رواية نبض قلب
الفصل الثامن8
بقلم دانيا
اتصلت كتير وما رد ونحن ماعندنا وقت كتير ، المغرب جاء بعد صلينا المغرب قعدنا اتونسنا مع خالتي وقلنا نحكي ليها يمكن تقدر تساعدنا ، حكينا ليها كل الحصل هي زاتها م مصدقه انو في انسان ممكن يحقد على اخوه بالطريقه دي
قالت لينا في شيخ محمد جارنا دا شيخ رقيه شريعه بعد صلاه العشاء ورح ليهو اكيد ح يحلها لينا، شويه والعشاء اذن قمنا صلينا وبعد شويه كدا مرقنا مشينا للشيخ هو ساكن في الجامع قعدنا وحينا ليهو الحاصل كله ، قال لينا في الحاله دي لازم تتكلموا مع الشيخ دا ويوريكم محمل العمل وتمشوا تطلعوا وترموا في البحر او يبطل السحر دا من عندو واذا ما قدرتو مافي غير حل واحد تحرقوا العربيه ، بقينا كل واحده بتعاين للتانيه قلنا ليهو كيف نحرق لينا تعب وشقاء عمر زول قال لينا العربيه دي م اهم من ولدو وبعدين العربيه دي اصبحت لعنه بالنسبه ليهم.
وانا ببحث عن حل اسهل وبديكم خبر ، وطلعنا من عندو على كدا ، الرقم داك للصباح م رد علينا ولاااا رجع
الصباح مشينا لشيخ تاني قال لينا كلمو الود دا بالحقيقه وخلو يسافر بس يواصل في صلواتو ويشغل قران بس في العربيه ومهما حصلت حاجات غربيه في الطريق م يتلفت ليها ولا يهتم قلنا ليهو تمام وقمنا طلعنا منو قلت لخالتي انا ح امشي اشوف محمد قالت لي تمام سوقي مها معاكي قلت ليها تمام قمنا مشينا لاقيناهو قعدنا واتونسنا قلت ليهو يا محمد في حاجه عاوزة اقولها ليك قال لي احكي سامعك انا اترددت وم قدرت قالي لي مالك م طبيعيه في شنو قلت ليهو اسمعني وبتمنى تفهم الكلام العاوزة اقولو ليك قال لي ان شاء الله احكي وترتيني معاك وبقى يضحك حكيت ليهو الحاصل بقى يعاين لي بطريقه غريبه مسافه وبقى يضحك قال لي انتي بتحضري مسلسلات كتير وتاني رجع يضحك مها قالت ليهو والله دي حقيقه وما حبكه من مسلسل عشان تقعد تضحك ، عاين ليها وقال ليها انتوا جنيتو الزول دا ابوي التاني كيف يعمل فيني كدا قالت ليهو ونحن مصلحتنا شنو نكذب عليك وقول كذبنا ح نعرف عائلتك من وين امك اسمها سلمى وابوك يوسف واخوك تحاني وانت اكبر واحد في اخوانك وعمك من عرس ما جاب اولاد فجأه عم الهدو ومافي زول اتكلم فينا ومحمد كان ساكت ومدنقر راسو ، بعد شويه بدا يبكي قال يعني صاحبي مات بسبب عمي بكى لمن عينو حمرو ، هديناهو وقلنا ليهو اهداء الفات مات والمرحوم كان ندمان .
عاين لينا وقال....