رواية نبض قلب
الفصل الثاني والعشرون22
بقلم دانيا
عملنا حلقه دائريه وقعدنا نقرا في مصاحفنا في بقت تقول اسكتوا قالت ليهم وقفوهم سريع ونحن لسه قاعدين نقرا باعلى صوت هم بقوا يكوركوا شديد والجبل بقى يهتز من صراخهم وهي قافله اذنينها بأيديها وقاعده تكورك وتعيط وكل الشواطين المعاها بدوا يدخنوا ويكوكوا بصوت عالي والصخور بدت تقع علينا من اعلى الجبل لكن نحن لسه مكملين والمصابيح المولعه نار بدت تهتز وجتي واقعه الارض الملكه عيونها بقو حمر شديد لمن بدو ينزفو اما الكائنات الغريبه ديك كلها بدت تحترق وتتلاشى لكن اكتر شيء اذانا الصخور القاعده تقع علينا واصواتهم العاليه وجعت لينا روسينا وبقينا نشوف طشاش طشاش لكن برضو م وقفنا تلاوه القران ، اخر شيء تعبنا شديد من الحجار البتوقع علينا لمن انصبنا الجاهو حجر في راسو والجاهو حجر في يدو والجاهو حجر في رجلو ولسه الملكه وخدامها بصرخوا الملكه دي اتحطمت بقت من محلها م قادره تتحرك اقلبيتهم حرقوا واتبخرو بقوا عباره عن دخان طاير بعد شويه جات عاصفه قويه شديد كلهم اتبخروا واختفوا والملكه اغمى عليها المكان بقى م فيهو غير صوت الهواء واصواتنا نحن التعبانه قريبه للهمس
مع العاصفه دي م بعرف الحصل شنو بس اسمع ليك صوت عمو الشيخ بقول اصحوا يا جماعه فتحت عيوني لقيت الدنيا صانه مافي اي حركه لا اي اصوات والدنيا صباح والجماعه كلهم صحصحوا قلنا لعمو الشيخ الحاصل شنو مش كنا قاعدين نقرا ؟ ووين والمخلوقات الغريبه ديك والملكه عاين ليها لقيناها نايمه مغمى عليها لسه قال لينا بعد العاصفه ديك كلهم حرقوا وبقوا رماد شالوا الهواء وبالنسبه للملكه ح تصحى لكن بعد تخضع لعلاج لانها خسرت طاقه كبيره وكانو متملكنها الجن ومسيطرين عليها لازم تخضع لجلسات علاج رقيه شرعيه قلنا ليهو وامها وين قالت لينا انا هنا اتلفتنا لقيناها جايه من برا قالت لينا انا م اتحملت اشوف بتي بتتعذب عشان كدا طلعت برا مشيت محل العربيه قالت لعمو شيخ بتي ح تشفى قال ليها باذن الله.
قال لينا شوفوا المكان دا امبارح كان كيف واليوم كيف سبحان الله فعلا الحل في كتاب الله ، يلا بعدا خلينا نطلع وحمد الله الف على السلامه ، فرحنا شديد وقمنا سلمنا على بعض وعاينا للمكان نظره اخيره وطلعنا برا الماشي بعرج والماسك يدو مجروحه والعندو جرح في راسو لكن الحمد لله وبفضله نجونا يلا بالنسبه للملكه ملزمنها محمد و