الفصل الاول1
بقلم دانيا
آذان الصبح فتحت عيوني وقمت من السرير مشيت اتجهزت للصلاة ، صليت الرغيبه وبعدها صليت الصبح الزمن كان لسه بدري شويه قلت اقرأ قرآن وبعدها امشي اتجهز للمدرسه.
حكمه صحت من النوم عاينت على سرير حور بقت تقول دي مشت وين عاينت للتلفون لقت الساعه خمسه ونص ايواه معناها مشت تصلي الشيخه حور المهم ربنا يتقبل إن شاء الله طلعت مشيت الحمام جيت ماره لقيت حور قاعده في المصلايه وماسكه المصحف وبتقرأ قرآن بصوت جميل وقفت عابنت فيها مسافه وتاني رجعت الغرفه قلت في نفسي لسه الوقت بدري شويه خليني اتصفح على النت شويه وبعدها اقوم اصلي واجهز للمدرسه.
شويه كدا جات حور داخله يابت متين اصبحت للتلفون صليتي؟ حكمه بقت تعاين ل حور معاينة حقاره وقالت لسه شويه وبقوم اصلي اصلاً الوقت بدري ، حور عاينت ليها نظرة اسف وقالت ليها ربنا يهديكي.
حور جهزت للمدرسه ومشت المطبخ صبحت على امها ، وشربت الشاي وبعدها جاء ابوها صبحت عليهو والعربيه جات طلعن مشن المدرسه كان اليوم يوم توزيع النتائج البدايه كانت بالفصول الصغيره وبعدين جاء دور نتائج فصل ناس حكمه ، هي نجحت بس م النجاح الباهر داك جات السابعه ، زعلت وبقت تبكي وقالت لو حور جابت نتيجه احسن مني ابوي ح يزعل مني ويشاكلني.
وآخر شيء جاء دور نتائج ناس حور لأنو هي ممتحنه آخر سنه ليها في الاساس ، حكمه اصغر من حور ، اول مابدو يندهو وبعد مقدمة مدح طويلة زاعو إسم الاول (حور زين العابدين يعقوب) ، حور قلبها بدا يدق بسرعه ومن الفرح بقت تبكي ، طلعت على المسرح واستلمت نتيجتها بكل فرح ووسط تصفيق ومدح من كل الأساتذه وكل واحد وواحدة فيهم بقول حور تستاهل بالجد هي إسم على مسمى واحسن طالبه في المدرسه ، بس في ناس لمن سمعوا المدح دا انزعجوا واكيد قصدنا عن البنات البدرسوا معاها في نفس الصف.
حكمه قاعده تحت شجره من شجر المدرسه وزعلانه حتى م حاولت تمشي تبارك ل حور ، صحباتها جو قعدوا معاها ، خديجه مرحبا حكمه عندنا ليكي خبر حلو حكمه بقت تعاين ليها ومكشرة وشها قالت ليها خبر حلو ؟ قالت ليها ااي يابت وبعدين انتي زعلانه مالك في النهايه نجحتي صاح وكمان دا م الامتحان النهائي تزعلي لشنو ، صحباتها غيرو ليها مزاجتها وبقت تضحك وتتونس معاهن ، قالت اها ياخدوج الخبر الحلو شنو م قلتي لي ، قالت ليها عاملين رحله