رواية نبض قلب
الفصل الثاني عشر12
بقلم دانيا
قال لينا يلا ياجماعه الساعه بقت وحده انا بعدا ماشي ، طلعنا معاهو برا ودعناهو وحضن امو وودعها بقت تبكي قال ليها لااا ياامي كدا بتبكيني معاكي ما تحسسيني وكأنو ما ح ارجع ، قالت لا ياولدي ما كدا لكن انتبه على نفسك وربنا يحفظك ويعدل طريقك مسك يدها وقال ليها انتي بس دعواتك ياامي وان شاء الله كل الامور بتتيسر عاين لينا وقال لينا اها ياجماعه ابقوا عافيه وامي بأمانتكم قلنا ليهو اطمئن ، وركب العربيه وتجاني اخوه مشى معاهو يوصلوا السوق محل العربيه .
وصل السوق ورتب امورو وخلاص عاوز يتحرك اتصل لي قال لي ح اتحرك من السوق والطريق طويل وفي اماكن م فيها شبكه عشان مثلاً لو اتصلتوا لي ولقيتو التلفون مقفول م تقلقوا علي بكون من الشبكه ، قلتا ليهو تمام وانتبه على نفسك وما تنسى وصية عم الشيخ قال لي تمام ، قلتا ليهو متواصلين معاك اذا في اي حاجه في اي وقت اتصل علينا فوراً قال لي تمام ما تخافي ، قلت ليهو على ما يبدو انا خايفه اكتر منك وبقينا نضحك وفجأة سكت وتاني قال لي دانيا قلت ليهو نعم قال لي شكراً ، قلت ليهو على شنو انا ماعملت شيء فقط قاعده انفذ وصيه المرحوم وبقيت اضحك هو سكت وتاني قال لي م مجبوره تخوضي المعركه لكن لو ماقلبك طيب م كان خضتيها ، في كلام كتير عاوز اقولوا لكن الوقت م بزعفني للاسف ، نحن طالعين بعدا وماتخافو انا ما براي في كم عربيه كلنا طالعين سوى ، قلت ليهو الحمد لله دي حاجه كويسه ، قال لي يلا مع السلامه لمن اصل محل استراحه بتصل ليكم تاني ، قلت ليهو تمام وقفل على كدا.
انا صليت الظهر وقعدتا كدا افكر ان شاء الله يصل بالسلامه ويرجع بالسلامه ، قلتا لخاتي رايك شنو نتصل للشيخ ونوريهو انو محمد طلع اتصلنا ووريناهو قال لينا كويس مابحصل عليهو شيء طول ما هو محافظ على صلاتوا والدعاء وقرائة القران ، لكن لو ظهرت ليهو الكائنات دي وخاف تاني الله اعلم يقدر يطلع منها .
خفنا بعد كلامو دا وقلنا ان شاء الله ما يحصل شيء مضى يومين وهو ماشي في الطريق مرا يخش الشبكه ومرا يطلع منها ومتواصل معانا
اليوم التاني دا الصباح قبل اطلع الجامعه كان متواصل معاي وقال لي حد الان م شفت اي شيء الحمد لله ، قلتا ليهو الحمد لله ان شاء الله ما تشوف اي شيء لمن ترجع بالسلامه قال ان شاء الله ، قال لي يلا بعدا قدامنا منطقه غابات وجبال م ح يكون في...