رواية كابوس قريه
الفصل السابع7
بقلم دانيا
قاعدين نتونس ومبسوطين ماما فاطمه قالت الحمد لله مشت مني بت والله عوضني بإتنين والله مبسوطة بيكن ، قلت ليها تسلمي يا امي لكن انا وسراج كنا عاوزين نقول ليكم حاجه ، صراحه انا دخلت في السابع بكم يوم وبعدا عاوزة امشي بيتنا انا كنت قاعده عشان فترة العرس وكدا .
عمي فجأه من دون مقدمات قام على حيلو وقال بنبرة صوت حاده لا مافي مشيه ، انا من الخلعه لمن حسيت راسي بقى تقيل كلنا بقينا نعاين فيهو ، سراج قال لي كيف يعني لا ياابوي؟ عاين لي وقال لالا انا م قصدي شيء بس قصدي امك هناك براها يعني م عندك اخوات ويادوب تلحق تعتني بأبوكي تاني تجيها انتي تبقى ليها مسؤليه ، اخدت نفسك طويل قلت الحمد لله بيني وبين نفسي .
قلت ليهو لالا م تخافو امي شديدة و اصلاً الدنيا خريف والموسم موسم زراعه ابوي اقلب وقتو بكون في المزرعه ، وكمان ناس عمي بهناك قاعدين وبنات عمي بساعدو امي كان احتاجت مساعده ، قبل يفتح خشمو يرد لي الجو قلب وبدت المطرة تنزل قمنا دخلنا جوا.
بقينا انا وسراج راقدين وبنتونس قلت لسراج انت م ملاحظ تصرفات عمي بقت غريبه كلماتو وطريقو الفجأة بقت تخلعني والله ، سراج بقى يضحك قال لي صاح هو عصبي شويه بس بفكر في مصلحتنا عشان كدا هو قلبو طيب ، قلت ليهو م عندي شك في الموضوع ، نمنا وانا في راسي الف سؤال وعلامة استفهام.
بقيت اشوف طفل صغير راقد جنبي وواحد تاني شايلو زول وماشي بيهو انا قمتا بقيت ماشه وراهو وانا بصرخ ماشي بولدي وين ، سراج الحق الزول شال ولدنا ياسراج وينك ، الزول ماشي بطريق الخلا بعد شويه وصل البير وقف قدامها واتلفت عاين لي مع ابتسامه خبيثه ، وقفت مخلوعه وجسمي كله يرجف قلت ليهو عمي ، عمي لا عليك الله لا م اشتغل بي اتلفت على البير وقال لي بنبرة حادة لازم نديهو للعالم التاني .
رفعو فوق ومداهو قدام انا بقيت حاسه نفسي مربطه رجليني م قادرين يتحركو ، وانا لسه بصرخ وبقول ليهو ياعمي عليك الله م تعمل كدا ، قال مع السلامه ياحلو وفكاهو من يدو وقع في البير ، قمت مخلوعه سراج قال لي بسم الله مالك يابت قولي بسم الله دا كابوس، انا لسه مخلوعه والعرق نازل وبقيت ابكي وهو شغال لي مالك يابت شفتي شنو بقيت اعاين ليهو وابكي شغال لي اهدي مافي حاجه كلو كان كابوس شوفي انتي في بيتك وفي غرفتك وانا جنبك .
عاين للساعه قال لي زمن الآذان جاء لازم امش إذا حاسه نفسك م مرتاحه اصحي ليكي امي ، قلت ليهو لالا انا كويسة ح اطلع برا اسمع صوت إذانتك لأني برتاح لصوتك ، دخل جهز وطلعنا برا مشى على الباب قبل يصل الباب الباب فتح وجاء عمي داخل ، وقفنا مستغربين سراج قال ليهو جاي من وين ياابوي في الزمن دا .
عاين لينا ومشى داير يدخل جوا رد على سؤال سراج قال طلعت اشوف الغنم نسيتو امبارح جات مطرة ، انا بقيت حاسه بإحساس غريب م بعرف ليه م قادرة اصدقو ، بعد سراج جاء