رواية ليالي الشتاء البارده
الفصل العاشر10
بقلم دانيا
ابوي قال لأمي الغنمايه هي السبب ياربي بتكون ودت بتي وين وبقى شابك يدينو في راسو وواقف وبتكلم بحسره وندم لأنو م سمع مني ، امي اتصدمت من الكلام البقول فيهو دا قالت ليهو دا كلام شنو والغنمايه دايره من ليان شنو ، وبعدين دي مجرد غنمايه كيف تخت ليها زول في راسها ، قاطع كلامها قال ليها م معروف إذا هي فعلاً غنمايه ول لا في النهايه هي لا مولودة عندنا لا اشتريناها تتزكري الغنمايه دي كان لقيتها جنب المزرعه وبقت تمشي مع الغنم وخليتها معاهم لأنو كانت وحيدة وم بان ليها سيد يسأل عنها .
قالت ليهو سجمي قصدك شنو انت يمكن م تكون غنمايه يعني ؟ قال ليها كل شيء ممكن انا م بقدر اقعد مكتف الأيادي في البيت ح امشي افتش بتي ، قالت ليهو جايه معاك قال ليها لالا انتي اقعدي في البيت يمكن يبان خبر منها ، ولو في اي خبر اتصلي لي.
انا فتحت عيوني لقيت نفسي واقعه في الارض والدنيا بس في فوانيس مضويه وعلى ضوء الفوانيس المعلقه عاكس لي ظلال كتيره عاينت فوق لقيت مجموعه من الكائنات متلفيه حولي عاملين حلقه دائريه ومدنقرين روسينهم فيني ، قمت مخلوعه قعدت في نصهم وبقيت ارجف من الخوف والعجوز قاعده في كرسي بعيد وماسكه العصاء حقتها وبتعاين لي ، بقيت اصرخ بأعلى صوت وهم يتهامسو ويضحكوا بأصوات مخيفه ضحكات خبث ، اسمع صوتها وهي بتقول لي قرري بسرعه م معانا وقت ياتنضمي لعالمنا يا اخليهم يهجمو عليكي وتبقي هيكل وعظام.
بقيت اعاين ليهم واعاين ليها قلت ليها اديني وقت افكر قالت لي م معانا وقت نحن معاكي لبكره المساء تاني م عندنا وقت اكتر من كدا ، بقيت افكر بيني وبين نفسي قلت وهو المكان دا فهو صباح ومساء ول اصلاً ليلهم طويل ، قلت يلا لازم استقل الوقت قلت ليها تمام تمام على الرغم من انو وقت بسيط بس حسيت بأمل بسيط اني اقدر اطلع من هنا .
بعد وافقت على عرضها ، طلبت من الكائنات ديك تبعد مني قاموا مشو مني ، بقيت افكر قلت ليها الغنمايه السودا قبل اتم كلامي قاطعتني قالت لي غنمايه وبقت تضحك قالت لي دي م غنمايه دي جزء مننا ممكن تقولي رسول ليكي عشان يجرك لعالمنا ، بقيت مخلوعه وخاشه في حالة صدمه من كلامها ، بالليل كانو مقعدني في كوخ براي ياهو واحد من بيوتهم دي والجو بارد والليل م عاوز يخلص ويطلع الضوء قضيت اصعب ليالي الشتاء البارده في مكانهم دا وم قادره اتغطى بالحاجه