رواية نبض قلب
الفصل الخامس والعشرون25
بقلم دانيا
بعد ولصلنا واتكلمت مع خالتي وكل واحد اتكلم مع اهل بيتهم صلينا المغرب وبعدين اتعشينا في استراحه كدا في السوق ام الملكه قالت لينا اختي ساكنه في المنطقه دي ارحكم بيتوا معانا ، قلنا ليها لالا ح نبيت هنا عشان قايمين الصباح بدري انتوا اول شيء امشوا على اقرب مستشفي عشان بتك زواجر لسه م صحت وبعد تتلقى العلاج بعدها امشو بيت اختك قلنا ل حمد انت وصلهم المستشفى ودعتنا وشالت ارقامنا وقالت لينا ان شاء الله م اخر وداع قلنا ليها ان شاء الله عمو الشيخ اداها رقم شيخ رقيه شرعيه قال ليها بعد تتطلعوا من المستشفى خليها تتلقى جلسات علاج بالرقيه الشرعيه ودعناهم ومشوا .
محمد قال لينا متأكدين عاوزين تبيتوا هنا بيت صاحبي قريب لو عاوزين تمشوا هناك بترتاحوا اكتر ، عمو الشيخ قال ليهو لالا ياولدي احسن لينا هنا م عاوزين نزعج الناس في الليل دا قال ليهو تمام يا عم البتشوفو مناسب اهم حاجه راحتكم .
انا قلت ليهو ح تسلم متين قال لينا انا ح امشي هسي محل التاجر صاحب البضاعه ح افضي العربيه هنا وح ابيت في محل الشحن والصباح نتلاقه عشان نتحرك من هنا قلنا ليهو تمام .
قام دخل الاستراحه جوا حجز لينا سرير انا ومها جوا في محل الشاي وعمو وحمد برا جنب الباب ، دخلنا جوا وعمو كان بصلي برا في العشاء هو طلع فات وتاني جاء راجع جاب لينا بطانيه انا ومها كنا قاعدين جوا قال لينا لصقو السراير مع بعض واتغطوا بالبطانيه دي لانو بالليل الجو هنا ببرد وحمد لمن يجي اديهو الشال دا وعمو الشيخ يتغطى بالعمه حقتو مع ابتسامه كدا.
قلنا ليهو دي بطانيتك قال لينا ااي مها قلت ليهو وانت ح تتغطى بشنو؟ ، قال ليها اصحابي الكانو معاي قاعدين لسه م اتحركوا بسبب الشحن اتأخرو ح ادبر حالي معاهم ، يلا بعدا فتكم بعافيه ولو احتجتوا اي شيء ادوني خبر تصبحوا على خير وطلع فات.
قمنا مشينا انا ومها الحمامات استحمينا وجينا لقينا حمد جاء ورقد نام طوالي من شدة التعب
قعدنا نتونس مع مها قالت لي انتي بالجد اتحولتي جنب الباب عشان تعايني للمناظر وتستمتعي بالطبيعه قلت ليها طبعا والله كان المنظر حلو شديد فاتك بقت تضحك قالت لي وانا كمان استمتعت بالونسه قلت ليها قصدك شنو، طوالي حمد قال لينا هوي نوموا وخلوا الكلام الكتير بكره راجيكم مشوار طويل ، قلت ليها ورح ننوم يلا قالت لي جيبي البطانيه عاينت ليها باستغراب قلت ليها هسي دا وقت برد الجو