رواية نبض قلب
الفصل السادس والعشرون26
بقلم دانيا
عاينت ليها بأستغراب قلتا ليهو هسي الجو دا بارد لمن تتغطي بالبطانيه يابت ، قالت لي انتي مالك بعد ما استحميت حسيت بالبرد طوالي اديتها ليها اتغطت بجزء وكرسفت الباقي عليها انا بس بقيت مخلوعه وبعاين ليها قلت مش على اساس نتغطى بيها الاتنين لكن م مشكله اصلا انا م بردانه نمتا نص الليل بقت تظهر لي كوابيس قمتا مخلوعه لقيت الناس كلهم نايمين وعمو الشيخ كان قاعد يصلي عاينت للتلفون لقيت الساعه 2:30 ، جريت طرف البطانيه من مها واتغطيت ونمتا شويه والصباح اصبح قمنا صلينا الصبح واتجهزنا وشربنا الشاي محمد اتصل قال لينا اطلعوا بعدا طلعنا برا لقينا محمد شحن العربيه وجاء سلم علينا وواقفين حمد قال ليهو نمشي بعدا قال لينا امشوا اركبوا في المقد الورا مشينا ركبنا محمد قال ل حمد عمو الشيخ وينو قال ليهو كدي ح امشي اشوفو جوا حمد فات شفوا محمد جاء علينا مها نزلت القزاز بقى يتكلم معانا اها نمتو مرتاحين قلتا ليهو هيي نسينا البطانيه م اديناك ليها بقينا نضحك قال لينا خلوها معاكم طريق الرجعه طويل تاني ح نبيت في الشارع واقف بتكلم معانا كدا حمد وعمو الشيخ جوا ركبوا وقال ليهم الشباب الكانوا بشحنوا معاي في عرباتهم حارثننا قدام يلا نتحرك ركب عربيته واتحركنا .
لاقيناهم قدام وبقت العربات كلها ماشيه ورا بعض ماشين في الطريق من الساعه سته الصباح مرا نلقى شبكه ومرا تطش لحد ما الساعه جات وحده بعد الظهر العربات القدامنا حقت اصحاب محمد بدت تنزل من الشارع الرئيسي محمد اشر لينا انو ح نقيف هنا طلعنا من الشارع الرئيسي ووقفنا .
نزل وجاء علينا قال لينا ح نقعد تحت الشجر دا شويه نفطر ونصلي الظهر وبعدين نتحرك قلنا ليهو تمام ، قال لينا امشوا اقعدو تحت الشجره ديك وقال ل حمد تعال معاي هم مشو على عربية محمد ونحن مشينا ظل الشجره شويه كدا جوا ورانا شايلين سجاده وحفاظه مويه وكياس ، مها عاينت لي قالت لي صحي والله حق ليهم اصحابو يقولو ماشين بقاله محمد وبقينا نضحك قالت لي محظوظ البحظى بالسفر معاهو قلت ليها شنوو؟ هم طوالي جوا قالوا لينا هاكم اقعدوا في السجاده دي ودي حافظة المويه ودا فطوركم انتوا ونحن وعمو الشيخ ح نمشوا نفطرو مع الشباب في ظل الشجره التانيه ولو احتجتوا حاجه نادوا لينا وقاموا فاتو مننا .
فضلنا انا وهي قلت ليها ورح نصلي الظهر بالاول وبعدين ناكل