رواية نبض قلب
الفصل الثاني والثلاثون32
بقلم دانيا
لمن قال لي كدا بقيت اعاين ليهو بزعل قلت ليهو انا م قلت ليك انا م عاوزة اتكلم في الموضوع هسي .
قال لي ليه عشان انتي عاوزة تكملي الجامعه ول عشان م عاوزاني؟ ، قلت ليهو المهم انا م عاوزة اتناقش في الموضوع قال لي يعني اقول ل محمد انسى الموضوع وم تتعبو نفسكم...؟.
بقيت عاين ليهو باستغراب قلت ليهو محمد ؟ محمد علاقتو شنو في الموضوع؟.
قال لي لانو هو العريس المتقدم م انا ، انا اتنازل عن الموضوع وجيت اخطبك ل محمد ، شوفي يا دانيا انتي انا عارفك رافضه ليه لانك عشتي معانا كتير وطول الفتره دي عاداني اخوكي وانا صراحه مبسوط بالحاجه دي وم تفكري انو انا ممكن اعمل فيكي كدا واتزوجك اجباري واكسر خاطر الاخوة الانتي خاتاهو لي .
عشان كدا لمن امي فتحت معاي الموضوع وكلمتني بموضوع محمد قلت ليها انا ومحمد واحد وانا ماعندي مانع يخطبوها ل محمد هي اختي في النهايه.
قلت ليهو شكرا يا اخوي لانك م كسرت خاطر الاخوة البيناتنا ، وبالجد انا مبسوطه شديد للحاجه دي لكن موضوع محمد؟ انتوا دائما ناويين كدا تقررو عني وم تستشيروني قال لي عندك شك في خياراتنا عارفانا بنحبك وكايسين ليكي السمح، اذا محمد م عاجبك هسي بتصل ليهو يرجع م يجي اهم حاجه راحتك مسك تلفونو قلتا ليهو لا انا م قصدي كدا ، بقى يعاين لي دنقرت راسي بخجل ضحك قال لي مستهبله طوالي خت التلفون في اذانو وقال الو وينك انت منتظرنك قال ليهو خلاص وصلت جنب باب الجامعه دقيقه وبكون معاكم وقفل.
قال لي وصل العريس ، انا هنا قلبي بقى يدق بسرعه ومت من الخجل .
محمد جاء وسلم علينا وقعد بقينا نتونس ، حمد قال ل محمد وصل دانيا معاك شرق النيل اهلك بكونوا وصلوا، وانا راجع البيت مها بتكون جات من المدرسه بسوقها وبجي يلا انتبه عليها ، قال ليهو معقول م بتوصى.
طلع مشى بقينا قاعدين برانا ، محمد قال لي اها لحد الان انا م سمعت الموافقه منك ، مت من الخجل وبقيت ساكتة قال لي ورح الجماعه بكونوا وصلوا طلعنا ركبنا العربيه ومشينا في الطريق قال لي اها م قلتي لي قلت ليهو اقول ليك شنو.؟
قال لي انا عشت حياتي كلها في المشاوير بالعربيه من الجنوب للشرق للغرب للشمال م خليت مكان كنت بس محصور اتجاه واحد لمن فترة مرض عمي الله يرحمه ياهو قعدت معاهو متابعات في المستشفيات دي اكتر فتره قعدتها .
ياهو بعد شفتك واتعرف عليكي وعلى اهلك