعناه من حياتنا بلارجعة فلا ضرر ولا ضرار
بعد البحث والمعاينة لجناح تميم فقد ابلغ المشفي عن الواقعة ليتبين ان الحادثة بفعل فاعل فشخص ما قام بقطع مصدر الغاز لسخان المياه .... الاخبار السيئة تصل سريعا فقد علم تميم بنتيجة التحقيق وثارت ثأرته كبف يتجرأ احد علي اذيته هوو حبيبته وفي عقر داره
- مين عمل كده ؟؟
= هنعرف متقلقش يا بابا
- يعني ايه مقلقش افرض حاول تاني والمرة دي جرالك حاجة ولا لبنتك
= واهو حصل ل توليب
- عارف يا بني وغلاوتها من غلاوتك بس لازم نعرف هو مين .... وانت هتفضل كده في المستشفي بقالك يومين لا اكل ولا شرب
= مش همشي من غيرها
- طب حتي روح اطمن علي بنتك اللي مفطورة من البكي و غير هدومك
= فعلا انا لازم اروح البيت عشان اعرف اجيب حقها
- بتقول ايه يا تميم
= بقول عندك حق .. طنط سوسن جوه متخليهاش تمشي لحد ما ارجع انا مش هتأخر
عاد تميم الي منزله وسط ترحاب ودعوات من جميع العاملين فبالرغم من صرامته الا انه رحيم بهم
اطمئن علي ابنته و طمأنها علي توليب ثم ابدل ملابسه بعد ان نعم باستحمام سريع ثم اتجه الي غرفة المكتب الملحقة بجناحه وادار حاسوبه الخاص المحمول وهو يحادث نفسه قائلا
- دلوقتي بقي هعرف مين اللي عملها
وتذكر عندما كان ايمن متواجد معهم في الفيلا و دائما ما وسوست له بانفراد ايمن و توليب عند غيابه في العمل فقام بتركيب عدة كاميرات من بينهم واحدة في مقابلة مدخل جناحه
اخذ يشاهد الكاميرات بشكل عكسي سريع حتي تاريخ يوم الحادثة وصعق مما رأه فمهما بلغ الحقد والكره مبلغه الا انه لم يتوقع ان يصل الي الاذي او القتل فلولا رنيم وانقاذها لهم لكانوا في عداد الموتي
المحزن في الامر ان الاقرباء اكثر من يتمنون سقوطنا لكي يرضوا نفسيتهم المريضة
يعلم ان سوسن في المشفي بجوار ابنتها فاتجه الي فيلا عامر مستغلا الموقف والشرر يتطاير من عينيه ليجدها تجلس باريحية تتناول كوب من النسكافيه باستمتاع
هجم عليها و امسكها من ذراعها بقوة ليرفعها واقفة
- انتي ايه يا بني ادمة انتي ... ازاي عايشة وسطنا كده وانتي بتموتي فينا
لتواجهه لميس وتدفعه بعيدا عنها بقوة جعلته يفقد توازنه للحظات ليرتطم راسه بشده بالسياج
- انتي مش طبيعية هتموتيني يا لميس هو ده هدفك
= تميم....... انا انت بتقول ايه
- بقول الحقيقة اللي شفتها بعيني
= شفتها ؟!
- ايوه شوفي ربنا سترك كتيير بس انتي مش بتحرمي وبتتغابي وبزيادة ... عايزة تقتليني طب انا وابن عمك لكن اختك كمان ازاي قلبك طاوعك
ثم اكمل ساخرا
= انا بقول ايه انتي الكلام معاكي خلص وانا حذرتك قبل كده بس الظاهر انك مأخدتيش كلامي بجد
- وانت بقي ناوي تعمل ايه هتعرض الفيديو علي العيلة ويكرهوني عادي مش هتفرق معايا ولا تكون هتقدمه للبوليس واتحبس بس معتقدش انك تعملها عشان سمعة العيلة هاااا قولي هتعمل ايه يا كبير المغازية
= طبعا انتي ده تفكيرك وسمعة عيلة ايه الظاهر انك نسيتي اني رد سجون يعني مش باقي علي حاجة بس انا هعمل حساب الست والراجل اللي كل ذنبهم ان عندهم بنت عاق زيك
- يعني ايه قصدك ايه
= يعني قدامك حاجة من اثنين يا ترجعي المصحة و تتعالجي يا اقسم بالله اسلم فيديو الكاميرات للشرطة وهم يتصرفوا معاكي
- ده بعدك انت عايز تبعدني عشان تتهني مع ست الحسن علي حسابي بس انا مش هنولك اللي في دماغك ده ابدا
وضع يديه في جيب بنطاله وهو يجيبها
= فكري زي ما تفكري انا قلت لك الخلاصة وعن اذنك بقي انا رايح ل مراتي لانها محتاجاني وبليل اعرف قرارك
تركها مغادرا و هو واثق الخطي لم يلتفت لها برغم نداءها
لم ينفك يغادرها حتي حطمت كوبها ارضا ليتبعها صرخات غيظ متتالية حتي الطاولة لم تسلم منها فقد اطاحت بها ارضا حتي افرغت ما بداخلها و هدأت لتفكر في حل لهذه الورطة مرت عدة ساعات قبل ان تستقر علي خطة لتنفيذها فامسكت بهاتفها لم يجب عليها الطرف الاخر اول وثاني مرة ولكنها اجابت في الثالثة
- الوو ايوه يا نوده عاملة ايه
= الحمد لله يا لميس انتو مالكو انهارده
- مالكو ؟!! مين تقصدي
= معاذ لسه مكلمني عايزني انزل الشركة مش عارفة ليه بيقولي انكو مسافرين
- اه مسافرين وعشان كده عايز اقعد معاكي يومين
= تنوريني يا لميس
- بس محدش يعرف خااالص لان في خلافات في الشغل وانا سيبته
= عشان كده طب ما نحاول نصلح
- لا لا اهدي الاول بعدين نشوف
= خلاص اللي تشوفيه في انتظارك
اغلقت هند الهاتف والتفتت ل معاذ الذي يقف بجوارها و ابتسامة خبيثة تزين وجه
- فهمني بقي خلتني اكدب ليه وانا اصلا مكنتش عايزة ارد عليها لولا انت واصرارك
= هفهمك لما افهم بس انا حاسس ان في حاجة ده اولا .. ثانيا انتي مكدبتيش انا قلت لك هتيجي معايا الشركة لان تميم و حمزه و حتي نادين في الوقت الحالي مش هيقدروا يتواجدوا في الشغل كل ما في الامر انك مش قولتي لها اني موجود هنا دلوقتي كفاية رغي انا هروح لتميم وانتي استقبليها و بلغيني لو عرفتي حاجة
حدثت نفسها بعد مغادرة معاذ هل يمكن ان يرتب لها القدر كل هذه الاحداث حتي تستطيع ان تنتقم لذاتها ولقلبها
- واخيرا يا لميس هاخد حقي وحرقة قلبي ربنا كبير وجه دوري ... انا هقولك علي كل حاجة يا معاذ عشان بس اوصل لانتقامي
flash back
كانت هند صديقة لميس المقربة او هذا ما ظننته كان يقضو اوقاتهم معا وكأنهم عائلة ف هند تكون ابنة خال معاذ وصديقة لميس فكانت العلاقات وطيدة
وذات يوم وهند تقضي اوقاتها مع لميس في منزلها تعرفت علي ايمن واحبته من اول نظرة كانت تذهب الي هناك كلما علمت انه موجود في اجازة هناك ولكنها ارتكبت اكبر اخطاءها فقد اعترفت للميس بحبها وعشقها لايمن ومن شدة ثقتها بها طلبت منها ان تكون وسيط بينهم لتخبره بحبها وتقربهم من بعضهم البعض
- لميس عايزة اقولك
= ها قولي يا هنودة
- انا بحب
= بجد ومين سعيد الحظ اللي خطف قلبك حد اعرفه
- ايوه تعرفيه بصراحة هووو
= ها مين
- ايمن ابن خال تميم
= اووووه لا ذوقك حلو طب مبروووك
- طب عشان يبقي مبروك بجد عايزاكي تبقي وصلة خير انا حاسة انه مش حاسس بيا خالص عرفيه اني بحبه بس اوعي تقوليله اني انا اللي بعتاكي اصل بتكثف
= يا بت وش كسوف هههههه حاضر عنيا بس خلي بالك انا حاسة في حاجة بينه وبين توليب عشان لو منفعش مترجعيش تعيطيلي
مرت الايام وكانت لميس تبعث الامل في قلب هند بل وصل الامر ان جعلتها تكتب رسائل حتي توصلها لايمن وفي احد الايام التي تقضيها هند بمنزل لميس حتي اكتشفت كم هي ساذجة مغفلة استطاعت لميس خداعها و تعليقها في حبال الامال الواهية
وجدت كل رسائلها مكدسة في خزانة لميس لم ولن تصل الي ايمن ومن تلك اللحظة اصبحت علاقتها بلميس سطحية فقد علمت من رنيم ان ايمن لا يعلم بحبها بل والاشد ان لميس اخبرتهم جميعا ان هند مرتبطة بقريب لها عندما سألها ايمن عنها و انها متعددة العلاقات و غير جدية في علاقاتها ورنيم شاهدة علي ذلك
Back
دفنت وجهها في وسادتها لتبكي علي حبها الضائع الذي مازال محفورا في قلبها وطلب مساعدتها في الشركة من قبل تميم و معاذ متزامنا مع لجوء لميس اليها فهذا هو وقت الانتقام
في مكان اخر في فيلا يزيد
✨✨✨✨✨✨✨✨
احبك بكل كياني انت رجل حياتي ولن يكون هناك غيرك ولانني احبك جدا فلا يجب ان اكون سبب في تعاستك
كانت تجلس في رواق المشفي كحال سائر العائلة تنتظر ان تفيق اختها ورفيقة طفولتها عندما رن هاتفها
- ايوه يا نادين
= انا مش نادين انا عمك يزيد
- اهلا يا عمو هي نادين فين هي كويسة
= في ايه يا رنيم انا ابوها مش خاطفها
- مش قصدي يا عمو بسسس
= هتبقي هي تحكيلك المهم خلينا فيكي و في حمزه اسمعيني كويس
- سامعاك اتفضل
= انتي بنتي جايز اكون غلطت بس بتمني تسامحوني وربنا يسامحني .. حمزه معدن طيب وكيس بس انا كان تأثيري عليه اكبر و اكيد مش تأثير كويس ... بكره هنطمن عليكي وتبقي زي الفل وتخلفو وتملو عليا الفيلا احفاد انا واثق ان ربنا مش هيضره فيكي حمزه قلبه وروحه متعلقه فيكي صدقيني جايز في الاول مكنش نفس مقدار الحب بس دلوقتي كل حاجة اتغيرت عشان بيحبك بجد يلا ارجعي بيتك ونوريه مين هيسأل عليا غيرك يا قلب عمك
اجابته والدموع تتساقط من عينيها
- حاضر يا عمو حاضر
كان حمزه يقف علي مقربة لا يعلم مع من تتحدث او لماذا بكت ولكنه لم يتحمل رؤية دموعها
= مالك يا رنيم انتي تعبانه
نظرت اليه والي القلق المرتسم علي وجه
- لا انا كويسة يا حمزه متخفش
= طب في ايه
- يلا نروح بيتنا
= بيتنا ؟ اللي هو بيتنا و لا بيتكو
ركز يا حمزه بيتنا في مفاجأة هناك مستنياك
رأهم محسن في طريقهم للمغادرة ليستوقفهم مستفسرا
- علي فين يا حمزه
= علي بيتنا يا عمي
- بسسس
= انا اللي طلبت منه يا بابا من بعد ما شفت خوف تميم ولهفته علي توليب عرفت اني مش هلاقي حد يحبني زي حمزه جايز بدأنا غلط بس دلوقتي مكاني جنبه ومعاه
في صباح اليوم التالي
- مالك يا عمي متوتر كده ليه
= لميس من امبارح مختفية وتليفونها مقفول جيت المستشفي علي امل الاقيها معاكو لكن واضح انها مش موجودة
- متتعبش نفسك يا عمي مش هتلاقيها
= ليه يا تميم انت عارف حاجة
- هي خلاص اختارت انا مكنتش حابب انكو تعرفو اي حاجة لحد ما اطمن علي توليب بس هي اتسرعت
= في ايه يا تميم وقعت قلبي
- اهدي يا طنط تعالو ندخل جوه للباقين ونتكلم
تنقسم حجرة توليب الي قسمين غرفة بها سريرها وغرفة ملحقة تحتوي علي اريكة و كراسي (استقبال)
تجمع تميم و محسن وعامر و سوسن وشاهي
لتسارع سوسن بالحديث
- لميس جرا لها ايه يا تميم
= هي اكيد بخير
لتتسأل شاهي هي ومحسن في آن واحد
- مالها لميس يا سوسن
= اسالو تميم هو عارف وبيداري عليا
توجهت كل الانظار الي تميم
- انا معرفش هي فين بس اقدر اقولكو هي عملت ايه
ليضع يده في جيب سرواله مخرجا هاتفه ويردف
= تعالو شوفو
رأوا بأعينهم لميس وهي تتخفي لتدخل جناح تميم وفي يدها سكين لتخرج بعدها بدقائق وهي تدس السكين في ملابسها والفيديو مؤرخ بتاريخ وتوقيت المشهد
مرت دقاق حتي استوعبوا ما يرمي له تميم ليهتف عامر في دهشه والم
- انت تقصد ان لميس هي اللي...
= ايوه يا عمي للاسف
لتنهار سوسن وهي تردد
- لا مش ممكن مستحيل ............ بناتي انا بيقتلو بعض ليه يارب ليه وتسقط مغشيا عليها
ليصرخ عامر ندما من قلبه
= انا اللي غلطان علشان احمي لميس ضيعتك و ضيعت توليب و كل العيله