رواية نبض قلب
الفصل الرابع عشر14
بقلم دانيا
قال لي انا م بقدر لو عرفت اني ساعدتكم ح تأذيني شديد ويمكن تكسر رقبتي وبعدين انا م بقدر اقيف في وشها لاني بستمد القوه منها ، قلت ليهو طيب الحل شنو نحن في المصيبه دي بسببك وانت لازم تلقى لينا حل سريع ، قاطع كلامي وقال لي الحل في كتاب الله انتوا بتقدروا تحلوها ، انتوا والشيخ شيخ الرقيه الشرعيه لازم تتحركوا نحو الجبل بأسرع وقت واي زول يشيل معاهو مصحف ، لكن اهم حاجه لمن توصلوا هناك م لازم يحسوا انكم جايين قاصدنهم هم وانكم عاوزين تطلعوا محمد من عندهم وقبل تشوفوا محمد وتلموا فيهو م تعملوا اي حركه لانو يمكن يروح فيها لو عملتوا حركه غلط ، يلا لحد هنا انا تاني م بقدر اساعدكم وامشوا الوقت م لصالحكم لو المسى هم وصلوا ل محمد ح يكون قدامكم تلاته يوم بس ياانقزنوا ياراح فيها وقفل مني على كدا.
انا هنا حيل زاتو م فضل فيني بقيت ابكي البنات من شافوني قاموا من محلهم جوني يسألوا فيني دانيا مالك الحاصل شنو بتتكلمي مع منو وبتبكي مالك ؟ خليتهم وجريت ري المجنونه على الظلط اقرب عربيه قلتا ليهو سريع عليك الله وصلني صالحه واتصلت لخالتي قلت ليها تعالي بيت الشيخ يعفوب سريع ياخالتي قالت مالك يابتي في شنو قلتا ليها هناك بشرح ليكي يلا مافي وقت قالت لي تمام وقفلت على كدا ، وصلت لقيت الشيخ قاعد سلمتا عليهو وحكيت ليهو بالحاصل قال لي كويس ماتخافوا انا وخالتي قال لينا بتفدروا تمشوا ول البحصل شنو ، عاينت ل خالتي وقلت ليها ولدك حمد ، قالت لي ماتخافي انا ح اتكلم معاهو قلت ليها تمام.
طلعنا من عند الشيخ قال لينا خلاص انا بجهز وانتوا امشوا اجهزوا واتصلوا لي قلنا ليهو تمام ورجعنا البيت لقينا ماهي جات من المدرسه قعدتا معاها وخالتي اتصلت لولدها حمد قالت ليهو وين انت قال ليها قريب جاي على البيت قالت ليهو م تتاخر عاوزاك في موضوع قال ليها تمام ، خمسه دقايق وجاء داخل قال ليها في شنو ياامي عافيه قالت ليهو تعال اقعد قعد وحكت ليهو كل شيء من البدايه ، طوالي عصب وبقى يجوط قال ليها بتدخلوا في مشاكل م ليكم فيها دخل وناس م ببقوا ليكم والود دا حتى لو في خطر كلموا اهلو وهم يتصرفوا وانتوا اطلعوا من الموضوع دا اخير ليكم ، قالت ليهو يا ولدي دا عمل انساني وانقاذ حياه زول المهم اتكلمت معاهو كتير وقالت ليهو اصلا انا م بقدر امش لكن ، طوالي قاطع كلامها وقال ليها لكن شنو داير منو يمش