رواية ليالي الشتاء البارده
الفصل الثامن8
بقلم دانيا
صحيت لقيت نفسي نايمه في واحد من بيوتهم الزي الأهرامات ديل البيت من سقفو عباره عن تراب زي القنطور وتحت كانوا مفرشين حاجه زي الجلد القديم م بعرفو دا جلد شنو ولقين نفسي متقطيه بحاجه زي الجلد وزي شوال الخيش ، عاينت ليها كدا اتخلعت منها نفضتنها مني ، عاينت جنبي لقيت كائن غريب عجيب جسمو جسم انسان ووشو وش حمار بقيت اصرخ وارجف من الخلعه ومن طريقه نظراتو لي الحاده ، بقيت اصرخ بصوت عالي وخاته ايديني في اضنيني ، قام من محلو ومن دون ما بتكلم او يعمل اي حركه وجاء علي وانا ازحف للواء وبصرخ حسيت رجليني اتشلو م قادره احركهم وم قادره اقوم على حيلي عشان اهرب منو .
وهو لسه جاي باتجاهي بخطوات بطيئة لمن حسيتو قريب مني ومافي مفر ، قمضت عيوني ودنقرت وختيت يديني على وشي قلت خلاص الليله انا انتهيت ، قبل ما يصلني سمعت صوت ضربه قويه فتحت عيوني من الخلعه لقيتو واقع قدامي وزاد خوفي اكتر عاينت قدامي لقيت العجوز واقفه ، وشايله عصايتها عرفت انو هي الضربتو ، قلت ليها بصوت برجف ومليان خوف و و ين انا ؟.
ابتسمت لي ابتسامه خفيفه وقالت لي انتي في عالمنا ، هنا انا حسيت قلبي وقف من الصدمه قلت ليها عالم شنو رجعوني بيتنا انا عاوزة امشي بيتنا وبقيت ابكي ، قالت لي بصوت حنين اهدأي انا م بحب اشوف دموع البشر ، عاينت ليها بخلعه قلت ليها البشر؟ وانتي قبل اتم كلامي بقت تضحك قالت لي انا م بشر انا زيو ويمكن اكعب منو بس اتنكرت ليكي بهيئة بشر عشان م تخافي زيو دي قالتها وهي بتوصف على الكأئن الواقع في الارض دا .
انا بقيت ارجف وم مصدقه قلت ليها انتوا دايرين مني شنو وليه جايبني هنا انا عاوزة امي امي في البيت براها وبقيت ابكي قالت لي الدايرنو منك كتير وبقت تضحك ضحكة خبث ، تاني عاينت لي وقالت لي قومي تعالي وراي ، انا هنا خلاص اتوترت شديد قلت ليها دايره مني شنو ومودياني وين ؟ قالت لي لمصيرك امشي وراي وانتي ساكتة .
وإلا م تخليني اوريكي غضبي لحد الآن انا لطيفه شديد معاكي ، قمت وانا ماشه وراها وهي متقدمه وكل ما نجي مارين بجنب كآئن بحسو داير يخمشني لكن شكلهم بخافو منها ، انا ماشه وبتزكر في اهلي وفي خلتنا وببكي قلت اكيد دي نهايتي ، ودتني لمكان زي الكوخ وقت فتحتو انا قرب يقمى علي من الريحه غطيت انفي بيدي ، هي وقفت مسافه بقت تعاين لي تاني دخلت وقالت لي ادخلي ووقت دخلت