رواية نبض قلب
الفصل السادس عشر16
بقلم دانيا
قلت ليهو دي حياتي م بسمح ليكم تقرروا فيها على كيفكم وانا م ح ارضى بيك ابداً ، قاطع كلامي وقال لي كنت متأكد من ردة فعلك خاصيه بعد اتعرفتي على الود دا ، لكن ما دام كدا مافي مشيه خلوا يموت كلامو وجعني شديد وكأنو قال لي مات قلت ليهو حرام عليك دا عمل انساني يا عديم الرحمه ليه بتدخل ود الناس دا في مواضيعنا هسي قال لي من الاخر اذا م وافقتي مافي طلعه ودا الانا كنت خايف منو رايك لمن تسمعي بالموضوع دا طبعاً خالتي م ح تقدر تجبرك على حاجه عشان كدا دي فرصه لي يلا وافقي وبعدين انا عيبي شنو يابت خالتي صاح انا صعب شويه بس كمان انتي بتأثري فيني وانا لو م بحبك م بعمل كدا وانا ح اخليكي مبسوطه تاني داير شنو وامي بتحبك زي ما انتي شايفه واختي مها صاحبتك شديد تاني دايره شنو؟ اسمعيني فكر في القرار وانا طالع لو قررتي اتصلي لي وكمان م تنسي انو م معاكي وقت كتير. وطلع مشى جاتني مها قالت لي اها مالوا قال ليكي شنو عاينت ليها واتزكرت كلامو وقت قال لي الكل عارف عشان كدا امي ومها بحبوكي اكتر من اخواتك قمت طلعتا منها برا لقيت خالتي بتتكلم بالتلفون قالت لي تعالي دا عم الشيخ بسأل اها بقينا على شنو عشان الوقت لانو حاليا دا العصر اذن قلتا ليها قولي ليهو نتلاقى في السوق مسافة الطريق بس ومشيت طوالي الغرفه قلتا هسي اهم حاجه حياة الود محمد الباقي كلو هين اتصلت ل حمد وقلت ليهو انا موافقه اها انت وين عشان نمش مافي وقت قال لي واخيراً الحمد لله وافقتي قلتا ليهو لو ما مسكتني من يدي البتوجعني عمري ما برضى بيك لكن الله غالب قال لي خلاص الخطوبه بعد تخلصي تاتيه دي عصبتا وقلت ليهو صاح انا وافقت لكن م على كيفك انت تحدد المواعيد ودا م وقت النقاش يلا قال لي ادي التلفون لامي طلعت اديتو ليها قال ليها خلي ماهي معاكي ودانيا تطلع تجيني في السوق قالت ليهو يعني تمشوا انت ودانيا براكم انا طوالي قلتا ليها افتحي الاسبيكر قلت ليهو لالا والله انا براي م بقدر امشي معاك ما بقدر اتحمل عصبيتك دي طول الطريق عليك الله خلي مها تمشي وبعدين اخوك مدثر ما قاعد هو بقعد مع خالتي لمن نجي قال لي كويس ووصى خالتي تنتبه على نفسها وقال لينا راجيكم في السوق وطلع ودعنا خالتي وبقت تبكي وقالت لينا خلو بالكم على نفسكم قلنا ليها م تخافي وادعي لينا بس ، ومشينا اتزكرت موضوع مهم تاني اتصلت لخالتي قلت ليها نحن طول#يتبع...البارت16
اتزكرت حاجه مهمه واتصلت لخالتي قلت ليها اسمعيني يا خالتي نحن طول الطريق ح نتواصل معاكي لكن احياناً م بكون في شبكه وخاصه لمن نصل هناك م اظن في شبكه عشان كدا لو اتأخرنا عليكي يومين م ظهرنا امشي لخالتو سلمى ام محمد وكلميهم بالحقيقه كلها قالت لي تمام المهم وصلنا السوق لقينا عمو الشيخ قاعد حارسنا اتصلت ل حمد جانا بالعربيه وطلعنا مشينا طول الطريق زول بتكلم مع زول مافي مشغلين قران بس الدنيا خلاص ضلت والشمس غابت والمغرب جاء نزلنا في استراحه صلينا المغرب واتعشينا وبعدين تاني طلعنا الليل كلو ماشين للساعه عشره قالوا لينا قدام الطريق خطر بيتوا في اقرب استراحه والصباح اتحركوا بعد نص ساعه كدا وصلنا استراحه نمنا فيها والصباح بدري صلينا الصبح وطوالي اتحركنا ، النهار كلو ماشين مره نلقى شبكه ومره الشبكه تطش مننا وكل ما يدركنا زمن الصلاه بننزل نصلي وتاني نواصل ، وعموا الشيخ بدا يتكلم معانا وينصحنا نعملوا شنو وندعي بشنو ونقرا ياتو صور وكدا لمن خلاص المغرب قرب ونحن زاتنا خلاص قربنا الجبال بقينا شايفنها بعيونا ، يلا اتزكرت كلام الشيخ داك قال لي بالنهار الجبال دي بتتشاف ليكم عاديه لكن بالليل بظهر ليكم فيها غرائب وبتشوفوا انوار عديل في راس الجبال ، المغرب جاء نزلنا صلينا في الخلا داك قريب من الجبال وبعدين اتحركنا تاني ونزلنا بالعربيه من الشارع الرئيسي على اتجاه الجبال مشينا قربنا على الجبال ظهرو لينا ناس بمصابيحهم اتزكرت كلام الشيخ وقت قال لي مافي بشر بالليل بمشي اتجاه الجبال ديك لكن هم بتنكرو بهيئه بشر عشان يجرو الناس معاهم لأعلى الجبال انت من تعاين لواحد في وشو بتلقى نفسك لا ارادياً تابعو وماشي وراهو لمن يوصلك الجبل فوق وقت قربنا ليهم ركنا العربيه ومشينا عليهم برجلينا مها كانت خايفه وماسكه فيني قوي قلت ليها يا مها م تخافي كدا بتروحينا والله نسيتي كلام الشيخ قال ما تظهرو خوفكم حتى لو كنتوا خايفين قالت لي طيب وهدت وبقت ماشيه معاي طبيعي جانا واحد منهم نور المصباح في وجوهنا وقال لينا منو انتوا ودايرين شنو عمو الشيخ قال ليهو ضيعنا الطريق عشان كدا قال لينا تعالوا الليله بيتوا عندنا عمو الشيخ قال ليهو كويس شكرا ليك سكت ساي ومشى قدامنا ماشين كدا شفنا عربية محمد كلنا وقفنا مخلوعين قلنا معناها محمد مسكوا عندهم طيب وينو بكونوا ودوهو وين، وقف عاين لينا طوالي مشينا وراهو دخلنا في ..