رواية ضحية فرعون الفصل التاسع والعشرون 29 بقلم منه محمد
جيجي بضيق: شايفه امير مش بيرد عليا، ليله امبارح كنت اتاكدت قدرت اقنعه
شاهيناز: مفيش مشكلة اتصلي بيه مره تانيه , روحي خلصي شغلك الاول والا عمك هيبدا يزرجن
يونس دخل عليهم ووزع نظراته ما بينهم
جيجي تراجعت للخلف مرعوبة منه واتحركت ع بره وقالت : هاي عمو
يونس بص جامد لشاهيناز :شكلك مبسوطة
شاهيناز :هو حرام لما اكون مبسوطه ،ولا انت عايز تشوفني حزينه
يونس: ملاحظ بقيتي تقوليلي انت من ساعة وفاه ليلي ، هو انا مليش اسم ليه اتغيرتي فجأه
شاهيناز :عشان التودد ده مش مهم
يونس انتي شاطره في الكلام لكن افعالك متفقش اطلاقا مع كلامك
شاهيناز :عشان مبقناش صغيرين مش لازم اقولك يا حياتي ويا حبيبي والكلام من ده بجد مقرف
يونس :يعني عارفه انك مش صغيره ورغم كده اسلوبك متغيرش
شاهيناز :انت تقصد ايه انا طلعت حجيت ولبست الحجاب وبصلي وبرجع البيت بدري وقايمه بكل واجباتي عمري ما قصرت ولا اهملت مسؤليه اني زوجه عايز ايه اكتر
يونس :مفيش داعي تقوليلي كل ده الواجب الي بتعمليه مش سؤالي اسلوبك مش متطابق مع افعالك
شاهيناز :انت عارف كل شهر بتبرع بكام للمحتاجين هو ده مش كفايه
يونس :مش ده بالنسبه لي انتي متغيرتيش زي ما انتي شاهي الحقوده الغيوره ،المنتقمه مش بتتحملي حد يكون سعيد معقول تتصرفي كده
شاهيناز :اياك تتهمني جزافا هو انت ماشاء الله تقي اوي لدرجه تحكم عليا بالشكل ده انت مش عارف الجانب الحقيقي مش عارف قد ايه بعاني وبكتم مشاعري
يونس :يمكن انا مش تقي لكن وداني مش طرشه سمعت الي قلتيه لـ ايمان لما كنا في بيت عادل بهدلتيها واهانتيها وفضلتي تنتقدي فيها شايفه ده تصرف صح
شاهيناز :كل الي قلته صح دي واحده متعرفش قيمه نفسها عشان كدا حبيت افوقها تاخد بالها عشان بقت بتتصرف بغرور كبير
يونس :امتي اتصرف بغرور عمرها ما عملت مشكلة في حياتك ابدا ،وواضح انك مصره تاذي مشاعرها كل شويه
شاهيناز: بس كفايه
يونس : فعلا لحد دلوقت كفايه عندي اجتماع وبعدها هرجع اتكلم معاكي في الموضوع ،لسه مخلصناش
شاهيناز سمعت رنه موبيلها ابتسمت وفتحت الخط: اهلا يا امير
امير: اهلا يا مراه عمي: انا هقبل عرضك
شاهيناز بسعاده: الحمد لله اخيرا ،ده انا كنت مستنيه اللحظه دي ،امير نتقابل بكره ودلوقت اسحب الشيك لحسابك
امير: تمام شكرا وهسحب الشيك فورا
شاهيناز : انا فرحانه جدا سلام
......................قصص منه محمد كاتب..........
امير قفل وقال لنفسه .....مهما حصل هرجع لحياتي الاصليه .....ده مش مكاني لايمكن اسيب ممدوح وبابا ينتصروا عليا ....هثبت لك يا ممدوح ان مفيش حاجه اتاثرت في حياتي .....بعد الي عملته حتي لو شويه
ايمان دخلت حطت فنجان القهوه وبصتله بستفهام: انت كويس
امير بصلها :اه كويس ،ليه
ايمان: ياتري لسه مضايق
امير :مضايق من مين من العالم النصابين دول
ايمان: امير بالنسبه لخاله اسماء بريئه من افعال ابنها اتمنـ
امير قطعها :قولي الي تقوليه بصراحه زهقت من الكلام في الموضوع ده وبعدين انا ماشي
ايمان: مش لسه بدري تروح تجيب الاولاد
امير :لا عادي هروح بدري واقعد استناهم
ايمان :ولا عايز تروح القسم تبلغ
امير: ايه ابلغ عن مين
ايمان :عن فايز وممدوح
امير مفيش منه فايده لو قدمت بلاغ مش هيعترف انه خطط مع اخوه وكدا مش هيرجع البيت هو مستخبي عشان جبان ولو البوليس ملقهوش انا هلاقيه مهما كلفني الامر هلاقيه حتي لو مستخبي في بطن امه مش هسيبه واعملي حسابك هنمشي من هنا الايام الجايه
ايمان: هنمشي
امير: اه هنمشي مش طايق اقعد هنا اكتر من كده خصوصا مع الست الي قدامنا كل ما بشوفها قدامي كل يوم بحس بالنحس
ايمان: يا حبيبي بلاش تؤمن بالخرافات دي
امير: إيمان انا بقول الي حاسس بيه، المهم قراري حازم
ايمان: لقيت مكان جديد في الوقت القصير ده وعن مدرسه اللاولاد
امير: دي مسأله بسيطه متقلقيش هتولي كل الامور ،وبالنسبه للبيت طلبت من واحد صحبي يساعدني نلاقي واحد ،وهروح اشوفه اليوم
ايمان :معاك فلوس كفايه لعربون مش قلت خلصت كل الي معاك
امير :حياتي متقلقيش خالص الشئ الاهم اننا مش هنعاني بعد كده ،عايز ابدأ شغلي الجديد وانا واثق المره دي شغلي هينجخ
ايمان: شغلك
اميره: ايوه
ايمان: وجبت فلوس منين؟!
امير: اخدت سلفه كبيره من مراه عمي
ايمان: سلفتك
امير: اه
ايمان: وانت قبلته
امير: طبعا قبلته مفكره سهل حد يدينا ملايين كبيره احنا حظنا من السما ان مراه عمي ساعدتني محدش هيبصلنا بعين الرحمه طول العمر ايمان مش عايز اتكلم اكتر لتزعلي
ايمان: عارفه اهلي مش ميسورين الحال مش قادرين يساعدوك , اما مراه عمك غنيه , انت محظوظ عندك عايله اثرياء معاهم ملاييين بالكوم
ايمان مشت من قدامه بانكسار لانه حست انه جرحها لما استهزء من وضع اهلها وهو ضرب ع شفايفه بمعني ليه اتسحبت من لساني
امير دخلها: ايمان مسلمتيش عليا
ايمان ردت بهدوء وهي عطياله دهرها : مع السلامه
امير: همشي
ايمان: تمام
امير: مش هتمانعي ابوس دماغك
ايمان هزت كتفها وهي مكشره وماده البوز شبرين
امير قرب منها بهدوء : ايه ده هزيتي كتفك بس انا مفهمتش , بصي انا بعتذر عارف اتكلمت كلام دبش , لساني خاني بس مفيش في نيتي حاجه وحشه , ممكن ياروح قلبي تسامحيني
ايمان كانت في عينها لمعة .. كانت دموع محبوسة .. جمدت مكانها .. وماتكلمتش
امير بملل: يالله تاني
ايمان بصتله : عايزني اقول ايه رد ع كلامك, لو قلت كلمه غلط هنجرح تاني
امير لف وشها له وعلى شفايفه اترسمت بسمة شقية : خلاص بقي متزعليش مني ,انا اسف مقدرتش اسيطر ع نفسي من شويه فجأه ظهر موضوع اخو ممدوح وابن صاحبتك القريبه وانتي عارفه هما السبب في اننا بنعاني تحت خط الفقر
ايمان: امير افهم بعد العسر يسر كبير, والابتلاء بعده الفرج, واحنا نقبل بنفس راضيه وانا متأكده ان ولادي هيتعودوا ع الوضع
امير :يمكن دي مش مشكله كبيره بالنسبه لك, لكن مشكله ليا , انا عايز اغير حياه ولادنا وكل الي محتاجه منك هو دعمك
ايمان: انا دعمتك طول الوقت
امير : مش بنكر عارف يا حبي , لكن المرة دي بطلب منك تدعميني اخد الفلوس من مراه عمي هي قالت عايزه تساعدني , صدقيني كنت رافض بشده
ايمان : وانا معنديش مانع لو عايز تبدأ شغل جديد , لكن مش لازم تاخد الفلوس منها
امير مسك كفها بين كفوفه: فاهم وجهه نظرك ,لكن يا قلبي الامر واحد في الاساس سواء اخدته من بنك ولا من صاحب كله سيان, الفايده الوحيده هرجعلها المبلغ زي ماهو , مقدميش اختيار تاني , هو ده الحل الي قدامي
ايمان حطت ايدها الاتنين ع صدره وقالت برجاء: مش الاحسن تتصالح مع بابا
امير سحب ايدها من عليه بلطف وقال: : كفايه انا ماشي
....................قصص منه محمد كاتب.............
يونس فتح عليها الباب هو يغلي غضب وصرخ بصوت عالي شديد: مفكره مش عارف بالي بتعمليه
شاهينازتقمصت البرود وضمت حواجبها بتعجب: عملت ايه
يونس بزعيق: اياك تمثلي البراءه , ليه اخدتي ملايين من جيجي , لو عشان الشغل احنا مش محتاجين احنا وضعنا تمام , مش محتاجين للمساعده وشغلنا مستقر
شاهيناز: اخدته من جوز امها حسام , واكيد انجي امها الي قالت لك هي قلقانه لمنسددش فلوس جوزها , وجيجي عارفه مفيش مشكله ,هي طمنت جوز امها
يونس :انتي اخدتي الفلوس عشان امير , ليه
شاهيناز: لانه صعب عليا قلت اساعده , مفيش داعي تكبر الامور , بمجرد ما يسدد امير هساوي الدين , غير كدا عقدي مع حسام سنه واحده
يونس : المساله يا ست هانم مش متعلقه بالسداد , عايز افهم خطتك والهدفك من وري ده , ليكي النيه تأذي امير
شاهيناز: ممكن توقف كلامك الفارغ ده, امير ابن اخوك مستحيل ادمر حياته , ده انا بعتبره زي ابني لو معتقد عايزه اوقعه 30 مليون تبقي غلطان , امير شخص ذكي ممكن ينجح في شغله ويسدد الـ 30 مليون في اقل من سنه
يونس: لو التدمير مش متعلق بامير يبقي متعلق بايمان , هدفك الخسيس تفرقي بينهم
شاهيناز :ايه التخريف الي بتقوله ده
يونس زعق بنفعال: مفكره نفسك جامده تستخدمي المال تدمري حياه الناس , ربنا شايفنا وشابف افعالنا هننزل لوحدنا في القبر وهنتحاسب ع اعمالنا
شاهيناز : انا نيتي خير عايزه المساعده بس براحتك لو كنت مش مقتنع
يونس: كل مره اتكلم وانصحك تراوغي , وتأكليني بالسانك
..............قصص منه محمد كاتب.................
كانت بتغير ملايا السرير وهي مكشره من الوضع كله
امير دخل : السلام عليكم
ايمان مكشره بستياء: وعليكم السلام لو جعان اسخن لك الاكل
امير وهو بيقعد علي السرير: لسه زعلانه مني عارف ليه, لانك قلقانه مقدرش اسدد فلوس مراه عمي بتشكي فيا اني مقدرش مش واثقه في قدراتي ادير شغلي الخاص , واضح هو كده انتي مش واثقه فيا ذره
ايمان: انت بتدئت تشتكي , انا مش بشكك في قدراتك, لما كنت شتغل معاك علمتني حاجات كتير في الشغل , انا متاكده منك
امير :يعني مش حاتم هو الي علمك في الوقت ده
ايمان: عندك حق حاتم علمني حاجات كتير
امير بغيره مجنونه: واضح بتحاولي تستفزيني , وتوريني قد كده مشتاقه له كتير
ايمان بأبتسامه: او ربما انت الي مشتاق له انت الي ذكرت اسمه
امير قرصها من صوباعها: ايمان
ايمان ضربته ع ايده: ايدك بتوجع
...........قصص منه محمد كاتب............
جيجي بسعاده كبيره: بجد امير قبل عرضك
شاهيناز بابتسامه عريضه ع شفايفها: ايوه
جيجي : يس اخيرا
شاهيناز برفعه حاجب: قلت لك هيوافق ,ولو كان رفض مكنتش هستسلم
جيجي :في الحاله دي اقدر اقابل امير دايما
شاهيناز :اكيد
جيجي : ميرسي كتير يا طنط شاهي
يونس دخل وهو بيشاور ع جيجي بعصبيه: انتي كمان مهتمه بأمير
جيجي برتباك: عمو يونس لا الموضوع انا وطنط شاهي بندردش سوي, انا راجعه اكمل شغلي مشغوله جدا اليوم
شاهيناز: روحي ونتكلم بعدين
يونس : ايه خطتك مع جيجي
شاهيناز : ولا حاجه قلت لك نيتي اساعد امير وبس
يونس علق بعصبية: قولي زي مانتي عايزه, بس لو حصل وامير غير رايه بخصوص مراته هقفلك
شاهيناز بحده عنيفه: اسمع يا يونس لو امير غير رايه بخصوص مراته انا مليش علاقه بده تمام وبصراحه احسن له يسيبها هي لا شكله ولا قيمته , وجوده جنبها هيجبله متاعب , ياريته يبعد عنها
يونس: ده انا , الي المفروض ابعد عن واحده , مش محترماني
شاهيناز عطته نظرة غاضبه حارقة: مستني ايه , يله روح دور ع واحده تشتاق تكرس حياتها ليك
يونس وهو مصدوم من ردها: تمام اقتراح مقبول ,وبشكرك عليه
شاهيناز بحقد: اصبري عليا يا ايمان , الامر مش هيطول وهخليكي تعيشي في بؤس متشوقة انهي انتقامي منك بفارغ الصبر
...................قصص منه محمد كاتب...............
في بيت الخاله اسماء واقفه تعيط وزعلانه ع فراق ايمان
فايز طبطب ع دهرها بعطف وقال: حقك عليا يمه معرفش ان امير عايش هنا ,وانك قريبه من مراته
اسماء :اه قريبه ايمان اطيب واحن ست عرفتها في حياتي , دايما بتساعدني لما احتاج لفلوس او اكل هي وقفت جنبي كتير , ازاي انت واخوك تعاملوها كده
فايز: يمكن مكنتش اعرف بده , كنت ماشي وري خطط ممدوح زي الدهل
اسماء بشخط: لما عارف انها خطه وسخه , ليه شاركته فيها , امير من حقه ميحبناش , تعرف لما كنتم غايبين كانوا ولادها هما الي مونسني ,انا قلبي مقهور لما سمعت انهم هيعزلوا من هنا
فايز :كفايه يمه انا حاسس بالذنب
اسماء :وبسال ياتري هشوف ايمان قبل ما يعزلوا ,يمكن جوزها يرفض ومش هيسمح بكده انها تقابلني, يله روح شغلك كفايه مروحتش امبارح , انا كويسة متقلقش ،بس ارجع ع المغرب اتغداه معايا
فايز : حاضر يمه
..................قصص منه محمد كاتب...............
امير دخل الشنط للفيلا ووراه الاولاد وايمان وقفت مبتسمه بفرحه ع فرحته
اميره بتضحك بسعاده كبيره: : الله بيتنا كبير اوي
يامن : ياسين البيت ده حلو اوي
ياسين : اه حلو تعال نشوف هناك
يامن : تعال
امير بيسحب الشنطه من ايد ايمان: هاتي بصي يا قلبي الفيلا مش محتاجه تعملي فيها اي حاجه انتي بس ارتاحي وبعدها نفرغ الشنط سوي في اي وقت ,اما دلوقت عايزك تتفرجي ع الفيلا وتقوليلي رايك فيها
ايمان : من غير ما اتفرج شكلها حلو جدا
اميره جريت ع امها وضمتها بسعاده : ماما اوضتي جميله وكبيره حبيتها , وفيها كمان تكيف
يامن: وهي اوضتنا فيها تكيف
اميرة :معرفش ماتروح تشوفها
يامن وهو بيسحب اخوه معاه من ايده :يله بينا يا ياسين
ياسين :يله
ايمان بتنبه :يامن متجريش يا بني
اميره :حبيت اووضتي خالص
ايمان وهي بتمسح ع شعرها بحنان: الحمد لله انك حبيتها , بس مش ينتهي الحال تحبسي نفسك فيها
اميره ضمت امير :ثانكيو يا بابا بحبك اوي
امير ضمها :وانا كمان بحبك اوي اوي , مش انا وعدتك لما يكون معايا فلوس هلاقي فيلا اكبر واجمل ,واهو احنا فيها
اميره باست خده: بحبك
امير باس ايدها: بموت فيكي
اميره جريت ضمت ايمان: بحبك يا ماما
ايمان :وانا بحبك
اميره جريت من قدامهم وايمان بصت للفراغ كانها افتكرت حاجه مهمه
امير حرك ايده قدام عيونها: حبي سرحتي في ايه
ايمان بصتله: ولا حاجه بفكر افرغ الشنط
امير : تمام يله خليني اساعدك
ايمان : لا مفيش لزوم تساعدني انا هعملها ,لو عايز فعلا تساعد طلعهم بس اوضتنا ,وبعدها هعزمك ع فنجان قهوه
امير: قهوه لا مش عايز بس قهوه , انا عايز حاجه تانيه
ايمان: ايه هي
امير ضمها من وسطها لحضنه بوقاحه هو يهمس بأثارة:عندي فكره بعد ما نشرب القهوه تعمليلي مساج وبعده
ايمان :بعده ايه , لو ع المساج بس ماشي ,ممكن ادلكك بايدي حتي القرص مقبول
امير: ايدك تقيله , كنتي رقيقه ايه الي حصلك , بس عايز ادغدغ حته السكر
ايمان بتصرخ لما دغدغها :بس الاولاد
يامن بيجري عليهم :ماما ليه بتصرخي
امير عمل نفسه بيضرب حاجه وقاله : فيه صرصار
يامن: صرصار طيب , ماما جعان عايز اكل من الاطباق دي
ايمان :روح افتحها وكل
امير ركز ع العلب وقال: حبي لو مش غلطان ده اكل بيتي مين عطهولك
يامن : خاله اسماء يا بابا شوفتها الصبح وهي بتديها لماما
امير بص لـ ايمان بضيق وهي خافت ومشت في ثانيه من قدامه
امير راح عليها : ايمان امتي شوفتيها
ايمان :واحنا ماشين من الحاره النهارده الصبح
امير بضيق: يالله انتي ليه عنيدة كده , لسه مصممه تشوفي الست دي , وكمان تاخدي منها اكل , حالا نسيتي الي عملوه فينا
ايمان بهدوء: حبيبي هي ملهاش ذنب ليه ناخدها عدوه لينا , هي عطتني الاكل بحب بجد ,وانا مقدرتش ارفض اخده منها , هتزعل وهي ست كبيره , حرام اكسر بخاطرها
امير :انتي طيبه وهبله زياده عن اللزوم , بتثقي في الناس بسهوله, للسبب ده وقعتي في فخ ممدوح وفي النهايه اتجوزنا فجأه تحت ضغط
ايمان بحزن: يعني انت ندمان ع جوازك مني
امير مسك دقنها وبص في عيونها: اطلاقا انا مش ممكن اندم , بس عارف اي بنت لما بتيجي تتجوز بيبقي نفسها في فرح كبير وتلبس الفستان الابيض , وتعزم كل الناس
ايمان: انا عندي كل الحاجات دي امور عادي , صدقني امور متهمنيش
امير : ده كلام بتقوليه , بس جوه قلبك عارف انك كتتي عايزه فرح كبير بسبب الكلب ممدوح اتحطمت احلامك , ورغم كدا عايزني اتساهل مع امه , اسمعي مش عايز بعد كدا يكون ليكي اي صله بيها حطي ده في اعتبارك
.............قصص منه محمد كاتب..............
في الكافيه بعد اول عقد صفقه لمشروعه الجديد
جيجي: مش مصدقه ان عمو حسام يقعد يتفق معاك , عاده الامور دي بتتناقش مع مجلس الاداره
امير : كل ده حصل بفضلك انتي الي اقنعتي جوز والدتك يقابلني , لولاكي اعتقد كنت هتبع الاجرائات المعتاده , بس انتي قدرتي تقنعيه رغم النهارده الجمعه وغالبا معظم الناس اجازه
جيجي بخبث: امال ايه فايده وجود حبيبه لو مقدرتش تساعد حبيبها
امير ارتبك وبعدها شرق جامد وبسرعه اخد كاس العصير شرب منه وهو متوتر!!
جيجي ضحكت بطريقه غريبه وقالت بدلع: انت متوتر
امير ابتسم غصب عنه وقال: شكلك بتستمتعي تبقي مشاكسه
جيجي : مش مشاكسه دايما , بس مش عجبك اكون مشاكسه
امير : مفيش راجل ميحبش البنت المشاكسه زيك , بس لو عايزه تشاكسي متدوريش ع المتاعب مع راجل متجوز
جيجي : وايه يعني اظن فيه تلاث اماكن فاضين قدامك , فين المشكله
امير اتغيرت تعابير وشه واحمر جدا
جيجي: شوف وشك احمر ازاي , امير بجد ليه بتتوتر معايا, ولا انت معجب بيا في كل مره بكون مشاكسه تظهر خجول ومتوتر
امير بجديه : لا مش كده في الوقت الحالي انا مشغول جدا بشغلي الخاص , ومشغول بحياتي الصعبه , وحاليا معنديش وقت اغازل في ستات تانيه , حتي لو عايز اغازل مش هعمل ده الا مع مراتي , هي كمان اوقات بتبقي مشاغبه جدا , لما اهزر معاها ترد عليا بالمثل ,احيانا هي
جيجي اضايقت وقالت : انا اتاخرت لازم اقابل جماعه صحابي
امير : طيب اصبري عليا خمس دقايق اكمل طبقي
جيجي حطت ايدها تحت خدها وقالت بهيام مقصود: تمام انا بستمتع وانت بتاكل , اوعدني انك مش هتكلم
امير ارتبك وبص في الموبيل وقالها :جيجي انا لازم امشي
جيجي: استني نمشي سوي
امير رد وهو يوقف: لا كملي اكلك انا هدفع الحساب, اسف انا فعلا مستعجل
جيجي فضلت تنادي عليه لكنه مشي غادر المكان كأن حد بيلاحقه
استوب ومنتظره رايكم امير طلع مخلص لايمان ولا القدر له راي تاني هنشوف الحلقات الجايه كلها ضرب