رواية نبض قلب
الفصل الثامن عشر18
بقلم دانيا
عاين لعمو الشيخ قلنا ليهو طقوس الجن؟ ، قال لينا ااي في الليله دي بتجي ملكتهم وبقدمو ليها دم بشري بتعمل بيهو الطقوس عشان تزداد قوه ، قاطع كلامو حمد وقال ليهو يعني نحن لو م طلعنا من هنا ح نصبح قلنا قرابين ح يقدمونا قربان للملكه عشان تصفي دمنا ، مها اتخلعت بقت تبكي قالت انا م عاوزة اموت هسي ورحكم نطلع، عمو الشيخ قال لينا اسمعوني اول شيء نصحي محمد دا عشان نقدر نطلع ، قال لي هاكي دي مويه مرقيه طلع لي كريستاله فيها مويه قال لي رشيها عليهو عشان يصحى.
شلتها ومشيت عليهو رشيتو بيها بدا يتحرك وشويه شويه بدا يفتح عيونو لمن فتح شافني واقفه فوق ليهو لمن اتخلع قام قعد قال لي انتي كيف جيتي هنا وانا وين اصلاً ، انتي لحقتيني ، مها قالت ليهو ونحن كمان اتلفت لقاهم قاعدين بقى مخلوع ومصدوم قال ليها انتي مها وعاين ل عمو الشيخ قال ليهو م تخاف انا الشيخ كان اتكلمت معاك قال ليهو اتزكرتك وعاين ل حمد قال ليهو وانت....مها طوالي قالت ليهو دا اخوي ، حمد قال ليهو م سألتنا جايين لشنو ، قال ليهو صاح وانا وين اصلا عم الشيخ قال ليهو بتتزكر شنو انت قال ليهو بعد وصلت جنب منطقة الجبال كانت الدنيا ليل انا كنت ماشي براي خليت باقي العربات ورا قالوا دايرين يبيتو وانا قلت ليهم م عاوز ابيت طالع طوالي وصلتا منطقه الجبال كانت الساعه عشره والدنيا ليل شفت لي مرا ومعاها اطفال اتنين واقفين وبأشرو لي قلت هسي ديل كيف مقطوعين في المنطقه الخلا دي وقفت ليهم ركبو قالو لي نحن ساكنين في حله ورا الجبل نزلت من الشارع الرئيسي عشان اوصلهم وتاني م عارف الحاصل شنو وكيف نمتا وصحيت لقيتكم قدامي.
المهم عمو الشيخ حكى ليهو كل شيء حصل قام قال ليهو طيب انتوا بعد عرفتو دا كلو معقوله تخاطرو بحياتكم وتجوا عشان زول واحد والله م عارف اقول ليكم شنو شكرا ليكم
حمد قال ليهو اشكرنا وقت نطلع عايشين قلت ليهو انت م بتعرف تتفائل خير ابداً قال لي انتي اسكتي اصلا كلو منك عمو الشيخ قال لينا اهدو قال ل محمد المصحف معاك ، قال ليهو ااا انا قلتا ليكم والله م واعي على اي حاجه الا لقيت نفسي معاكم هسي ، قال ليهو م مشكله اداهو مصحف صغير كدا سمعنا اصوات جايه من برا قال ليهو خلاص نوم زي ما كنت نايم عشان م يشكو فينا نام ختا المصحف في جيبو ، جاء الزول القبيل داك جاب لينا اكل قال لينا اكلوا وطلع فات ، الاكل لحمه شكل