رواية نبض قلب
الفصل السابع7
بقلم دانيا
اتصدمت من الكلام البتسمو دا قالت لي اكيد بتهلوسي كيف يعني زول يقدر يحكي مع الميتين ! عاينت ليها بتمعن وقلت ليها دا الحاصل دا كله هين انا محتاره وم لاقيه حل للمشكله قالت لي لو كلمتي الناس ديل م ح يصدقوك ورح نفتش عن الشيخ دا اكيد ح نلقاهو قلت ليها الشيخ دا نحن رقمو م معانا ح نلم فيهو كيف قالت لي طيب هو ليه م اداك رقم الشيخ قلت ليها ما بعرف وكمان تاني م ظهر لي في المنام دي اكيد خدعه ما اكتر قالت لي ما خدعه يابت السحر دا موجود من زمن سيدنا سليمان معرف انو السحر والسحره والاعمال الشيطانيه دي موجوده .
قالت الشيخ ساكن وين قال قلت ليها في جبل اوليا دار السلام ، قالت لي ايواه لقيت الحل بخلعه وبفرح قالت لي لقيت الحل لانو صاحبتي ساكنه هناك خلينا نسألها يمكن بتعرفو او سمعت بيهو قلت ليها حلو واخيرا لقينا زول من هناك مشت جابت تلفونها واتصلت لصاحبتها وقالت ليها عاوزه اسألك من شيخ بابكر ساكن في نفس حيكم دا ، قالت ليها الشيخ دا قالوا سافر السعوديه او الامارات حاجه بالشكل دا سمعت الحريم كانوا بتونسو قالت ليها مافي زول عندو رقمو قالت م بعرف والله بفتش ليكم
المهم نمنا على كدا والصباح طلعنا بت خالتي مشت المدرسه وانا مشيت الجامعه وبعد الظهر اتلاقينا تاني في البيت العصر كدا اتصل لي محمد قال لي مسافر بعد بكره وقلت ممكن اشوفك قبل امشي قلت ليهو بتردد شنو مسافر مسافر كيف يعني لمن اتخلع قال لي ماشي مشوار بالعربيه مالك انتي كويسه !؟ قلت ليهو ااا ااي كويسه انا قصدي مش قلت قدامك اسبوع قال لي والله جاني مشوار للغرب اتجاه الجنينه كدا وانا وافقت لانو اصلا القعاد م منو فايده ، قلت طيب انا لازم اشوفك قبل تسافر قال لي تمام بكره الساعه كم قلت ليهو بعد الظهر قال لي تمام وقلتا منو على كدا.
قلت لبت خالتي تعالي واقفلي وراكي الباب جاتني قالت لي مالك انتي كويسه قلتا ليها محمد قال مسافر بعد بكره ، قالت لي ياالله والله دي مشكله طيب نعمل شنو نحن لحد الان الشيخ م لمينا فيهو قالت لي طيب وريهو الحقيقه قلت ليها مابقدر يمكن م يصدق
اثناء مانحن بنتكلم صاحبت بت خالتي اتصلت ليها قالت ليها جبتو رقمو الجديد ملتها الرقم وقفلت منها ياسلام فرحنا شديد لانو واخيرا قربنا نصل شلنا الرقم دخلناهو الواتساب لانو رقم عالمي رسلت ليهو السلام عليكم كان منشط طوالي اتصلت عليهو م رد لي حاولت كتير م رد ونحن