رواية نبض قلب
الفصل الثالث والثلاثون33
بقلم دانيا
محمد بقى يقول لي بعد اتعرفت عليكي ياداب حسيت بالفرق بين انو الناس عايشه كيف وانا عايش كيف حسيت نفسي ياداب بديت اتعرف على العالم المحيط بي ، انا حبيتك شديد والله يا دانيا ، لكن وقت كنت بتصل ليكي وم بتردي ولا حتى على الرسائل قلت يا محمد البت دي يمكن م بتحبك ويمكن العملتو دا كلو كان بدافع انساني. لمن يوم بالصدفه سمعت خالتك حنان بتتكلم مع امي عرفت انك مخطوبه لود خالتك حسيت بخيبه امل كبيره شديد .
بس يوم وانا قاعد لمن قررت اطلع مشوار تاني ، جاتني مكالمه بعد الظهر بتزكر وكانت من حمد قال لي لو فاضي عاوزك في موضوع قلت ليهو تمام وصف لي المكان وقال لي تعال العصر مشيت ليهو وقعدنا وحكى لي كل شيء وقال لي انا م ح اقيف في طريقك لانو هي معتبراني اخوها المهم قعدنا واتفقنا ودا الحاصل.
انتي رايك شنو؟ موافقه بي انا محمد يوسف دا اكون زوجك على سنة الله ورسوله واكون سندك لباقي عمرك ؟ بقيت ساكته ومدنقره راسي قلت ليهو انا وقت كنت م برد عليك م قصدي اتجاهلك لكن خفت عليك تتعلق بي اكتر واتعلق بيك ونتصدم بالواقع .
قال لي عايني في عيوني لمره واحدة وقوليها قولي انك موافقه عاوز اسمعها منك ، عاينت ليهو وقلت ليهو بخجل وتردد نعم موافقه لاني كمان بحبك ، فجاة وقف العربيه لمن اتخلعت قال لي قوليها تاني قلت ليهو مجنون انت في زول بوقف فجأة كدا وكمان في نص الظلط عاوز تروحنا بقى يضحك قال لي م تخافي عارفو الظلط فاضي بقينا نضحك قلت ليهو بحبك يا مجنون.
وصلنا البيت ولقيناهو مليان ناس سلمنا عليهم ومحمد مشى الصالون للرجال وانا دخلت على الحريم من شافوني بقوا يزغردو ويقولوا مبروك ياعروس ، انا اتفاجأت وبقيت واقفه محلي بقوا يجوا علي ويحضنو فيني ويبوسو وانا مستغربه ، قالوا لي الخطوبه خليناها الشغال قلب عقد وكانو فرحانين شديد خالتي قالت لي تعالي اقعدي يابتي شوفي حتى لو انتي م ح تجي على بيتي عروس لكن انا مبسوطه شديد انا وسلمى واحد وبقت تتكلم لي وهي بتبكي حضنتها ، وبعدين جو البنات ساقوني قالوا نجهز العروس لتلبيس الخواتم.
مها كانت معاهم وباركت لي لكن حسيتها م طبيعيه قلت يمكن ضغط الدراسه وكدا دخلنا كلنا اتجهزنا وكنا مبسوطين مها قلت ليها انتي كويسه قالت لي كويسه لكن مصدعه بس م اكتر انتوا اطلعوا انا برتاح شويه وبجيكم قلت ليها تمام قلت لأختي جيبي ليها مسكن