رواية نبض قلب
الفصل الثالث3
بقلم دانيا
اتصلت للود محمد م رد على المكالمه ، قلت يمكن مشغول ، قعدت اتصفح دخلت واتساب لقيتو م منشط من امس الساعه عشره مساء.
وانا خلاص خفتا واتوترت لانو المغرب جاء والدنيا بدت تضلم،مشيت اتوضيت وصليت المغرب وقعدت مسافه ادعي ،وديت للعم بالرحمه واتمنيت تاني م يظهر لي في المنام.
قعدتا مع ناس امي اتونسنا للساعه عشره
سالت امي قلت ليها ياامي لو زول مات عادي ممكن يظهر ليك في المنام حتى لو ما بقربك وم ببقى ليك وبتعرفو شديد ؟
قالت لي ممكن يظهر في حال بكون محتاج منك دعوه ، صدقه ، او يمكن مات لكن م قنعان من الدنيا لسه عندو فيها حاجه!
انا هنا بقيت سرحانه وبفكر ياربي العم دا داير شنو من ديل؟!.
طيب حتى لو داير حاجه انا م بعرفو وم ببقى ليهو اختارني ليه من دون الناس؟.سرعت بعيد امي قامت ضربتني في كتفي قالت لي سرحتي وين شفتي منام ول شنو اخواتي بقوا يضحكوا قالوا ليها يمكن شافت.
قلت ليهم م شفت حاجه قريت روايه وحبيت اتأكد يلا عن اذنكم ماشه انوم ، دخلت الغرفه وانا بفكر في كلام امي.
مشيت اتوضيت وجيت صليت ركعتين وقعدتا افكر انا المره دي لو ظهر لي بسألو داير شنو هو؟
نمتا في السرير وشلت تلفوني فتحت الواتساب لقيت محمد لسه م نشط .
قفلت الشبكه ونمتا خلاص غطيت في سابع نومه ، اشوف ليك الزول قاعد في الكرسي ولابس جلابيه بيضاء ، وكان بقول لي يا بتي العربيه دي ح تقتل محمد ، انقزي محمد من العربيه.
قلت ليهو عربيه شنو وانت ليه ما بتنقذو بنفسك وليه بتظهر لي انا بزات ؟ انا م بعرفكم لمتني فيكم صدفه بس.
قال لي انا عم محمد الاكبر من ابوه ، محمد اكبر اخوانوا انا لو حكيت لأبوه او اموه يمكن يكرهوني ، ولو حكيت لمحمد برضو يمكن يكرهني عشان كدا كان لازم اختار فرد من برا وفي نفس الوقت يكون فيهو الخير وما بتمنى الاذى للغير، وانا شفت فيكي الحاجه دي واكيد ح توصلي لسر العربيه وتنقزي محمد .
انا قلت ليهو عربيه شنو والحاصل شنو.....