رواية نبض قلب
الفصل الرابع والعشرون24
بقلم دانيا
قال ليهو وعمو الشيخ كمان المسافه ليهو عاليه، عشان كدا هم يركبوا معاك ودانيا ومها يركبوا معاي ،قلت شنو؟ عاين لينا مسافه وقال ليهو تمام ، عمو الشيخ قال لينا والله ياولادي انا فخور فيكم ومبسوط منكم على الصبر والمجهود العملتوهو ماشاء الله عليكم بتكاتفكم وترابطكم قدرنا نحل الموضوع وكأننا على نبض قلب ، قلنا ليهو نبض قلب ؟ قال لينا كاننا قلب واحد ونبض واحد في اجساد مختلفه قلنا ليهو الحمد لله بفضلك ومجهودك وتعليماتك لينا وبفضل رب العالمين قدرنا نتخطى الصعاب .
حمد قاطع الكلام وقال يلا يا جماعه خلينا نتحرك عشان نصل قبل الدنيا تعتم قال لخالتو فاطمه اقعدي في الكرسي الورا عشان ننيم الملكه جنبك ونخت راسها في رجلينك ركبت وركبوا الملكه جنبها وعمو الشيخ ركب قدام حمد ماشي يركب فتح باب العربيه وبقى يعاين لينا قال ل محمد انتبه عليهم ، محمد قال ليهو معقول يا خوه م بتوصى عاوزين نركب محمد قال لينا دقيقه اشر ل حمد قال ليهو استنى لحظه طلع حاجات من صندوق العربيه قال ل مها وديها ليهم ، شالتها مشت بقيت اعاين ليهو قال لي م تستغربي اصحابي لمن يسافرو معاي محل ما نقيف نأخد راحه بقولوا ماشين بقالة محمد بقينا نضحك قلت ليهو كويس والله ، قال لي اركبي ح اجيب حاجات نأكلها في الشارع وبركب ، ركبتا جات مها ركبت جنبي وهو جاء ركب ودور خلاص ماشين بقيت انا في النص قلت ليهو ياالله منك شوف بقيت انا في النص قال لي مالو النص م عاجبك قلت ليهو م كدا لكن كنت عاوزة اركب جنب طرف عشان اعاين للمكان لآخر مره يمكن تاني م امر بهنا ، قال لي تعالي سوقي اتخلعت وبقينا نضحك قلت ليهو اسوق هينو ، مها قالت لي تعالي مكاني قمتا بدلتها ويلا ركبا الشارع الرئيسي ومشينا وانا بقيت بعاين للشارع ومستمتعه بالمنظر بقينا نتونس لمن وصلنا كانت الساعه خمسه قريب للمغرب .
لقينا شبكه بعد نزلنا في السوق في استراحه كدا انا اتصلت لخالتي طمنتها قالت لي والله نوم م بنوم الوقت كله بدعي ليكم وخايفه اها انتوا كويسين ومحمد معاكم قلتا ليها م تخافي محمد معانا وكلنا بخير بكره بنتحرك عليكم ، يا خالتي عاوزة اسألك م تكوني مشيتي لخالتو سلمى قالت لي والله مشيت لكن م قدرت احكي ليها لانو لقيتها عيانه شويه وابو محمد سافر مصر عشان كدا قلتا احسن م اكلمها قلت ليها الحمد لله يا خالتي عملتي عين العقل