الفصل الاول1
بقلم دانيا
بعد عودة سراج الدين من عالم الجن وعادت الحياة لطبيعتها ، وعاش مع اهلو حياه طبيعيه وهاديه وبعد مرور سنه طلب يد ليان بس اولاد عمها كانو رافضين وحتى ابوها قال سراج جاي من عالم الجن وعاش معاهم كتير هو م ح يقدر يطمئن لعيشة بنتو معاهو ، بس اهل سراج اتعهدو انو م تحصل مشكله وح يشيلو ليان في عيونهم .
اتزوج ليان وكانت الأمور طبيعيه بس بعد مرور سته شهور ظهرت حاجه قريبه في القريه وهزت امن واستقرار القريه و م عرفوا لا السبب ولا المسبب للظاهره دي .
صحيت نص الليل وانا عطشانه شديد ، قمت نورت الفلاش حق التلفون م لقيت سراج ، قلت يمكن دخل الحمام طلعت مشيت المطبخ اجيب مويه ، جيت راجعه لقيتو لسه م جاء بقيت قاعده في نص السرير منتظراه يجي ، قلت في نفسي هو يا ليان الراجل دا شكله م في الحمام .
قمت مشيت على الحمام م كان الضوء شغال ، جيت جنب الباب حق الحمام م سامعه اي حركه ، ختيت يدي في الباب فتح طوالي قلت معناه م فيهو زول دخلت نورت اللمبه م كان فيهو زول ، قلبي نهائي م مرتاح وبقيت افكر ياربي سراج مشى وين في وقت زي دا القريه الوقت دا سفيه الكلاب بكون م فيها م معقول يكون طلع.
تاني رجعت الغرفه سراج جاء داخل وراي لمن شفتو لمن اتخلعت قلت ليهو بسم الله جاي من وين انت؟ عاين لي وسكت قال لي جاي من الحمام هنا انا استغربت قلت ليه بكذب قلت ليهو انا هسي جايه من الحمام ، دار لي ظهرو وقال لي ااي كنت في حمام الصالون يلا تعالي ننام انا نعسان.
الصباح بعد آذان الصبح قبل الناس يصلو زاتو زاعو خبر في الجامع ، انا قلت لسراج قوم اسمع ناس الجامع قاعدين يتكلمو كدي اطلع شوف بقولوا في شنو ، ابى يقوم قال لي نعسان داير انوم قلت ليهو طيب قوم صلي ابى يقوم قال لي بنوم حبه وبقوم ، صليت انا وطلعت برا لقيت امو واللهي نسيبتي انا بناديها ماما سيده كانت بتعمل في الشاي ، قالت لي غريبه عمك عبد الله م جاء من الجامع اتأخر شديد ، قعدنا للساعه 8 ص اتصل لينا قال لقوا زول واقع لمن كانو ماشين الجامع لمن اسعفوه للمستشفى الدكاترة قالوا في اثار عضه في الرقبه والزول دا قطرة دم واحدة م فيهو ، من سمعت الكلام دا لمن هبطت وجسمي بقى يرجف اتزكرت الكان حصل في عالم الجن .
قلت معناها الجن ظهرو في القريه ولشنو معقولة رجعوا ينتقموا مننا ، مضى اسبوع وكل يوم بلقوا زول واتنين