رواية نبض قلب
الفصل التاسع عشر19
بقلم دانيا
جاب لينا اكل قال لينا اتفضلوا اتعشوا بقينا نعاين في الاكل وطلع فات ، الاكل عباره عن لحمه مكومه في طبق كبير وم مقطعه الله اعلم دي لحمة شنو يمكن ضابحين اي واحد من كائناتهم الغريبه دي قلنا م ح ناكل عمو الشيخ قام رفع الفرش القاعدين فيهو دا العامل زي الجلد دا وكبى الاكل تحت وطلع العظام ختاهم في الطبق عشان يقولو اكلنا قلتا ل عمو الشيخ المكان دا معقول الفيهو ديل م انس كلهم جن ومتشكلين بشكل انس وحيوانات وكائنات غريبه كدا قال لي لو عاوزة تعرفيهم لاحظي لرجلينهم .
قال لينا بعدا لازم نحاول نطلع قلت ليهم طالعه اتفقد المكان لو في طريق نطلع بيهو من هنا قالوا لي متأكده م بتخافي قلت ليهم لا طلعت المكان هادي هدوء غريب جيت ماشه بجنب مكان زي الكوخ القى ليك مجتمعين اشكال بتخوف شيء الوش وش زول والرجلين رجلين حمار والاسنان عاملات زي المخالب اتهجمت جسمي كلو برد قربت اقع ورجعت لورا في حاجه كركبت وراي سمعو صوت الحركه جوا عاوزين يطلعوا يشوفو في شنو الصوت دا جاي من وين فجأة حسيت بيد جرتني طلع واحد منهم م لقى اي شيء تاني رجع. عاينت اشوف الماسكني دا منو لقيتها دي عجوز كدا قالت لي جابك هنا شنو انتي ، عاينت ليها شكلها كان كأنو ليها فتره عايشه هنا قلت ليها انتي منو قالت لي ام الملكه لمن اتهجمت زحيت منها براحه قلت ليها اها قبل اتم كلامي قاطعتني قالت لي انا م زيهم م تخافي قلت ليها كيف يعني قالت لي انا انسيه قلت ليها طيب ليه م قتلوكي ؟ قالت لي لاني ام الملكه استغربت قلت ليها يعني الملكه انسيه ؟ قالت لي ااي لكن زي ما بقولو من عاشر قوم اربعين يوم صار منهم قلت ليها كيف؟ قالت لي هي كانت زي وزيك لكن كان عندها جماعه وبدت تتعلم اشياء كتير عن الجن والاعمال حقت الشيوخ دي والخدام وكلام كتير واخر شيء وهبت نفسها للجن وعشان كدا امروها تعيش فوق الجبال مقابل القوه ومن صمن اعمالهم الشيطانيه تقديم افراد من الانس كقربان للجن في ليله طقوس الجن وهي فعلا عملت كدا لكن انا جيت معاها هنا رقم اني م راضيه بالكلام دا كله لكن هي بتي الوحيده ولو جبرتها تتراجع عن الطريق دا الجن ح يقتلوها لكن انا م ح اخليكم تبقوا قربان للجن ح اساعدكم عشان تطلعوا من هنا مشت معاي لباقي الجماعه قالت لينا في طريق واحد بطلعكم برا يلا استعجلو مافي وقت الفجر قرب يطلع قمنا ماشين كلنا الخمسه وهي كانت متقدمه لينا قربنا نطلع من