رواية نبض قلب
الفصل الثالث عشر13
بقلم دانيا
قال لي انا بعدا قربتا لحتة م فيها شبكه ، يمكن الشبكه تطش في اي لحظه كان اتصلتوا ولقيتوا التلفون قافل معناها شبكه ، المهم مشيت الجامعه وحضرت محاضرتين وطلعت قاعده في كافتريا الجامعه مع نهله وساره صحباتي ، فاتحه الشبكه وبتونس معاهم لاحظت انو محمد من الصباح تاني م نشط اخر ظهور الساعه سبعه الصباح ، قاعده اتونس مع البنات بعد شويه كدا جاتني مكالمه في الواتساب لاحظت انو الرقم سعودي ركزت فيهو لقيتو دا نفس الرقم الادتنا ليهو صاحبة مها رقم الشيخ العمل المصيبه دي كلها ، قمتا مشيت بعيد من البنات ورديت قال لي منو معاي لقيت مكالمات كتيره من الرقم دا ، قلت ليهو انا دانيا وحكيت ليهو القصه كلها وقلت ليهو دامك اتصلت لي يلا ابطل العمل العملتو دا فوراً قبل الود دا يتأذى وما تنسى دي وصية المرحوم ، قال لي انا م عملت عمل اصلاً قلت ليهو كيف يعني طيب البحصل دا شنو اتخلعت من كلامو ، قال لي صراحه عندنا جماعه من الجن في اعلى الجبال والجبال دي في نفس الطريق الماشي فيهو الود دا والجنون دي معاهم الملكه الام دي اقوى واحده فيهم والملكه دي عشان قوتها تزيد وتبقى مسيطره دائماً بتحتاج ل دم بشري كل فتره معينه عشان كدا قلت بدال ما اعمل ليهو العمل ويموت في الشارع ساي احسن اديهو ليها كدا منها هي بتزيد قوتها ومنها انا ح اتقوى اكتر وابقى عندي خدام اكتر واقوى ، انا هنا خلاص انهرتا وم فضل فيني حيل بعد الكلام السمعتو دا قلت ليهو خاف الله هم عرفناهم جنون وشياطين ما اسفن عليهم لكن انت شنو حرام عليك بعد تحنيس وتعب حتى رضى يساعدني
قلت ليهو نحن اصلا اخذنا احتياطاتنا وقلنا ل محمد اي حاجه او كائن غريب لقيتو في الشارع م تشتغل بيهو واهم حاجه القران هو البحفظك وبساعدك تتخلص من المصيبه دي ، قاطع كلامي وقال لي في موضوع القران دا انتوا صدقتوا القران بساعدو لانو هم بخافو من القران وبحرقهم ، في حاجه عاوز اقولها ليكي هم ما بتشكلوا على هيئة كائنات غريبه زي ما قلتوا ل محمد لالا هم ح يتشكلوا ليهو في هيئة بشر عاديين عشان يقدروا يجرو معاهم لأعلى الجبل ، قال لي محمد سافر متين قلت ليهو امس قال لي انتوا بعدا م عندكم وقت كتير وم ح تقدروا تعملوا شيء اكيد بكون قرب لمحلهم ومن هنا للعشاء بكونوا استلموهو ، انا هبطت عديل قلتا ليهو والحل شنو بعدا وقفهم انت مش انت عندك خدام منهم اكيد بتقدر تتصرف قال لي لا انا