رواية نبض قلب
الفصل العشرون20
بقلم دانيا
طلعنا ماشين وهي متقدمه لينا قربنا نطلع من جوا الجبل صادفنا اتنين واقفين وبعاينوا لينا اتصدمنا طوالي وقفنا ، خلاص تاني م عارفين الحصل علينا شنو فجأة حسيت بقطرات مويه باره بتنزل على وشي فتحت عيوني لقيت ام الملكه واقفه فوق لي وماسكه إناء فيهو مويه عاينت حوالي لقيت نفسي جو الجبل في نفس المحل الطلعنا منو قمتا قعدتا شايفاها بترش مويه على باقي الجماعه عشان يصحوا ، كلهم فتحوا وطبعاً كلهم مخلوعين ومصدوين قلتا ليها نحن مش كنا طالعين اتزكرت انو شفنا اتنين كانوا قافلين الشارع وبعاينوا لينا تاني م متزكره شيء ، قالت لينا الجماعه الشفتوهم برا ديك هم الجابوهم هنا من غير ما تحسو ونوموكم فتره طويله عاينا لتلفوناتنا لقينا الساعه تسعه مساء بقينا مخلوعين وكل واحد بعاين للتاني قلنا ليها نمنا يوم كامل قالت لينا ااي ، عمو الشيخ قال ليها يعني زمن طقوس الجن قرب فضل ليها ساعتين لازم نطلعوا من هنا قالت ليهو والله طلعتكم من هنا بقت صعبه ومستحيله عديل وكمان حتى لو طلعتوا انتوا عاينت ل محمد قالت الود دا م ح يقدر يطلع لانو مقدم قربان للملكه واسمو مكتوب عندها في اللوح، كلنا سكتنا وبقينا بنعاين ل محمد ، هو كان مدنقر راسو رفع راسو وبقى يعاين لينا قال لينا يا جماعه انتوا والله م قصرتوا وتعبتوا كتير عشاني وحتى عرضتوا حياتكم للخطر عشاني ويكتر خيركم بس هسي حاولوا اطلعوا عمو الشيخ قاطع كلامو وقال ليهو مافي كلام زي دا نحن م ح نطلع إلا وانت معانا ، قاطعت كلامو ام الملكه وقالت ليهو ان شاء الله تقدرو ، قال ليها ممكن تجيبي لي مويه قالت ليهو كويس وطلعت جابت المويه في قدر زي الكوره النحاسيه المهم ختاها قداموا وبقى يرقي فيها قال ل ام الملكه انتي امشي راقبي برا لو جاء واحد منهم نبهينا قالت ليهو كويس وطلعت برا الساعه بقت عشره ونص هو لسه قاعد يرقي ويدعي ، بعد شويه قامت جات قالت لينا اها الزمن قرب كانت الساعه 11 فضل ساعه الشيخ قال ليها خلاص ح نتحرك بعدا، انا عاينت ليها كدا قلت ليها ورح معانا انتي زاتك عاينت لي بحزن قالت لي ياريت طوالي عمو الشيخ قال ليها ممكن تطلعي معانا عادي، قالت ليهو قلب الام انا م بقدر امشي واخلي بتي الوحيده بين الشواطين ديل وحتى لو قررت اطلع ح يجيبوني اكيد، قام قال ليها بتك انس م جن صاح هي زاتها ممكن تجي معانا.
كلنا انظارنا