رواية بيت جنب المقابر
الفصل الخامس والعشرون25
بقلم دانيا
اسراء شالت الشاي ودتو لناس خالتي فوق ، وانا وامنيه قاعدين مع امي نشرب الشاي في المطبخ ، قلت لأمي اها اتكلمتي مع ابوي في الكلام القالتو ليك خالتو فايذه قالت لي ياتو كلام ؟ قلت ليها مش قالت عاوزة تسكن معانا فوق ، سكتت مسافه وقالت لينا انتوا عارفين انو نحن على اعصابنا من قبل ما تجي وبعدين قلنا م مشكله كلها كم يوم ضيافه وبتشوف ليها بيت والامور بتتحل لكن والله من فكرت تستقر عندنا شيلتني هم وم عارفه اواجه ابوكم كيف ول ردة فعلوا ح تكون كيف انا مكسوفه اتكلم معاهو في الموضوع دا.
شربنا الشاي وطلعنا مشينا المدرسه اليوم دا كان البراء م عندو جامعه لكن طلع مع ابوي الصباح قال لأمي ماشي على السوق عندي صاحبي ماشي الآقيهو وبجي لبعدين.
فضلت امي وخالتي وبتها بس في البيت ، قاعدين في المطبخ يعملوا في الفطور ويتونسوا ، خالتي قالت لأمي بكره البراء يمشي مع ملك الجامعه عشان عاوزة تنزل تكمل دراستها فطرو وبعدين امي رتبت البيت وختت الغداء في النار وقالت ليهم انا ح اخش استحمى واصلى الظهر وبعدين نقعدوا نشربوا الجبنه ، بعد شويه كدا نحن جينا من المدرسه لقيناهم بشربو في الجبنه قعدنا معاهم بعد خمسه دقائق كدا جاتنا سهى مع امها قعدوا معانا وبقينا نتونس هدوم المدرسه زاتو م غيرناها اندمجنا مع الونسه بعد شويه الباب دق سهى قالت لينا انا بفتح الباب مشت فتحتو لقتو دا البراء جاء سلم عليها وقال ليها جاتك من وين الليله تظهري علينا نورتي ابتسمت وخجلت قالت ليهو من نورك ، واقفه بتتكلم معاهو ملك جات طالعه من شافتهم واقفين جنب الباب حست بالغيره طوالي جاتهم قالت ليهو اهلين يا برو حمد لله على السلامه ، سهى بقت تعاين ليها باستغراب وغيره كدا قالت ليها برو؟ ملك قالت ليها برو دا دلع ل البراء ، قالت ليها ايواه كويس م سمعت زول من ناس بيتهم بناديهو كدا عشان كدا استغربت ، قالت ليها ااي صاح انا بس البناديهو كدا لانو ود خالتي وعزيز علي ، سهى حست بالانزعاج البراء عاين ليها لقى تعابير وشها اتغيرت قال ليهم احم يا جماعه م عاوزين تفضلوني جوا ول شنو اثناء ماهن واقفات معاهو كان في اصيصه حقت مزهريه خاتنها فوق في الحيطه الجنب الباب جات واقعه وقعت في نصهن لمن اتخلعو وعم الهدوء .
خالتي بقت تنادي ل ملك بعداك اتحركو خشوا جوا والبراء دخل الصالون وهن جن قعدن