رواية نبض قلب
الفصل الرابع4
بقلم دانيا
قال لي انقذي محمد من العربيه ، انا اتخلعت قلت ليهو عربية شنو!؟ قال لي محمد سايق عربيه هينو زد اس حقتهم حقت ابوه ، بسوقها بودي بيها مشاوير بضائع بسافر بودي وبجيب بضائع.
يابتي القصه من بدايتها انا عم محمد الاكبر من ابوه ، كان زمان عندي حلم واحد في بت دايرها وبحبها وسافرت عشان اجهز واجي اتزوجها ، لكن ما صارحتها ولا كلمت زول بيها بس الموضوع كان بيني وبين نفسي ، سافرت واشتغلت وتعبت بس بعد خلاص قربت اكون نفسي لكن اتعكست معاي الامور وتاني رجعت اشتغلت من جديد في حته تانيه
وهنا اخوي يوسف كان شغال في تجاره المواشي والزراعه ماشاء الله طلع مرزق وحظو حلو .
سمعت انو داير يعرس انا قلت لازم انزل السودان احضر عرسو جيت السودان قبل العرس بأسبوع وكانت المفاجأة والصدمه بالنسبه لي انو العروس كانت نفس المره الانا سافرت عشانها ، انا اتحطمت كليا لكن م اظهرت الحاجه الجواي دي لاي زول وفي اللحظه دي حسيت نفسي عديل بكره اخوي يوسف دا.
العرس تم وانا رجعت تاني سافرت للمكان الكنت شغال فيهو وانا منهار وتعبان جيت راجع السودان بعد خمسه سنه وكان اخوي عندو ولد ياهو محمد دا عمرو تلاته سنه .
كل ما اشوفو مع سلمى بغضب شديد وبعد سنه امي فتحت لي موضوع الزواج كنت رافض لكن هي كانت مصره تتكلم فيهو دائما ، قلت خلاص عشان اخلص من كلامها الكتير اوافق اتزوج.
قلت ليها خلاص شوف البت البتعجبك وانا بوافق عليها ، مشت خطبت لي بت عمي وبعد شهرين اتزوجتها ولسوء حظي م انجبت لي اولاد ، مضو سبعه سنه ويوسف كان عندو تلاته اولاد ولدين وبت وانا ماعندي وكنت بحسدو شديد على النعمه دي اول شيء مرزق في عملو وكمان عندو زريه وانا دائما معاكسات وما انجبت.
يوسف وضعو بقى ممتاز واشترى العربيه الهينو و كان شغال بيها مشاوير وبتزكر كان بسوق معاهو محمد عشان يتعلم كان عمرو 15 سنه ،
كان وضعهم كويس ومحمد وقت دخل الثانوي قرأ لحد تانيه وخلى المدرسه وبقى يطلع مشاوير بالعربيه بدال ابوهو .
انا امي كانت بتقول لي عرس تاني لكن حلفت ما اعرس كنت بس مركز على حياه اخوي يوسف بقى عندو سته من اولاد لبنات وانا لسه.
في يوم قررت الا اضرو واخرب عليه ومشيت تابعت موضوع الشيوخ والاسحار ما خليت شيخ مشيت اخر شيء لشيخ قلت ليهو العربيه والولد البكر اخوي دا لازم يخسرهم قال لي .