رواية ليثا
الفصل العاشر10
بقلم دانيا
بعد سمعت الصوت جرينا على الغرفه لقينا نهله راقده في السرير ومنكشه شعرها وبتصرخ وبتتفرف في السرير زي الطير المزبوح اول ماشافتنا قامت قعدت في نص السرير وبقت تعاين لينا وعيونها زي الجمر من الحمار وحولين عيونها اسود ..... خالي كان قدامنا واقف في خشم الباب لمن شافها بالحاله دي لمن اتهجم ورجع ورا انا كنت واقفه وراهو عفصني في رجلي لكن سبحان الله من الخلعه جسمي كله اتخدر وم حسيت باي وجع بقيت برجف ،، وهي بتعاين لينا بنظرة حادة فجأة بقت تبكي ومدت لي يدها قالت لي بصوت مرتجف وأسلوب ترجي " نسمه اختي ساعديني هي عاوزة تقتلني ساعديني يااختي " تاني مسكت رقبتها كأنو في زول بحاول يخنقها وهي بتحاول تتفك منو .
خالي عاوز يخش الغرفه يمشي عليها فجأة الباب قفل بقوة لمن ضرب خالي في وشو وانفو نزفت قفلت الباب دي لمن عملت صدى صوت للحظه هبطه من الخلعه ..... فجأة سمعنا صوت نهله بتصرخ شديد جوا الغرفه جيت مسكت الباب وحاولت افتحو م فتح لي اخوي الجاء معاهم دا قال لي زحي وبقى يحاول فيهو الباب تقول قافلنو بطبله حلف كان يفتح ،، مع نجله دموعنا بقت شلال بقينا ننادي في نهله ونسألها انتي كويسة؟ حاولي افتحي الباب وهي لسه بتقول اختي نسمه م تخلوني ليها انقذوني منها دي عاوزة تقتلني .... في اللحظه دي حسيت كأنو سكاكين بتتغرس في قلبي وانا عاجزة اعمل شنو خفت اختي تموت .
جدي قال لي خالي حارسين شنو اكسرو الباب دا وهو المسين لمن غلبو الوقاف وناس خالي بقو يحاول بكل قوتهم يكسرو الباب .... اتلفت علي وقال لي جيبي آله حديده او اي شيء جريت برا الحوش جبت ليهو الحفارة قال لأخوي زح وبقى يضرب في الباب اتزكرت قبل كدا لمن حصلت معاي مواقف زي دي قريت واتحسبت اتخلصت من الموقف جريت ليها بالشباك برضو لقيتو قافل وهي خلاص صوتها اختفى م سمعت ليها اي حركه للحظه قلبي رجف كل الأفكار السيئه جات في بالي ،، وقفت جنب الشباك بقيت بضرب فيهو بيدي وبحاول اتكلم معاهو قلت ليها نهله يانهله كوني قوية واقري المعوزتين واتحسبني ح تبعد منك فجأة بقيت بسمح صوت ضحك بطريقه هستيريه .... اتخلعت من الصوت وبقيت واقفه سمعت اصوات ناس وجوطه بهناك جريت عاوزة ارجع جوا لقيت الحوش مليان ناس .
شكلهم ناس الحله كلهم اتلمو عندنا لمن سمعوا صوت ضرب الباب بقيت بحاول اخش مع زحمة الناس م قدرت اخش والدموع لمن مطششه لي الرؤيه .... بقيت بدفر في الناس عشان القى لي فرقه اخش فجأة في يد مسكتني اتلفت عاينت اشوف دا منو لقيتو دا عمك سيد الدكان قال لي البيت دا انا كنت عاوز احذرك منو لكن انتي م انتظرتي وطلعتي مستعجله مشيتي