رواية نبض قلب
الفصل السادس6
بقلم دانيا
قلت ليهو طيب بعد موتك ح يحصل شنو لو ما لمينا في الشيخ داك لأبطال العمل ، ياعم انا ما بأمن بقصص السحر دي كلها لكن دامك قلت فيها موت انا ح احاول احلها اها الزول انت قلت سافر ورقمو م كان بخش معاك كان ساكن وين هو ، قال لي كان ساكن جبل اوليا حي دارالسلام لكن سافر والجيران قالوا م عارفنو مشى وين ، لو ما لقيتوهو مافي حل تاني غير انو يحرقوا العربيه استغربت قلت ليهو حرق ليه حرق ممكن يبيعوها وخلاص.
سكت مسافه وقال لي اللعنه بقت في العربيه دي زاتها لانو العمل كله معمول في العربيه دي
قلت ليهو طيب ح تنحل كيف من غير ما يعرفوا هو واهلو مافي حل غير انو نوريهم قال لي لا ح يكرهوني ، قلت ليه بعد العمتو دا كلو خايف بس من كرههم قال لي انا سلمتك الموضوع وبقى عندك تاني م بتشوفيني بعدا الناس ديل بقوا في رقبتك انتي واختفى وانا قمتا مخلوعه لقيت الدنيا اصبحت زمان وانا صحيت متأخره.
قلت اعمل شنو قعدت مع امي وقلت ليها دامك حاسه بتحسن انا بعدا عاوزه امشي ام درمان اقعد مع ناس خالتي عشان من هناك الجامعه قريبه قالت لي كويس مافي مشكله ، قلت ليها خلاص بمش بكره بعد الظهر ، مشيت غرفتي وقعدت اتصفح في التلفون شويه كدا جاتني رساله من الود محمد اتونس معاي قلت دي فرصه لازم اعرف منو اخبار عشان اعرف اذا ح يسافر ول لا ، الهم اتكلمت معاهو كتير واخر اكتشفت انو الحاجه الوحيده المعطلاهو مرض عمو وبعد ما اتوفى بعدا عاوز يرجع للشغل
قلت ليهو مسافر متين يعني قال لي بالكتير اسبوع قلت ليهو تمام انا زاتي بكره ح اجي ام درمان عشان موضوع الجامعه حسيتو فرح قال لي كويس والله حلو على الاقل يمكن اشوفك قبل اسافر مع ابتسامه☺️ قلت ليهو ان شاء الله
بالليل وانا نايمه بقيت م بشوف غير العربيه وهي واقعه مكسره عامله حادث قمتا مخلوعه وعلى الرغم من انو الجو بارد لكن انا كلي عرق وكأني لقيت الساعه 3 صباحاً بقيت افكر المشكله دي احلها كيف انا فكرت وقلت خلاص ح اكلم محمد بالحصل وخليه هو يتصرف
الصباح رتبت اغراضي وللظهر كدا مشيت بيت خالتي في ام درمان ، وصلت وسلمت عليهم وقعدت معاهم شويه كدا وقلت لخالتي عاوزة اخش انوم شويه قالت لي كويس ، دخلت نمتا للمغرب جاتني مها بت خالتي هي يعني اصغر مني ياداب ممتحنه الشهاده الثانويه وانا في تانيه جامعه ، بعد صلينا المغرب حكيت ليها الحصل كله بقت مخلوعه وبتعاين فيني بصدمه قالت لي اكيد