رواية نبض قلب
الفصل السابع عشر17
بقلم دانيا
وقفنا لمن شفنا عربية محمد بقينا نفكر وين بكون ودوهو وعملو فيهو شنو؟ ، الزول وقف واتلفت لينا طوالي مشينا عليهو ، عم الشيخ قال لي يابتي اسمعيني بصوت منخفض ، قلت ليهو اها قال لي محمد دا بكون داسنو جوا اعملوا حزركم م معرف نلقوهو في ياتو حال جوا واهم حاجه م تبينوا انكم بتعرفوهو خالص لو لاحظه ليكم انكم بتعرفو ح يشكو في الموضوع ويمكن يأزوكم قلت ليهو حاضر.
الزول دا ودانا لمكان مبالغه زي الخيال الجبل البتشاف صلب من برا دا هم من جوا عاملنوا بيوت عديل زي الكهوف وعايشين فيهو ، المنطقه دي قالوا اسمها مملكة الجن ، المهم لمن وصلنا جوا الجبل بدت لينا مناظر غريبه زي لبه معلقه في الجو براها ما مستنده على اي شيء مضويه زي المصباح وشيء كائنات عريبه زي القطط وزي الكلاب لكن في اختلاف شويه وكمان في جدار الكهف حقهم دا في عظام معلقه وفي جماجم المنظر غريب شديد.
بقينا منططين عيونا وخايفين لكن عم الشيخ شغال يأشر لينا انو ما نبين الخوف دخلنا في مكان اظلم شديد ما شايفين شيء بعد شويه جات لمبه براها طايره بتشبه الفانوس نورت المكان شفنا محمد لمن اتخلعنا بس عملنا نفسنا م بنعرفو ، الزول بقى يعاين لينا قال لينا اتفضلوا كل واحد بقى يعاين للتاني قعدنا في حاجات كدا فارشنها في الارض زي السجادة لكن دي جلود ما بعرف جلود شنو كانت كبير شديد مغطيه كل الارض، الزول قال لينا برجع هسي وطلع.
عاينت لعمو الشيخ قلتا ليهو كيف جابو محمد هنا وهو ليه نايم الحاصل عليهو شنو ، طوالي حمد قاطع حديثي قال لينا المكان دا زي الجزاره دا شنو دا نحن الجابرنا على المشوار دا شنو م عارف انا متأكد دي نهايتنا م ح نقدر نطلع منها ، عمو الشيخ قال ليهو يا ولد م تقول كدا دي كلها امور جنون واسخار والعياذة بالله معقول انت شايف انو الدجل دا اقوى من كتاب الله البين ايديك ، قلت ليهو ياعم م جاوبتني محمد مالو ، طوالي حمد عصب واتلفت علي قال لي الورطه دي بقينا فيها كلنا وانتي همك كلو محمد ، قلت ليهو انت اسكت ، قال لي يابتي محمد بكون منومنو قاصدين عشان لسه الوقت الهم محتاجنو فيهو م جاء نحن لازم نصحيهو ونحاول نطلع من هنا في الليل دا ولو م قدرنا نطلع تاني الا الليله الجايه وانتوا عارفين هم قالو تلاته يوم ونحن كدا اخذنا يومين فضل يوم واحد بس لحد بكره المساء قبل الساعه 12 لو م طلعنا من هنا بتبدا ليله طقوس الجن ، قلنا ليهو طقوس