رواية نبض قلب
الفصل التاسع9
بقلم دانيا
قلنا ليهو م تخاف من شيء كل شيء بهون وببقى زكرى بإذن الله ، عاين لينا وقال لينا مافي اعتراض على حكم ربنا وانتوا زاتكم م قصرتو والله ماعارف اشكركم كيف على كل شيء عملتوا عشاني ، قلت ليهو والله نحن ما عملنا غير واجبنا ومافي داعي للشكر اشكرنا وقت نخلص من المصيبه دي بالجد وتبقى الامور طبيعيه بقى يمسح في دموعوع ويتكلم ويبتسم عاين لي وقال والله سبحان الله صدفه صنعت معجزات بالجد ما عارف اصف احساسي كيف ، مها قامت قالت احم احم خلينا نفكر في المهم هسي عاينت ليها بأستغراب تاني رجعت عاينت ل محمد قلتا ليهو بكره حا تسافر قال لي ااي قلت ليهو ما تخاف ولو لسه حاسي نفسك م جاهز للمغامره دي ممكن تلقي السفره؟ قال لي لا انا ما خايف من شيء وحأمشي والبحصل يحصل قلت ليهو ان شاء الله ما بحصل إلا كل خير وما تنسى زي ما قلت ليك حافظ على صلواتك كلهم حتى لو كنت ماشي في الطريق ادرك وقت الصلاه اقيف صلي وتاني واصل ، والاغاني ممنوع شغل قرآن بس ، وكمان في اذكار الشيخ قالهم لي رسلتهم ليك في الواتساب بعدين اقراهم وفي آيات قرانيه تقولهم بعد كل صلاه واثناء ما انت ماشي في الطريق ودقيقه الشيخ قال دايرك ح اتصل ليهو عشان تتكلم معاهو اتصلت عليهو قلت ليك ياعم الشيخ نحن حالياً مع محمد قال لي افتحي الاسبيكر فتحته والشيخ قال ليهو يا ولدي محمد سامعني سلم عليهو وقال ليهو في حاجه مهمه عاوز انبهك عليها انو العمل دا ما عمل وبس دا اصبح زي اللعنه وحا تحاول تتشكل ليك في صور حاجات غريبه وانت سايق في الطريق لكن اوعك يبين في ملامحك الخوف يمكن يظهر ليك حيوان كبير او كلب او قط اسود او مخلوق انت اول مره تشوفو لكن ما تركز معاهو نهائي ما تعاين ليهو مرتين ، ما تخلي نظرك مع نظرو يتلاقوا وإلا بتروح فيها ما تميل عن الطريق مهما حصل حتى لو الكائن الغريب دا وقف قدامك وحسيت نفسك ح تطلع فيهو بالعربيه اطلع فيهو وما تخاف ماهو اصلا وهم عشان يخوفك ويوقفك ، وكمان حاجه مهمه المكان البتشوف فيهو الكائنات الغريبه دي اوعك تقيف فيهو عدي فيهم فايت تمام يا ولدي واهم حاجه لمن تشوفهم تقرأ قران
وجعلنا من بين ايديهم سداً وخلفهم سداً واغشيناهم فهم لا يبصرون وتقرأ الايات الرسلتهم ليك مع البنات
قال ليهو حاضر تسلم ياعم الشيخ ما قصرت ربنا يجزيك كل الخير قال ليهو دا واجبي يا ولدي انتبه على نفسك وفي رعاية الله ، وقفل على كدا انا ق