رواية كابوس قريه
الفصل الثالث عشر13
بقلم دانيا
انا صاح من العالم التاني بس صدقيني م بشبههم م بحب الأعمال الشيطانيه البتعملها امي ، قلت ليها امك منو قالت لي الملكه ، قلت ليها وانتي ليه عاوزة تساعديني ، قالت لي لأني بحب زوجي ، قلت ليها زوجك ؟؟؟ قالت لي يلا قومي م معاكي وقت انتي غير نص ساعه ، حاولت اقوم ختيت يدي في الجرح محل العمليه لقيتو سليم عاينت ليها قالت لي دي لمسه سحريه ، بقيت اعاين ليها بدهشه قلت ليها لحظه انا م بقدر اثق فيكي إلا بشرط واحد .
قالت لي لحظه عرفت شرطك انظري هناك ، وصفت لي علي بيت المزرعه شفت امي وابوي واقفين قلت ليها م جاده اكيد دا سحر وتلاعب منك ، وبقيت ابكي طوالي جو ماشين علي جريت عليهم بقيت المس فيهم وم مصدقه قلت ليهم بالجد انتوا امي وابوي ، بقو يبكوا وانا ابكي حضنتهم وبقيت ابكي.
جات قالت لي الزمن انتهى وانا قوتي ولاا شيء قدام الملكه واصلاً م بقدر اظهر قدامها وبتمنى تقدرو تلحقو القريه قبل فوات الآوان ، قلت ليها قصدك شنو قالت لي م بقدر اشرح اكتر عشان تنقذو القريه للأسف لازم تدمرو الملكه وفجأه اختفت من قدامنا .
بقيت افكر قصدها شنو قلت لأمي وابوي انا لازم اجري القريه م فضل وقت ، بقيت جاريه على إتجاه القريه والمطر شغال والأرض رطبه والشوارع مليانه مويه مره اقع ومره اقوم ، وفجأه لمن حصلت قريب للقريه سمعت اصوات صراخ عاليه ، قمت من الأرض وانا بحاول اجري بسرعه بأقدامي التي فقدت التوازن من شدة الخوف والتعب ، اول ما وصلت القريه بقيت اشوف مويه المطر في ضوء البرق حمراء شديد مختطلطه بالدم .
هنا انا حيلي كله برد وبقيت احس بأنفاسي تقيله قلت في نفسي معقوله اتأخرت ؟ معقوله فات الأوان ولسه الأصوات كل ماليها بتعلى اكتر واكتر بقيت اجري على الإتجاه الجايه منو الأصوات ، وفجأه شفت لي زول واقع حسيت بقلبي وقف بقيت اصرخ بأعلى صوت لااااا مستحيل يكون فات الأوان.
مشيت لقدام لسه لقيت كميه من الناس واقعه ، بقيت ارجف وم قادره اعاين ليهم ، فجأه سمعت صوت سراج بنادي بإسمي ليان ليان عاينت قدامي لقيت نفسي واقفه قدام الجامع والناس الكانو واقعين كلهم واقفين حوليني ، بقيت اتلفت وراسي فيهو الف سؤال وانا م قادره استوعب الحاصل ، كان جنبي مره عجوز لمستها بأيدي قلت ليها انتي هسي مش متي ؟ بقت تعاين لي من غير رد.