رواية نبض قلب
الفصل الخامس عشر15
بقلم دانيا
قال ليها انتي عاوزه يمشي منو دانيا ومها براهم يعني ما نحن عارفنو عصبي ، قالت ليهو لا انت كمان ، قام عاين ليها بأستغراب وقال ليها انا؟ انا مالي ومالوا لو علي انا ما بتفرق معاي ان شاء الله ما يرجع، كلنا اتصدمنا عارفنوا عصبي بس م كنا متوقعنوا بلا رحمه كمان ، انا طوالي قاطعت كلاموا وقلت ليهو لو براي بمش ، عاين لي وعيونو مليانه غضب قال لي قلتي شنو ؟ طوالي خالتي قالت ليهو م معانا وقت لو م عاوز تمش انا بمشي معاهم ، طوالي قال ليها مافي واحده بتطلع برا البيت دا انتي ياامي انا م بقدر امشي كلمتي عليكي لكن بتصل لأبوي في السعوديه وبوريهو بحركاتكم دي ومها دي بكسر ليها رجلينها واتلفت علي قال ليها وكمان بتصل لناس خالتي يجوا يشوفو بتهم المرسلنها لينا عشان تقرا، بقت تحنس فيهو واتكلمت معاهو كتير قالت ليهو لو دايرني ارضى عليك ياولدي وافق وكلام كتير ، عاين لي فجأه وقال لينا طالما مصرين نمش لكن بشرط كلنا عاين ليهو وبصوت واحد موافقين قال لينا م تستعجلوا قال لي دانيا تعالي عندي معاكي موضوع مشى الصالون طوالي ، قلتا لخالتي ولدك النفسيات دا مالو هسي طوالي قام قال لي منتظرك ، قمتا مشيت قال لي اقفلي الباب خفتا قلتا دا مالو قفلتا الباب ، قال لي امي عرفناها ام وحنينه وم بترضى لزول الاذى ومها دي اصلا ما بتقدر تفكر في حاجه لو فكرت بكسر ليها راسها
اها انتي مالك قاتله نفسك عشان تنقذي الود دا
لو في حاجه في راسك احب اطمنك م ح تبقى لانو في حاجه انتي م عارفاها لسه والحاجه دي الناس كلهم عارفنها الا انتي عاينت ليهو بأستغراب قلت ليهو في شنو يا حمد احكي سريع عشان انت عارف مافي وقت.
عاين لي مسافه وقال لي انتي خاطبنك لي من عمرك خمسه سنه وانا عمري سبعه سنه زمان اتفقوا خالتي وامي وابوكي المرحوم وابوي كمان على الموضوع دا انتي م ملاحظه امي ومها بحبوكي شديد انتي اكتر من باقي اخواتك؟ ، انتي قايله الحاجه دي ساي ، انا اتصدمت لمن بقيت بشوف طشاش قلتا ليهو كيف يعني يقررو مصير زول من صغير وانت ليه م اعترضت من عندك راي انت كيف يعني يقرروا عننا بقى يضحك قال لي اعترض على شنو ؟ انا من عرفنا الموضوع دا وانا طاير من الفرح ومستني متين تخلصي الجامعه ، قاطعت كلامو قلت ليهو انت جنيت انت متخيل اني ح اوافق بالكلام دا مستحيل طبعا دي حياتي انا م بسمح ليكم تقررو على كيفكم، قاطع كلامي و