رواية الاعصار الفصل الثاني 2 بقلم محمد منصور
هنرجع بالاحداث ل يومين قبل ما خيري الطباخ يقتل مراته سلوي اللي كان متجوزها في السر واحنا دلوقتي جوة فيلا خيري وامير كان باصص ل فاروق و قال بحدة
أية اللي انت بتقولو دة
فاروق
عندك حل تاني للمصيبة اللي انت فيها دي
بص امير ل خيري اللي كان قاعد وقال امير
المصيبة اللي هو فيها انا ماليش دعوي
فاروق
ما هو لو خيري اتسجن بسبب قتل مراته الصفقة اللي بمليار ج مهدده بالفشل ووقتها هتخسر كل اللي حيلتك و فلوس والدك تروح
امير
شوفو اي حد غيري يعترف علي نفسه
فاروق
انت بتهررج دي جريمة قتل ازاي حد غيرنا يعرف بيها
امير
خلاص خيري يعلمني المفروض اعمل اية
خيري بص له من تحت ل تحت وابتسم وفاروق قال
يعلمك اية هو بالساهل تبقي بيزنس مان دي خبرة سنين ومجهود جبار
امير
يعني اسلم رقبتي ل حبل المشنقة علشان ما اخسرش الفلوس
فاروق
مين بس قال انك هتتشنق احنا كل اللي هنعملو عقد جواز عرفي بتاريخ قديم وتكون مراتك في سلوي عبد العزيز و نثبت خيانتها ليك ويبقي قتلك ليها دفاع عن الشرف يعني براءة
امير
طالما براءة ما تخلي خيري يسلم نفسه و طلعه منها
فاروق
خيري المفروض يسافر بكرة ل امريكا علشان يتم الصفقة واي تاخير معني خسارة المليار ج
امير بص تاني ل خيري اللي ولع سيجارة وكان بيبص
ل امير من تحت ل تحت مستني راية النهائي وفاروق بص ل امير اللي كان باصص ل خيري وقال
سيبك من خيري وركز معايا وقولي هتعمل اية
بص أمير ل فاروق و،،،،،،
ألاعصار
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
ونروح ل فيلا أمير اللي كان عايش فيها مع مراته داليا اللي كانت حاطة الببرونا في بوق ابنهم هاشم وقالت بحدة
انت ازاي توافق علي الجنان دة
امير قعد علي الفوتية اللي كان قصاد منه وقال
كنتي عايزاني اعمل اية بس ما انا لو ما عملتش كدة الفلوس هتروح
داليا
تروح في ستين داهية بصحتك تعمل غيرها لكن تورط نفسك في جريمة قتل لية حرام عليك نفسك طيب لو انت مش صعبان عليك نفسك انا وابنك مش صعبانين عليك
امير
ماتخافيش فاروق المحامي اكد لي ان هطلع منها براءة
داليا
دة تخريف وانا مش موافقة علي الكلام دة شوف حد غير خيري يدير ملف الصفقة ويطمئن لك نجاحها
امير
الصفقة اتعطلت اسبوع كامل بسبب موت والدي ودة خلي المصدرين الامريكان يبعتو لينا اخر تحذير والا يطبق الشرط الجزائي وتضيع علينا الصفقة وخسارة المليار ج يعني كل اللي حيلتنا يا داليا
داليا
و ازاي عم عبود يحط كل اللي حيلته في صفقة واحدة
امير
ما اعرفش هو انا افهم اي حاجة في شغل بابا
داليا
يا ما قولت لك روح الشركة
و اتعلم وافهم هي ماشية ازاي لكن انت كنت بترفض ووقتك كله مقضي في النادي
امير
هو انا كنت اعرف ان والدي هيموت بسرعة كدة
داليا
وهو انت كنت مستني انه يعلمك امتي دة عدي
ال ستين
امير
الكلام ما بقاش لي لزمة ولازم اتصرف وانقذ ما يمكن انقاذة
داليا
يعني اية هتسلم نفسك
امير
ما عنديش الا الحل دة علشان ما خسرش فلوسي ،،،،،،،،
ونرجع ل فيلا خيري وامير واقف قصاد منه هو وفاروق وقال
اروح اعترف امتي علي نفسي
فاروق
مش بالسرعة دي لازم الاول جثة سلوي واللي معاها يتنقلو ل فيلا تانية تكون باسمك
خيري
زي فيلا التجمع مثلا
فاروق
وبعدها عقد جوازك من سلوي يتكتب بتاريخ قديم
خيري
و احكي لك حكايتي كاملة مع سلوي و ازاي انا قتلتها علشان لما تبقي قصاد الحكومة تعرف تقول اية
امير ل فاروق
فاروق انت وعدني انك هطلعني منها براءة
ولا مفيهاش براءة
فاروق
عيب لما تسال سؤال زي دة ليا دة القانون دة لعبتي،،،،،،،
ونرجع للمديرية و مفتش المباحث اللي اسمه يسري باصص ل امير اللي اعترف علي نفسه وقال يسري
يعني انت في كامل قواك العقلية وانت بتعترف علي نفسك بانك انت اللي قتلت سلوي
امير
ايوة ومسئول عن كل كلمة قولتها ما انا ما قدرتش اتحكم في نفسي لما شوفتها في حضن عشيقها
يسري
عشيقها دة اللي كان في حضنها مش كدة
امير
هو
يسري
استاذ امير هي سلوي ما كنتش قايلة لك انها ليها اخ اسمه محمود
امير استغرب وقال
اول مرة اعرف ان ليها اخ
يسري
و اخوها دة هو اللي كان معاها وقتها وانت افتكرتو عشيقها
امير حس ان الدنيا بتلف بي وقال
دول كانو مع بعض في السرير عريانين
يسري
متاكد اصل تقرير الطب الشرعي الاول اثبت ان ما كنش في اي علاقة بتم او تمت بين الاثنين
امير
يعني اية
يسري
يعني اللي انت عملتو دة مش دفاع عن الشرف دي جريمة قتل مع سبق الاصرار والترصد وواضح من التحريات الاولية ان محمود عرف بالعلاقة اللي بينك وبين اختك وراح علشان يوجهك قتلته هو واخته ،،،،،،،،