رواية نبض قلب
الفصل الحادي عشر11
بقلم دانيا
قال لينا الليله وين من الصباح ما شايفكم انتوا الاتنين ؟ خالتي قامت ردت ليهو قالت ليهو رسلتهم سوق ليبيا عشان كدا قال ليها تمام ، قام خشى غرفتو ونادى ل مها قال ليها ختي الغداء انا طالع ، خالتي قالت ليهو متين جيت عشان تطلع بقيت ما بتقعد في البيت دا نهائي ما قاعدين نشوفك
قال ليها عندي صاحبي عمل حادث كنا معاهو في المستشفى واخو دا تعب من قعاد المستشفى عاوز امشي الليله انوب عنه عشان يمش يأخذ راحتو في البيت ، خالتي قالت ليهو ربنا يقوموا بالسلامه ان شاء الله.
طبعاً ما وريتكم ود خالتي دا اكبر مني ومن مها عصبي شديد واتجاه واحد عشان كدا لمن نلقاهو مافي في البيت بنقول الحمد لله
المهم اتغدا وطلع ونحن قعدنا اتونسنا شويه وقلنا لخالتي بكره نمشي الساعه 11 عشان نتعرف على امو قالت لينا تمام مافي مشكله بالجد خالتي حنان دي اكتر واحده بحبها زوله متفهمه وبتحب الخير طيبه شديد
قمنا صلينا العشاء كلنا سوء وقعدنا ندعي لمحمد وبعدين اي زول فات نام .
فتحت الواتساب شويه قبل ما انوم وبعدين نمتا الصباح صحينا بدري برضو صلينا الصبح كلنا التلاته مع بعض وبعدين قعدنا ندعي انو نخلص من المصيبه دي
قمنا جهزنا الشاي شربنا وبعد شويه بقينا على الفطور عشان مارقين فطرنا وطلعنا عشره ونص وصلنا المكان القال محمد نستناه فيهو بعد خمسه دقايق محمد جاء سلم علينا خالتي من شافته بقت تبكي قالت لينا دا محمد يا حلاتي صغير ربنا يحفظه ويخليه لاهلو يارب قلنا ليها اللهم امين لكن ما تبكي عشان تبكينا معاكي هسي بنفتح بيت عزاء هنا محمد بقى يضحك قال لينا يا جماعه انتوا كدا بتخوفوني معقول في احتمال اموت وما وريتوني خالتي قالت ليهو اسكت بعيد الشر يا ولدي.
طبعاً محمد ابكبر مني بسنتين واكبر من مها بأربعه سنه
مها بقت تضحك قالت ليهو ما تؤاخزنا امي عاطفيه شويه عاين ليها وقال ليها ربنا يحفظها حنينه ياخ
قال لينا خلاص ارح الزمن طلع جاي بعربيه صغيره ركبنا خمسه دقايق وصلنا بيتهم ما بعيد .
مشينا فعلاً طلع صاح كلامو امو حنينه ووشها بشوش استقبلتنا وكأنها بتعرفنا وفضلتنا وقعدت اتونست معانا وهي وخالتي جرو ونسه طويله وكأنهم بعرفوا بعض بعد شويه جوا اخوانو واخواتو من المدرسه سلمنا واتعرفنا عليهم والله بالجد عائلتوا كلها ظريفه حبيتهم
يلا للساعه واحده كدا قال هو خلاص ماشي العربيه كان خاليها في السوق عشان الشحن