رواية نبض قلب
الفصل التاسع والعشرون29
بقلم دانيا
انا استلقيت على السرير وم قدرت انوم بقيت افكر اها يا دانيا المشوار خلص ورجعتي لحياتك الطبيبعيه بعدا ح يحصل شنو؟.
بقيت اسأل في نفسي، قلت خلاص بكره اول شيء امشي الجامعه اشوف الحاصل فيها شنو بغيابي، وبعد اجي راجعه الم حاجاتي وارجع بيتنا في شرق النيل ونمتا على كدا.
الصباح اصبح صليت الصبح واستحميت وطلعت قعدت مع ناس خالتي وبقينا نحكي ليها في الحصل معانا في الجبل مسكتنا وقعدت تبكي قالت لينا الحمد لله رجعتوا لي بالسلامه حبايب قلبي.
قالت ل مها صاحباتك جوني هنا بسألوا منك وقالوا امتحاناتكم قربت ، قالت ليها خلاص بكره بمشي المدرسه قالت ليها تمام.
انا قلت ليها يا خالتي انا الليله ح امشي الجامعه اشوف الحاصل شنو ، وبعد ارجع عاوزة امشي شرق النيل، قالت لي زياره ليه ماشه في نص الاسبوع انتظري يوم الجمعه نمشي كلنا ونرجع مع بعض يوم السبت .
قلت ليها م زياره يا خالتي ح اقعد هناك واداوم من هناك ، عاينت لي باستغراب قالت لي انتي كويسه يا بتي في زول ضايقك بحاجه ، حمد ازعجك ...؟ قلت ليها لا يا خالتي العفو مافي حاجه بس اشتقت لبيتنا وناس بيتنا قالت لي نحن كمان اهلك ودا بيتك لكن لو دا قرارك م مشكله يابتي اهم شيء راحتك لكن انتظري ليوم الجمعه على الاقل ، قلت ليها اليوم الاربع م بكره الخميس م عندي محاضرات ممكن امشي بكره قالت لي طيب يابتي لكن والله ح تخلي لينا البيت فاضي ، قلت ليها ح ازوركم على طول يا خالتي .
مها قالت لي م تمشي ياخ لسه عندي كلام كتير م قلتو ليك ونسة بنات يعني ، قلت ليها اتصلي لي في اي وقت وانا جاهزة اسمعك .
قعدت حبه للساعه تسعه بعدين مشيت الجامعه لاقيت صحباتي ساره ونهله قالوا لي وين انتي يازوله من اليوم الطلعتي متوترة تاني م شفناك ، قلت ليهم شويه امور في البيت م اكتر اها الحاصل شنو في غيابي قالوا لي م شيء مهم شويه محاضرات واعلنوا عن الامتحانات النهائيه ، حضرت المحاضرات وطلعت.
جيت البيت لميت حاجاتي وقعدت مع ناس خالتي كتير واتونسنا واتصلت لناس امي سلمت عليهم وقلت ليهم جايه بكره فرحوا لانو طولوا م شافوني.
المهم نمنا وبكره بعد الفطور قلت ل خالتي بعدا ح امشي قالت لي حمد يوصلك ، ابيت لكن اصرت علي ، ودعتهم وطلعت مشيت .
طول الطريق ساكته تلفوني اتصل عاينت لقيتو دا محمد لمن فكرت م ارد لكن تاني قلت