رواية نبض قلب
الفصل الخامس5
بقلم دانيا
قلت ليه العربيه والود البكر اخوي دا لازم يخسرهم قال لي ما عندك مشكله وقال لي على حاجات كتير جبتهم ليهو ودفعت كتير كلو عشان اصل لقايتي .
مرت الايام ومحمد طلع ليهو مشوار اتجاه الجنوب الشيخ قال لي اول ما يقرر يطلع مشوار كلمني انا ببدا الشغل ووقت سمعت انو محمد مسافر طوالي اتكلمت مع الشيخ وريتو قال تمام اعتبرو منتهي.
يومين ومحمد سافر انتظرت اخبار من الشيخ او اسمع بخبر محمد لكن سبحان الله مشى وجاء بعد 15 يوم سالم ومعافى مشيت للشيخ وكلي غضب وزهج قلت ليهو وينو شغلك قال لي اهداء في حاجه غربيه حصلت كل الخدام الرسلتهم ليهو عشان يعاكسوه في الطريق رجعوا بحاله صعبه ومنهارين سالتهم الحاصل شنو قالوا لي والله الزول دا طول الطريق مشغل قران ومحافظ على صلاتو في وقتها والاذكار.
قلت ليهم ما مشكله المشوار الجاي المشوار الجاي فات معاهو صاحبو وسوسنا لصاحبو قلنا ليهو الاغاني افضل بتقصر الطريق وبتزيح الملل
صاحبو عجبتو الفكره وقال ليه الا تشغل اغاني بدال القران ، بعد اصرار منو كتير شغلوا اغاني ومستمتعين عملو حادث لكن م اتعوق محمد بس صاحبو مات
بعد وفات صاحبو اخد فتره ما مشى مشوار انا عمو دا بقيت عيان والوقت كله من دكتور لدكتور ومن مستشفى لمستشفى وانا ما عندي اولاد يسندوني ويقيفو معاي ما لقيت غير محمد الكنت عاوز اقتلو عشان احرق بيهو قلب ابوه جني كان زي ولدي ما خلى مستشفى م مشاها معاي كلو عشان اتعالج والقى العافيه
وانا كنت حاسي بتحسن كبير عشان كدا محمد قرر يرجع يسافر مشاوير تاني بالعربيه واخوه تجاني الاصغر منو تاني يوديني المقابلات في المستشفى ويشرف على العلاج كان جاهو مشوار للغرب لكن انا اتزكرت موضوع الشيخ وكنت ندمان شديد على العملتو وكان بتزكر الشيخ اخر مره اتكلمت معاهو قال لي اشتغلت شغل قوي شديد بعدا اول مشوار يمشيهو بالعربيه دي ح ينتهي امرو وما ح يرجع منو
انا اتزكرت وكنت داير امشي للشيخ عشان يبطل العمل قبل محمد يسافر مشيت مكان الشيخ ما لقيتو قالوا سافر اتصلت في رقمو كتير ما خشى معاي ، عشان كدا كنت مصر الا محمد بس يخلي السفر ويتابع معاي في المستشفى ويشرف على علاجي كلو عشان اعطلو م يسافر لحد ما اقدر اصل للشيخ
لكن انا كل اعمالي ارتدت فيني وحالتي ساءت وايامي بقت معدوده وما قدرت اكلم زول خفت يكرهوني، قاطعت .