رواية نبض قلب
الفصل الحادي والعشرون21
بقلم دانيا
كلنا نظرنا بقى اتجاه عمو الشيخ مخلوعين وعم الهدوء المكان، قاطع الصمت دا حمد قال ليهو دي الملكه يا عمو الشيخ ، قلت ليهو حمد معاهو حق نحن كيف ننقذها من نفسها يعني؟ ، قال لينا هي م براها في قوه شيطانيه مسيطره عليها، امها قالت ليهو صاح والله م براها انا بتمنى اقدر اسوقها من هنا ونمشي نعيش حياتنا طبيعي زينا وزي باقي البشر ، قال ليها ابشري لكن في الحاله دي نحن م ح نطلع هسي نستنى وقت الطقوس وقت هم تبدأ طقوسهم نحن ح نبدأ خليكم جاهزين مع المصاحف وقال ل ام الملكه شيلي المويه المرقيه دي وامشي محل عربية محمد رشي العربيه بالمويه دي كلها وتعالي م تتأخري قالت ليهو كويس شالتها وفاتت قال لينا كدا حصنا العربيه من اللعنه ومن اي شيطان بعدا ح اقول ليكم الخطوه الجايه شنو نحن ح نقعد هنا هادئين لمن وقت الطقوس يجي ح يجوا يسوقونا ويودونا للملكه هناك نحن كلنا كل واحد يمسك مصحفو وح نشكل حله وح نقرأ سوره كذا وكذا وكذا وهم اكيد ح يحاولو يوقفونا لانو القران دا بحرقهم لكن هم ح يحاولوا يهجمونا باي شكل لكن نحن مهما حصل م ح نقيف وح نكمل لمن نحرقهم كلهم قلنا ليهو تمام ، قال لينا فضل كم قلنا ليهو فضل عشره دقايق قال لينا خلاص استعدوا شويه كدا وام الملكه جات عمو الشيخ قال ليها خلاص انتي امشي للملكه عشان لو جو م يشكو فينا طلعت مشت .
شويه كدا جوا خاشين علينا قالوا لينا الملكه عاوزاكم قلنا ليهم الملكه منو قالوا لينا هسي بتعرفوا يلا اطلعوا مها مسكت يدي قلت ليها م تخافي قربنا نطلع فضل البسيط طلعنا مشينا على الرغم من انو الدنيا ليل لكن كانوا في كل زاويه عندهم مصباح منور وخاتين كرسي كبير في محل عالي في ساحه وكلها مضويه واقفين كدا بعد شويه جات الملكه كلنا بقينا نعاين فيها مندهشين على الرغم من انها انسيه لكن حلوه شديد بالجد ملكه انا قلت في نفسي معقوله على سماحتها دي بتتقوى بدم الناس والله شيء غريب بقت تعاين لينا وتضحك بصوت عالي قالت اليوم يوم السعد يلا اول شيء نبدأ بالقربان لمن هبطنا طبعاً قصدها محمد عاينا ل عمو الشيخ كلنا قال لينا بسم الله نبدا مع قولة بسم الله حسينا بيهم كشو من الكلمه دي طوالي سريع قعدنا في الارض وشكلنا حلقه دائريه وقلنا اعوذ بالله من الشيطان الرجيم بسم الله الرحمن الرحيم طوالي قالت لينا اسكتوا وقالت ل اتباعها وقفوهم فتحنا