رواية نبض قلب
الفصل السابع والعشرون27
بقلم دانيا
فضلنا انا ومها قاعدين في السجاده تحت ظل الشجره قلت ليها ورح نصلي الظهر وبعدين نفطر قالت لي تمام اتوضينا وصلينا وبعدين قعدنا نفطر ، مها قالت لي صاح البدايه كانت مخيفه وكلها مخاطر بس النهايه ممتعه بقت لينا زي الرحله .
قالت لي اها بعد نرجع ح يحصل شنو قلت ليها بالنسبه لشنو ح نرجع لحياتنا الطبيعيه زي ما كنا ، قالت لي ومحمد قلت ليها باستغراب شديد محمد؟ ليه مالو محمد طوالي حمد جاء علينا قامت سكتت،قال لينا جبت ليكم شاي الاتنين بقينا نعاين ليهو وبصوت واحد شاااي؟
قال لينا ااي الشباب عملوا شاي وقلنا نجيب ليكم ، قلت ليهو والله عاد ماشاء الله م قصرو ، قال لينا اشربو سريع طالعين بعدا قلنا ليهو كويس قال لينا محمد جاب باقات مويه معاهو كان مدخلهم جوا الحفاظه دي عشان م يسخنو الحفاظه فيها تلج ح اطلعهم ليكم شيلوهم معاكم وانا ح اشيل الحفاظه دي اوديها عربية محمد .
مها قامت قالت ليهو والله محمد دا ود ناي ماشاء الله عليهو م هين .
عاين ليها معاينه حقاره كأنها نهرة ، انا قمت قلت ليهو ح تشيل الحاجات دي كلها براك داير مساعده؟ ، عاين لي قال لي لا انتوا امشوا هداك محمد جاء ، قمنا مشينا.
ركبنا واتحركنا طول الطريق بنتونس وبنحكي عن المغامره وكل واحد كان بقول احساسه ساعة الجنون بدوا يصرخوا ويحترقوا مع الونسه م حسينا بالطريق لمن المغرب جاء والطريق خلاص بدا يعتم.
وقفنا بعد الساعه تسعه في استراحه كدا محمد جاء علينا قال لي عمو الشيخ معليش م قدرنا نقيف لصلاة العصر والمغرب لانو الزمن كان ضيق وجازفنا عشان نصل للاستراحه دي بدري لانو دي اقرب واحده ، قال ليهو م مشكله نصلي صلاه السفر.
نزلنا مشينا الحمامات وجينا اتعشينا وصلينا وحجزنا السرير عاوزين ننوم كدا جاء محمد شايل بطانيه قال لينا البطانيه دي ل حمد وعمو الشيخ قربوا السراير واتقطوا بيها .
عمو الشيخ قال ل حمد شيلها انت انا اصلا م بنوم كتير بنوم حبه وبقوم اصلي، محمد قال لينا محتاجين حاجه تاني حمد قال ليهو لا تسلم ، قال لينا تصبحوا على خير ومشى مننا.
مها قالت لي ذوق مبالغه لكن قلتا ليها شنو ؟ قالت لي تصبحي على خير واتغطت ونامت .
قلت ليها وانتي من اهلو ورقدت نمتا .
صحينا الصباح اذان الصبح شربنا الشاي وطلعنا طوالي .
طول الطريق كل واحد فينا شارد في افكارو وعمو الشيخ المسكين نام لانو طول