حكمه اها ياخدوج م قلتي لي الخبر الحلو شنو؟ الخبر الحلو عاملين رحله مدرسيه الاسبوع الجاي ، حكمه ملامح وشها اتغيرت وسكتت ، خديجه اها ح تجي معانا اكيد صاح يا حكمه ؟ والله يا خدوج م عارفه دا كان ابوي رضى لي ، فاطمه قاطعت كلامهم وقالت ليها ليه م يرضى ليك دي رحله مدرسيه وبعدين نحن م ح نمشيها برانا حتى فصل ناس حور برضو داخلين في الرحله لأنو الرخله للفصلين الكبار واكيد حور ح تقنع ابوكي انو يخليكم نمشو لأنو هي جات الأولى ومن حقها تفرح بالإنجاز حقها.
حكمه بقت تضحك فيها قالت ليها حور والرحله مستحيل ، ردت عليها خديجه معقول اختك دي ممله للدرجه دي ، حكمه قالت ليها لالا هي م ممله هي شيخه ، وبقن يضحكن قالوا ليها انتي اقنعيها مسافة الطريق .
جات حور وقالت ل حكمه يلا يابت ورح العربيه جات قومي يلا ، حكمه ودعت صحباتها قالوا ليها م تنسي الاتفقنا عليهو قالت ليهم بحاول ، في الطريق ماشين حور بتقرأ في كتاب وحكمه بتفكر تفتح معاها الموضوع كيف قامت قالت ليها حور سمعتي بموضوع الرحله؟ رفعت راسها قالت ليها سمعت لكن م على بالي امش ، سكتت منها وبقت تفكر تقنعها كيف.
بعد وصلوا ورو نتائجهم لأمهم باركت ليهم النجاح وكانت مبسوطه شديد م عاتبت حكمه لكن قالت ليها شدي حيلك المره الجايه ، اثناء الكلام حكمه قالت ياامي في رحله مدرسيه عاملنها الاسبوع الجاي ، قالت ليها اتكلمي مع ابوكي لمن يجي قالت ليها سمح .
بعد العصر حور بعد صليت العصر ابوي جاء ، سلم علينا وبارك لينا النجاح ودخل يرتاح مشت ليهو حكمه اتكلمت معاهو في موضوع الرحله ، سألها حور ماشه ؟ سكتت ودنقرت راسها قالت ليهو م سألتها قال ليها امشي ناديها ، جاتني وانا قاعده مع امي في المطبخ قالت لي ابوي بناديكي طلعت ماشه وهي معاي قلت لي شوفي ابوي عاوز يسألك من موضوع الرحله وانا متأكده لو قلتي ليهو ماشه ح يخليني امش ، عليك الله وافقي تمشي عاينت ليها ورفعت حاجبي قلت ليها انا قلت ليكي م بحب الرحل امشي انتي براكي وانا بقنعو ليكي ، حسيت بيها فرحت وبدهشه قالت لي قولي والله ، قلت ليها والله بحاول اقنعو ليكي قالت لي لو رفض تمشي معاي.
عاينت ليها معاينة الزول البقول ليك تحلم اعمل كدا ومشيت دقيت الباب ابوي قال اتفضل سلمت وخشيت ، ابوي قال لي عندكم رحله قالوا صاح قلت ليهو ااي ، قال