رواية ليالي الشتاء البارده
الفصل الحادي عشر11
بقلم دانيا
قمت على حيلي وطلعت برا وانا بفرك في ايديني بسبب البرد الشديد ، قبل اخطي خطوه برا مديت راسي عاينت لقيت العجوز قاعده في كرسي وماسكه عصايتها لمن اتخلعت لمن شفتها بس بقيت اعاين فيها ، لا حطظت لأنها زي النايمه م صاحيه طلعت وانا بمشي على امشاط قدمي براحه براحه عشان م تحس علي .
مشيت مسافه والدنيا ظلام والمكان حسيتو هادئ كأنو م فيهو كأئنات عايشه مافي غير صوت الهواء بحرك في فروع الشجر ، بقيت امشي واتلفت مشيت مسافه لقيت حاجه زي الحفره لكن مع الظلام م قدرت اشوفها كويس ،حسيت بحركه وراي زي كأنو في حاجه ماشه وراي طوالي اتزكرت اشكال الكائنات الغريبه ديك ، لمن قلبي عمل شح ودقاتو بدت تزيد ورجليني بقو م شايلني من الخوف خليت الحفر وبقيت امي بسرعه بسرعه وكل ما اسرعت كل ما الحركه وراي لقيتها زادت بس قلت م ح اتلفت .
واثناء ما انا ماشه ومتوتره وخايفه اتعترت بحاجه ووقعت على الارض وخلاص حيت بحاجه واقفه فوق راسي ، عاوزة اصرخ قفلت لي خشمي عاينت بخلعه عاوزة اشوف دا شنو عاينت للأيد لقيتها ايد بشريه وقبلت عاينت للوجه لقيتو وجه بشري ، جميل تحسو هارب من الجنه بقيت مصدومه قلت دا بالجد بشر قمت زحيت منو بسرعه وبقيت اعاين فيهو شاب حسن المظهر وجميل وكأنو ملاك على هيئة بشر .
اتزكرت طوالي موضوع الغنمايه السودا وإنو دي م غنمايه ، قلت اكيد دا شيطان متنكر قبل افتح خشمي معاهو بخرف براهو رد على كل الاسئله البتدور في راسي قال لي ااي صاح ديك م غنمايه لكن انا بشري بالجد وم تخافي انا عاوز اساعدك ، اكيد بتقولي في نفسك كذاب لو بشري عايش هنا كيف لكن ح اقول ليكي انا زيك حضعت لنفس الاختبار الانتي ماره فيهو دا لمن جابوني هنا اول مره ، وانا فضلت اعيش معاهم على اني اموت عشان كدا انا هسي هنا وكمان متزوج منهم .
بقيت اعاين فيهو وم مستوعبه كلامه وحسيت براسي تقل من الصدمه ، وانا لسه ساكته قلت ليهو وانت م قدرت تساعد نفسك ح تساعدني ؟ وكمان انت اصبحت جزء منهم اكيد م ح تخونهم وتعرض نفسك للخطر عشاني ما انت رفضت الموت وعشت معاهم عشان تحافظ على حياتك هسي جاي تخاطر بيها عشاني .
قمت ومشيت منو خطوتين وتاني وقفت وقبلت عاينت ليهو قلت ليهو انت لو بالجد نيتك تساعدني ، م تخليهم يحسو علي واني بحاول اهرب وعاوزة اسألك كيف بتحسبو الزمن هنا ، قصدي صباحكم .