رواية نبض قلب
الفصل الثالث والعشرون23
بقلم دانيا
طلعنا برا محل العربيه والملكه لسه مغمى عليها ملزمنها محمد وحمد وقفنا جنب عربية محمد قعدو الملكه في صخره كدا وامها قعدت جنبها وماسكاها وخاته راسها على كتفها عشان م تقع ، مها قالت والله تعبنا شديد انا عندي جرح في رجلي وجسمي كلو مكسر حاساهو احسن الملكه نايمه وم حاسه على شيء ام الملكه قامت قال لينا يا جماعه م تقولوا الملكه بنتي دي عندها اسم وخلاص بقت بت عاديه اصلاً لغب الملكه دا كان زي اللعنه عليها قاطع كلامها حمد قال ليها طيب اذا م الملكه ننادوها بشنو ، قالت ليهو اسمها زواجر بقى يضحك قال ليها دا اسم اول مره نسمع بيهو والله قلنا ليها اسم حلو ، انا قلت ليها وانتي يا خالتي اسمك منو قالت لي اسمي فاطمه قلت ليها عاشت الاسامي.
عمو الشيخ قال لينا اها بعدا خلونا نمشوا عشان نكسبوا الزمن وهناك ناسنا بكون قلقانين علينا ، قاطعت كلامو مها قالت ليهو امي بتكون قلقانه علينا شديد والله لازم نصلوا لمحل الشبكه عشان نطمنها ، انا قلت ليهم يالله قالوا لي مالك قلت ل محمد انا قلت لخالتي لو يومين م ظهرنا عليكي امشي كلمي خالتو سلمى ان شاء الله م تكون مشت بيتكم وحكت لناس بيتكم ، قال لي ان شاء الله م تكون حكت عمو الشيخ قال ليهو عربيتك شاحنه بضاعه اها ح ترجع بيها؟ قال ليهو لالا م ح ارجع انا قربتا من هنا مسافه اربعه ساعات، خالتو فاطمه ام الملكه قالت ليهو واصل وين انت قال ليها الجنينه، قالت ليهو وصلنا معاك نحن زاتنا عندنا اهلنا هناك ح نمشي ليهم قال ليها تمام ، قال لينا ياجماعه طريق الرجعه طويل ونحن كلنا تعبانين وجسمنا مجرح بسبب الصخور الوقعت علينا وكمان لينا يومين من دون اكل عشان كدا انا عندي ليكم فكره خلينا كلنا نمشي قدام كلها اربعه ساعات وبنوصل عندي صاحبي هناك بيتوا عندو وارتاحوا وانا بفضى العربيه والصباح نرجع كلنا ومنها بتلقوا شبكه عشان تطمنوا اهلكم .
سكتنا مسافه بقينا نفكر عمو الشيخ قال لينا محمد معاهو حق دي فكره كويسه رايكم شنو انا ومها بقينا نعاين ل حمد عاين لينا وقال خلاص تمام مافي مشلكه .
يلا جينا لمسأله الركوب منو يمشي مع منو محمد قال ل حمد ح نخت الملكه معاك في العربيه في المقعد الوراء مع امها وعمو الشيخ يركب معاك قدام لانو العربيه دي مسافتها عاليه شويه م ح نقدر نركب الملكه دي فوق لانها م صاحيه وامها م بتقدر تطلع ولاا